የባህርዳር ሹማምንት በከፍተኛ ሙስና ተዘፍቀዋል ተባለ

ኢሳት ዜና:-ለአቶ በረከት ስምኦን የተጻፈ ሚስጢራዊ ደብዳቤ እንዳመለከተው በባህርዳር ከተማ ከንቲባ በአቶ ፋንታ ደጀን አማካኝነት በርካታ ወንጀሎች እየተፈጸሙ ናቸው።

ደብዳቤው በብአዴን ውስጥ ሁለት በጥቅም የተሳሰሩ ቡድኖች መፈጠራቸውን ያመለክታል። አንደኛው ቡድን ደጀኔ ሽባባው በተባለው የብአዴን ጽሀፈት ቤት ሀላፊ የሚመራ ሲሆን በዚህ ቡድን ውስጥ የገቢዎች ጽህፈት ቤት ሀላፊ የሆነው ክብረት ሙሀመድ፣ የከተማ አግልገሎት የቴክኒክ ዘርፍ ምክትል ስራ አስኪያጅ አቶ ፍቅር መኮንን፣ የቤቶች ልማት ስራአስኪያጅ አቶ ክንድይሁን እገዘው፣ የንግድና ትራንስፖርት ጽ/ቤት ሀላፊ አቶ መንግስቴ አምሳሉ እና የጥቃቅን ምክትል ሀላፊ አቶ ሙላቱ ጸጋየ ይገኙበታል።

አቶ ስማቸው ወንድማገኘሁ በተባለው ሰው በሚመራው ቡድን ደግሞ የሲቪል ሰርቪስ ጽ/ቤት ሀላፊው አቶ ቢያድግልኝ አድምጠው፣ የጥቃቅን ጽህፈት ቤት ሃለፊ አቶ ንበረት ታፈረ፣ የገንዘብ ጽ/ቤት ሃለፊ አቶ ፍትሀነገስት በዛብህ፣ የከተማ አገልግሎት ዘርፍ ምክትል ስራ አስኪያጅ አቶ ፋሲል ሙሉ፣ የትምህርት ጽ/ቤት ሃለፊ አቶ ሙሉቀን አየሁ፣ የፍትህ ጽ/ቤት ሀላፊ አቶ ነጋ ተመስገን፣ የከንቲባ ጽ/ቤት ሃለፊ አቶ አላዩ መኮንን፣ የጤና ጽ/ቤት ሀላፊው አቶ ወርቅነህ ማሞ፣ የትምህርት ጽ/ቤት ምክትል ሃለፊውን አቶ ሙለጌታ ካሳ እና የከተማዋ ም/ቤት ም/ል አፈ ጉባኤዋ ወ/ሮ አበባ ካህሊው ይገኙበታል።

ሁለቱ ቡድኖች የዘጌና የደቡብ ጎንደር በሚል የሚታወቁ ሲሆን በቡድኖቹ መካከል ከፍተኛ የሆነ የጥቅም ትስስር መኖሩ ተገልጿል።በደብዳቤው ላይ እንደተገለጸው በ2004 በተደረገው ግምገማ አቶ ሰማቸው ወንድማገኘው ያለአግባብ በተለያዩ እህቶቹና ወንድሞቹ ስም  ሁለት ኮንዲሚኒየም ቤቶችን መግዛቱ ፣   ሁለት ቪላ ቤቶች መስራቱ ፣  በደብረታቦር ከተማ ውስጥ በራሱ ስም አንድ ቤት እያለው በተሳሳተ መረጃ  200 ካ.ሜ ቦታ መውሰዱ፣ በባህርዳር ከተማ 200 ካ.ሜ ቦታ ወስዶ በት መስራቱ ተጠቅሷል።ፀረ ሙስና ኮሚሽን በግለሰቡ ላይ ምርመራ ጀምሮ የነበረ ቢሆንም በከንቲባው በአቶ ፋንታ ደጀን ጫና ምርመራውና ክትትሉ እንዲቆም መደረጉ ተጠቅሷል።  መረጃውን ያጋለጡ ግለሰቦችም አደገኛ በሆነ መንገድ ክትትል እየተደረገባቸው ከመሆኑም ባሻገር በግልፅ እረፉ አየተባሉ የማሳደድ ስራ እየተሰራባቸው እንደሚገኝ ተመልክቷል።

አቶ ፋንታና አቶ ስማቸው በከተማው  ውስጥ የዝርፊያና የአፈና የአመራር ቡድን እንዳደራጁ የተጠቀሰ ሲሆን ፣ ከከተማው አመራር በስተጀርባ ሆነው የገንዘብ ድጋፍ የሚያደርጉ፣ የዲፕሎማሲ ስራ የሚሰሩና የበላይ ጠባቂ  ሆነው ቡድኑን የሚያጠናክሩ ነጋዴዎች፣ የክልል አመራሮች እና ስራቸውን የረሱ የሚመስሉ የፌዴራል ደኅንነቶች እንዳሉበት ደብዳቤው ይጠቅሳል።

በብአዴን አባላት የተጻፈው ደብዳቤ በመጨረሻም “በክልሉ የሚታየው አካሄድ  ስርዓቱንም ሆነ ህዝቡን እየጎዳ ያለና የሰማዕታትንም ደም ከንቱ የሚያስቀር በመሆኑ . ፍትህ የጠፋበትንና ዝርፊያ የተበራከተበትን ከተማ ለህዝባችን ነፃነትና ጥቅም መከበር ሲሉ በተሰውት አእላፋት ጓዶቻችንና ከሁሉም በላይ በቅርብ ቀን ባጣነው ባለራዕይውና ቁርጠኛ ክቡር መሪያችን ስም ችግሩን በመፈተሽ ነፃ እንደምታወጡትና የህዝባችንንም ጩኸት እንደምትመልሱት ተስፋ በማድረግ ነው” በማለት ገልጿል።

ሚስጥራዊ ደብዳቤውን ሙሉ ለማንበብ እዚህ ይጫኑ21-12-2012 ሚስጢራዊ ደብዳቤ

የኦርቶዶክስ ተዋህዶ እምነት ተከታዮች ነገ ድምፃቸውን ያሰማሉ

ኢሳት ዜና:-<<ከፓትርያርክ ምርጫ በፊት እርቅና ሰላም ይቅደም>>በሚል መሪ ሀሳብ የ ኢትዮጵያ ኦርቶዶክስ ተዋህዶ እምነት ተከታዮች በመጪው እሁድ ከቅዳሴ በሁዋላ የተቃውሞ ድምፃቸውን እንዲያሰሙ ጥሪ ቀረበ።

ደጀ ሰላም እንደዘገበው ላለፉት 20 ዓመታት በውግዘት የተለያዩ አባቶች አንድ እንዲሆኑ፣ አንዲት ቤተ ክርስቲያን፣ አንድ አስተዳደርና አንድ ቅ/ሲኖዶስ እንዲኖር ለማድረግ ሲካሄድ የሰነበተው የእርቀ-ሰላም ሂደት በመልካም ውጤት ሊጠናቀቅ ጫፍ ላይ በደረሰበት ጊዜ፤ የታየውን የተስፋ ጭላንጭል በሚያዳፍን መልኩ በጥቂት የቅ/ሲኖዶስ አባላት ግፊት 6ኛ ፓትርያርክ ለመሾም “አስመራጭ ኮሚቴ” ተቋቁሟል።

“የቤተ ክርስቲያኔ ጉዳይ ያገባኛል” የሚሉ ምእመናን በሙሉ ውሳኔውን በጽኑዕ በመቃወም ላይ ይገኛሉ>> ያለው ድረ-ገጹ፤ይህንን “ከኮምፒውተር ጀርባ” እና በስልክ የሚደረግ የኢንተርኔት ተቃውሞን መልክ ለመስጠት፤ በመጪው እሑድ፣ ቅዳሴ ካለቀ በኋላ በየአጥቢያችን በመሰባሰብ  ሐዘናችንንና መከፋታችንን እንዲሁም በውሳኔው ማዘናችንን ለቅዱስ ሲኖዶስ አባላት ለመግለጽ መሰባሰብ ይኖርብናል>>ብሏል።

<<ሰንበት ት/ቤቶች፣ ማኅበራት፣ ሰንበቴዎች እና ምእመናን በሙሉ ከሚያውቋቸው ሰዎች በመጀመር ለእሑዱ ቀጠሮ መያዝ እና የመሰባሰቡን ሁናቴ መልክ መስጠት መጀመር ይኖርባቸዋል>>ያለው ደጀ ሰላም፤ << ዓላማችን አንድ ነው። እርሱም <<ስብስባችንን የሚጠሉ ሰዎች በፖለቲካ በማሳበብ በመንግሥት ዱላ ለማስደብደብ የሚያደርጉት ሙከራ እንደሚኖር ስለምናውቅ ከወዲሁ ለሚመለከተው ሁሉ ዓላማችንን መግለጽ እንፈልጋለን። መነጋገር የምንፈልገው ከቅ/ሲኖዶስ አባላት ብፁዓን አባቶች ጋር ነው።>> ብሏል።

<<ባልመረጥነው መጂሊስ አንተዳደርም፣ መንግስት የማንቀበለውን የ አህባሽ አስተምህሮ በሀይል አይጫንብን!>> በማለት  እጅግ በርካታ የ እስልምና እምነት ተከታዮች ያነሱት ተቃውሞ መፍትሔ ሳያገኝ  አንደኛ ዓመቱን እያስቆጠረ ባለበት በአሁኑ ጊዜ ከፓትርያርክ ምርጫ ጋር በተያያዘ  መንግስት  በቤተክርስቲያን አስተዳደር ውስጥም ጣልቃ መግባቱ የኦርቶዶክስ ተዋህዶ እምነት ተከታዮችን ለተመሣሳይ ተቃውሞ እንዳይጋብዛቸው ተፈርቷል።

በስደት የሚገኙት አራተኛው ፓትርያርክ ብጹዕ ወቅዱስ አቡነ መርቆሬዎስ ከነ ሙሉ ስልጣናቸውና ክብራቸው ወደ መንበራቸው እንዲመለሱ በፕሬዚዳንት ግርማ ወልደ ጊዮርጊስ አማካይነት ደብዳቤ ከተፃፈ በሁዋላ፤ ውሳኔው እንደገና እንዲቀለበስ መደረጉና መንግስት አቡነ መርቆርዮስ ፓትርያርክ ሆነው እንዲመጡ ፍላጎት የለውም መባሉ ይታወሳል።

ይህንንም ተከትሎ በ ኢዮሩሳሌም የ ኢትዮጵያ ኦርቶዶክስ ተዋህዶ ቤተ-ክርስቲያን ሊቀ-ጳጳስ የሆኑትን አቡነ ማትያስን ለማስሾም እየተንቀሳቀሰ  እንደሆነ በተለያዩ ብዙሀን መገናኛዎች ተዘግቧል።

በዚህም ሳቢያ ቤተ ክርስቲያንን ወደ አንድ ለማምጣት የተጀመረውናታላቅ ተስፋ የታየበት የእርቀ-ሰላም  ጥረት እየተደናቀፈ ነው መባሉ ብዙዎችን የቤተክርስቲያኒቷን ምዕመናን እጅግ ያሳዘነ ሆኗል።

<<ከፓትርያርክ ምርጫ በፊት እርቀ-ሰላም ይቅደም >>በሚል መሪ ሀሳብ እሁድ ከቅደሴ በሁዋላ ለሚደረገው ተቃውሞ በተለያዩ ማህበራዊ ገፆች ጥሪዎች እየተላለፉ ነው።

የብሔራዊ ቡድን ተጫዋቾች አድማ በመቱ ማግስት- መንግስት ለተጫዋቾቹ ጥያቄ ምላሽ እንደሚሰጥ ቃል ገባ

ኢሳት ዜና:-ከ 31 ዓመታት በሁዋላ ለአፍሪካ ዋንጫ ያለፉትና በመጪው ጥር ወር በደቡብ አፍሪካ በሚካሄደው የአፍሪካ ዋንጫ ውድድር የተሻለ ውጤት ያስመዘግባሉ ተብለው ተስፋ የተጣለባቸው የኢትዮጵያ ብሔራዊ እግር ኳስ ቡድን አባላት ከክፍያና ከአንዳንድ ጥያቄዎች ጋር በተያያዘ አድማ የመቱት ከጥቂት ቀናት በፊት ነበር።

ዋልያዎቹን  አድማ ለመምታት ያነሣሳቸው፤ ቀደም ካለ ጊዜ ጀምሮ እስካሁን ድረስ በእግር ኳስ ፌዴሬሽኑ በኩል  የተደረገላቸው ምንም ዓይነት ድጋፍ አለመኖሩ፤እንዲሁም  በሽልማት መልክ ቃል የተገባላቸውን ገንዘብ ሊያገኙ አለመቻላቸው ጭምር ነው።
<<ሌላው ቀርቶ አሁን  ተቃውሞ ባደረግንበት ጊዜ እንኳ ችግራችሁ ምንድነው ?ብሎ ቀርቦ ያነጋገረን የለም>>ሲሉ ተደምጠዋል-ተጨዋቾቹ።
የአፍሪካ ዋንጫ ሊጀመር ከ1 ወር ያነሰ ጊዜ በቀረው በአሁኑ ወቅት ተጫዋቾቹ አድማ መምታታቸው ያስደነገጠው  የኢትዮዽያ እግር ኳስ ፌደሬሽን አርብ ዕለት አስቸኳይ  ስብሰባ በመጥራት ከተጨዋቾቹ ጋር ተነጋግሯል።

በስብሰባው  ላይ በብሄራዊ ቡድን ተጫዋቾች ከተነሱት ጥያቄዎች መካከል፤  <<ከሱዳን ጨዋታ በፊት ቃል የተገባልን የገንዘብ ሽልማት ዘገይቷል>> የሚለው ቅሬታ እንደሚገኝበት የራዲዮ ፋና ዘገባ ያመለክታል።

ከዚህም በተጨማሪ፦<< በሚሰጠን ገንዘብ የጋራ መኖሪያ ቤት መግዛት እንድንችል ከሚመለከተው አካል ጋር ተነጋግራችሁ ምላሽ ይሰጠን>> የሚል ጥያቄ ማቅረባቸውም ተሰምቷል።

የፌዴሬሽኑ ተቀዳሚ ፕሬዚዳንት አቶ ተካ  አስፋው፤ ፌዴሬሽኑ ለሽልማቱ የዘገየው በወቅቱ በካዝናው ተቀማጭ ገንዘብ ባለመኖሩ እንደሆነ በመጥቀስ ፥ በአሁኑ ወቅት ግን ስራ አስፈጻሚ ኮሚቴው ስለወሰነና ገንዘብም ስለተገኘ ሽልማቱ እንዲሰጥ መወሰኑን አስረድተዋል ።

በዚህም መሰረት የሽልማቱ ጣሪያ 100 ሺህ ብር ሆኖ ከቤኒኑ ጨዋታ ጀምሮ ቋሚ ተሰላፊ ሆነው የቀጠሉ ተጫዋቾች ከፍተኛውን ሽልማት እንደሚያገኙ  ፥ ሌሎችም እንዳበረከቱት አስተዋጽኦ በየደረጃው የሽልማቱ ተቋዳሽ እንደሚሆኑ አመልክተዋል።

<<የጋራ መኖሪያ ቤትን በተመለከተ የሚመለከተው፤ የአዲስ አበባ ከተማ አስተዳደርና በስሩ ለዚህ ጉዳይ የተቋቋሙ ተቋማት ናቸው>> ፤ያሉት አቶ ተካ <<ለዚህ የተጫዋቾቹ  ጥያቄ የፌዴሬሽኑ ምላሽ ፦ተቋማቱ በደንብና መመሪያቸው መሰረት ምላሽ የሚሰጡ ይሆናል  የሚል  ነው >> ብለዋል።

ESAT Weekly News 23 December 2012 Ethiopia

“የኢትዮጵያ ሕዝብ ሆይ! የኢሮብ ሕዝብ የድረሱልኝ ጥሪውን እያስተጋባልህ ይገኛል” – የኢሮብ መብት ተሟጓች ማህበር

                               የኢሮብ መብት ተሟጓች ማህበር (ኢመተማ)                                                                        ጥሪ ለ፦
       መላው የኢትዮጵያ ህዝብ
        ኢትዮዽያ መንግስት
        ኢትዮጵያ አገር መከላከያ ሠራዊት
        ኢትዮጵያ ፖለቲካ ፓርቲዎች
       ኢትዮጵያ የሲቪክና ሙያ ማህበራት

ኢመተማ ድምጽ አልባ ለሆነው ለኢሮብ ህዝብ መብት ለመሟገት የተቋቋመ የሲቪክ ማኅበር ሲሆን በኢትዮጵያ ሁሉንም ባለ ድርሻ ያለ
ምንም አድልዎ በእኩልነት ለማስተናገድ የሚችል ዴሞክራሲያዊ ሥርዓት እንዲሰፍን በሚደረገው ትግል የበኩሉን ድርሻ የማበርከት
ዓላማ ያለው ማኅበር መሆኑ ለሁሉም ግልጽ ለማድረግ ይወዳል።
ከዚህም በተጨማሪ ከተመሠረተበት ጊዜ ጀምሮ በአሁኑ ጊዜ ፊት ለፊት አፍጦ የመጣውና የኢሮብ ብሔረ-ሰብ ህልውና እጅጉን
የተፈታተነው የኢትዮ-ኤርትራ የድንበር ውዝግብ ተብሎ የሚጠራውን የድንበር ጉዳይና ከወረራው ዕለት ጀምሮ በየጊዜው ውዝግብ
ከተፈጠረባቸው የኢትዮጵያና ኤርትራ ድንበሮች በሻዓቢያ እየታገቱ ተወስደው መዳረሻቸው ስላልታወቀው ኢትዮጵያዊያን በርከት ያሉ
መግለጫዎችን ሲያወጣ ቆይቷል። ሆኖም እስከ ዛሬዋ ዕለት ድረስ ጆሮ የሰጡንና ጮኸታችንን የሰሙን ኢትዮጵያዊያን ቁጥር
ከሚጠበቀው በታች ሆኖ አግኝተነዋል። የኢትዮጵያ መንግሥት እንደሆነ ጭራሽ ጆሮ ዳባ ልበስ ብሎናል።
የአገር ጉዳይ የጋራ ጉዳያችን ነውና የምንመሰጋገንበት ባይሆንም ከፖለቲካ ድርጅቶች ውስጥ፤ ጩኸታችንን አድምጦ ላስተጋባልንና
የድንበር አከላለልን አስመልክቶ የአልጀርሱን ስምምነት እንደማይቀበለው በፕሮግራሙ ውስጥ በግልጽ ያስቀመጠውን “ዓረና ትግራይ
ለሉዓላዊነትና ዴሞክራሲ”ን ለማመስገን እንወዳለን። ከመገናኛ ብዙሀን ደግሞ ምን ጊዜም ለጮኸታችን ዋጋ በመስጠት ያለ ማወላወል
ሁሉም መግለጫዎቻችንን በማስተናገድ አገራዊና ህዝባዊ ግዴታቸውን የተወጡትን, እነ www.ethiomedia.com የመሳሰሉትን ድረ-
ገጾችን እያመሰገን ሌሎች ድረ-ገጾችም የነሱን አርአያ ተከትለው የምናወጣቸው መግለጫዎችን እንዲያስተናግዱ፣ እንጠይቃለን።
እንዲሁም የፖለቲካ ፓርቲዎች ነገሩ የአገርና የህዝብ ጉዳይ ስለሆነ፣ የኢሮብ ብሔረሰብም የኢትዮዽያ ህዝብ ኣካል ነውና ትኩረት
እንድያደርጉበት ጥርያችንን እናቀርባለን።
ወደ ዋናው ጉዳያችን ከመግባታችን በፊት ኢሮብ የሚባል ህዝብና አከባቢ የት እንደሚገኝ ለማያውቁት ኢትዮጵያዊያን ወገኖቻችን
ትንሽ ማብራሪያ እናስፍር። ኢሮብ በሰሜን ኢትዮጵያ በሰሜን ምሥራቅ ዓጋመ ውስጥ የሚገኝ  አከባቢ ነው። ይህ አከባቢ የኢትዮጵያ
ታሪክ ከተመዘገበበት ጊዜ ጀምሮ ከኢትዮጳያዊነት ውጭ የሆነ ታሪክ የሌለው ከመሆኑም በላይ የኢሮብ ህዝብ የውጭ ወራሪ ጠላት
በመጣ ቁጥር የኢትዮጵያን ሉዓላዊነት ለማስከበር ከወገኑ ከኢትዮጵያ ህዝብ ጎን ተሰልፎ በጀግንነት ከጠላት ጋር ተናንቆ የተዋደቀ ህዝብ
መሆኑ ታሪክ የማይዘነጋው ሀቅ ነው። ከዚህም አልፎ የአብዛኛዎቹ የውጭ ወራሪዎች መግቢያ በር ላይ በመገኘቱ ምክንያት የመጀመርያ
የወረራዎች ገፈት ቀማሽ እየሆን እስከዚች ቀን የደረሰ ህዝብ ነው። የሩቁን ትተን በ1990 ዓ.ም የሻዓቢያ ወረራ በተፈጸመበት ጊዜ፤
መሣርያ ከጠላት እየነጠቀ ያደረገው ጀብዱ የመከላከል ጦርነት (ዕጡቃት-ሰንበት) እንደ ምሳሌ መጥቀሱ አገባብ ይሆናል።
የኢሮብ ህዝብ ዛሬ እንደ ብሔረ-ሰብ ህልውናው በጣም አስጊ በሆነ ሁኔታ ውስጥ ይገኛል። ከትውልድ ወደ ትውልድ እየተላለፈ
የመጣው መኖሪያ ቀየው ዛሬ በአልጀርስ ስምምነት ተወጥኖ በሄግ ውሳኔ ጸድቆ በዚህ ድረ-ገጽ ከመግለጫው ግርጌ የሰፈረው ካርታ
እንደሚያመለክተው ለም ከሆነው የመሬቱ አንድ ሶሰተኛ ለወራሪው የሻዓቢያ አገዛዝ እንዲሰጥ ተበይኖብናል ተብሏል። (ካርታውን
ለማየት http://www.irobmablo.org/IRAA_Statement_May26.pdf ይህንን አድራሻ ይጫኑ።) የኢሮብ ብሔረ-ሰብ አዶሓ ኢሮብ
(ሶሰት ኢሮብ) በሚል መጠሪያ የሚታወቅ፤ ሓሳባላ፤ ቡክናይቲ-ዓረና አድጋዲ-ዓረ የሚያጠቃልል ሲሆን፤ በአልጀርስ ስምምነት መሰረት
የተሰጠው የሄግ ውሳኔ ተግባራዊ ከሆነ በተጠቀሰው ካርታ እንደተመለከተው ለም የሆኑ የቡክናይቲ-ዓረ ሰፊ ቀበሌዎችን ጨምሮ
መላው አድጋዲ-ዓረ ወደ ኤርትራ እንደሚካለል ግልጽ ነው። ይህ ማለት ወደ ኤርትራ በሚካለለው ግዛት ውስጥ የሚኖረው ህዝብ
በአንጻራዊ መልኩ ሲታይ የአዶሓ ኢሮብ ግማሽ በመሆኑ ይህ ብሔረ-ሰብ በሁለት አገሮች መካከል ተከፍሎ ለመጥፋት የተወሰነበት
ከመሆን ተለይቶ ለመታየት ፈጽሞ የሚቻል አይሆንም። በመሆኑም፤ የኢትዮጵያ ህዝብ ይህንን ጥፋት ለመታደግ የሚቻለውን ሁሉ

እንዲያደርግ ዛሬም እንደትላንቱ ጥርያችንን ለማቅረብ እንገደዳለን። ይህንን ጥሪ ደግመን ደጋግመን ለማቅረብ የምንገደደው አብዛኛው
ኢትዮጵያዊ ወገናችን ከኢትዮጵያ ለኤርትራ ስለሚለገሰው መሬት ያለውን ብዥታ ለመቅረፍ ይረዳል ከሚል እሳቤ በመነሳት መሆኑ
ልብ ሊባልልን እንፈልጋለን።
ዛሬ ከኢትዮጵያ ለኤርትራ ስለተበየነው ግዛት ሲወሳ አብዛኞቹ ኢትዮጵያዊ ምሁራን በሚጽፏቸውና ለመገናኛ ብዙኃን በሚሰጧቸው
ቃለ-መጠይቆች ውስጥ ሲጠቅሱት የምናነበውና የምናዳምጠው በአብዛኛው ስለ ባድመ ነው። ስለባድመ መወሳቱና መከራከሩን
የኢትዮጵያ ግዛት ነውና የምንሰማማበት ይሆናል። ሆኖም እዚህ ላይ የተጠቀሱ የኢሮብ መሬቶችና ሌሎች ለኤርትራ የተከለሉ
የኢትዮጵያ ግዛቶችም ቢጨመሩበትና የኢትዮጵያ ህዝብ ለወራሪ ለመሸለም ለድርድር በመቅረብ ላይ ስላሉ ሉዓላዊ ግዛቶቹ እንዲያውቅ
ቢደረግ መልካም እንደሚሆን ክልብ እናምናለን። የኢትዮጵያ መንግሥትም ቢሆን ከባድመ ውጭ ለኤርትራ ስለተሰጡት ሌሎች
ግዛቶቻችን ሲናገርም ሆነ የአከባቢዎችን ስሞች ሲጠቅስ አይሰማም። ይህ ያለምክንያት ነው የሚል እምነት የለንም። ከአከባቢው ነዋሪ
ውጭ ያለው ኢትዮጵያዊ አከባቢውን ስለማያውቀው የትኛው ቀበሌ የኢትዮጵያ የትኛው ደግሞ የኤርትራ እንደሆነ ለማወቅ
አይቻለውም። በመሆኑም በደፈናው ከዚህ በፊት በአቶ ሥዩም መስፍን በይፋ እንደተነገረን “በጦር ሜዳ የተጎናጸፍነውን ድል በዓለም
ዓቀፉ ፍርድቤትም ደግመነዋል” የሚለውን “በጦር ሜዳ ያስመዘገብነውን ድል በድርድር ደግመነዋል” በሚል ባዶ መፈክር እንዳይተካ
እንሰጋለን። ሆኖም እኛ የአከባብው ተወላጆች ነንና እንኳን መላውን አድጋዲ ዓረና ለም የሆኑ የቡክናይቲ ዓረ መሬት እያንዳንዷን
የራሳችን የሆነች ዛፍና ማሳን እናውቃታለን። ስለሆነም፤ የአከባቢያችን የኢትዮጵያ ግዛቶችን በሚመለከት የኢትዮጵያ ህዝብ ዳር
ድንበሩን እንዲያውቅ የማድረግ ሓላፊነት አለብን ብለን እናምናለን። ስለሆነም፤ ኢትዮጵያውያን የመጀመርያ የሻዓቢያ ወረራ ሰለባ
የሆነችው ባድመ በዓለም ዓቀፍ መገናኛ ብዙሃን ትኵረት በማግኘቷ የዚች ግዛት ወደ ኢትዮጵያ የመከለልና ያለመከለል እጣ የሌሎች
ሰፊ ግዛቶቻችን እጣ ፈንታን ጋርዶት በነዋሪው ዜጋ ብዛት ከማንም ካልበለጡ የማይተናነሱ ግዛቶቻችን “በዓይንህን ሸፍን ላሞኝህ”
ዓይነት ተራ ፈሊጥ እንዳንሞኝ መልሰን መላልሰን ለማሳሰብ እንወዳለን። “እንኳን መሬታችን በሆነ ምክንያት የመሬታችን ድንጋይ ወደ
ኤርትራ ግዛት ቢሄድ ሞተንም እንመልሷለን” የሚለን አንድ ኵሩ ኢትዮጵያዊ ህዝብ የወገኑን ድጋፍ የመሻት መብት አለው ብለን
እናምናለን።
እንደገና ስለ ድንበር ጥያቄ ለማንሳት የሚገፋፉን ምክንያቶች በርካቶች ናቸው። ከነዚህም ውስጥ በቅርቡ አቶ በረከት ስምዖን በአንድ
የኤርትራዊያን ‘የፓልቶክ’  መወያያ መድረክ ባደረጉት ንግግር ባድመ የኤርትራ ናት ማለታቸው፣ ቀጥሎም ጠቅላይ ሚኒስትር
ኃይለማርያም ደሳለኝ ለአልጀዚራ ተሌቪጅን ጣቢያ የሰጡት ቃለ-ምልልስ በዋናናት ሊጠቀሱ የምችሉ ናቸው። የቀድሞው ጠቅላይ
ሚኒስትር አቶ መለስ ዜናዊ አሰና ለሚባለው የኤርትራ ተቃዋሚዎች ደጋፊ ሬዲዮ ጣቢያ የሰጡትን የኢትዮጵያ ግዛቶችን በድርድር
ለሻዓቢያ ለማስረከብ ዝግጁነታቸውን ያበሰሩበትን መግለጫ አስመልክቶ መኢተማ በወቅቱ የተቃውሞ አቋሙን የገለጸበት መግለጫ
ማውጣቱ የሚታወስ ነው። ዛሬ ደግሞ ጠቅላይ ሚኒስትር ኃይለማርያም ደሳለኝ “አስመራ ሄደህ ከአቶ ኢሳያስ ጋር ትደራደራለህ ወይ
ብለሽ ከጠየቅሽኝ፤ መልሴ አዎ ነው” በማለት ያልተጠየቁትን ከመመለሳቸውም በላይ ከዚህ በፊትም አቶ መለስ ዜናዊ አስመራ ድረስ
በመሄድ ለመደራደር ከሃምሳ ጊዜ በላይ ጥያቄ አቅርበው እንዳልተሳካላቸው በይፋ አሳውቀውናል። በተጨማሪም የአቶ መለስን ፖሊሲ
ሳይበረዝ እንዳለ ተግባራዊ እንደሚያደርጉ በተደጋጋሚ ነግረውናል። አቶ መለስ በኢትዮጵያ ሉዓላዊነት ዙርያ የነበራቸው አቋም ደግሞ
ምን እንደነበረ ሁሉም በግልጽ የሚያወቀው ስለሆነ እዚህ ላይ መድገሙ አንባቢን ማሰልቸት ይሆንብናል። ሆኖም የዛሬ ከትላንትናው
ለየት የሚልበት ሁኔታ እየተከሰተ እንዳለ እንገነዘባለን። ይኸውም አቶ ኢሳያስ አፈወርቂ ትላንት በአፍንጫየ ይውጣ ሲሉ እንዳልነበረ
ሁላ ዛሬ ከኢትዮጵያ ጋር ያለምንም ቅድመ ሁኔታ ስለ ድንበር መካለል ለመሸማገል ዝግጁ ነኝ ማለታቸውንና ከዛም አልፈው ኳታር
በኢትዮ-ኤርትራ የድንበር መካለል ጉዳይ እንድታደራድራቸው መጠየቃቸው ዓዋተ የተባለው የኤርትራዊያን ድረ-ገጽ ዘግቦት ይገኛል።
ስለሆነም ኢመተማ ነገሩ ሁሉም የሀገራችን ዳርድንበርና በድንበሩ የሚኖሩ ዜጎች ጉዳይ የሚመለከታቸው ወገኖች የዳር ድንብር ጥያቄ
ከምን ጊዜም በላይ ነቅተው እንዲከታተሉት በሚገባ ወቅት ላይ ነን ብሎ ስለሚያምን ነው ይህን ጥሪ አሁን ለማቅረብ የፈለገው። ከዚህ
በፊት ደቡብ ሱዳን ኢትዮጵያና ኤርትራን ለማደራደር በዝግጅት ላይ እንደምትገኝ ገልጻ ነበር። ሆኖም፤ የማደራደሩን ሓሳብ ምን ላይ
እንዳደረሰችው ወይም በምን ምክንያት እንዳቋረጠችው ሳይታወቅ አሁን ኳታር ሸምጋይ ለመሆን እንደተጠየቀች መወራት ጀምሯል።
ወሬው ትክክል ከሆነ የጠቅላይ ሚኒስትር ኃይለማርያም ደሳለኝ መንግሥት ምን አቋም እንዳለው ለመስማት እንጓጓለን። በነገራችን ላይ
ኢትዮጵያና ኳታር ዲፕሎማሲያዊ ግንኙነታቸውን ኳታር ከሻዓቢያ ጋር በነበራት ግንኙት ምክንያት አቋርጠው እንደነበር የሚታወቅ
ነው። ዲፕሎማሲያዊ ግንኑነታቸውን ያደሱት አሁን በቅርብ ቀናት መሆኑም ይታወቃል። የሆነ ሆኖ ነገሩ በይፋ ሲወጣ የምንለው
ሊኖረን ስለሚችል ለጊዜው እዚሁ ላይ ለመግታት መርጠናል። ወደ ዋናው ጉዳይ ስንመለስ ግን ከማንም ጋር ለህዝቦችና አገሮች ሰላም
ሲባል የሚደረገውን ሽምግልናና ድርድር የሚደገፍ ቢሆንም፤ የአንድን አገርና ህዝብ ጥቅምን የሚጎዳና የአንድን ብሔረ-ሰብ ህልውና
የሚፈታተን ድርድር ውስጥ መግባት የሚያስከትለውን አደገኛ መዘዝ ምን ሊሆን እንደሚችል የአልጀርስ ስምምነት በሚገባ
አስገንዝቦናል። አቶ ኢሳያስ በብልጠታቸው ይሁን በአፍቃሬ ኤርትራ አስመሳይ ባለጋራዎቻቸው ይሁንታ፧ በኢትዮጵያ ልጆች ደም
የተከበረውን በወረራ ይዘዋቸው የነበሩ ግዛቶቻችንን አልጀርስ ላይ በወርቅ ሳህን ቀርቦላቸው በፈረሙት ውል መሠረት ከአገባብ ውጭ
የተወሰነላቸውን የሰው ግዛት ካልተረከብኩ በማለት ዘራፍ በማለት ላይ እንደነበሩ ሁላችን የምናውቀው ጉዳይ ነው። አሁንም አቶ
በረከት በአንድ የኤርትራዊያን ‘ፓልቶክ’ ክፍል ባደረጉት ቃለ-ምልልስ ባድመ የኤርትራ ነው በማለት የሰጡት ቃል አቶ መለስ “አንድ

ቤት ለሁለት እንዳይከፈል” መደራደር አለብን በማለት ሲያራምዱት ከነበረው አቋም ጋር ተዳምሮ ሲታይ አዲሱ ድርድር ጥያቄ
በ’ኖርማላይዜሽን’ ተሳቦ ግዛቶቻችንን የሚያስረክብ እንዳይሆን ስጋቱ አለን። ያም ሆነ ይህ የኢሮብ ሕዝብ ይህንን ለመቀበል በምንም
ዓይነት መንገድ ዝግጁ እንዳልሆን ጠላትም ሆነ ወዳጅ ሁሉ እንዲያውቅልን እንፈልጋለን።
ለመላው የኢትዮጵያ ህዝብ
ዳር እየተቆረሰ ሲጠፋ ማኸል ዳር ይሆናል እንደሚባለው፤ ከኤርትራ ጋር የሚዋሰኑ የኢትዮጵያ ግዛቶች ለሻዓቢያ ሲለገሱ ዝም ብለን
መመልከቱ ማኸሉን ዳር ወደ ማረግ እየተጠጋን መሆኑ ታውቆ የድንበራችንን ጉዳይ በአንክሮ ሊከታተለው እንደሚገባ ይገነዘበዋል
ብለን እናምናለን። የተጠቀሰውን ድንበር ለማስከበር ብርቅየ ልጆችህን ገብረህበታል። ያም አልበቃ ብሎ፤ ዛሬ በኢትዮጵያ ውስጥ ካሉት
አናሳ ብሔረ-ሰቦች አንዱ የሆነው የኢሮብ ብሄረሰብ ወገንህ ለሁለት ተከፍሎ ህልውናው አደጋ ላይ የወደቀበት ሁኔታ ውስጥ ሆኖ
የድረሱልኝ ጥሪውን እያስተጋባልህ ይገኛል። ስለሆነም ለዚህ ወገንህና ውድ ልጆችህ ክቡር ህይወታቸውን ለገበሩለት ሉዓላዊ መሬትህ
ዘብ እንድትቆም፣ ካላንተ ሁለገብ ተሳትፎ የሚደረገ ማንኛውም የዳር ድንብር ማካለል ሆነ ድርድር ተቀባይነት እንደሌለው በሚቻለው
መንገድ ሁሉ መንግሥትን እንድታስታውቅና እንድታስጠነቅቅ ጥርያችንን እናቀርባለን።
የኢትዮጵያ የሙያና ሲቪክ ማህበራት፤
ዛሬ በሕወሓት/ኢህአዴግ መንግሥት በወጣው አዲሱ ‘ሕግ’ ምክንያት ህልውናቹህ ፈተና ውስጥ መውደቁ የሚታወቅ ነው። ሆኖም
ለህልውናቹህ መከበር ከምታደርጉት ትግል ጎን ለጎን ይህንን በአገር ዳር ድንበር የሚደረገውን ግልጽነት የጎደለው የድብብቆሽ ድርድር
መደረግ እንደሌለበት በማመላከት የትግላቹህ አካል አድርጋቹህ እንድትንቀሳቀሱበት፣ በኢትዮጵያና በኤርትራ ጠረፍ አከባቢ
የሚኖረው ህዝባችን ሁኔታም በቅርበት እንድትከታተሉት በትህትና እንጠይቃለን።
ጥሪ ለኢትዮጵያ የፖለቲካ ፓርቲዎች
ዴሞክራሲያዊ ሥርዓት እንዲሰፍንባትና አንድነቷ እንዲጠበቅ የምትዋደቁላት አገርና ህዝብ ከዳር እስከ ዳር በአንድ ዓይን ታዩታላቹህ
ብለን እናምናለን። በመሆኑም፤ አሁን ከሚታየው ሁኔታ አንጻር በኢትዮጵያና ኤርትራ መካከል ይደረጋል ተብሎ በመናፈስ ላይ ያለው
የድርድር ዜና እጅጉን የሚያሳስበን መሆኑ እንድትረዱልን እንሻለን። ስለ የኢትዮ-ኤርትራ ድንበር ጉዳይ ሲነሳ ሁሉም ቀድሞ
የሚያነሳውም ስለ ባድመ ብቻ መሆኑ ሌላውን አከባቢ እንደተዘነጋ ሆኖ እንዳይታይ ስጋት ይፈጥርብናል። በመንግሥት ለመጥቀስ
የማይፈለጉ እንደ አድጋዲ-ዓረ የመሳሰሉ የኢሮብ ሰፊ ግዛቶች ፍትሃዊ ባልሆነ መንገድ በሄግ ውሳኔ ወደ ኤርትራ መካለላቸው በግልጽ
ተቀምጦ የሚታይ ጉዳይ ነው። የሕወሓት/ኢህአዴግ መንግሥትም የሄግ ውሳኔን እንደተቀበለው በይፋ እየነገረን ነው። ስለሆነም፤
በድርድር ስም ለኤርትራ የሚለገሰው ግዛታችን የኢሮብ ብሔረ-ሰብን ለሁለት ከፍሎ የሚያጠፋ ከመሆኑም በላይ በአከባቢው ዘላቂ
ሰላም እንዳይኖር እንቅፋት ሆኖ እንደሚዘልቅ አይቀሬ ክስተት ነው። በመሆኑም፤ በዚህ የዳር ድንበር ጉዳይ ላይ ያላቹህን አቋም ግልጽ
በማውጣት፤ ይህንን አገርንና ወገንን ለዘለቄታው የሚጎዳ ድርድር በይፋ እንድትቃወሙት ጥርያችንን እናቀርባለን።
ለኢትዮጵያ አገር መከላከያ ሠራዊት፤
ሉዓላዊ ዳር ድንበርን ለማስከበር መተኪያ አልባ የሆነች ህይወትህን በመክፈል ወረራውን በጀግንነት ቀልብሰሃል። እነዚህን ዛሬ
ለድርድር በመቅረብ ላይ የሚገኙትን ሉዓላዊ የኢትዮጵያ ግዛቶች ከወራሪው የሻዓቢያ ኃይል ለማስመለስ በተካሄደው ውጊያ ምን ያህል
ጓዶችህን እንዳጣህ ካንተ በላይ የሚያውቀው የለም። የፈረጠመ ክንድህን ለጠላቶችህ አሳይተሃል። ካንተ የሚጠበቅብህን ግዳጅም
በአኵሪ መንገድ ተወጥተሃል። ሆኖም፤ የጦር ሜዳ ድልህን በአልጀርስ ስምምነት ቀዝቃዛ ውኃ ተሰልችቶበት እንዳልነበረ ተደርጎ ደምህ
የከፈልክበት ሉዓላዊ ግዛታችን በፈረጠመ ክንድህ ላዛልከው ጥላት እንዲሰጥ ተወስኖበታል። ዛሬም ለአስራ ሶስት ዓመታት አንተን ዳር
ድንበር ጠብቅ ብለው በቀበሮ ጉድጓድ እንድትኖር ካደረጉ በኋላ በስመ ድርድር አሳልፈው ለኤርትራ ለመስጠት እንደራደር እያሉ የአቶ
ኢሳያስ አፈወርቂን በር በማንኳኳት ላይ ይገኛሉ። ሕገ-መንግሥቱ የጣለብህን የአገርን ዳር ድንበር የማስከበርና የኢሮብ ብሔረ-ሰብ
ለሁለት እንዳይከፈል የመከላከል ሐላፍነት አሁንም ባንተ ትከሻ ላይ የተጣለ ግዳጅ መሆኑ ለደቂቃም ቢሆን ልትዘነጋው የማትችለው
አገራዊ ጉዳይ መሆኑን በማመን በፖለቲካ ውሳኔዎች ተሳበው የሚቀርቡ ኢትዮጵያንና ህዝቦቿን የሚጎዱ ውሳኔዎችን እንድትቃወም
ወገናዊ ጥሪያችንን እናቀርባለን።
ለኢሮብ ብሔረ-ሰብ  ተወላጆች በሞላ፤
ከኛ በላይ አከባቢያችን የሚያውቅ ሰው ሊኖር አይችልም። በአልጀርስ ስምምነትና በሄግ ውሳኔ መሠረት በርካታ የቡክናይቲ-ዓረ
መንደሮችና መላው አድጋዲ-ዓረ ለኤርትራ መከለላቸው ግልፅ ነው። ስለሆነም ባለቤቱ ካልጮኸ ጎረቤት አይረዳም እንዳይሆንብን
ስለተሰጠው መሬታችንና ዳር ድንበራችንን በሚመለከት ኢትዮጵያዊያንን በተገኘው አጋጣሚ ሁሉና በያለንበት ማሳወቅ ይኖርብናል።

በተጨማሪም እያንዳንዱ ኢትዮጵያዊ የአገሩ ዳር ድንበር የት ድረስ እንደሆነ በግልጽ አውቆ ከኛ ከአከባቢው ነዋሪዎች ጎን በመሰለፍ
ድንበሬን አትስጡ ብሎ ለመቆም እንዲችል፣ የሄግ ውሳኔና የድንበራችን አጣብቂኝ ውስጥ መግባት፤ ከዚህም አልፎ የኢትዮጵያ
መንግሥት ባለሥልጣናት እንኳን የኛ ነው ብለው ለመጠየቅ የአከባቢውን ስም ለመጥራት መጠየፋቸውን፤ የኢሮብ መሬትና ህዝብ
ለሁለት መክፈል ማለት የብሔረ-ሰቡን ህልውና ማክተም  እንደሆነ በሚገባ ተገንዝበን አንደኛ በአንድ ድምጽ እንድንቃወም፣ በሁለተኛ ደረጃ ደግሞ  በምታገኙት አጋጣሚ ሁሉ ኢትዮጵያዊን ሆነ ዓለም አቀፍ ማህበረሰብን የጉዳዩን አንገብጋቢነት እንድታስረዱ ጥሪያችንን እናቀርባለን።

ለኢትዮጵያ መንግሥት፤

የአንድ አገር  የግዛትና የህዝብ አንድነት የማስጠበቅ ሓላፊነት የሚጣለው በሚያስተዳድራት መንግሥት ላይ መሆኑ ግልጽ ነው።አሁን
ኢትዮጵያን የሚገዛ መንግሥት ግን የአገር መከላከያ ሠራዊታችን ደም ገብሮ፤ ውድ ህወቱን በመሰዋት ወረራውን ቀልብሶ ያስመለሰውን
ሉዓላዊ ግዛታችን አልጀርስ ድረስ ተጉዞ ለተሸነፈው ወራሪ ጠላት አስረክቦ ተመልሷል። ሄግ ላይ በገላጋይ ዳኞች ፊት ቀርቦ ተገቢና
ተመዝግበው የሚገኙ የሰነድ ማስረጃዎችን ለማቅረብ ባለመቻሉ ወይም ባለመፈለጉ ሉዓላዊ ግዛታችንን ለሻዓቢያ ያስረከበው ይህ
መንግሥት ነው። የግልግል ፍርድ ቤቱ እነ ፆሮና የኢትዮጵያ ናቸው ብሎ ሲወስን የኢትዮጵያ አይደሉም ጥያቄም አላቀረብንባቸውም
ብሎ የተከራከረው ይህ መንግሥት ነው። በፍርድ ቤት ተሸንፈን እያለ አሸንፈናል ብሎ ሊያማልለን የሞከረ ይህ መንግሥት ነው።
ሻዓቢያ የተባበሩት መንግሥታት ድድርጅት የሰላም አስከባሪ ኃይልን በማባረር የሃያ አምስት ኪሎ ሜትር ጊዜያዊ የሰላም ቀጠና
በመቀልበስ ውሉን አፍርሶት እያለ፤ ሻዓቢያ ያፈረሰውን ውል በመንከባከብ የሄግ ውሳኔን ተቀብያለሁ ብሎ ደጋገመው በማስተጋባት ላይ
የሚገኘውም ይህ መንግስት ነው። አሁን ድግሞ ሉዓላዊ ግዛታችንን አሳልፎ ለሻዓቢያ ለመስጠት ለሽምግልና የሻዓቢያን በር
በማንኳኳት ላይ የሚገኘው ይህ መንግሥት ነው።   ስለሆነ መንግስት ሀገርንና ህዝብን ወክሎ ስለ ዳር ድንብርና የሀገር ሉዓላዊነት
መደራደር በመርህ ደረጃ የሚንቀበለው ቢሆንም እስካሁን ድረስ ከህወሓት/ኢህአዴግ መንግስት ስለ ዳር ድንበርና ሉዓላዊነት ካየነው
ተመክሮ ይህ መንግስት በትክክል ዳር ድንበራችንና ሉዓላዊት ኢትዮዽያን በሚጠቅም መንገድ ይደራደርልናል ብለን ለማመን
ይቸግረናል። ስለሆነም የኢትዮጵያን ሉዓላዊ ግዛቶች በዘላቂነት ለማስከበር ፍላጎቱ ካለ፤ አሁንም ቢሆን አልመሸምና የአልጀርስን ውልና
የሄግ ውሳኔን ውድቅ ማድረጉ ለኢትዮጵያ ህዝብና ለዓለም አቀፉ ማሕበረ-ሰብ በይፋ እንዲያሳውቅ እንጠይቃለን።
እኛ ኢሮቦች የራሳችንን አንሰጥም የሰውም አንፈልግም፤ ድንበራችን የት እንደሆነ ከማንም በላይ እኛ ነዋሪዎቹ እናውቀዋለን፣
ከኢትዮጵያ መንግስትና ከሻዕቢያ ጣልቃ ገብንት ነጻ ከሆን በድንበር ከሚዋሰኑን ኤርትራዊያን ወንድሞቻችን ጋር ዳር ድንበሩን
ያለምንም ችግር እኛው ራሳችን በድንበሩ አከባቢ የምንኖር ህዝቦች የየራሳችንን ቦታ በግልጽ ስለምናውቅ ያለምንም ችግር ተወያይተን
ለመፍታት እንችላለን። እኛ የነሱን እንደማንፈልግ እነሱ ያውቃሉ። እኛም እነሱ የኛን ይፈልጋሉ ብለን አንገምትም። ተጠቃልሎ
ሲመነዘር የድንበር ማካለል ጉዳይ፣ ለሁለቱ ህዝቦች መተው ያለበት ጉዳይ ነው። ከዛ ውጭ አሁን በሚታየው መልኩ ከቀጠለ ለሁለቱ
አገዛዞች ጊዜያዊ ፖለቲካ ጠቀሜታ ሊኖረው ይችል እንደሆነ እንጂ፤ ዘላቂ መፍትሔና የተረጋጋ ሰላም ለአከባቢውም ሆነ ለሁለቱ አገሮች
ለማምጣት ፈጽሞ አይችልም!
ከኢ.መ.ተ.ማ
ታሕሣሥ 2005 ዓ.ም  

“የኢትዮጵያ ሕዝብ ሆይ! የኢሮብ ሕዝብ የድረሱልኝ ጥሪውን እያስተጋባልህ ይገኛል” – የኢሮብ መብት ተሟጓች ማህበር

የኢሮብ ሕዝብ መብት ተማጓች ማህበር ለዘ- ሐበሻ ድረ ገጽ በላከው መግለጫ “ዛሬ በኢትዮጵያ ውስጥ ካሉት አናሳ ብሔረ- ሰቦች እያስተጋባልህ ይገኛል። ስለሆነም ለዚህ ወገንህና ውድ ልጆችህ ክቡር ህይወታቸውን ለገበሩለት ሉዓላዊ መሬትህ ዘብ
እንድትቆም፣ ካላንተ ሁለገብ ተሳትፎ የሚደረገ ማንኛውም የዳር ድንብር ማካለል ሆነ ድርድር ተቀባይነት እንደሌለው
በሚቻለው መንገድ ሁሉ መንግሥትን እንድታስታውቅና እንድታስጠነቅቅ ጥርያችንን እናቀርባለን።” አለ።Read full story in PDF (ሙሉውን በPDF ለማንበብ እዚህ ይጫኑ)አንዱ የሆነው የኢሮብ ብሄረሰብ ወገንህ ለሁለት ተከፍሎ ህልውናው አደጋ ላይ የወደቀበት ሁኔታ ውስጥ ሆኖ የድረሱልኝ ጥሪውን

ESAT Tikuret Fezralizm Tamagn Beyene Part 2.

(Breaking News/ሰበር ዜና)፡ ሃገር ቤት ባለው ሲኖዶስ የሃሳብ ልዩነት ተፈጠረ

ሐበሻ) ትናንት በሰበር ዜና “ኢትዮጵያ ያለው ሲኖዶስ ፓትርያርክ ለመምረጥ አስመራጭ ጳጳትን መረጠ” የሚል
ዜና ማስነበባችን ይታወሳል። የሲኖዶሱ ስብሰባ ሳይጠናቀቅ የተወሰኑ አባቶች በተለይ ውጭ ያለው ሲኖዶስ ጋር
የሚደረገው እርቀ ሰላም ሳይጠናቀቅ ፓትርያርክ እንዳይመረጥ በመቃወም ስብሰባውን ረግጠው መውጣታቸውንና
አንዳንድ አባቶችም በስብሰባው ላይ እንዳልተገኙ የዘ-ሐበሻ የቤተክህነት ታማኝ ምንጮች ጠቆሙ።
እነዚሁ ምንጮች ፓትርያርክ እንዲሾም በአስመራጭነት ከተመረጡት ከቅ/ሲኖዶስ አባላት፣ ከመ/ፓ/ጠ/ቤ/ክ
መምሪያ ሓላፊዎች፣ ከገዳማት አበምኔቶች፣ ከሰንበት ት/ቤቶች አንድነት፣ ከመንፈሳውያን ማኅበራት እና ከታዋቂ
ምእመናን የተውጣጡ ናቸው ከተባሉት 13 ሰዎች መካከል 8ቱ ከአንድ ብሄር የመጡ መሆናቸው የጉዳዩን ፖለቲካነት
የበለጠ አጉልቶታል ያሉት ምንጮቹ ከነዚህ አስመራጮች መካከል ከአንድ ብሄር ከመጡት 8 ሰዎች ውስጥ አቡነ
ጢሞጢዎስ፣ አቡነ እስጢፋኖስ፣ መጋቤ ምስጢር አምደብርሃን፣ ንቡረ ዕድ እዝራ እንደሚገኙበት አስታውቀዋል።

ለይ አሜሪካ ከሚገኘው ሲኖዶስ ጋር እርቀ ሰላም ላይ የነበሩት አባቶች አቡነ ገሪማ፣ አቡነ አትናቲዎስ፣ አቡነ
ቀውስጦስ በዚህ ፓትርያርክ አስመራጭ ኮሚቴ በተመረጠበት ስብሰባ ላይ እንዳልተገኙ የጠቆሙት እነዚሁ
ምንጮቻችን አቡነ ኤልሳ እና በውጭ ሃገር ያሉ ጳጳሳት ሁሉ እንዳልተገኙና ድርጊቱን መቃወማቸውን እንዲሁም
በአብዛኛው ፓትርያርክ እንዲሾም በመወትወት ላይ የሚገኙት ከመንግስት አስገዳጅነት ጋር ከአንድ ብሄር የመጡ
አባቶች መሆናቸውን ገልጸዋል።
በተለይም አቡነ ሉቃስና አቡነ ቄርሎስ ይህን የሲኖዶሱን ስብሰባ ጥለው እንደወጡ ያስታወቁት ምንጮች በሲኖዶሱ
ውስት በ6ኛው ፓትርያርክ ሹመት ዙሪያ የሃሳብ ልዩነት እንደተፈጠረ አስታውቀው እንደውም አቡነ አትናቲዎስ
ድርጊቱን አምርረው መቃወማቸውንና ምርጫውን እንደማይቀበሉት በይፋ መናገራቸው ታውቋል።
በመንግስት ከፍተኛ ጫና 6ኛ ፓትርያርክ በአፋጣኝ ለመሾም የሚደረገው ጥረት በበርካታ የኦርቶዶክስ ተዋሕዶ
እምነት ተከታዮች ዘንድ ተቃውሞ እየገጠመው ይገኛል። የሲኖዶሱ ስብሰባ ከተጠናቀቀ በኋላ የሲኖዶሱ ጸሐፊ አቡነ
እዝቅኤል መግለጫ እንዲሰጡ ተጠይቀው ፈቃደኛ ባይሆኑም ስብሰባው የተጠናቀቀው በሃሳብ ልዩነት መሆኑን
ምንጮቻችን ተናግረዋል።

ሰበር ዜና: የግንቦት 7 ሕዝባዊ ኃይል ተመሰረተ

የግንቦት 7 ሕዝባዊ ኃይል ተመሰረተ

ህዝባዊ ሀይሉ በወጣቶችና ምሁራን የተመሰረተ ነው ተብሎአል

ወያኔን በኃይል የማስወገድ፤ ሁሉንም ሀይሎች ያሳተፈ ሰላማዊና ዲሞክራሲ የሥልጣን ሽግግር በሃገሪቱ እንዲኖር እንደሚታገል አስታውቋል

ህዝባዊ ሀይሉ በዶ/ር ብርሀኑ ነጋ ከሚመራው   የግንቦት 7 የፍትህ የነጻነትና የዴሞክራሲ ንቅናቄ ጋር ያለው ግንኙነት በግልጽ የታወቀ ነገር የለም:

ESAT Ethiopia Breaking News 21 12 12

አራት የኢትዮጵያ ጋዜጠኞች የ 2112 ትን ዓለማቀፍ የሄልማን ሽልማት አሸኛፊ ሆኑ

ኢሳት ዜና:-የሄልማንን የክብር ሽልማት ያሸነፉት ኢትዮጵያውያን ጋዜጠኞች፦ በእስር ላይ የሚገኙት እስክንድር ነጋ፣የአውራምባ ታይምሱ ውብሸት ታዬ፣የፍትህ አምደኛዋ ርዕዮት ዓለሙ እና በስደት የሚገኘው የአዲስ ነገሩ መስፍን ነጋሽ ናቸው።

በሂዩማን ራይትስ ዎች አማካይነት የሚሰጠውን ይህን የክብር ሽልማት ያገኙት አራቱም ጋዜጠኞች በኢትዮጵያ መንግስት የሽብርተኝነት ክስ ተመስርቶባቸዋል።

አጠቃላይ ለዘንድሮው የሄልማን ሽልማት የበቁት ከ19 አገራት የተውጣጡ 41 ጋዜጠኞች ሲሆኑ፤ለሽልማት የበቁትም ሀሳብን በነጻነት የመግለጽ መብት አስቸጋሪ በሆኑባቸው አካባቢዎች ሙያቸውን ለመተግበር መስዋዕትነት በመክፈላቸው እንደሆነ ተመልክቷል።

በሂዩማን ራይትስ ዎች አማካይነት የሚዘጋጀው  የሄልማን ሽልማት ሀሳባቸውን  በመግለፃቸው ሳቢያ የፖለቲካና የሰብዓዊ መብት ጥቃት ለሚፈጸምባቸው በዓለም ዙሪያ ላሉ ጋዜጠኞችና ጸሀፊዎች በየዓመቱ የሚሰጥ ነው።

አቶ አንዱአለም አራጌ ላለፉት 15 ወራት በጨለማ ቤት ታስረዋል

ኢሳት ዜና:-የአንድነት ፓርቲ ምክትል ሊ/መንበርና የህዝብ ግንኙነት ሐላፊ የሆነው አቶ አንዱዓለም አራጌ በጨለማ ቤት ውስጥ ታስሮ፣ ቀዝቃዛ መሬት ላይ እንዲተኛ መደረጉ በየጤናው ላይ ከፍተኛ ችግር እየፈጠረበት መሆኑን ትናንት ለጠቅላይ ፍርድ ቤት ተናግሯል።

አቶ አንዱዓለም የመተንፈሻ ችግር እንዳለባቸው ይሁን እንጅ በጠባብ ክፍል 6 ሆነው በመታጎራቸው መታመማቸውንና ከባለቤታቸውና ጥቂት ቤተሰባቸው ውጪ ሌሎች ጓደኞቻቸውና የስራ ባልደረቦቻቸው እንዳይጠይቁዋቸው መደረጉን ተናግረዋል፡፡

የቀድሞው የፓርላማ አባል አቶ አንዷለም አያሌው በበኩላቸው ጠበቆቻቸው መጥተው ሊያናግሩዋቸው እንዳልተፈቀደለቻው ገልጸዋል።ዳኛው አቶ ዳኘ መላኩ ስርአቱን አልጠበክም በሚል የመናገር እድል ነፍገውታል፡፡ ዛሬ መንግስት ያቀረበለት ጠበቃ ቢቀርብም በጊዜ ቀጠሮ ለታህሳስ 28 ቀን 2005 ዓ.ም እንዲቀርብ ተነግሮታል፡፡

ጠበቃ ደርበው ተመስገን  ይግባኙ እንኳን ሳይጠናቀቅ ከፍተኛው ፍርድ ቤት  የተከሳሾችን ንብረት ለመውረስ በመጣደፍ ላይ ነው በማለት በቃል ሊያቀርቡ ቢፈልጉም ፍርድ ቤቱ በጽሑፍ ያቅርቡ ሲል አስቁሟቸዋል፡፡

ጠበቃ አበበ ጉታ በበኩላቸው ደንበኞቻችን በአንድ የክስ መዝገብ ቢከሰሱም ቃሊቲ እና ቂሊንጦ ተበትነው በመታሰራቸው ለጠበቆች ጥየቃ እንዳልተመቻቸውና በበቂ መጎብኘትና ማነጋገር አለመቻላቸውን ለፍርድ ቤት አሳውቀዋል፡፡

ፍርድ ቤቱ መዝገቡን ለውሳኔ ለጥር 10 ቀን 2005 ዓ.ም በጊዜ ቀጠሮ ያሻገረ ሲሆን ክርክሩ በጽሑፍ ተገልብጦ እንዲቀርብለት አዟል፡፡

በትናንት ዘገባችን የተከሳሾችን የመቃወሚያ ሀሳብ ማቅረባችን ይታወሳል።

የባለስልጣናት የሃብት ምዝገባ መረጃ ከሕዝብ እንደተደበቀ ነው

ኢሳት ዜና:-በፌዴራል የሥነምግባርና ጸረሙስና ኮሚሽን ሥር የሚገኘው የባለሥልጣናት የመንግስት የሥራ ኃላፊዎችን ሃብትና
ንብረት ለመመዝገብ የተቋቋመው ቢሮ እስካሁን የ50ሺ ባለስልጣናትን ሃብት መመዝገቡን ሰሞንን በመንግስት መገናኛ
ብዙሃን ቢገልጽም የአንዳቸውንም የሃብት መረጃ ለሕዝብ ይፋ እንዳላደረገ ምንጮች አስታወቁ፡፡
በሃብት ማሳወቅና ምዝገባ አዋጅ ቁጥር 668/2002 መሰረት የተቋቋመው ይህው ቢሮ የመንግስት ባለስልጣናትና ተሿሚዎችን ሃብትና ንብረት በመመዝገብና በማደራጀት ለሕዝብ ይፋ ማድረግና ባለስልጣናቱም ከገቢያቸው በላይ ሃብት አፍርተው ሲገኙ ለፍርድ ማቅረብ ከተልዕኮዎቹ መካከል ይገኙበታል፡፡

ሆኖም ከአንድ ኣመት በፊት ምዝገባው ሲጀምር የባለስልጣናቱን ንብረትና ሃብት ዝም ብሎ ከመመዝገብ ባለፈ ከየት አመጣህ ብሎ የመጠየቅ ኃላፊነት(ማንዴት) እንደሌለው ማስታወቁ የምዝገባውን ፋይዳ ጥያቄ ምልክት ውስጥ ከማስገባቱም በላይ፣በሌብነት የሚጠረጠሩ ባለስልጣናት የድርሻቸውን ከወሰዱ በኃላ የሰረቁትን ማስመዝገብ እንዲችሉ አድርገው ሕጉን አወጡ የሚል ትችትን አስከትሎበታል፡፡
በአዋጁ መሰረት የቀድሞ ጠ/ሚኒስትር አቶ መለስ ዜናዊን ጨምሮ ሚኒስትሮች፣አምባሳደሮች፣የፓርላማ አባላትና ሌሎች
ባለስልጣናት ሃብታቸውን ያስመዘገቡ ሲሆን ፣ ሰዎቹ ያስመዘገቡት ሃብት ምን ያህል ከገቢያቸው ጋር የተመጣጠነ ነው?
የሃብት ምንጩስ ምንድነው የሚለውን ለሕዝብ ይፋ ማድረግ የነበረበት ቢሆንም እስካሁን ይፋ ሳያደርግ መቆየቱ
የመዝጋቢውን አካል ነጻነት ጥያቄ ውስጥ ጥሏል፡፡

በአዋጁ ላይ በኮሚሽኑ እጅ የሚገኝ የማንኛውም የተሿሚ፣የተመራጭ፣ ወይም የመንግስት ሰራተኛ የሃብት መረጃ ምዝገባ ለህዝብ ክፍት እንደሚሆን ቢደነግግም የቤተሰብ ሃብትን የሚመለከት መረጃ በሚስጢር እንደሚያዝ በመደንገጉ የምዝገባው አስፈላጊነት ገና ከጅምሩ ጥያቄ ላይ የጣለ ጉዳይ ነበር፡፡ ይህም ሆኖ የባለስልጣኑ የራሱ የምዝገባ መረጃ እንኳን ለህዝብ ይፋ አለመሆኑ ምዝገባው የይስሙላ ነው የሚለውን የሚያጠናክር መሆኑን ምንጫችን ጠቅሷል፡፡
በአሁኑ ወቅት ጥቂት የማይባሉ ከፍተኛ የመንግስት ባለስልጣናት በራሳቸውና በዘመዶቻቸው ስም ከፍተኛ ሃብት ያካበቱ
ሲሆን በሚኒስትር ደረጃ የተቀመጡ ሹማምንት ሳይቀሩ በመንግስት ቤት እየኖሩ የግል መኖሪያ ቤታቸውን በከፍተኛ
ገንዘብ በአደባባይ በማከራየት በመነገድ ላይ መሆናቸው ይታወቃል፡፡

ጥቂት የማይባሉ ባለስልጣናት የገቢ ምንጫቸው እንኳን በትክክል በማይታወቅ መንገድ ከፍተኛ ገቢ የሚያገኙና ልጆቻቸውን በአገር ውስጥና በውጪ አገር በከፍተኛ ወጪ የሚያስተምሩ መሆናቸው የሚታወቅ ነው፡፡

የፌዴራል የስነምግባርና ጸረሙስና ኮሚሽን ሃብት እየመዘገብኩ ነው ቢልም ይህንን ዓይን ያወጣ ሙስናና በስልጣን መባለግ ደፍሮ ለማጋለጥ ባለመቻሉ ዛሬም ጥርስ የሌለው አንበሳ የሚለውን ስሙን ማደስ

ምርጫ ቦርድ ከኢህአዴግ በላይ ኢህአዴግ ሆኖብናል ሲሉ ተቃዋሚዎች ገለጹ

ኢሳት ዜና:-መጪው የአካባቢና የአዲስ አበባ ምርጫ ፍትሀዊ መሆን አለበት በማለት ፔትሺን ተፈራርመው ያስገቡት 33 የፖለቲካ ድርጅቶች ዛሬ በመኢአድ ጽህፈት ቤት በሰጡት ጋዜጣዊ መግለጫ ፣ ምርጫ ቦርድ ለጥያቄያቸው መልስ አለመስጠቱን ገልጸው፣ በንባብ የሰጡዋቸውን ምላሽ እንደ አንድ ትልቅ መንግስታዊ ተቋም በደብዳቤ ለመግለጽ እንኳን ፈቃደኛ አልሆኑም ፣ ምርጫ ቦርድ ከኢህአዴግ በላይ ኢህአዴግ ሆኖብናል ብለዋል።

የፓርቲዎች ጥምረት ኮሚቴ በጋዜጣዊ መግለጫው ላይ እንዳስታወቀው ምርጫ ቦርድ ለገዢው ፓርቲ በግልጽ ወገናዊነቱን አሳይቷል ብሎአል። ያቀረቡትን የውይይት ሀሳቦች ቦርዱ አለመቀበሉን ያሳወቁት ፓርቲዎች ፣ ምርጫው ላይ ለመሳተፍ እና ላለመሳተፍ ገና አለመወሰናቸውን ገልጸዋል።
የምርጫ ቦርድ የህዝብ ግንኙነት ሀላፊ ወ/ሮ የሺ ፈቃደ በምርጫ 1997 ዓም ኢህአዴግን ወክለው ለምርጫ የተወዳደሩ ሲሆን ፣ በ80 ድምጽ ብቻ በማግኘት ተሸንፈው ሲወድቁ የምርጫ ቦርድ ኤክስፐርት ተብለው በህዝብ ግንኙነት ባለሙያነት ተሹመው የፓርቲውን ስራ ያስፈጽማሉ ብለዋል።

ይህ በእንዲህ እንዳለ የኢትዮጵያ ብሄራዊ የምርጫ ቦርድ ከ33ቱ ፓርቲዎች የቀረበለትን ከምርጫ በፊት ባሉት ችግሮች ላይ የእንወያይ
ጥያቄ “በተጨባጭ መረጃ የተደገፈ አይደለም፣ጥያቄዎቹ ከ2002 ምርጫ ጋር የተያያዙ ናቸው” በሚል ውድቅ
ያደረገበት አካሄድ የቦርዱን ገለልተኛ አለመሆን በተጨባጭ ያሳየ መሆኑን ከ33ቱ ፓርቲዎች አስተባባሪዎች አንዱ
ገለጸዋል፡፡
ይህ አስተያየት በ33ቱ ፓርቲዎች የጋራ አቋም የተያዘበት ባለመሆኑ የሚሰጡት የግል ሃሳባቸውን መሆኑን የተናገሩ
ከፍተኛ አመራሩ ምርጫ ቦርድ ጥቅምት 15 ቀን 2005 ዓ.ም በአዳማ በጠራው መድረክ ላይ አንድ አቋም የያዙት
33 ፓርቲዎች ያቀረቡትን የእንወያይ ጥያቄ ሆን ብሎ ምላሽ ሳይሰጥ ሲያንከባልል ቆይቶ ከወራት በኃላ
ሳያነጋግራቸው በራሱ ጊዜ በመንግስት መገናኛ ብዙሃን መግለጫ በመስጠት ውድቅ ማድረጉ ከዚህ ቀደም በተደጋጋሚ
የሚነሳበትን የገለልተኝነት ጥያቄ ያረጋገጠ ነው ሲሉ ኮንነውታል፡፡
ቦርዱ ትክክለኛ ቢሆን ኖሮ ለገዥው ፓርቲ በመወገን የፓርቲዎቹን የእንወያይ ጥያቄ ውድቅ ወደማድረግ ከመሄዱ በፊት
ቢያንስ ባሉት ችግሮች ላይ በመወያየት፣ኀሳቡንም ለፓርቲዎቹ በማስረዳት ወደ መግለጫው ቢሄድ ኖሮ ቢያንስ ውጥረቱንና
አለመተማመኑን በመጠኑ መቅረፍ በቻለ ነበር ብለዋል፡፡
አያይዘውም ቦርዱ ፓርቲዎቹ ያቀረቡት ማለትም የምርጫ ቦርዱ ከላይ እስከታች ያሉ መዋቅሮች ገለልተኛ ያለመሆን
ጉዳይ፣በነጻነት የመንቀሳቀስ፣ደጋፊዎቻቸውን ሰብስበው ማነጋገር ያለመቻላቸው ጉዳይ፣በየክልሉ በአባሎቻቸውና
ደጋፊዎቻቸው ላይ ሕገወጥ እስሮች፣ማሳደድና ከስራ ማሰናበት የመኖሩ ጉዳይ፣የመንግስት መገናኛ ብዙሃን ፍትሐዊ
አጠቃቀም ጉዳይ፣የአንድነት ጋዜጣ በሕገወጥ መንገድ ዕትሙ እንዲቆም መደረጉና የመሳሰሉት ናቸው፡፡
“ቦርዱ ፓርቲዎቹን ጠርቶ ላቀረባችሁት አቤቱታ ምን መረጃ አላችሁ ብሎ ፓርቲዎቹን ሳይጠይቅ የሰጠው ምላሽ
ለፓርቲዎቹ ያለውን ግምት የቱን ያህል የዘቀጠ መሆኑን የሚያሳይና እነዚህ ችግሮች እንደሌሉ ለማረጋገጥ ያደረገው
ሙከራ በመሆኑ ይህ አካል ነጻና ገለልተኛ ምርጫ ያካሂዳል ብሎ ማሰብ እንዴት ይቻላል” ሲሉ ባለስልጣኑ  ጠይቀዋል፡፡

ከአሁን በኃላ ምን ታደርጋላችሁ ተብሎ ለቀረበላቸው ጥያቄ ይህ ውሳኔ በጋራ የሚተላለፍ መሆኑን አስታውሰው ነገር ግን
ከ33ቱ ፓርቲዎች አብዛኛዎቹ ሕዝባዊ ተቃውሞ በመስቀል አደባባይ ለመጥራት ፍላጎት እንዳላቸው አውቃለሁ ብለዋል፡፡
ምርጫ ቦርድ ዘንድሮ የሚያካሂደውን የአካባቢና የአዲስአበባ አስተዳደር ጊዜያዊ የጊዜ ሰሌዳ ላይ ለመምከር በአዳማ
ኤግዚኪዩቲቭ ሆቴል ጥቅምት 15 ቀን 2005 ዓ.ም በጠራው ስብሰባ ላይ ከተገኙ 65 ፓርቲዎች መካከል 33 ያህሉ
ከምርጫ በፊት ውይይት ይቅደም በሚል የጋራ አቋም በመያዝ ለቦርዱ ማሳወቃቸው ይታወሳል፡፡

ESAT Daily News Amsterdam 20 December 2012 Ethiopia

Ethiopian textile manufacturers preying on export markets.

In the historic town of Adwa in northern Ethiopia (where Ethiopia defeated the Italian invaders thoroughly in 1896) is Almeda Textile (ALTEX), Ethiopia's biggest textile factory.

Textile mill which was completed 10 years ago, employs 3,200 workers of the city's 60,000 residents and is by far the largest employer on the site. The factory is in the midst of a major expansion process where both capacity and workforce planning doubled. Almeda is a subsidiary of the Endowment Fund for the Rehabilitation of Tigray (EFFORT).Ambassador Jens-Petter Kjemprud visited the factory last Saturday.

Almeda currently exports 30% of its production mainly to Italy, Germany, Switzerland and Sudan, but want to increase the export share of production. Almeda thus has just signed an agreement with Starbucks on the production of work for employees in the coffee company's restaurants in the U.S.. Export products are currently mainly work clothes and uniforms, including to health care in Italy in particular (the largest single contract). Also sengeetøy and curtain fabric is a major export (Almeda previously exported linen to IKEA). The company also supply the uniforms for military and police.Almeda want to promote in Norway on those areas where you have good experiences, or partnership with companies in Norway define new areas and asked the embassy for support to make contacts in Norway. All production is based on Ethiopian short-fiber cotton.

 

Almeda is ISO 9001-2000 certified and produces 16 million meters fabric last year. The company has a prominent role in the ongoing industrialization in Ethiopia and has received numerous awards for production and exports, and price for the best value start a business in Ethiopia. Workers are organized in Tekstiarbeiderforbundet have collective bargaining rights and lønnsivået well above the Ethiopian minimum wage. Almeda went last year through the Starbucks strict working standards before eskportkontrakten was signed. Salaries are still low compared with the rising wage costs in China and India, and Almeda tries to exploit this competitive advantage, but is under pressure from a variety of Turkish startups in Ethiopia.

For further information, see: almeda@ethionet.et

Etiopiske tekstilprodusenter jakter på eksportmarkeder.

http://www.norway.org.et/Norsk/norsk/altex/

I den historiske byen Adwa i nord-Etiopia (der Etiopia slo den italienske invasjonshæren grundig i 1896) ligger Almeda Textile (ALTEX), Etiopias største tekstilfabrikk.

Tekstilfabrikken som sto ferdig for 10 år siden, sysselsetter 3200 arbeidere av byens 60.000 innbyggere og er den suverent største arbeidsplassen på stedet. Fabrikken er midt inne i en stor utvidelsesprosess der både kapasitet og arbeidsstokk planlegges fordoblet. Almeda er et datterselskap til Endowment Fund for Rehabilitation of Tigray (EFFORT). Ambassadør Jens-Petter Kjemprud besøkte fabrikken sist lørdag.

Almeda eksporterer i dag 30 % av sin produksjon i hovedsak til Italia, Tyskland, Sveits og Sudan, men ønsker å øke eksportandelen av produksjonen. Almeda har således nettopp inngått en avtale med Starbucks om produksjon av arbeidsklær til de ansatte i kaffeselskapets restauranter i USA. Eksportproduktene er i dag hovedsaklig arbeidsklær og arbeidsuniformer, herunder til helsevesenet i Italia spesielt (største enkeltavtale). Også sengeetøy og gardinstoff er en stor eksportvare (Almeda eksporterte tidligere sengetøy til IKEA). Bedriften levererer dessuten uniformer til militære og politi. Almeda ønsker å markedsføre seg i Norge på disse områder der man har gode erfaringer, eller ved samarbeid med selskaper i Norge definere nye områder og anmodet ambassaden om støtte til å knytte kontakter i Norge. All produksjon er basert på etiopisk kortfibret bomull.

 

Almeda er ISO 9001-2000-sertifisert og produserer i dag 16 millioner meter tekstilvare årlig. Bedriften har en fremtredende rolle i den pågående industrialisering i Etiopia og har mottatt en rekke priser for produksjon og eksport samt pris for beste valuta inkomst bedrift i Etiopia. Arbeidstakerne er organisert i Tekstiarbeiderforbundet, har kollektiv forhandlingsrett og lønnsivået ligger godt over etiopisk minimumslønn. Almeda gikk i fjor gjennom Starbucks strenge krav til arbeidsmiljøstandarder før eskportkontrakten ble undertegnet. Lønnsnivået er allikevel lavt sammenliknet med de økende lønnkostnadene i Kina og India, og Almeda forsøker å utnytte denne konkurransefordelen, men er under press fra en rekke tyrkiske nyetableringer i Etiopia.

For ytterligere opplysninger, se: almeda@ethionet.et

የኢትዮ-ኤርትራን ችግር ለመፍታት የሚረዱ ነጥቦች

ጠቅላይሚኒስትር ሃይለማርያም ደሳለኝ ፣ አስመራ ሄደዉ ከአቶ ኢሳያስ አፈወርቂ ጋር ለመነጋገር ዝግጁ እንደሆኑ ለአልጃዚራ ገልጸዋል።«በአልጀርሱ

ስምምነት ተቋቁሞ የነበረው የድንበር ኮሚሽን የወሰነዉን ዉሳኔ፣ ኢትዮጵያ አክብራ፣ የባድመን ከተማ ጨምሮ
የኤርትራ ናቸው ከተባሉት መሬቶች ሁሉ ለቃ እስካልወጣች ድረስ፣ አልነጋገርም» ሲል የነበረዉ የኤርትራ መንግስት፣
ለጠቅላይ ሚኒስትር ሃይለማርያም አስተያየት የሰጠው ኦፌሳላዊ ምላሽ ባይኖርም፣ ፕሬዘዳንት ኢሳያስ ከዚህ በፊት
የነበራቸውን አቋም በማለዘብ ከኢትዮጵያ ጋር ያለዉን ችግር ለመፍታት ፍቃደኛ እንደሆኑም የሚያሳዩ ዘገባዎችን
እያነበብን ነዉ።
የኢትዮጵያ እና የኤርትራ ሕዝቦች አብረዉ የኖሩ፣ የተዋለዱ፣ በባህል በቋንቋ በሃይማኖት የተዛመዱ ወንድማማች
ሕዝቦች ናቸው። ስር የሰደደ የታሪክ ዝምድና ያላቸው፣ አንድ ወቅትም የአንድ አገር ሕዝብ የነበሩ እንደመሆናቸው፣
በመካከላቸው ያላቸዉን ችግሮች እስከአሁን መፍታት አለመቻላቸው የሚያሳዝን ነዉ። በእዉኑ ያሉን ልዩነቶች ይሄን
ያህል የከረሩ ናቸዉን ? አንዱ አሸናፊ ሌላዉ ተሸናፊ ሳይሆን፣ ሁሉም አሸናፊ የሚሆነበትን መፍትሄ ማግኘት
ያቅተናልን ? እስከመቼስ ኤርትራንና ኢትዮጵያን የሚያካልለዉ ድንበር፣ የልማትና የንግድ እንቅስቃሴዎች የሚታዩበት
አካባቢ መሆኑ ቀርቶ፣ የፈንጂና የታንክ መናኸሪያ ይሆናል ?
ወደ ኋላ መለስ ብለን ነገሮችን መመዝን ከጀመርን ብዙ ልንባባል እንችላለን። በሁሉም ወገኖች ከዚህ በፊት
የተፈጸሙ ብዙ ስህተቶች አሉ። በአሥር ሺሆች የሚቆጠሩ ወንድሞቻችን ከሁለቱም ወገኖቻችን ረግፈዋል። ያ አካባቢ
በደም ርሷል። አሁን ግን ያለፈዉን ትተን ወደፊት ማየት ይኖርብናል። ያለፈውን እያነሳን የምንወጋገዝበትና
የምንካሰስበት ጊዜ አይመስለኝም። ሌሎች አገሮች የትናየት ደርሰዋል። ለልጆቻችን እና ልጅ ልጆቻችን ስንል ፣
ተከባብረን፣ ተስማምተን ፣ ይቅር ተባብለንና ተቻችለን ሁላችንም በጋራ የምናድገበትን ሁኔታ መፍጠር የግድ ነዉ።
ለዚህም ነዉ፣ የጠቅላይ ሚኒስተር ሃይለማሪያም ለዉይይት ዝግጁነትና ፣ አቶ ኢሳያስ ይዘዋል ተብሎ የተዘገበዉን
የአቋም መለሳለስ፣ በሰላም ወዳድ ወገን ሁሉ በአዎንታዊነት ሊታይና ሊበረታታ የሚገባ ነዉ የምለዉ።

በኤርትራና እና በኢትዮጵያ መካከል ያለዉን ችግር ስናይ የምናነሳቸው በርካታ ጥያቄዎች ይኖራሉ። «ባድመ ለማን
ልትሰጥ ነዉ ? የአሰብስ ጉዳይ ? ከኤርትራ ጋር ነጻ ንግድ ከተጀመረ የብርና የናቅፋ ልዉዉጥ እንዴት ይሆናል ?
ከኤርትራ ተገንጥለው ከኢትዮጵያ መቀላቀል የሚፈልጉት የቀይ ባህር አፋሮችስ ጉዳይ ? …» የመሳሰሉ ጥያቄዎችን
እንደ ምሳሌ መጥቀስ ይቻላል።
አንድ ነገር ከወዲሁ በግልጽ ላስቀምጥ። በኢትዮጵያና በኤርትራ መካከል ያለዉን ችግር የአልጀርሱ ስምምነት፣ ይኸው
ለአሥር አመታት አልፈታዉም። በመሆኑም በዚህ ስምምነት ብዙ ተስፋ ማድረግ ያለብን አይመስለኝም። እንደዉም
ይሄን ስምምነት እንደሌለ እንቁጠረዉ።
ከአልጀርሱ ስምምምነት የተለየ ፣ ችግሮችን ለመፍታት የሚችሉ ሃሳቦች ይኖራሉ። በዚህ ረገድ እኔም ይጠቅማሉ
የምላቸውን አንዳንድ የተጨበጡ የእርቅ ሃሳቦችን በትህትና ለማቅረብ እሞክራለሁ። እነዚህን ሃሳቦች ሳቀርብ
ኢትዮጵያዊ በመሆኔ ለኢትዮጵያ ብቻ አስቤ ሳይሆን፣ አስመራ የተማርኩ፣ ለኤርትራ ሕዝብ ፍቅር ያለኝ ፣ በመንፈስም
“ኤርትራዊ ነኝ» ብዬ የማምን እንደመሆኔ ፣ ለኤርትራም አስቤ ነዉ።
ከሁሉም በላይ በዋናነት የምደግፈዉና የምመኘው ኤርትራ ከኢትዮጵያ ጋር በፌዴሬሽን እንድትቀላቀል ነዉ። የአፍሪካ
ሕብረት ለማቋቋም እየተሞከረ አይደለም እንዴ ? በአዉሮፓ አንድ ለመሆነ እየሞከሩ አይደለም እንዴ ? በመከባበርና
በፍቅር ላይ የተመሰረተ አንድነት ቢኖር የበለጠ ያሳድገናል እንጂ አይጎዳንም። የባድመ፣ የአሰብ ፣ እንዲሁም
በመካከላችን ያሉ ሌሎች ችግሮች በሙሉ በአንድ ላይ ተጠቃለው መፍትሄ ያገኙ ነበር። ባድመ የኢትዮጵያም
የኤርትራም ትሆናለች። አሰብም የኢትዮጵያም የኤርትራ ትሆናለች።
የዉህደቱ ጥያቄ በሬፌረንደም እንዲወሰን ማድረግ ይቻላል። ከዚህ በፊት ኤርትራዉያን ብቻ ነበሩ ድምጽ የሰጡት።
አሁን ግን የኤርትራን መቀላቀል ሊቃወሙ የሚችሉ ብዙ ኢትዮጵያዉያን ሊኖሩ ስለሚችሉ፣ የኢትዮጵያ ሕዝብም
ዉህደቱን ማጽደቅ ይኖረበታል። እርግጠኛ ነኝ አብሮ የመስራትን ጥቅም እና የታሪክ ትስስራችን በጥልቀት
መመልከት እንዲችሉ ከተደረገ፣ ያለፈዉን የመተዉን ይቅር የመባባል መንፈስ ከሰፈነ፣ የኢትዮጵያ ሕዝብም
ሆነ የኤርትራ ወገናችን ዳግም ለመተቃቀፍ አይኑን ያሻል ብዬ አላስብም። ይሄ ያልተወሳሰበ የሰላምና የእርቅ
መንገድን፣ እቅድ «ሀ» ብዬዋለሁ። ፈረንጆች እንደሚሉት ፕላን ኤ (PLAN A)!
ተስፋ ካደረግነዉና ከገመትነዉ ዉጭ፣ ወይ የኤርትራ ሕዝብ፣ አሊያም የኢትዮጵያ ሕዝብ፣ ወይም ሁለቱም ፈቃደኛ
ሳይሆኑ ቀርቶ፣ ዉህደቱን መፈጸም ካልተቻለ፣ ኤርትራ እንደ አገር እየቀጠለች ፣ ከጅቡቲ፣ ከኬንያ በበለጠ ሁኔታ
መልካም ጎሮቤት አገር ሆና እንድትኖር ማድረግ የሚቻልበትን ሁኔታ መፍጠር ያስፈልጋል። ለዚህም ሰጥቶ
በመቀበል መርህ፣ የሁሉንም ጥቅም ባስጠበቀ መልኩ ያሉትን ጥያቄዎች መመለስ ይኖርባቸዋል። ይሄ ደግሞ
እቅድ «ለ» ወይንም ፕላን ቢ ( PLAN B) ነዉ።
በአሁኑ ጊዜ አሰብና የደንከል በረሃ፣ ለኤርትራ ይሄን ያህል ጥቅም የሚሰጥ መሬት ነዉ ብዬ አላስብም። ኢትዮጵያ
አሰብን መጠቀም ካቆመችበት ጊዜ ጀመሮ ወደቡ ስራ ላይ ዋለ ማለት ያስቸግራል። መቼም ባጽእ (ምጽዋ) እያለች
ለአስመራና አብዛኛዉ የኤርትራ ግዛት እቃ በአሰብ በኩል ይገባል ማለት ትንሽ ይከብዳል። አሰብን ለኢትዮጵያ
አከራይታ ገንዘብ ካላገኘችበት በስተቀር አሰብ ለኤርትራ አትጠቅማትም።
በቅርበትም ሆነ በጂዮግራፊ አቀማመጥ ካየን ግን፣ አሰብ ለኢትዮጵያ በጣም ትጠቅማለች። ኢትዮጵያ ለጅቢቱ
መንግስት ብቻ በአመት ከ700 ሚሊዮን ብር ታወጣለች። የኢኮኖሚ እድገት የበለጠ ባደገ ቁጥር ለወደብ
የሚከፈለውም ዋጋ እየጨመረ ነዉ የሚሄደው። በኢትዮጵያ ወደብ መኖሩ ትልቅ ብሄራዊና አገብጋቢ ጥያቄ ነዉ።
ለኤርትራ ከሁሉም በላይ የሚጠቅመዉና የሚበጀው፣ አሰብን ይዞ ከመቀመጥ፣ ዘለቄታ ያለዉ ሰላም ከኢትዮጵያ ጋር
መመስረት ነዉ። ብዙም የማይጠቅማትን መሬት ለኢትዮጵያ ሰጥታ፣ ሌሎች የሚጠቅሟትን ነገሮች መቀበል
የምትችልበት ሁኔታ ማመቻቸት የበለጠ ሊረዳት ይችላል። አስተዋይነትም ነዉ። ኢትዮጵያም በበኩሏ አሰብን
ስትቀበል ፣ ለኤርትራን የምትሰጠው ሊኖራት ይገባል።
«ኢትዮጵያ የባህር በር ሊኖራት ይገባል» የሚሉ ኃይላት በብዛት እንደመኖራቸው፣ ይሄም ጥያቄ ደግሞ ትልቅ አገርዊ
ጥያቄ እንደመሆኑ፣ ኢትዮጵያ ባህር አልባ ሆና አስተማማኝ ሰላም ከኤርትራ ጋር ማድረጉ አስቸጋሪ ነዉ የሚሆነዉ።
ኤርትራ ሁል ጊዜ እንደ ፈራችና ለጦርነት እንደተዘጋጀች ነዉ የምትኖረዉ።
እንግዲህ አሰብን ለኢትዮጵያ መስጠቱ በርግጠኝነት፣ በኤርትራ ሰላምን ለዘለቄታዉ ያረጋግጣል። ኤርትራዉያን
ከጦርነት ስጋት ተላቀዉ፣ በሰላም ይኖራሉ። ሰላም ከማግኘት የበለጠ ደግሞ በረከት የትም አይገኝም። አንድ በሉ።
በአሰብ አካባቢ የሚኖሩ አፋሮች ከአስመራ ይልቅ ልባቸዉና ታማኝነታቸው ለአሳይታና አዲስ አበባ ነዉ። በመሆኑም

ኤርትራ ከኢትዮጵያ የመለየት መብቷ እንደተረጋገጠው፣ አፋሮችም ከኤርትራ የመለየት መብታቸዉ እንዲረጋገጥ
ይጠይቃሉ። ያም መሰረታዊ መብታቸው ካልተከበረ ብረት የማያነሱበት ምክንያት የለም። እነርሱን ለመከላከልና
በአካባቢዉ ሰላምና መረጋጋት ለማስፈን አስመራ ብዙ ዉጭ ማዉጣት ትገደዳለች። ይህ ደግሞ አነሰም በዛም
ኤርትራን የሚጎዳ ነዉ። ሁለት በሉ።
ኤርትራዉያን በታታሪነታቸዉና በጠንካራነታቸዉ ይታወቃሉ። ኤርትራ የኢትዮጵያ አካል በነበረችበት ጊዜ በመሃል
አገር ብዙ የተሳካላቸው፣ ትልቅ ደረጃ የደረሱ ወገኖች ናቸዉ። በልጅነቴ ትዝ ይለኛል አንድ በጣም የምንወደው
ብስኩት ነበር። የደቀ መሃሪ ብስኩት ! ደቀ መሃሪ ተመርቶ በመላው ኢትዮጵያ ይሸጥ የነበረ ። ነጻ ንግድ፣ ኢትዮጵያ
ዉስጥ ያለገደብ መስራት …. የመሳሰሉ ሁኔታዎች ቢፈጠሩ ነዉ የበለጠ ኤርትራ በኢኮኖሚ የምትጠቀመዉ። አስመራ
የሚመረቱ ምርቶች በቀላሉ ገዢ ያገኛሉ። ለኤርትራ ባለ ሃብቶች 90 ሚሊዮን የሚሆን ሕዝብ ደንበኛ ይሆናቸዋል።
የኤሌትሪክ ኃይል በቀላል ዋጋ ወደ አስመራ እንዲገባ ማድረግ ይቻላል። ሶስት በሉ።
በርግጥ በረጋ መንፈስ፣ ከሁሉም አቅጣጫ ሁኔታዉን ቢያስቡት፣ ኤርትራዉያን ከማንም በላይ የሚበጃቸው
ከኢትዮጵያ ጋር መተሳሰር ነዉ።
እንግዲህ ያለፈዉን ሳይሆን የወደፊቱን በማየት፣ የሚከተሉትን ተጨባጭ 7 የእርቅ ነጥቦች (Road Map of
Ethio-Eritrean Peace) አቀርባለሁ፡
1. ከጅቡቲ ድንበር እስከ መርሳ/ፋጥማ ያለዉ፣ አሰብን የሚጨምረዉ፣ የኤርትራ ግዛት ለኢትዮጵያ ይሰጥ።
2. በልዋጩ የባድመ ከተማን ጨምሮ ያወዛግቡ የሰሜን ኢትዮጵያ መሬቶችን ወደ ኤርትራ ይጠቃለሉ።
3. የኢትዮጵያ ሕገ መንግስት ተሻሽሎ፣ ኤርትራዉያን በኤርትራዊ ዜግነታቸው ላይ ደርበዉ፣ ሙሉ
የኢትዮጵያዊነት ዜግነት ይሰጣቸው። ይሄም በኢትዮጵያ ዉስጥ ያለ አንዳንች ገደብ እንዲነግዱ፣ እንዲማሩ፣
እንዲሰሩ፣ እንዲኖሩ ያደርጋል። ኢትዮጵያዉያንም እንደዚሁ በአስመራ የመኖር መብታቸው ይረጋገጥ።
4. ኤርትራ የኢትዮጵያን ብር እንድትጠቀም ይደረግ። አሊያም የገንዝብ ልዉዉጥን በተመለከተ የጋራ ፖሊሲ
በመንደፍ ሊነሱ የሚችሉ ችግሮች ከወዲሁ ምላሽ ይሰጣቸዉ።
5. አንዱ አገር ሲጠቃ ሌላዉ እንደተጠቃ የሚቆጥር የዉትድርና ስምምነት ይደረግ።
6. በሚደረጉ ስምምነቶች፣ አስመራና አዲስ አባባ ያሉ የመንግስት ባለስልጣናት በተቻለ አቅም
የተቃዋሚዎቻቸዉን ድጋፍ ለማግኘት ይሞክሩ። ይህ የሰላም መንገድ፣ የሁሉም ማህበረሰብ፣ የፖለቲካ
ድርጅቶች፣ ሲቪክ ማህበራትን ያሳተፈ ሊሆን ይገባዋል እንጂ አንድ ፓርቲ ብቻ የሚወስነው ሊሆን አይገባም።
7. ፕላን ሃ ካልሰራና ዉህደት ማድረግ አሁን ካልተቻለ፣ ከጥቂት አመታት በኋላ አይቻልም ማለት አይደልም።
ቁስሎች ሲድኑ፣ በሁለቱም ወገኖች የሚኖረዉ መቀራረብ በጨመረ ቁጥር፣ የዉህደት ጥያቄዉ የበለጠ
ተቀባይነት ወደፊት ሊያገኝ ይችላል። በመሆኑ የዉህደቱ ጉዳይ ከአሥር አመታት በኋላ እንደገና እንዲታይ
ይደረግ።
ዉድ ኢትዮጵያዊያን እና ኤርትራዉያን ወገኖቼ፡
ሰላም ይበጀናል። መረዳዳቱና መደጋገፉ ይሻለናል። ይህ አይነቱን ስምምነት ማድረግ ካልቻልን አማራጩ የከፋ ነዉ
የሚሆንብን። ጦርነት ባልታሰበ ሰዓትና ጊዜ ይቀሰቀሳል። ዛሬ ያሉ መንግስታት ቢስማሙም፣ ነገ የሚመጡ
መንግስታት መካከል ጠብ ሊፈጠር ይችላል። ካለፈው መማር አለብን። ከባድመ ጦርነት በፊት በነበሩት 8 አመታት
አስመራና አዲስ አበባ መልካም ግንኙነት ነበራቸው። ሳይታሰብ ነዉ ድንገት ወዳጅ የነበሩ መንግስታት፣ ጦር
የተማዘዙት። አስተማማኝ ሰላም የሚገኘዉ ፣ ያልተሸፋፈነ፣ በቅንነት ላይ የተመሰረተ፣ መሰረታዊ ጥያቄዎችን
የሚመለስ ስምምነት ሲደረግ እና ሁሉም ሰጥቶ በመቀበል መርህ አሸናፊ ሆኖ ሲወጣ ብቻ ነዉ። እንግዲህ በሁሉቱም
ወገን ላሉ መሪዎች እግዚአብሄር ልቦና ይስጣቸው እላለሁ።

Breaking News (ሰበር ዜና): ኢትዮጵያ ያለው ሲኖዶስ ፓትርያርክ ለመምረጥ አስመራጭ ጳጳትን መረጠ

ከማህበረ ቅዱሳንም አስመራጭ ተወክሏል
ሐበሻ) በዳላስ የተደረገው የሁለቱ ሲኖዶሶች ድርድር የተጠናቀቀው በቀጣይ ጥር 16 ቀን 2005 ዓ.ም ቀጣዩ
እርቅ እስከሚደረግ ድረስ እርቀ ሰላሙን የሚያሰናክሉ ነገሮችን ከማድረግ እንዲቆጠቡ የሚል ድርድር ደርሰው ነበር –
ከሁለቱም ወገኖች ያሉት አባቶች። ሆኖም ግን አሁን በሰበር ዜና ለዘ-ሐበሻ በደረሰው ዜና ኢትዮጵያ ያለው ሲኖዶስ
ስምምነቱን በመጣስ ፓትርያርክ ለመምረጥ አስመራጭ ጳጳሳትን መምረጡን ታማኝ ምንጮቻችን ገለጹ።
ቤተክህነት አካባቢ ያሉት የዘ-ሐበሻ ታማኝ ምንጮቻችን ገለጻ 4 ጳጳሳትና ሌሎች አራት ሰዎች ለፓትርያርክ
አስመራጭ ኮሚቴነት ተመርጠዋል።
ለፓትርያርክ አስመራጭነት ኮሚቴ የተመረጡት ጳጳሳት፦
1ኛ. አቡነ ጢሞጢዎስ
2ኛ. አቡነ ቄርሎስ
3ኛ. አቡነ እስጢፋኖስ
4ኛ. አቡነ ቀሌምንጦስ ሲሆኑ
ሌሎቹ 4ቱ ደግሞ፦
1ኛ. ሊቀትጉሃን ሃይለጊዮርጊስ ዳኜ
2ኛ. ሊቀማህምራን ፋንታሁን ሙጬ
3ኛ. አቶ ባያብል ሙላቴ ከማህበረ ቅዱሳን
4ኛ. አቶ ዓለማየሁ ተስፋዬ ከኢየሩሳሌም መታሰቢያ ድርጅት ናቸው።
የዘ-ሐበሻ ታማኝ የቤተክህነት ምንጮች ጨምረውም ስምንት ጳጳስት ቤተመንግስት ድረስ እየተጠሩ እንደሚሄዱና
የፓትርያርክ ምርጫ በአስቸኳይ እንዲፈጸም እንዲጎተጉቱና እንዲያስፈጽሙ የተደረገ ሲሆን ከነዚህ ስምንቱ ጳጳስት
ውስጥ፦
1ኛ.አቡነ ጎርጎዮስ
2ኛ. አቡነ ሳሙኤል
3ኛ. አቡነ ቄሌንጦስ
4ኛ. አቡነ ሳዊሮስ እንደሚገኙበት ታውቋል።
ተጨማሪ መረጃዎችን ይዘን እንመጣለን።
በርከት ያሉ የኦርቶዶክስ ተዋሕዶ እምነት ተከታዮች ሁለቱ ሲኖዶሶች ወደ አንድነት እንዲመጡ ሲጸልዩ የከረመ
ቢሆንም ኢትዮጵያ ያለው ሲኖዶስ በመንግስት ጫና መንግስት የሚፈልገውን ፓትርያርክ ለመምረጥ መዘጋጀታቸው
የአንድነት ተስፋውን እንዳጨለመባቸው ከሚሰጡት አስተያየት መረዳት ይቻላል።
ዘ-ሐበሻን ለፈጣን መረጃ ሁሌም ያንብቡ።

የአቶ በረከት ስምዖን ሠራተኞች ብሶታቸውን በደብዳቤ ጻፉ

ይድረስ ለክቡር አቶ በረከት ስምዖን


የኢ.ፌ.ዲ.ሪ የመንግሥት ኮሙዩኒኬሽን
ጉዳዮች ጽ/ቤት ኃላፊ (ሚኒስትር)

ከእንጀራ ልጆችዎ

ክቡር ሚኒስትር አቶ በረከት ሆይ
ልብ ብለው ይስሙን፡፡ እባክዎትን አንድ ጊዜ
ጆሮዎትን ያውሱን፡፡ ምነው ልብዎት በእኛ
ጨከነሳ? ይህ የእንጀራ ልጅን የማግለል ሥራ
ውጤቱ ጥሩ የሚሆን ይመስልዎታልን? እንዴት
ነው ነገሩ?
ክቡር አቶ በረከት፡- እኛ ለእርስዎ ልዩ ክብርና አድናቆት አለን፡፡ የኮሙዩኒኬሽን ድ/ቤትን መምራት ከጀመሩበት
ጊዜ ጀምሮ በዋናነት በእርስዎ አመንጭነትና አስፈፃሚነት የተወሰዱ የተለያዩ እርምጃዎች በአገራችን ለዘመናት
የነበረውን የኮሙዩኒኬሽንና ሕዝብ ግንኙነት ሥራ ለማሻሻል ጥሩና አበረታች ጅምር ያሳዩ ናቸው፡፡ ይህን
እናምናለን፡፡ በእርስዎ አንቀሳቃሽነት እየመጡ ያሉ መሠረታዊ ለውጦችን ሁላችን በየመስሪያ ቤታችን እያየንና
እየተደሰትን ነው፡፡ ድካምዎት ሁሉ ለአገራችን ሁለንተናዊ ለውጥ የኮሙዩኒኬሽን ሥራ ታላቅ አስተዋጽኦ
እንዳለው በመገንዘብና ለአገራችን መልካም ገጽታ መገንባት ከልብ በማሰብ ነው ብለንም እናምናለን፡፡
እርስዎ በጽ/ቤትዎት እያመጡት ካለው ለውጥ ውስጥ በዋናነት የሚጠቀሰውም በየጊዜው የሚሰጠው የአቅም
ግንባታ ሥልጠና ነው፡፡ ልዩ የኮሙዩኒኬሽን ሥልጠናው፡፡ በተለይም በደንብ በተጠናና ተከታታይነት ባለው
መልኩ ቢሆን ኖሮ፡፡ የኮሙዩኒኬሽን ሥልጠናው የተሰጠበት መንገድ ማለትም የሠልጣኞች አመላመል ችግር
እንደተጠበቀ ሆኖ፡፡ ለኮሙዩኒኬተርነት የማይበቁ ብዙ ኮሙዩኒኬተሮች ሥልጠናውን ቢወስዱም ኮሙዩኒኬተር
መሆን እንዳልቻሉ እርስዎም እያዩት ይመስለናል፡፡ የዚህ ችግር ዋናው መነሻ ደግሞ የኮሙዩኒኬተሮች አመላመል
ነበር፡፡ የተፈጥሮ ሳይንስ ምሩቃን፣ የሒሳብና ፊዚክስ መምህራን ኮሙዩኒኬተር ሁኑ ሲባሉ ችግር ባይገጥም ነበር
የሚገርመው፡፡
የሆነው ሆኖ ግን እስከመሠረታዊ ችግሮቹም ቢሆን ኮሙዩኒኬተሮችን በአቅም ለመገንባት የተሰጡ ሥልጠናዎች
አበረታች ለውጥ እያሳዩ ነው ማለት ይቻላል፡፡ በየፌዴራል መስሪያ ቤቱ ኮሙዩኒኬተር መኖሩ በራሱ ጥሩ ነገር
ነው፡፡ ይህ ግን ብቻውን ትርጉም ያለው ለውጥ አያመጣም፡፡ በተለይ በድ/ቤትዎ በኩል በአሁኑ ሰዓት
ለኮሙዩኒኬተሮች እየተሰጠ ያለው የትኩረት ማነስና አድሎ የተሞላበት መከፋፈል ከፊት ለፊቱ ትልቅ ስጋትን
ደቅኗል፡፡ በየፌደራል መስሪያ ቤቱ የተገለልን የሕዝብ ግንኙነት ባለሙያዎች ጉዳይ በአስቸኳይ መፍትሔ
ካልተሰጠው ወደ ከፋና አስቀያሚ ችግር ያመራል፡፡ አይጠራጠሩ፡፡
ይህን የምንልዎት ከመሬት ተነስተን አይደለም፡፡ እጅግ ተጨባጭ ማስረጃዎችና ማሳያዎች አሉን ምን አልባት
አይደርስዎት እንደሆነ እንጅ የጽ/ቤትዎ ኮሙዩኒኬተሮች/አስተባባሪዎች በተለይ/ በየመስሪያ ቤታችን መጥተው

ችግሩን በመረጃ አስረድተናቸው አምነውበታል፡፡ ፊርማ አሰባሰበን ማመልከቻም አስገብተናል፡፡ በተለያዩ
ጊዜያትም ችግሩ መፍትሔ እንደሚሰጠው ተዋሽቶልናል፡፡ ሁል ጊዜ ውሸትና የማይፈፀም ቃል ግን ይሰለቻል፡፡
ለማንኛውም የጽ/ቤትዎን ችግር ወይም የእርስዎን ክፍተት ለዛሬ ጥቂቶቹን ብቻ እናንሳ፡፡
1ኛ/ የአቅም ግንባታ ችግር፡- ይህ ጉዳይ ስትራቴጅካዊ ችግር ነው፡፡ አሁን በየፌዴራል መስሪያ ቤቶች ያለን
ኮሙዩኒኬተሮች ከፍተኛ የሆነ የአቅም ክፍተት አለብን፡፡ ካሁን በፊት የተሰጡ የአቅም ግንባታ ሥልጠናዎች
ለተወሰኑ ኮሙዩኒኬተሮች ብቻ ነበር፡፡ የተወሰኑት ለ2ኛና 3ኛ ዙር በተደጋጋሚ ሲስለጥኑ ሌሎቻችን ግን
ሥልጠናው አይመለከታችሁም ተብለናል፡፡ የአብዛኞቻችን የአቅም ክፍተት መንጩ ይኽው አድሎአዊና የተወሰኑ
ግለሰቦችን ብቻ መሠረት ያደረገ ሥልጠና አሠጣጥ ነው፡፡ ግን ለምን? እኛ ኢትዮጵያዊያን አይደለንም?
የአገራችን ለውጥ እኛን አይመለከተንም? ሥልጠናውን ለማግኘት ምን መስፈርት ነው ማሟላት ያለብን?
ከ50% በላይ የምንሆን ባለሙያዎች እኮ ሥልጠና አልወሰድንም፡፡
ብዙ ጊዜ የኮሙዩኒኬሽን ሥልጠና የሚሰጠው ለኢህአዴግ ታማኝ አባላት ነው የሚል ግምት ነበረን፡፡
በተጨባጭ ከየመስሪያ ቤቱ ያለን የእንጀራ ልጅ የሕዝብ ግንኙነት ባለሙያዎች በግል ተሰባስበን ስንነጋገር ግን
ይህ አይደለም እውነቱ፡፡ እንዲያውም እንዳንድ ፀረ ዴሞክራሲያዊና ፀረ ልማታዊ የሆኑ በሥልጠናው ሲጠቀሙ
እጅግ ጠንካራ የድርጅቱ ልጆች ግን እስካሁን ተገለዋል፡፡ በጣም የሚገርመው በአብዛኛው ፌደራል መስሪያ
ቤቶች ያሉና ሥልጠናውን የወሰዱ ኮሙዩኒኬተሮች የነበራቸው የትምህርት ዝግጅት የተፈጥሮ ሳይንስ በመሆኑና
አሁንም ለመለወጥ ዝግጁ ስላይደሉ ሥልጠናውን ደጋግመው ቢወስዱም እንኳን በስም እንጅ በግብር
ኮሙዩኒኬተር መሆን አልቻሉም፡፡ በአንፃሩ ግን በፖለቲካል ሳይንስ፣ በቋንቋ፣ በደርናሊዝምና ኮሙዩኒኬሽን
ተመርቀን ሥራውን በአግባቡ እየሰራን ያለን ባለሙያዎች ሥልጠናውም አልተሰጠንም፣ የኮሙዩኒኬተርነት
ማዕረግም የለንም፡፡
የስልጠና መስፈርቱ ምን ይሆን? ለምንስ የአቅም ግንባታ ሥልጠናው ቆመ? “የክቡር አቶ በረከት መልካም
ፈቃድ ስለሚያስፈልግ ነው” የሚለው የእርስዎ ባለሙያዎች መልስ እውነት ነው? እውነት ከሆነ እኛ ምን
አጥፍተን ነው የእርስዎን መልካም ፈቃድ ማግኘት ያልቻልነው? ሥልጠናውን ብንወስድ ምን ይጎዳዎታል?
እባክዎትን ያስቡበት፡፡ ይህ ማግለል አገርን ይጎዳል ለሥራዎም እንቅፋት ይፈጥራል፡፡ እኛም በኢትዮጵያ ጉዳይ
ያገባናል፡፡ በሥልጠናው አቅማችንን ገንብተን ለአገራችን ሕዳሴ የራሳችንን ድርሻ መወጣት እንፈልጋለን፡፡
እባክዎትን ያሰልጥኑን! የሰለጠነ አይጎዳም- ይጠቅማል አንጅ!
2ኛ/የቡድንተኝነት መንፈስ፡-
ይህ መጥፎ የሆነ የቡድንተኝነት መንፈስ በአብዛኞቹ ፌደራል መስሪያ ቤት ኮሙዩኒኬተሮች ዘንድ በግልፅ
ይታያል፡፡ የእንጀራ ልጅ የሕዝብ ግንኙነት ባለሙያዎች ከየመስሪያ ቤቱ በግል ተሰባስበን በተወያየንበት ወቅት
በግልፅ እንደተረዳነው ይህ የቡድንተኝነት መንፈስ በሥራ ላይ ከፍተኛ ጫና እያሳደረ ይገኛል፡፡ ይህ ችግር ደግሞ
ከየመስሪያ ቤቱ ወጥቶ ይሄው ሀገራዊ እየሆነ ነው፡፡ ሥልጠናውን የወሰዱና የኮሙዩኒኬተርነት ማዕረግ
የተሰጣቸው ሥልጠና ያልወሰድን ባለሙያዎችን እያገለገሉን ነው፡፡ በሆነ ባልሆነው ኮሙዩኒኬተር
አለመሆናችንንና ከሕዝብ ግንኙነት ሥራም ልንባረር እንደምንችል ይነገረናል፡፡ ይህ ሁሉ ዛቻና ማግለል ከፍተኛ
የሆነ የሞራል ውድቀት እያስከተለብን ነው፡፡ እስከመቼ እንደዚህ ሆነን እንኖራለን? በፌዴራል መስሪያ ቤቶች
እኮ ከ5ዐ% በላይ የሕዝብ ግንኙነት ባለሙያዎች ሥልጠና አልወሰድንም፡፡ ታዲያ ይህን ክፍል ያገለለ ሥራ
ውጤታማ ይሆናል ብለው ያስባሉ?
በጣም በሚገርመው በሁለቱ ቡድኖች ማለትም በሠለጠኑ እና ባለሠለጠኑ ኮሙዩኒኬተሮች መካከል መረጃ
የመደባበቅ ሁኔታው ከፍተኛ መሆኑ ነው፡፡ በተለይ የሠለጠኑ ኮሙዩኒኬተሮች ከመንግሥት ኮሙዩኒኬሽን ጽ/
ቤትም ሆነ ከሌላ የሚደርሳቸውን መረጃ ለራሳቸው ብቻ ይጠቀሙበታል፡፡ ለነገሩ የመንግስት ኮሙዩኒኬሽን ጽ/
ቤትም ቢሆን መረጃ የሚልከው ለሠለጠኑትብቻ ነው፡፡ እርስዎም ይህን ያውቃሉ ብለን እናምናለን፡፡ የእኛን ኢ-
ሜይል /E-mail/ አድራሻ እኮ ጽ/ቤትዎ አያውቀውም፡፡ምንም መረጃም ደርሶን አያውቅም፡፡ ምክንያቱም
የእንጀራ ልጆች ነና፡፡ ይህ ግን የአገሪቱን የሕዝብ ግንኙነት ሥራ ምን ያህል እንደሚጎዳ ታስቦበት ነው እንዲህ
የሚደረገው? እርስዎ ያሰቡትን ያህል ለውጥ እየመጣ ያልሆነው እኮ በዚህ ምክንያትም ነው፡፡ እርግጠኞች ነን
መረጃዎቹ ምሥጢራዊ አይደሉም፡፡ እኛ እንዳናውቅ የምንደረግበት ምክንያት ግን ግልፅ አይደለም፡፡ እባክዎትን
ይህ ጉዳይ አገር ይገድላልና ያስቡበት፡፡
3ኛ/ከፍተኛ የሆነ የደመወዝና የጥቅማጥቅም ልዩነት፡-
ክቡር ሚኒስትር አቶ በረከት፡- ይህ መቼም ከእርስዎ የተደበቀ አይደለም፡፡ እያወቁ ለምን እንዲህ እንዲሆን
እንደፈቀዱ ግን ለማንም ግልፅ አይደለም፡፡ በደመወዝ እንጀምር፡፡ አንድ ልዩ ሥልጠና ወስዶ (የ15 ቀናት

ሥልጠና) የእርስዎ ክቡር ፊርማ ያረፈበት የመንግስት ኮሙዩኒኬተር የሚል ስርተፊኬት ያለው የሒሳብና ፊዚክስ
ምሩቅ ጀማሪ ኮሙዩኒኬተር መነሻ ደመወዝ 3,348.00ብር ነው፡፡ ነገር ግን በቋንቋ፣ በጆርናሊዝምና
ኮሙዩኒኬሽን 3 ዓመት ሰልጥነን የመጀመሪያ ዲግሪ ያለን ነገር ግን ልዩ ሥልጠናውን ያልወሰድን የሕዝብ
ግንኙነትና ኮሙዩኒኬሽን ባለሙያዎች መነሻ ደመወዛችን 1,499.00ብር ነው፡፡ በተመሳሳይ መደብ ላይ
ተመሳሳይ ሥራ እየሠራን ይህን ያህል የደመወዝ ልዩነት ለምን? እውነታው እኮ ያማል፡፡ ከፍተኛ የሆነ የሞራል
ውድቀትም አስከትሎብናል፡፡ በምን መስፈርት ነው ተመሳሳይ ሥራ እየሠራን በ1,849.00ብር ወርሀዊ ደሞዝ
የሚበልጡን? አንዳንዶቻችን 8 እና 7 ዓመታት በሕዝብ ግንኙነት ሥራ ቆይተን ደመወዛችን ግን
ከሠለጠኑጀማሪ ኮሙዩኒኬተሮች እጅግ ያንሳል፡፡ ለምን? በጣም የሚያሳዝነው ደግሞ ሥልጠናውን ወስደውም
ግን በተለያየ ምክንያት ደሞዛቸው ያልተስተካከለላቸው ኮሙዩኒኬተሮች መኖራቸው ነው፡፡ ምክንያቱ ግልፅ
አይደለም፡፡ ብዙዎቹም ተስፋ በመቁረጥ ሥራ እየለቀቁ ነው፡፡ ለጽ/ቤትዎ ተፈራርመው ያስገቡት ማመልከቻም
መልስ አላገኘም፡፡
ሌላው ጉዳይ ደግሞ ጥቅማጥቅም ነው፡፡ በተለይ በእርስዎ ልዩ ትዕዛዝ ከየክልሉ ተሰባስበውና የ3 ወር ሥልጠና
ተሰጥቷቸው ኮሙዩኒኬተር የሆኑ (አብዛኞቹ በየክልሉ የተፈጥሮ ሳይንስ መምህራን የነበሩና በፖለቲካዊ
አቋማቸው የተመለመሉ) በርካታ የሕዝብ ግንኙነት ባለሙያዎች ቤት ተሰጥቷቸዋል፡፡ ለእነርሱ ለምን ተሰጣቸው
የሚል ተቃውሞ የለንም፡፡ ነገር ግን ለሌሎቻችን ቢያንስ ደመወዝ እንኳን ለምን አይስተካከልልንም? የእንጀራ
ልጅ ስለሆንን? በዚህ መልኩ እኮ እርስዎ የሚደክሙለት የኮሙዩኒኬሽን ሥራ ሊሻሻል አይችልም፡፡ ብዙ ጥሩ
ባለሙያዎችን በማሸማቀቅና ሞራላቸውን በመግደል የሚመጣ ለውጥ ያለ አይመስለንም፡፡ ለፌደራል መስሪያ
ቤቶች የሕዝብ ግንኙነትና ኮሙዩኒኬሽን ባለሙያዎች የተፈቀደው ደመወዝ እኛን የማይመለከት፣ ነገር ግን
ሥራው የሚመለከተን ከሆነ ትንሽ ይከብዳል፡፡
እናም ክቡር አቶ በረከት፡- እስከመቼ ነው እኛ የእርስዎ የእንጀራ ልጆች ሆነን የምንቀጥለው? እባክዎትን ደግ
አባት ይሁኑልን፡፡ አባት በልጆቹ መካከል ልዩነት መፍጠሩ ጥሩ አይደለም፡፡ እርስዎ የአባትነት ድርሻዎን
ካልተወጡና እኛን ካገለሉን እኛም ተጨቋኝ የእንጀራ ልጆች ሆነን የምንቀጥል አይመስለንም፡፡ ለቀጣይ ሌሎች
ችግሮችን ይዘን እንመጣለን፡፡ እባክዎትን ያስቡን፡፡”ከልጅ ልጅ ቢለዩ ዓመትም አይቆዩ” ሲባል አልሰሙ ይሆን?
ልዩ ማሳሰቢያ፡-
በአሁኑ ሰዓት የተበዳይ ኮሙዩኒኬተሮች ቁጥር በከፍተኛ ደረጃ እየጨመረ ሲሆን በኮሙዩኒኬሽን ጽ/ቤትም ሆነ
በሌሎች መስሪያ ቤቶችና ባለስልጣናት ገመና ዙሪያ መረጃዎችን በማሰባሰብ ላይ እንገኛለን፡፡ ክቡር አቶ
በረከትም በተለመደ ንቀታቸውና ዝምታቸው የሚቀጥሉ ከሆነና እነደማነኛውም ኮሙዩኒኬተር የደመወዝና
ሌሎች ጥቅማጥቅሞች የማይስተካከሉልን ከሆነ ወይም በተለመደ የማታለል ስልታቸው (በሚቀጥለው ወር
ትሰለጥናላችሁ በሚል ፈሊጣቸው) የሚቀጥሉ ከሆነ በምስልና በድምጽ የተቀነባበሩ መረጃዎችን ለተለያዩ
የውጭና የሀገር ውስጥ ሚዲያዎች በመስጠትና ለሕብረተሰቡ በማድረስ የምንቀጥል መሆኑን እናሳስባለን፡፡
እስከሚቀጥሉት ሁለት ሳምንታት መልስ የማይሰጠን ከሆን ወደ ቀጣዩ የከፋ እርምጃ ለሄድ እንገደዳለን፡፡ ሲሆን
ለዓመታት እየተበደልን ላገለገልንበት ካሳ እንዲከፈለን ባይሆን ግን በመመሪያው መሰረት እንዲከፈለን
ካልተደረገ በስተቀር በቀጣይ በተከታታይ የምንወስዳቸው እርምጃዎች እጅግ የከፉና እኛንም ሆነ መንግስትን
ውድ ዋጋ የሚያስከፍሉ ይሆናሉ፡፡ በእኛ በኩል እስከሞት ዋጋ ለመክፈል ተዘጋጅተናል፡፡ አንድ ቀን
ምንአልባትም በሳምንታት ውስጥ በተመሳሳይ ቀንና ሰዓት ሥራ የማቆምና ከሥራ የመልቀቅ አድማ ለማድረግም
ተስማምተናል፡፡ ከዛም ስለቀጣይ ጉዟችን ከተለያዩ አካላት ጋር እየተመካከርን ሲሆን ጥገኝነት ለመጠየቅ
ኢምባሲዎችን እያነጋገርንና ባንዳንዶች ዘንድ በጎ ምላሽ እያገኘን ነው፡፡ ነገሮቹ ሁሉ ወደ ከፋ ደረጃ
ከመድረሳቸው በፊት ግን ቢታሰብበት መልካም ነው እንላለን፡፡ ለአገራችን ሁላችንም ያገባናል፡፡
መብታችንን ለማስከበር የሚከፈለውን ዋጋ ሁሉ እንከፍላለን!
በእርግጠኝነት እናደርገዋለን!
ምንም የሚያስፈራን ነገር የለም፤ ሞትም ቢሆን!
የተበዳይ ኮሙዩኒኬተሮች ሕብረት አንድነት ጉባኤ
አዲስ አበባ

አርቲስት ታማኝ በየነ ቤተሰቦች በተለይም እህቱ ታስራ ተፈታች

የአርቲስት ታማኝ በየነቤተሰቦች በተለይም እህቱ ታስራ ተፈታች።ዝርዝሩን ከኢሳት ራድዮ  እነሆ
ያድምጡት።

Tigre Muslims pointed fingers at sheik Elias for the deadly raid on a Neblet mosque.

The Horn Times Newsletter Dec 14, 2012
By Getahune Bekele
There is anger among Tigraye’s Muslim community because many of them believe that
last Wednesday’s deadly raid on the Neblet mosque outside Adwa was ordered by the
genocidal TPLF cadre and self appointed grand mufti of Tigraye republic, sheik Elias
Redman.
It is also a well known fact that the brutal sheik works with federal police commander


Workeneh Gebeyehu to crash the current Muslim uprising in Ethiopia.




The junta’s implausible excuse for the raid was that the mosque
Has been Sheltering extremists and even suicide bomb manufacturers who were
planning to unleash a bloody attack on the town of Adwa in revenge for hundreds of

Muslims killed by the regime since the uprising began.
A guard named Musa who refused to open the main gate was brutally murdered and 97
persons were arrested, according to eye witnesses in the town of neblet.
TPLF cadres further suspect that the bomb which destroyed a maximum security prison
in Adigrat few weeks ago might have been manufactured and passed to the EUFF rebels
by the so called “Neblet terrorists.”
It is not clear if the commandos found weapons or bomb making ingredients in the
mosque as the reclusive province’s authorities refused to comment on the matter.
However, an elderly Muslim resident of the nearby Edga Arbi village dismissed the
accusation as a terrible faux pas and lamented the appointment of well known anti Islam
warlord Debretsion Gebre Mikael, as deputy PM of Ethiopia. According to the old man,
the TPLF commandos looted the mosque; taking food parcels, generators and public
address systems.
An angry school teacher who gave his name as Ali told the Horn Times reporter that for
the past 21 years the TPLF marginalized Muslims in Tigrai and they suffered
discrimination.
“We condemn the internal colonization of Ethiopia by the Tigraye-Tigreng junta, a group
of Tigro-Ertrean outcasts. We are also warning the people of Tigre to look beyond TPLF.
It is highly unethical for us to live in luxury, enjoying the wealth stolen from the people
of Ethiopia.” The honest high school teacher concluded.
He also condemned the conduct of Aiga forum, a Tigre website which posted the picture
of the raided and looted mosque without telling the story to the world, describing citizen
journalists there as “Bozene cadres.”

መሬት ተደርምሶ ከአራት ያለነሱ ቀን ሰራተኞች ሞቱ

ኢሳት ዜና:-የኢትዮጵያ ውሀና ፍሳሽ ተቋም ለኮንትራክተሮች ሰጥቶ ለፍሳሽ ማስወገጃ በተቆፈረው ከ 70 ደረጃ ወደ አፍንጮ በር በሚያስወጣው ጠባብ መንገድ ላይ በቁፋሮ ስራ ላይ የነበሩ የቀን ሰራተኞች ከ7 ሜትር ጥልቅት በላይ የሚቆፍሩት መሬት ተደርምሶ አራቱን ሰራተኞች እዛው እንደቀበራቸው የተናገሩት የስራ ባልደረቦቻቸው ሲሆኑ፣ ሁለቱ ሰራተኞች ግን የአካባቢው ወጣቶች ተሰባስበው ለህይወታቸው ሳይሳሱ በገመድ በመጎተት እና የተጫናቸውን ናዳ በቁፋሮ በማስለቀቅ በህይወት ታድገዋቸዋል።

የፌደራል የእሳትና ድንገተኛ አደጋዎች መከላከል ኤጀንሲ ከቀኑ 7 ሰአት ላይ አደጋው እንደተከሰተ ቢደርስም ገመድ ከማቀበልና መሰላል ከመዘርጋት የዘለለ ተግባር አላከናወነም ሲሉ የተቹት ሰራተኞች ፣ የአካባቢው ወጣቶች እና ነዋሪዎች ርህራሄ የተሞላበት ትብብር በማድረጋቸው አድናቆታቸውን ገልጸዋል።

በጠዋቱ ፈረቃ ጀምረው በትጋት ሲሰሩ ነበር ስትል ለዘጋቢያችን የገለጸች የአካባቢው ነዋሪ ፣ 7፡30 አካባቢ መሬት ተደርምሶ አደጋው ቢደርስም በቦታው ፈጥነው የደረሱት የእሳት አደጋ ሰራተኞች ፣ በርካታ ፌደራል ፖሊሶች እና የአዲስ አበባ ፖሊሶች ህዝቡን ከማገድ በስተቀር የሰሩት ስራ አልነበረም ስትል ወቀሳ አቅርባለች። የአካባቢው ወጣቶች ተፍጨርጨረው ከቀኑ ዘጠኝ ሰአት ላይ አንደኛውን ቀን ሰራተኛ ያወጡት ሲሆን ከወገቡ በታች በጥልቀት የተያዘውን ሰራተኛ ደግሞ ከቀኑ 11፡15 ላይ ወገቡን በገመድ አስረው በትብብር መንፈስ ሊያትረፉት ችለዋል።

ከዚህ በሁዋላ የፌደራል ፖሊስ አባላት የመቆፈሪያ መሳሪያዎችን በመጠቀም የሌሎችን አስከሬኖች አውጥተዋል።

ትናንት በቃሊቲ እና በደሴ እስረኞች ተጎበኙ

ኢሳት ዜና:-የአዲስ አበባ ወጣቶች ያስተላለፉትን ጥሪ ተከትሎ በቃሊቲ እና በደሴ እስር ቤቶች ከእስረኞች ቤተሰቦች ውጭ አዳዲስ ተጠያቂዎችም መታየታቸውን አዘጋጆች ገልጸዋል።

ወደ ቃሊቲ የተጓዘው ህዝብ እስረኞች የታሰሩበትን ቦታ ባለማወቁ ሲቸገር መታየቱን አዘጋጆች ገልጸዋል። ምንም እንኳ በቃሊቲ የጠበቁትን ያክል ህዝብ ባይገኝም፣ ለመነሻ በቂ መሆኑን አዘጋጆች ገልጸዋል። “ሁሉም ነገር ከዜሮ ነው የሚጀምረው” ያሉት አዘጋጆች ” የእሰረኞች ቤተሰቦች፣ በጠያቂዎች ብዛት ተገርመው እንደነበርም” ገልጸዋል።

አዘጋጆች ህብረተሰቡ በሂደት ስለሚወስደው እርምጃ ጥሪ እንደሚያቀርቡም ገልጸዋል።

የአዲስ አበባ ነዋሪዎች በኢህአዴግ ፕሮፓጋንዳ መማረራቸውን ገለጹ

ኢሳት ዜና:-የቀድሞ የኢትዮጵያ ጠ/ሚኒስትር አቶ መለስ ዜናዊ በሞት ከተለዩ ካለፉት አራት ወራት ወዲህ በየመድረኩና
በመንግስት መገናኛ ብዙሃን “የመለስን ራዕይ እናሳካለን” በሚል የሚነገረው ፕሮፖጋንዳ እጅግ የበዛና አሰልቺ
እንደሆነባቸው ያነጋገርናቸው አንዳንድ የአ/አ ከተማ ነዋሪዎች አስታወቁ፡፡
እንደ ኢትዮጵያ ቴሌቪዥን እና ራዲዮ ያሉ የመንግስት መገናኛ ብዙሃን ወሬያቸው ሁሉ በመለስ ራዕይ ማሳካት ጋር
የተያያዘ ከመሆኑም ባሻገር አቀራረቡም ሆነ የድግግሞሹ ብዛት አድማጭና ተመልካቹን የሚያሰለች መሆኑን አንድ
አስተያየት ሰጪ ተናግረዋል፡፡
የትኛውም ዓይነት ስብሰባዎችን ለአቶ መለስ ጸሎት በማድረግ መጀመር የግድ እየሆነ መምጣቱን የጠቀሰው አስተያየት
ሰጪያችን በአዲስ አበባ አስተዳደር በአንዳንድ መ/ቤቶች ደብዳቤ መጻጻፊያ ማሳረጊያ ላይ “ከሰላምታ ጋር” በሚለው
የመልካም ምኞት መግለጫ ምትክ “የመለስ ራዕይ ይሳካል!” በሚል መጻፍ መጀመሩ ነገሩ የቱን ያህል ግለሰብ
ወደማምለክ ደረጃ መውረዱን የሚያሳይ ተጨባጭ ምሳሌ ነው ብለዋል፡፡

አቶ መለስን ማምለኩ መቼ እንደሚያቆምም አሳሳቢ መሆኑን ጠቁመዋል፡፡

በአዲስ አበባ ከተማ በየጎዳናውና በመንግሰት መ/ቤቶች አቶ መለስን የሚያሞግሱ መፈክሮችን የመስቀሉ ሥራም
ተጠናክሮ መቀጠሉን የጠቆሙት ሌላው የአ/አ ነዋሪ ቀጣዩን የአገሪቱን ዕጣ ፈንታ በሞተ ሰው ራዕይ ለማስቀጠል ሌት
ተቀን የሚደረገው ውትወታ ከፍተኛ አመራሩ ለምን የሙጢኝ እንዳለ ግልጽ አይደለም ብለዋል፡፡

በአሁን ሰዓት ኢህአዴግ የሚባለው ግንባር በአቶ መለስ ራዕይ ሙሉ በሙሉ መተካቱ ለግንባሩ ውድቀት ነው በማለት ተናግረዋል፡፡

ከፍተኛው ፍርድቤት በሙስሊም መሪዎች ላይ ብይን ሰጠ

ኢሳት ዜና:-የፌደራል ከፍተኛው ፍርድ ቤት 4ኛ ወንጀል ችሎት በእነ አቶ አቡበክር የክስ መዝገብ በሽብረተኝነት ወንጀል በተከሰሱት የኢትዮጵያ ሙስሊም ማህበረሰብ ችግሮች መፍትሄ አፈላላጊ ኮሚቴ አባላት ላይ  ብይን ሰጥተዋል።

ችሎቱ ተጀምሮ እስኪጠናቀቅ እና ታሳሪዎች ወደ ማረሚያ ቤት እስኪመለሱ ድረስ ከልደታ እሰከ ኮካ ኮላ ድረስ ያለው አካባቢ በመላ በፌደራል ፖሊስ ተወጥሮ ነበር።

ፍርድ ቤቱ ከቀረቡት ክሶች ውስጥ መንግስትን የመገልበጥ ሙከራ የሚለውን ሁለተኛውን ክስ ውድቅ አድርጎታል። ከአንደኛው ክስ ላይ ደግሞ የሽብር ፈጠራ ከሚለው ላይ ሙከራ ፣ ማነሳሳት የሚለውን አንቀጽ 4 ወጥቶ በአንቀጽ 3 ድርጅቱን በራስ ማድረግ የሚለው ላይ እንዲጠቃለል ወስኗል።

23ኛን ተከሳሽ  በሚመለከት የአእምሮ ህመምተኛ በመሆኑ ተነጥሎ እንዲታይ ፍርድ ቤቱ ትእዛዝ አስተላልፎ፣  ከአማኑኤል ሆስፒታል የምርመራ ውጤት እንዲመጣለት አዟል። ነገር ግን ተከሳሹ በዋስትና ወጥቶ እንዲከራከር ጠበቆች ያቀረቡትን ጥያቄ ፍርድ ቤቱ ሳይቀበለው ቀርቷል።

በመጨረሻም ፍርድ ቤቱ ተከሳሾችን ክሱን ይከላከሉ ሲል ብይን በማስተላለፉ ከጥር 14 ፣ ቀን 2005 ዓም ጀምሮ ለተከታተይ 10 የስራ ቀናት የአቃቢ ህግ ምስክሮች ቀርበው በተከሳሾች ላይ የምስክርነት ቃላቸውን እንዲሰጡ ውሳኔ አሳልፎአል።

ፍርድ ቤቱ በዛሬው እለት የአቃቢ ህግ ክስን፣ የጠበቆችን መቃወሚያ እና የአቃ ህግ የመቃወሚያ መቃወሚያ ሀተታ በንባብ የሰማ ሲሆን፣ ጠበቆቹ የጸረ ሽብር አዋጁ የህግ ትርጉም ስለሚያሻው ወደ ፌደሬሽን ምክር ቤት ይሂድ የሚለውን ፣ የአቶ ጁነዲን ሳዶ ሚስት ክስ ተነጥሎ ለብቻው መታየት አለበት ፣ ፍርድ ቤቱ ይህን ክስ የማየት ስልጣን እንደሌለው እና ክሱ መሰረት ስለሌለው ሊዘጋ ይገባል የሚለውን አቤቱታ አልተቀበለውም። የህገመንግስት ትርጉም ፍርድ ቤት ሲያምንበት ብቻ ወደ ፌደሬሽን ምክር ቤት እንደሚልከው ፍርድ ቤቱ ገልጿል።

ፍርድ ቤቱ ተከሳሾችን የእምነት ክህደት ቃላቸውን የጠየቃቸው ሲሆን እነሱም ህገመንግስታዊ መብታችንን ከመጠየቅ ውጭ ምንም አይነት ወንጀል አልፈጸምንም፣ መብታችንን በሰላማዊ መንገድ መጠየቃችን ወንጀል ሆኖ ነው ያሳሰረን ያሉ ሲሆን ፣ ጋዜጠኛ የሱፍ ጌታቸው በበኩሉ ምንም ወንጀል አልሰራሁም ነገር ግን በእኔ ላይ ወንጀል ተፈጽሞብኛል ሲል ለፍርድ ቤቱ አስረድቷል።

ይህ በእንዲህ እንዳለ ከተለያዩ መስጊዶች በገንዘብና በጥቅማጥቅም የተመለመሉ የአቃቢ ህግ ምስክሮች  በአቃቢያን ህግ እና መርማሪ ፖሊሶች ድጋፍ የምስክርነት ስልጠና እና የተግባር ልምምድ በማእከላዊ ወንጀል ምርመራ በማድረግ ላይ እንደሚገኙ ምንጮች ገልጸዋል።

ESAT Daily News-Amsterdam 17 December 2012 Ethiopia

Mesert Mebrate vs Melese Zenawi

ደክሞኛል፡፡ እጅግ ደከሞኛል፡፡ ዕለተ ቅዳሜ ታህሣሥ 6 ቀን 2005 ዓም በጠዋቱ ቁር የተጠዘጠዘው ሰውነቴ ለ8 ሰዓት ያህል በፀሐይ ቃጠሎ ሲለበለብ ውሎ ጠንዝሏል፡፡ ከመዛሌ የተነሳ ደካማው ሥጋዬ ነገር ዓለሙን ሁሉ ትቼ እንዳርፍ ይወተውተኛል፡፡ ህሊናዬ ግን ነቅቷል፤ እንዳልተኛ ይሞግተኛል፡፡

የ“አውራምባ ልጆች” ከቂሊንጦ እስከ ቃሊቲ ማረሚያ

ቤት – ከወሰንሰገድ ገ/ኪዳን (ጋዜጠኛ)

ወሰንሰገድ ገ/ኪዳን*

እንደመግቢያ
ደክሞኛል፡፡ እጅግ ደከሞኛል፡፡ ዕለተ ቅዳሜ ታህሣሥ 6 ቀን 2005 ዓም በጠዋቱ ቁር የተጠዘጠዘው ሰውነቴ ለ8
ሰዓት ያህል በፀሐይ ቃጠሎ ሲለበለብ ውሎ ጠንዝሏል፡፡ ከመዛሌ የተነሳ ደካማው ሥጋዬ ነገር ዓለሙን ሁሉ ትቼ
እንዳርፍ ይወተውተኛል፡፡ ህሊናዬ ግን ነቅቷል፤ እንዳልተኛ ይሞግተኛል፡፡
ዝርግትግት ብዬ በተጋደምኩበት ፍራሽ ላይ ሆኜ እጄን ወደካርቱን ሰንዱቄ (ወደኔዋ መፅሐፍ መደበሪያ) ሰነዘርኩ፡፡
እጄ ነፍሱን ይማርና ካለጊዜው የተቀጠፈውን ገጣሚ ሙሉጌታ ተስፋዬን የግጥም መድበል ይዞ ተመለሰ፡- “የባለቅኔ
ምህላ”ን፡፡ እንደዋዛ ገለጥኩት፡፡ 91ኛው ገፅ ላይ የሰፈረው ግጥም ህሊናዬ ውስጥ ከሚተራመሰው ሀሳብ ጋር
ሰመረልኝ፡፡ ስለዚህም በጥቂቱ ልቀነጭበው ወደድኩ፡፡ እነሆ፡-
“….ቀን አፍስሼ ደሜን – ሰግሬ ቅዳሜን
ሌት ፈታሁት ህልሤን – የመንትያ ዓለሜን
የናት ልጅ ወንድሜን፤
በዚህም ሆነ በዚህ – ልኩን በማናውቀው
ጠፍቶት መውጫ በሩ – መግቢያው ስለራቀው…” እያለ ይቀጥላል ግጥሙ፡፡ ሙሉጌታ ለግጥሙ የሰጠው ርዕሥ
“የናት ልጅ ወንድሜን” የሚል ነው፡፡ እኔን እጅጉን የመሰጠኝ የግጥሙ መልዕክት የሚከተለው ነው፡-
“…ደሞ ጊዜው ደርሶ ሁሉንም አይተነው
ሁሉን ለይተነው ሁሉን ጥለን ተውነው
በነፍስ ተወንነው
ተፈፀመ ብለን በመስቀል ዘጋነው… ”
አንዳንዴ የነገሮች ግጥምጥሞሽ የሆነ የማስገረም ኃይል የመፍጠር ነገር አለው፡፡ የምንጠብቀው፣ ቢሆን ብለን
የምንመኘው፣ የምናልመው ነገር ባልጠበቅነው ሁኔታ እንደመሳካት ሲል ወይም ሲሳካ ያስደምማል፡፡ የዚህ ፅሁፍም
መጨረሻ እንዲህ ያለው ነገር ነው፡፡ የመጨረሻው መጀመሪያ ሆነ ማለት ትችላላችሁ፡፡
የመጨረሻው መጀመሪያ
ነፍሷን ይማርና የ“አውራምባ ታይምስ” ጋዜጣ ዝግጅት ክፍል ባልደረቦች ያለፈው ሳምንት ቅዳሜ ነበር በሽብርተኝነት
ክስ 14 ዓመት ተፈርዶበት እስር ቤት የሚገኘውን የሙያ አጋራችንን ለመጠየቅ የተቀጣጠርነው፡፡ የየራሳችን ጉዳይ
በልጦብን ጥየቃችንን በሳምንት ዕድሜ አራዘምነው፡፡
ዕለተ ዓርብ ታህሣሥ 5 ቀን 2005 ዓ/ም ምሽት ጋዜጠኛ አቤል አለማየሁ በየእጅ ስልካችን እየደወለ “ቀጠሮ
ይከበር” ሲል አሳሰበን፡፡ በተለይ እኔና የአውራምባ ጋዜጣ ዋና አዘጋጅ የነበረውን ፍፁም ማሞን በብርቱ አስጠነቀቀን፡፡
እውነቱን ነው፤ እኔና ፍፁም እስረኛው ባልደረባችንን ለመጠየቅ የምንይዘው ፕሮግራም ሁሉ ሲሰናከል ሲሰናከል
ሊሳካልን አልቻለም፡፡ በዚህም ልናመልጠው የማንችለው የሕሊና ወቀሳ አለብን፡፡ ስለዚህ በቁርጠኝነት ማሳሰቢያውን
መቀበላችንን ነገርነው፡፡







የጋዜጠኛ ውብሸት ባለቤት።
አይነጋ የለም ነጋ፡፡ ዕለተ ቅዳሜ ከጠዋቱ 12፡30 የሚፋጀውን የጠዋት ቁር መቋቋም በሚችል ልብስ ተጀቢቧቡነን
ከፈረንሳይ ለጋሲዮን ተነስተን ጉዞ ጀመርን፡፡ ወደ ፒያሳ፡፡ ከፒያሳ ስታዲየም፡፡ ስታዲየም የአውራምባ ጋዜጣ ሪፖርተርና
የጤና ገፅ አምደኛ ጋዜጠኛ ኤልያስ ገብሩ ይጠብቀናል፡፡ እኔ ረዥሙን የቂሊንጦ ማረሚያ ቤት መንገድ እንዲያጋድደኝ፣
በእንግሊዛዊው ፊልፕ ማድሰን የተፃፈውንና በጋዜጠኛ ብሩክ መኮንን ተተርጉሞ “የትንሳዔው ሰማዕት” የሚል ርዕስ
ተሰጥቶት በህዳር ወር 2005 ለሕትመት የበቃውን የአጼ ቴዎድሮስን ታሪክ የሚተርክ መፅሐፍ ይዣለሁ፡፡ የአተራረክ
ስልቱ፣ የታሪክ ፍሰቱ፣ የቋንቋው ለዛና ውበት እንደልብወለድ የሚማርክ፣ እንደፊልም የሚታይ ያህል መስጦኛል፡፡
የአጼ ቴዎድሮስን ታሪክ ጭራሹኑ የማላውቀው እስኪመስለኝ ድረስ እንደአዲስ ግኝት አነበው ዘንድ ግድ ብሎኛል፡፡
በጉዞ ላይ ጥቂት ገጾችን ለማንበብ ነበር የያዝኩት፡፡ ሳሪስ ደርሰን አቤልን እስክናገኘው ድረስ አንድም ገፅ ማንበብ
አልቻልኩም፡፡ የመንገዱ ርዝመት፣ መቆፋፈር እና የትራንስፖርት እጥረት፣ ከታክሲ ታክሲ መገላበጥ አንድም ገፅ
መግለፅ አያስችልም፡፡ በዚያ ላይ ሳሪስ አካባቢ ከእነ አቤል ጋር መገናኘት አልቻልንም፡፡ እናም ስልክ ተደዋውለን
“ወደፊት ቃሊቲ መናኸሪያ እንገናኝ” ተባብለን መመረሽን መርጠናል፡፡
ቃሊቲ ማረሚያ ቤትን ሳልፍ በሃሳብ 5 ዓመታት ያህል የኋሊት ተመለስኩ፡፡ ያኔ እዚህ የእሰረኞች “መናኸሪያ” ውስጥ
ነበርኩ፡፡ ሰዓቴን ተመለከትኩ፡፡ በታክሲ ቃሊቲ ለመድረስ ከ2 ሰዓት በላይ ፈጅቶብኛል፡፡ ነፃ የሚባሉ ሰዎች
እስረኞችን ለመጠየቅ በየቀኑ 4 ሰዓታት ያህል ሰውተዋል፤ በወር በዓመት…የሚያባክኑትን እና ከራሳቸው ህይወት
የሚያጎድሉት ሁሉ ማሰብ ይከብዳል፡፡
በዚህም ሆነ በዚህ – ልኩን በማናውቀው
ጠፍቶት መውጫ በሩ – መግቢያው ስለራቀው…” እንዲሉ፣ ጠያቂዎች ከታሳሪዎች በላይ የሚሰቃዩት ስቃይ ታየኝ፡፡
እስር ቤት በበር በኩል አልገቡም እንጂ የዘወትር “እስረኞች” ናቸው እያልኩ ከሌሎች ጓደኞቻችን ጋር የተቀጣጠርንበት
ቦታ ደረስኩ፡፡ አቤል አለማየሁ እና የአውራምባ ጋዜጣ ትንታግ አምደኞች ከነበሩት ፀሐፊዎች አንዱ ገጣሚ ሰለሞን
ሞገስ (እውነትን ስቀሏት እና ከፀሐይ በታች የተሰኙት የግጥም መፅሐፎች ደራሲ ነው) ተቀላቀሉን፡፡ ጉዞ ወደ አቃቂ
መስመር ሆነ፡፡
ወደ አቃቂ ከተማ የሚያሸጋግረው ድልድይ ስር ከታክሲ ወርደን ሌላ ኮረኮንቻማና አቧራማ መንገድ መጓዝ
ይጠብቀናል፡፡ አቤል፣ ኤልያስና ሰለሞን ከዚህ ቀደም ተመላልሰው ውብሸትን ስለጠየቁት ቂሊንጦ ማረሚያ ቤት
ለመድረስ ከ2 እስከ 2.5 ኪሜ ኮረኮንቻማ መንገድ እንደሚቀር ነገሩን፡፡ ወደማረሚያ ቤቱ ለመድረስ በጋሪ፣ በባጃጅ፣
ወይም ከ20 በላይ ሰው አጉረው በሚጓዙ ሚኒባስ ታክሲ መገልገል ግድ ነው፡፡ እኛም ሰው በሰው ላይ ተደራርቦ
በታጨቀበት ታክሲ ታፍገን 3፡15 ደቂቃ ሲል ቂሊንጦ ደረስን፡፡


በቂሊንጦ በራፍ
በቂሊንጦ እንደቃሊቲ ማረሚያ ቤት የጠያቂ ትርምስ የለም፡፡ አካባቢው ፀጥ ረጭ ያለ ነው፡፡ ማንኛውም ሰው
እንደደረሰ መታወቂያ አሳይቶና ተፈትሾ መግባት ይችላል፡፡ ከእኔ ጋር የተጓዙት “የአውራምባ ልጆች”ም በጥቂት
ደቂቃዎች ውስጥ ተፈትሸው ወደግቢው ዘልቀዋል፡፡ እኔ ግን ጥቂት ደቂቃ ዘገየሁ፡፡
ሞባይል፣ የኪስ ቦርሳ፣ “ፍላሽ ዲስክ” ወዘተ ለበረኞቹ አስረክቤ ጨረስኩ ስል ኪሴ ውስጥ የተጣጠፉ ወረቀቶች ሲገኙ፣
እሱን ሳስረክብ ደግሞ ቀለማቸው የተሟጠጠ እስኪሪብቶዎች ሲገኙ፣ እሱንም ሳስረክብ በእጄ የያዝኩት መፅሐፍ፡፡…
ብቻ ዘገየሁ፡፡ መፅሐፉ ለእስረኛው እንዲሰጥልኝ አስመዝግቤ እያስረከብኩ ሳለ ድንገት ከአንዱ ፖሊስ ጋር አይን
ለአይን ተገጣጠምን፡፡ ፖሊሱ ከዚህ በፊት (ከቅንጅት መሪዎች ጋር እስረኛ በነበርኩበት ጊዜ) በደንብ ያውቀኛል፡፡ ሞቅ
ያለ ሰላምታ ተለዋውጠን፣ ስለግል ጤንነታችን እየተጠያየቅን እንዲህ አለኝ፡-
“…አንተስ እዚሁ እስር ቤት ይሻልህ ነበር፡፡ ውጪው አልተስማማህም፤ ከሳህ፡፡”
አቤል ጥቂት ደቂቃ መዘግየቴ ግራ ገብቶት ተመልሶ ጠራኝ፡፡ እየሳቅሁ ወደማረሚያ ቤቱ ውስጠኛ ግቢ አመራሁ፡፡
ለምን እንደዘገየሁ ጠየቀኝ፡፡ ፖሊሱ ያለኝን ነገርኩት፡፡ ከት ብሎ እየሳቀ “እኛ ደግሞ ይኼ ልማደኛ በገዛ እግሩ ከመጣ
እዚሁ ይግባ ብለው ገቢ አረጉህ ብለን ጠርጥረን ነበር” አለኝ ከአጥሩ ባሻገር ወደሚገኘው ውብሸት እየጠቆመኝ፡፡
ባለድርብ ማተብ
ገና በሩቅ እንዳየን ነው የውብሸት ታዬ ገፅታ የመደሰትና የመገረም ስሜት ሲረብበት ያስተዋልኩት፡፡ እኔና ፍፁም
ባላሰበውና ባልገመተው መልኩ እዚያ መገኘታችን ያን መሰል ስሜት እንደፈጠረበት የነገረን ወዲያው ነው፡፡
“እናንተ!… እናንተም ትረሱኝ?” ሲል እስከዚያች ቀን ድረስ በአካል ተገኝተን እሱን ባለመጠየታችን ወቀሰን፡፡
ወዲያው ደግሞ የእሱን እስረኝነት በተመለከተ “የተረሳው ጋዜጠኛ” ብዬ በፃፍኩት መጣጥፍ አመሰገነኝ፡፡ ከአፍታ
የናፍቆት ሰላምታና ውይይት በኋላ፣ ከጀርባው የቆመውን እስረኛ እየጠራ “እዚህ መምጣትና አለመምጣት ያለውን
ጥቅምና ጉዳት ታያላችሁ” አለን እኔንና ፍፁምን በቀልድ መልክ፡፡ እናም የጠራውን እስረኛ ወደ እስር ክፍሉ ሄዶ አንድ
ነገር እንዲያመጣ ላከው፡፡
የእስር ክፍሉ ጓደኛው የተባለውን ነገር ይዞ መጣ፡፡ ለአቤል፣ ለኤልያስና ለሰለሞን ማስታወሻ ይሆን ዘንድ ያዘጋጀላቸው
ከተላጉ እንጨቶች ተፈልፍለው የተሰሩ አምባሮች ናቸው፡፡ ስማቸው የተፃፈበት፡፡ “ለእናንተ ደግሞ ሌላ ቀን” አለን
ቅሬታ እንዳይሰማን በሚመስል ድምፀት፡፡ የእኔን ዓይኖች በአንባሮቹ አሰራርና ውበት ተንከራተቱ፡፡ በተመሳሳይ
መልኩ በእስረኞች የተሰሩና የሚሸጡ አምባሮች አገኝ እንደሆን ጠየቅኩት ከበስተጀርባው ለሽያጭ የተዘጋጁ የእጅ
ስራዎችን እየጠቆምኩት፡፡ አልተገኘም፡፡ ነገር ግን በተመሳሳይ መልኩ ከእንጨት የተሰራ ማተብ አገኘሁ፡፡ የማተቡ
ማሰሪያ የተደረደረ ዶቃ የሚመስል ውብ መስቀል የተንጠለጠለበት ማተብ ገዛሁ፡፡ እናም ባለድርብ ማተብ ሆንኩኝ፡፡
እንዲህ እንዲህ ባለ መልኩ ከውብሸት ጋር በየተራ የልብ የልባችንን እያወጋን እዚያው በዚያው አንድ ውሳኔ ላይ
ደረስን፡፡ ከእስረኞቹ የእደ ጥበብ ውጤቶች ውስጥ ከደቂቃዎች በኋላ ለምንጠይቃት የሙያ አጋራችን ርዕዮት ዓለሙ
በስጦታነት የምናበረክተው ነገር ለመግዛት ወሰንን፡፡ በሁለት ዓይነት ቀለም የተሰራ የአንገት ሹራብ መጠን ያለው
ነጠላ፡፡ የነጠላው ግማሽ አካል ነጭ፣ ግማሹ ደግሞ ቢጫ ቀለም ያለው እንዲሆን ወሰንን፡፡ በአውራምባ ታይምስ
ባልደረቦች ሥም በስጦታነት የሚበረከት የተስፋና የሰላም መልዕክት ያለው እንዲሆን ነው የወሰንነውና የገዛነው፡፡
በዚህ ዓይነት ሁኔታ ነበር ከውብሸት ጋር ያሳለፍነው የ45 ደቂቃ ቆይታ የተጠናቀቀው፡፡
የውብሸት መከፋት
የ14 ዓመት እስራት የተፈረደበት ውብሸት እስር ቤት ከገባ 1 ዓመት ከ6 ወር አስቆጥሯል፡፡ አካላዊ ጤንነቱ የተሟላ
ነው፡፡ የፊቱ ገፅታ ጥርት ብሏል፡፡ “ቀልቷል፤ አምሮበታል” ማለት ይቻላል፡፡ ደግሞ ደጋግሞ የነገረን መታሰሩ ብዙም
ከባድ እንዳልሆነ ነው፡፡ ይሁን እንጂ ስሜቱ መጎዳቱን አልሸሸገንም፡፡ ለመንግስት የይቅርታ ጥያቄ ማቅረቡ ከተነገረ
በኋላ የህሊና እረፍት የሚነሱ አሉባልታዎችን መስማቱ ከእስሩ በላይ እንደጎዳውና እንዳሳዘነው ነው የተረዳነው፡፡
“…ማንኛውም ሰው የራሱ አቋም አለው፡፡ ያንን አቋም እንዲይዝ የሚያስገድዱት ሁኔታዎች አሉ፡- የእሱ ብቻ የሆኑ፡፡
እሱ ብቻ የሚያውቃቸው፡፡ እኔም እንደዚያው፡፡ ስለዚህ አቋሙ ሊከበር ይገባል፤ እኔም የሌሎቹን አቋም
አከብራለሁ፡፡”
ውብሸት ይህንን ሲናገር ዓይኖቹ ውስጥ የሚነበበው ቅሬታ አሉባልታው መንፈሱን ምን ያህል እንደጎዳው ያሳብቃል፡፡

ለምን ይቅርታ ጠየቀ፣ ፈሪ ነው…ወዘተ የሚሉ አሉባልታዎች ይናፈሱበት እንደነበር የአደባባይ ምስጢር ነው፡፡ እንዲህ

ዓይነት ትችት የሚወረውሩት ወገኖች ግን ለአንድ ቀን እንኳ የእሱን የእስር ቤት ህይወት አላዩም፡፡ ኧረ እንደውም
ጨርሶ እስከነመታሰሩም የተዘነጋ ሰው ነው፡፡
“….14 ዓመት ነው የተፈረደብኝ፡፡ እስር ቤት ስገባ የሁለት ዓመት ሕፃን ልጄን ትቼ ነው፡፡ ባለቤቴ ስራ የላትም፡፡
የምትኖረው በቤት ኪራይ ነው፡፡ በዚያ ላይ ቀለብ አለ፤ ለትራንስፖርት ወጪ እንኳ ገንዘብ ያስፈልጋል፡፡ ልጄ ፍትሕ
መማር አለበት፡፡ ለዚህም ገቢ ያስፈልጋል፡፡ የአባት እና የእናት ፍቅር ያስፈልገዋል፡፡ እርግጥ ነው የሥጋ ዘመዶቼ የሆኑ
ሰዎች ባህር ማዶ አሉ፡፡ ምናልባት የአመት በዓል የዓመት በዓል ጊዜ ባለቤቴን በገንዘብ ሊረዷት ይችላሉ፡፡ እሱም
ከስንት አንዴ ቢሆን ነው፡፡ እኔ ይቅርታ የጠየቅሁት ልጄን በቅርበት ለማሳደግ እና ባለቤቴን ለማገዝ ነው፡፡ ሌላ
ምክንያት የለኝም፡፡ ይቅርታ መጠየቅ የለበትም የሚሉትን ሰዎች አቋም አከብራለሁ፡፡ ግን በእኔ ቦታ ቢሆኑ ምንድነው
የሚወስኑት?…”
እውነት ምንድነው የሚወስኑት? ህሊናን የሚፈትን ጥያቄ ነው፡፡ ጥያቄውን እያሰላሰልኩ በጠዋቱ ተነስቼ ወደቂሊንጦ
ያደረግኩትን ጉዞ እና የፈጀብኝን ሰዓት አሰብኩት፡፡ ከ2 ሰአት ተኩል በላይ ፈጅቶብኛል፡፡ ስመለስ ይህን ያህል ሰዓት
ይፈጅብኛል፡፡ የእስረኛው የውብሸትን ባለቤት አሰብኳት፡፡ በጉዞ ብቻ በቀን 4 ሰዓት ትፈጃለች፡፡ ለእስረኛው ቀለብ
ማዘጋጀት የሚወስደው ጊዜ አለ፡፡ ለልጇ ጊዜ መስጠት አለባት፡፡ ሌላም ሌላም ሌላም፡፡ በዚህ ዓይነት የራሷን ሕይወት
የምትኖረው እንዴትና መቼ ነው? ልጁን ፍትሕ ውብሸትን አሰብኩት፡፡ ወደ ትምህርት ቤት ከመሄድ ይልቅ ወደ እስር
ቤት የሚመላለሰው እስከመቼ ነው? ብላ ብላ ብላ፡፡ ለባለቤቱ አዘንኩላት፡- ለፍትህም አዘንኩ፡፡ አዘንኩላቸው፡፡
በዚህ ዓይነት ሥሜት ውስጥ ሆነን ነው ውብሸትን ተሰናብተነው የወጣነው፡፡ እኛ የእስር ቤቱ ቅጥር ግቢ ተሻግረን
ለመውጣት እግራችንን በሰነዘርንበት ሰከንድ የውብሸት ባለቤትና ልጇ ፍትህ ለመግባት እግራቸውን ሲሰነዝሩ አንድ
ሆነ፡፡ በፀሐዩ ንዳድ ፊቷ እንደመወየብ ብሏል፡፡ በዚያ ላይ የመንገዱ አቧራ ልብሷን አጠቅርሾታል፡፡ የድካም ስሜት
ተጫጭኗታል፡፡ እኛን ስታይ የጠለሸው ፊቷ በፈገግታ ተሞላ፡፡ ወደ እስር ግቢ ከመግባቷ በፊት ለማስታወሻ ፎቶ
እንድንነሳ ጠየቅናት፡፡ የእስር ቤቱ ጥበቃዎች እንደማይቻል ነገሩን፡፡ የሞባይላችንን ካሜራ ወደ እስር ቤቱ ሳይሆን ወደ
ባዶው ሜዳ እንደምናደርግ እና እንዲፈቅዱልን ለመንናቸው፡፡ ፍቃደኝነታቸውን ሳይገልፁን በፍጥነት በየሞባላይችን
ምስላችንን አስቀረን፡፡ የካሜራውን እይታ ወደውጭ ደግነን፡፡ ጓደኛችን ወደውጭ እንዲወጣ እየተመኘን፡፡
ከቂሊንጦ ወደ ቃሊቲ
5፡15 ደቂቃ ሲል ነው ቃሊቲ የደረስነው፡፡ ወደ ማረሚያ ርዕዮት አለሙን ለመጠየቅ 45 ደቂቃ መጠየቅ ይኖርብናል፡፡
“ልዩ” ተጠያቂ የሚጎበኘው ከ6 ሰዓት በኋላ ለ30 ደቂቃ ነው፡፡ ልክ እንደእኛ ሁሉ፣ የእስልምና ተከታዮችን መብት
ለማስከበርና መጅሊሱ እንዲቀየር ጥያቄ ያነሱና የታሰሩት ኮሚቴዎች ጠያቂዎችም ከማረሚያ ቤቱ ውጪ እየተጠባበቁ
ነው፡፡ የመግቢያው ሰዓት ሲደርስ የእስልምና ኃይማኖት ተከታዮችን ጠያቂዎች በሥም እየተለዩ ይጠሩ ጀመር፡፡ እኛ
ግን የርዕዮት “ልዩ” ተጠያቂነት አስረድተን ወደውስጥ እንድንገባ ተፈቀድልን፡፡ ገባን፡፡ ሌላ 30 ደቂቃ ከጠበቅን በኋላ
ወደ ታሳሪዎቹ አመራን፡፡
ርዕዮት ዓለሙ ነጭ ሱሪ በነጭ ሸሚዝ ለብሳለች፡፡ ከመጠየቂያው የሽቦ አጥር ወዲያ የቆመችው ይህቺ የቀይ ዳማ
ወጣት ገና ከሩቅ ስታየን ተፍለቀለቀች፡፡ ስንደርስ ጣቶቿን በሽቦው አጥር አሾልካ ሞቅ ያለ ሰላምታ አቀረበችልን፡-
እኛም እንደዛው፡፡ እናም አወጋን፡፡ ስላቀረበችው ይግባኝ፣ ከይግባኙ ስለምትጠብቀው ተስፋ ወዘተ ወዘተርፈ አወጋን፡፡
በመጨረሻም የሠላም፣ የመልካም ጤንነት እና የተስፋ መልዕክታችንን ይገልፅናል ያለውን ስጦታ አበረከትልናት፡፡
ወዲያው ነጠላውን በትከሻዋ ላይ አሸጋግራ ጫፍና ጫፉን በደረቷ ላይ አንዠረገገችው፡- በኩራት፡፡ እናም
የመጨረሻው መጀመሪያ ሆነ፡፡
የመጨረሻው መጀመሪያ
ከወደ አቃቂ መስመር ባዶውን እየበረረ የመጣው ሎንቺን ወስጥ ነን፡፡ የመጨረሻው ወንበር መደዳውን ይዘን
የተቀመጥነው የ“አውራምባ ልጆች” ካየነው፣ ከሰማነው፣ ካስተዋልነው እየተነሳን በነፃነት እያወጋን ነው የምንጓዘው፡፡
ሞቅ ያለው የጋለ ወሬአችንን ያቋረጠው ድንገት የተንጫረረው የአቤል እጅ ስልክ ነው፡፡ “ኧረ ባክህ!?” የሚል ግነታዊ
ጥያቄ ሰነዘረ፡፡ ስልኩን ዘግቶ “እናንተ ደዋዩ እኮ ውብሸት በዚህ ሳምንት ይፈታል የሚል ዜና ወጥቷል ነው የሚለኝ”
አለን፡፡
ስታዲየም ዙሪያ ደርሰን የተባለውን ዜና ለማንበብ ቸኮልን፡፡ በእርግጥም “ኢትዮ-ቻናል” ጋዜጣ ዜናውን ይዞ
ወጥቷል፡፡ ከዜናው ርዕስ ጎን በሩቅ ርቀት አሸጋግሮ የሚመለከት የሚመስለው የውብሸት ታዬ ፎቶ አብሮ ታትሟል፡፡
እናም የተባለው እንዲሆን በፅኑ ተመኘን፡፡ የጋዜጣው የተባለው ከሆነ “የእኔና የፍፀም ውብሸትን ጥየቃ የመጨረሻው
መጀመሪያ ሆነ ማለት ነው” አልኩ ለራሴ፡፡ የእስር ቤት የመጨረሻ ጥየቃ ለውብሸት ደግሞ የነፃ ሰውነት ህይወት

መጀመሪያ፡፡ እናም ይህንን ፅሁፍ በጀመርኩበት የሙሉጌታ ተስፋዬ “የናቴ ልጅ ወንድሜ” ቅንጭብ ግጥም መደምደም
ወደድኩ፡፡ እነሆ፡-
“…ደሞ ጊዜው ደርሶ ሁሉንም አይተነው
ሁሉን ለይተነው ሁሉን ጥለን ተውነው
በነፍስ ተወንነው
ተፈፀመ ብለን በመስቀል ዘጋነው… ”
አበቃ!!
* ጋዜጠኛ ወሰንሰገድ ገብረኪዳን የኢትኦጵ እና የአዲስ ዜና ጋዜጣ ዋና አዘጋጅ ነበር። ምርጫ 97ን ተከትሎ ቃሊቲ
ከቅንጅት መሪዎች ጋር ታስሮ የነበረ ሲሆን ከዛም ከወጣ በኋላ “የቃሊቲ ምስጢሮች” የተሰኘ መጽሐፍ አሳትሟል።

በቴዲ አፍሮ ስም የተለቀቀው መዝሙር የዘማሪ ጥላሁን ጎአ መሆኑ ተረጋገጠ

”ዘ-ሐበሻ) በቴዲ አፍሮ
ስም ተለቆ የነበረውና

ብዙዎችን ሲያነጋገር
የሰነበተው “በይቅርታ
ተቀበለኝ መዝሙር”
የዘማሪ ጥላሁን ጎአ
እንደሆነ ታወቀ።
የሙዚቃው አቀናባሪ
ዝናው ሃሳም ይህን
አረጋግጧል። በቴዲ አፍሮ
ስም ማን እንደለቀቀው
ባይታወቅም ብዙዎች ግን
ለዝና ማግኛ ነው ሲሉ
አስተያየት ይሰጣሉ።
ዘማሪው ነዋሪነቱ
በወላይታ መሆኑም
ታውቋል። የበለጠ
መረጃዎችን ይዘን
እንመለሳለን።
ለጊዜው በዩቲዩብ
የተለቀቀው የዘማሪ ጥላሁን
ጎአ መዝሙርን
ይመልከቲ።