የጨበጣ ፖለቲካ!

ሰላም! ሰላም! መብራትና መጥፋት እንዴት እያደረጋችሁ ነው? ምን ይደረግ ዘንድሮ ከውኃ እስከ መብራት ከሀብት እስከ ድህነት በርቶ የማይጠፋ ጠፍቶ የማይበራ የለም! ዓይን ከማየት ጆሮ ከመስማት አይጠግብ የማናየው የማንሰማው የለም።

ድሮስ ለመሥራት እንጂ ለመስማትና ለማየትማ ማን ብሎን? አትሉኝም?! እውነቴን እኮ ነው! ትንሽ የሰሞኑ የመብራት ደም ማነስ አትሉት ደም ግፊት እያሰቃየ በጊዜ ያስተኛን ወሬያችንን ያቋርጠን ጀምሮ ነው እንጂ፣ ሁሉም ነገር እንደጉድ በየመንገዱ ተበትኖላችሁ ሳያዩና ሳያሙ ማለፍ አላስችል ብሏል እኮ። እኔምለው ግን ‘ኔትወርክ’ እየጠፋ አማሮናል የሚለው ማመልከቻችን ደርሶ መፍትሔ ሳይሰጠው ደግሞ መብራት ኃይል ላይ መጮህ ልንጀምር ነው? ምነው ባልበላ አንጀታችን በየአቅጣጫው ባያስጮሁን ግን?! የእኛ ነገር ያው መጮህ ነው ልምዳችን ብዬ እኮ ነው። 

ባሻዬ እሪ ስንል ከርመን የማንደመጠው ነገር ሲታሰባቸው፣ ‹‹እኔማ አሁን አሁን እግዜሩ ለኢትዮጵያዊው አዳም ለይቶ በ‘ጥረህ ግረህ ብላ’ ፈንታ ‘ጮኸህ ጮኸህ ቅር’ ኑር ብሎት ይሆን?›› ይሉኛል ከእሳቸው በላይ እኔ የቅዱሱ መጽሐፍ ሊቅ እመስል። ታዲያ ሰሞኑን አንድ ወዳጄ ምን ሲለኝ ነበር መሰላችሁ? እንዲያው ነገርን በነገር ማንሳት ስንችልበት እኮ! ‹‹አንበርብር እነዚህ ግብፆች በዓባይ አወዛግበውን ቆቃን ናዱት እንዴ?›› አይለኝ መሰላችሁ። የመሠረተ ልማቱ ሥራ በሙሉ ፖለቲካ የሆነባት አገር ብዬ በሆዴ፣ በአፌ ሌላ ነገር ሳልመልስ በፈገግታ ሸኘሁት። አሁን አሁን ሳስበው ‘በጥርሷ ሸኝታኝ አለችኝ ደህና እደር’ ብሎ ነፍሱን ይማረውና ጥላሁን የተጫወተው ጣፋጭ ዜማ ለእንዲህ ያለው አነካኪ ጨዋታ መዋል የሚችል ነው። መቼም ዘንድሮ በክፉም በደጉም ሳይነካኩ መኖር ከባድ ነው። አስቡት እስኪ መኖር በከበደበት ዘመን የአኗኗር ስልቱ ሲከብድ? በእንቅርት ላይ ጆሮ ደግፍ አትሉም! 

ያው እንደምታውቁት በአንዱ ላይ አንዱ ችግራችን ሲደረብ የማንቆጥረው ጉድለት የለም። በዚህ እልም ድርግም እያለ መብራት በሚረብሸን ሰሞን ነው። ከአንድ ‹‹ቪትዝ›› መኪና አስመጪ ወዳጄ ጋር በሥራ ጉዳይ ተገናኝተናል። እኔም ‹‹ቪትዝ›› ፈላጊ ሲመጣ ሲያጋጥመኝ እዚህ ወዳጄ ጋ ነው የምሮጠው። ይገርማችኋል የእኛ አገር ቢዝነስ ጥሎበት ነው መሰል ተመሳሳይ ነው። አሁንማ አገር ምድሩ ‘ቪትዝ’ በሚባል መኪና ተለክፎ እሱን ስናከራይ፣ ስናሻሽጥና ስናስለውጥ መዋል ሆኗል ሥራችን። (‘ቪትዝ ጄነሬሽን’ ተብሏል አሉ) ያው እንግዲህ በየነገሩ ኮሚክ አይጠፋም አይደል? አንዱ ምን አለ ሲባል ሰማሁ፣ ‹‹የዕድገትና ትራንስፎርሜሽን ዕቅዱ ላይ የምንደርሰው በፋብሪካ መሆኑ ቀርቶ በቪትስ ሆነ እንዴ?›› አለ አሉ። ሳቁንስ ሳቅነው። ከሳቁ በኋላ ያለው ደረቅ የኑሮ እውነታ ባያቃጥለን ነበራ። እንግዲህ ይኼውላችሁ ጨዋታ ነው ብዬ ቀስ በቀስ ራሴን በነገር ሳጠላልፍ የጀመርኩላችሁን የወዳጄን ጨዋታ ስረሳው። ‘ሞት ይርሳኝ’ አልል ነገር የዘንድሮ ሞት የቁም ጭምር ሆኖ ከአንዱ ብንድን ከአንደኛው አንሽርም። የቸገረ ነገር እኮ ነው!

 እናላችሁ ከመኪና ነጋዴ ወዳጄ ጋር ስለአገርና ስለሥራ ስንጨዋወት ቆየንና፣ ‹‹አንተማ ምን አለብህ በደህናው ጊዜ አግብተህ፤›› ብሎ የትዳር ጨዋታ አስጀመረኝ። በነገራችን ላይ ከጊዜ ወደ ጊዜ የካፌ ስብሰባዎች ከፖለቲካ ስብሰባዎች እኩል እየሆኑ መምጣታቸው ምክንያቱ ትዳር ፍለጋ ነው ሲሉ የሠፈሬ ልጆች የሠሩት ‹‹ሪሰርች›› ጠቁሞኛል። ታዲያ የዘንድሮ ዩኒቨርሲቲዎች ከቁም እንቅልፋቸው አልነቁምና ስለዕለት ተዕለት አኗኗራችን በጥናት የተደገፈ መረጃ ሲያምረን የት እንሂድ? ‹‹አንተ ደግሞ ይኼን ያህል ጊዜ ሥራ ሥራህን ስታይ ቆይተህ አሁን ነው ትዳር ትዝ የሚልህ?›› አልኩት እኔም አንስቶልኝ የማያውቀውን ወሬ ሲያወራኝ። ‹‹አይ አንበርብር አንዳንዴ ኢትዮጵያ ውስጥ መኖራችንን ትረሳዋለህ ልበል? እኔ የሰሞኑ መብራት እንዳሻው መጥፋት ብቸኝነቴን ባይጠቁመኝ አሁንስ ቢሆን የት አስታውሼው?›› ሲለኝ የምለው ጠፍቶኝ ጭጭ አልኩ። አስቡት በዚህ ዘመን እንዲህ ዓይነቱን ነገር የሚነግራችሁ ሰው ሲገኝ። ‘የማይመስል ነገር ለሚስትህ አትንገር’ ማለት ታዲያ ይኼኔ ነው! 

መኪና መግዛት የፈለገው ደንበኛዬ መጥቶ የፈለጋትን ዓይነት መርጦ እስኪያሳውቀን ድረስ ከዚሁ ወዳጄ ጋር ጨዋታችን ደራ። ‹‹አሁን አንተን የመሰለ የልጅ ሀብታም ማግባት አልቻልኩም ብለህ ስታወራ ትንሽ አታፍርም? ኧረ እንዲያው እንዴት ያለችዋ ናት አንተን እንቢ የምትለው?›› ስለው፣ ‹‹አይ አንበርብር! ገንዘብ መስሎህ ነው ቁም ነገሩ? በጨበጣ አገባህ ተርፎህ አገባህ ዋናው እኮ የምታገባት ሴት ባህሪ ነው፤›› ሲለኝ ይኼ ነገረኛ አዕምሮዬ ወዲያው ምን አሰበ መሰላችሁ? ውስጥ ውስጡን ከኑሮ ውድነት እኩል የትዳር ውድነት እንዲህ ሥር ሰዷል ማለት ነው? ስል አሰብኩ። በሎሚ ጠበሳ በሚሪንዳ ጅንጀና ድሮ ቀረ እንላለን እንጂ በመኪና ቁልፍና በስደት ቪዛም ለካ አልሆን ያለው ብዙ አለ?! ጉድ ነው ዘንድሮ። (የዘንድሮ ጉድ ግን አልበዛም?)

ለዚህ ይሆን ታዲያ በትዳር ላይ የዝሙት ሙስና ከገንዘቡ ሙስና ሲበልጥ እያየን ያለነው? ምን ይታወቃል። ለነገሩ ቢታወቅም ዕውቀትና አዋቂ የተናቁበት ዘመን ስለሆነ ዋጋ የለውም። ‹‹እንዲያው ብቻ የዚህ የቁጠባ ቤቱ፣ የባቡሩ፣ የህዳሴው ግድብ የመሳሰለው ተስፋ ሰጪ ማነቃቂያ የልማት ሥራ ሲመጣ ሰው ፍቅሩ እየጨመረ ሲሄድ ማየት ነበረብን፤›› የባሻዬ ልጅ ያለኝ ትዝ አለኝ። ልክ እኮ ነው ታዲያ። ሰው ከሰው ጋር መተባበበር፣ ሕዝብ ከመንግሥት ጋር ለጋራ ለሕዝብ ጥቅም መሥራት፣ ተቃዋሚዎችና መንግሥት በሕዝብ አጀንዳ ላይ መጣመር ሲገባቸው ራስ ወዳድ መሆን በእውነቱ ደስ አይልም። ‹‹ትልቁ ችግራችን ይኼ አይደል ታዲያ? አይተነው የማናውቀውን የእንቅስቃሴና የለውጥ ዘመን እኮ ነው እያየን ያለው። ምነው ተመስገን ብናውቅ?›› ስትለኝ የሰነበተችው ማንጠግቦሽ ናት። ይኼን የውዷን ባለቤቴን ማንጠግቦሽን ማስተዋል ገዥው እስኪመጣ እየተቁነጠነጠ ለሚጠብቀው መኪና ሻጭ ወዳጄ ስነግረው አንድ ገጠመኙን አጫወተኝ። ሦስተኛው ዓለም ላይ ሲኖሩ ገጠመኝ መቼ ያልቅና?!

‹‹ባለፈው ሰሞን ሁለት አፍላ ፍቅረኛሞች ሲሆኑ ያየሁትን ልንገርህማ። እንግዲህ መጀመርያ እኔ ዘንድ መጥታ መኪና መግዛት እንደምትፈልግ ነግራኝ የተዋወቀችኝ እሷ ናት። ኋላ የምትፈልገውን የቀለም ዓይነትና ሞዴል መርጣ ክፍያ ላይ ስንደርስ እሱ መጣ። ከዚያማ ዞር ብለን እንነጋገር ሳይሉ ፊት ለፊቴ የሆድ የሆዳቸውን ይነጋገሩልህ ጀመር። እሱ ‘አሁን መኪና ምን ያስፈልገናል ለቤት አንቆጥብም ወይ?’ ሲላት እሷ፣ ‘ይኼ መኪና እየተከራየ የሚያመጣው ገቢ ለቁጠባ አይበቃንም ወይ? አንድም ንብረት ነው ሌላም ገቢ ይኖረዋል፤' ትለዋለች። እኔ ይህንን ስሰማና ሳይ አንድም ሰው ስለተሻለ ሥራና ኑሮ ማሰብ መቻሉ በራሱ ለዚህች በደም ስትጨማለቅ ለኖረች አገር ትልቅ ነገር መሆኑ ታየኝ። በአንፃሩ ደግሞ አሁንም የዕለት ጉርሱን አጥቶ መንገድ የወደቀው ዜጋ እየታሰበኝ የመደብ ልዩነት የማይኖርባት፣ ሕዝቦቿ እኩል ያሰኛቸውን ጠይቀውና አግኝተው ሠርተውና ፈጥረው የሚኖሩባት ኢትዮጵያ ናፈቀችኝ፤›› ብሎ ሲያጫውተኝ፣ የእሱ ማስተዋል የብዙኅኑ እንዲሆን ተመኘሁ። ምኞት አይከለከልምና! 

እንደ መብራቱ ሄድ መለስ የሚለው የደላላ ሥራ ሰሞኑን ደግሞ በአከራይና ተከራይ ደምቆ ነው የሰነበተው። የሚከራይ ቤት ስፈልግ የሚከራይ የኮንስትራክሽን መኪናና ማሽን ሳጣራ ነበር የሰነበትኩት። በአጠቃላይ ማን የማይከራይ ማን የማያከራይ አለ ብላችሁ ነው? ‹‹አንተ አገሩ በሙሉ ኪራይ ሰብሳቢ ሆነ ቢባል ታዲያ ምን ይገርማል? እንዲህ ውጣ ውረድ የሌለበት የሰነፍ ሥራ ለምዶ?›› ያለኝ የሚያካልበኝን ጉዳይ በአጫወትኩት ቁጥር የሚያዋየኝ የባሻዬ ልጅ ነው። እሱ ደግሞ ነገር ማጠጋጋት ይወዳል፡፡ ነገሩን ወዴት እንደወሰደው ተመልከቱ። ታዲያ ካነሳነው አይቃር አንድ ጨዋታ ላጫውታችሁ። (መቼም ለቤት እንጂ ለወሬ ቁጠባ የለውም) ባለፈው ከወዳጆቼ ጋር ለሰኔ ውርጭ እጅ ላለመስጠት ‹‹ዋን ዋን›› እያልን ተሰብስበን ስንጫወት፣ ‹‹ምነው ሙሰኛ ማደኑ የአንድ ሰሞን ዜና ሆኖ ቀረ?›› ብሎ ከመሀላችን አንዱ ይጠይቃል። ‹‹አብደሃል እንዴ? ለመኖርያ ቤት የምንቆጥበው አንሶ ደግሞ ለእስር ቤቶች እንድንቆጥብ አማረህ?›› ሲል ሌላው ይመልስለታል። ‹‹ኧረ ንገርልኝ! አላወቀም አገር ምድሩ ወጣት አዛውንቱ እልም ያለ ኪራይ ሰብሳቢ መሆኑን። ማን ይተርፍና?›› ይላል ሌላው። ኋላ ይኼን ጨዋታ ያመጣው ወዳጃችን ምን ቢል ጥሩ ነው? ‹‹‘ላይጋግሩ ምጣድ ማሟሸት’ ታዲያ ምን አስፈለገ?›› ሲል የተመካከርን ይመስል፣ ‹‹እሱን አብረን እንጠይቃለን አልነዋ፤›› አይገርማችሁም ግን?! አሁን የኢሕአዴግ ‘ወጤ ከጣፈጠ ጠላዬ ቢቀጥን’ አካሄድ ጠፍቶት ነው? ተናግሮ ሊያናግረን እንጂ!

በሉማ እንሰነባበት። የ40/60 የቁጠባ ቤቶች ሙሉ በሙሉ የከፈለ ቅድሚያ ይሰጠዋል አሠራር የባሻዬን ልጅ አበሳጭቶት ሲያገኘኝ የሚያወራኝ ስለዚሁ ሆኗል። ‹‹ቆጥቡ ብሎ መሸጥ? ቁጠባ ሌላ ግዥ ሌላ! እንዴት ያለ ነገር ነው?›› ይለኛል ባገኘኝ ቁጥር። ይኼን ጊዜ የዚህን የቤት ፕሮግራም መጨረሻ አይቼው እያልኩ በሆዴ ከተለመደችዋ ግሮሰሪያችን ተቀምጠን ከግራ ከቀኝ የሚባለውን አዳምጣለሁ። ገሚሱ፣ ‹‹ሀብታምም ዜጋ ነው! ኢትዮጵያ ያላቸውም የሌላቸውም ናት። እኛን የሚያሳስበን እንዴት አድርገው አገኙት? የሚለው ብቻ ነው፤›› ሲል እሰማለሁ። ገሚሱ፣ ‹‹ደርሶ ሁሉን ነገር መቃወም። መንግሥትስ ከየት አምጥቶ ይሠራዋል? እንዲህ ያለውን አማራጭ የማይጠቀም ካልሆነ? ኤድያ! ደርሶ በረባ ባረባው እንደ አገራችን ተቃዋሚ ፓርቲዎች አቃቂር ማውጣት ስንወድ፤›› ይላል። ‹‹ተው! ተው! የተቃዋሚዎችን ነገር አታንሳብን። እንዴ፣ አሁንማ'ኮ ከሕዝብ ፍላጎት፣ ሐሳብ፣ ከአገራዊ የልማት አጀንዳዎች ወጥተው አንደኛውን ‘ፖለቲካን በጨበጣ’ ተያያዙት እኮ!›› ሲል ከወዲያ ሌላው ይመልሳል። ሌላው ከወዲያ፣ ‹‹ኧረ ከተቃዋሚዎች ራስ ላይ ውረዱ፡፡ ኢሕአዴግ ዙሪያውን ዘጋግቶባቸው አላሠራ ያላቸው አንሶ የምን መሟዘዝ ነው?›› ሲል ሰማነው፡፡ ‹‹እንነጋገር ከተባለማ የጨበጣ ፖለቲካ ያለውማ እከሌ ከእከሌ ሳይባል ሁሉም ዘንድ ነው፤›› እያለ ከማዶ በኩል አንዱ ሲናገር ግሮሰሪያችን በሕዝብ ያልተወከሉ የፓርላማ አባላት የተሰባሰቡባት መሰለች፡፡ ሒሳብ ከፍለን ከባሻዬ ልጅ ጋር እስክንለያይ ድረስ ‘ፖለቲካን በጨበጣ!’ ያሉዋት አገላለጽ በልቤ ውስጥ ቀረች። መልካም ሰንበት!  ደላላው ዘሪፖርተ

ድጡ ወደ ማጡ! የቀበሮ ባሕታዊ በሎንደን

መግቢያ

 ወንድሙ መኰንን፣ ሎንደን 4 July 2013

በዓለም ዙሪያ የተበተናችሁ ወገኖቻችን በኛ ሎንደን በምንኖረው የኦርቶዶክስ ሀማኖት ተከታይ በሆንን ኢትዮጵያውያን ላይ በአንድ መነኵሴ ነኝ ባይ የቀበሮ ባሕታዊ ግለሰብ አማካኝነትና በወያኔ ቀጠረኞች የደረሰብንን ይቅር የማይባል በደል ዕለት በዕለት እንደምትከታተሉና መጨረሻችንን ለማየት በጉጉት እንደምትጠባበቁ እዚህ ያሉት ወንድሞችና እህቶች በሚገባ ያውቁታል። ያመሰግናሉም። ታዲያ ከዚያች ቀውጢ የሁዳዴ ጾም መያዢያ ማግስት፣ ጀምሮ የተዘጋብን ቤተክርስትያን ጉድይ እስካሁን እልባት ሳያገኝ፣ ቀርቶ ሕጻናቱም፣ አይቆርቡም፣ አዛውንቱም፣ ወይዛዝርቱም እግዚአብሔርን ማምለኪያ ቦታ አላገኙም። ይኸ በደል ባንድ ካኽን ንኝ ባይ ሲፈጸም በኢትዮጵያ ታሪክ የመጀመሪአው መሆን አለበት። ብቻ በየሰንበቱ፣ “አንድ ሐሙስ የቀራችሁ፣ የእንጨት ሽበት፣ ሽሜ ጉጉ” እያተባሉ በወያኔ ሶልዲ በተገዙ ስድ ወጣቶች እየተሰደቡ፣ ሴቶችም ለጆሮ በሚቀፍ ስደብ እየተሸማቀቁ፣ ቤተክርስቲያኗ ቅጥር ገቢ እየገቡ ሕንጻዋን እየተሳለሙ፣ ከሕዝብ ጋር ከሚንከራተቱ አንድ ቄስ፣ አንድ መሪ ጌታ፣ እና በመምሕር ታሪኩን ጨምሮ በዛ ካሉ ዲያቆናት መሪነት ሜዳ ላይ እየጸለዩ፣ አራት ወራት አሳለፈዋል። ምን ላይ ደረሰ እያላችሁ የምትጠይቁ በዝታችኋል። ሁለቱ አዋጊ ጳጳሳትም፣ አቡነ ገብርኤልና አቡነ ቀውስቶስ፣ የትም ቦታ መንቀሳቀስ በማይገባቸው የሱባኤ ሰሞን አገረ ስብከታቸውን ጥለው ሕንጻውን ሊቀሙን ቢመጡም፣ በተደረገው ርብርብ ሳይሳካላቸው ቀርቶ “አባ” ተባዩን የቀበሮ ባህታዊ፣ “በርታ” ብለው ወደመጡበት ተመልሰዋል። “በመነኵሴ ነኝ” ባዩ አመጸኛ ግለሰብ አዝማችነት፣ ተዝቆ፣ ተዝቆ በማያልቀው የወያኔ ገነዘብ ኪራይ ከፋይነት ተደለለው፣ ቤተክርስቲያን አንድም ቀን ረግጠው በማያውቁ ከየት እንደመጡ የማይታወቁ ጋጠ-ወጦች (ጋንግስተሮች) እስከመገፋት መገፍተር፣ደርሷል። እና አባ ተባዩም ንብረት እስከመስረቅና ማጋዝ ጀምረው ነበር። እንዲያም ሁኖ፣ እስካሁን ሕዝበ ክርስቲያኑ ቤተክስቲያኑን እየጠበቀና እየተከላከለ ይገኛል። ግፉ ግን በዝቷል። ሁለንተናው ዘቅጧል። ነገሩ ሁሉ ከድጡ ወደማጡ ተብሎ ቢደመደም ይበጃል። “አባባሱባት” ነበር ያልኳችሁ ባለፈው? እሱን እርሱት። ያሁኑ ይባስ።

የመዳን ንሰሐ ለጥቃት ሲያጋልጥ

ባለፈው ሳምንት የተፈጽመው አሳፋሪ ወንጀል፣ በታሪካችን ምንጊዜም “በምዕምን ላይ ደረሰ” ሲባል ተሰምቶም የማይታወቅ ጉድ ነው። ፈረንጆች “Abuse of Trust” ይሉታል።  ያመኑት ፈረስ በደንደስ እንደሚሉት ነው። በመጨረሻው ጽሑፌ ከአንባቢዎቼ የተልያየሁት “ብጹዐን አባቶች ለታስታርቁን ወይስ ልታዋጉን መጣችሁ?” በማለት በሞነጫጨርኩት መጣጥፍ ነበር። አባዛኛው መልዕክቱ ቢገባውም፣ ሌሎች ሰዎች ነገሩን እያባባስኩ እንጂ እየረዳሁ አለመሆኔን ስላሳሰቡኝ፣ ላልተወሰነ ጊዜ ምንም ላለመጻፍ አቅጄ ቆየሁ። የኔ ዝምታ ግን “ትሻልን ፈትቼ ትብስና አገባሁ” ቢጤ ሆኖብንና አሸንፈው ጭጭ ያሰኙኝ መሰላቸው። የኔ መተው ነገሩን አልከተተውም። ጳጳሳቱ ወደመጡበት በመመለሳቸው፣ የወያኔን ይሁንታ ተጨምሮበት፣ የቀበሮ ባህታዊው ባሰባቸው። በነጋ በጠባ ሕዝቡን “በምን ላቁስለው?” እያሉ ሲያልሙ የሚያድሩ ይመስላሉ። ፓትርያርኩ በሞቱላቸው ጊዜ፣ ይኸን ሕዝብ በምን ቆሽቱን ላድብን ብለው፣ ለታጋይ ጳውሎስ ፍትሀት አደርጋለሁ ብለው ተነስተው እንደአንጫጩን ይታወሳል። አሁን ደግሞ ሌላ አገኙ። የቤተክርስቲያናችንን መሠረት የናደ፣ እንኳን ከአንድ የአሀይምኖት አባት ነኝ ብሎ ከሚመጻደቅ ይቅርና፣ ከመርካቶ ዱሩየም የማይጠበቅ፣ በጣም የወረደ ተግባር ፈጸሙ። “ቤተክርስቲያናችንን ይጎዳል፣ ዝም በሉ” ለምትሉን፣ ዝምታ ለበጓም አልበጃት፣ ዝም አንልም። ዝም እማ ካልን ዲያብሎስ ይነግሳል። በዓለም ዙሪያ ያሉት ክርስቲያን ወንድሞችና እየቶቻችን የደረሰብንን በደል አውቀው፣ በጸሎታቸው እንዲተባበሩን፣ በደሉ ይታወቅ። የሎንደንማ ሕዝብ በተፈጽመው አስነዋሪ ነገር ተደናግጦ ምን እርምጃ መውሰድ እንዳለበት ግራ ገብቶት ቁጭ ብሏል። አንዳንዱ፣ “ተው ከእግዚአብሔር ያግኙት”ይሉናል። ኤዲያ! እግዚአብሔር በአምሳያው የፈጠረን የምንችለውን አድርገን የማንችለውን ልንተውለት ነው። የምንችለውንም፣ የማንችለውንም ለሱ መተውማ ስንፍና ነው። የተጎዱት ያቃስታሉ። እንዴት ዝም እንላለን? ከመሀላችን አንዳችን ተጎዳን ማለት፣ ሁላችንም ተጎድተናል ማለት ነው። ነውሩን እራሱ ይደብቅ እንጂ እኔ ጫካ አይደለሁም የምደብቅለት። አልደብቅለትም። ያበጠው ይፈንዳ!

ሙሉውን ለማንበብ እዚህ ይጫኑ

አስቸኳይ የንስሃ ጥሪ ለሁሉም!!! (ከዲያቆን አሸናፊ መኮንን)

አስቸኳይ የንስሃ ጥሪ ለሁሉም!!!

(ከዲያቆን አሸናፊ መኮንን)

ከዛሬ ሠላሣ ሁለት ዓመት በፊት በአንድ ገዳም ውስጥ ይኖሩ የነበሩና ለ40 ዓመት የዘጉ አንድ ባሕታዊ ከዘጉበት ቤተ ጸሎት ወጥተው ለሕዝቡ ታዩ፡፡ ታይተው የማያውቁ እኚህ አባት ዛሬ መውጣታቸው ሕዝቡን አስደንግጦታል፡፡ ለሰንበት ቅዳሴ ለተሰበሰበው  ሕዝብ እንዲህ በማለት ተናገሩ፡- “በሕልሜ ቤበ- መኩ- እፍ- ጸጉ የሚሉ ቃላትን ያሳየኛል፡፡ ተጨንቄአለሁና እባካችሁ ፍቱልኝ” አሉ፡፡ ሕዝቡም፡- “አባታችን እኛ ምኑን እናውቀዋለን? ለእርስዎ እንዳሳየ ይፍታልዎ እንጂ” አሏቸው፡፡ እርሳቸውም ሕልሙን ሲተረጕሙ፡-

ቤበ  – ማለት ቤተ ክርስቲያን በረት ሆነች ማለት ነው፡፡

መኩ – መሥዋዕት ኩበት ሆነ ማለት ነው

እፍ -  ዕጣን ፍግ ሆነ ማለት ነው፡፡

ጸጉ – ጸሎት ጉባዔ/ ታይታ/ ሆነ ማለት ነው በማለት ተረጎሙ፡፡

ሕልምም ሆነ ትንቢት በፍጻሜው ይታወቃል፡፡ እኝህ አባት ያሳያቸው እውነት እንደሆነ ዛሬ እያየነው ነው፡፡ በረት ቆሻሻ የበዛበት፣ ንጽሕና የጎደለው፣ ሥነ ሥርዓት የሌለበት፣ የሕያው ነፍስ ሳይሆን የደመ ነፍስ /የእንስሳት/ መከማቻ፣ ነጻነት የማይሰጥ፣ በውስጡ የሚኖሩት የሕሊና፣ የሰብአዊና የመንፈሳዊ ሕግ የማያዛቸው፣ ዙሪያው የሚበርድ ክፍት የሆነ ስፍራ ነው፡፡ እኝህ አባት ቤተ ክርስቲያን በረት ሆነች ይለኛል አሉ፡፡ ንስሐን የመሰለ የሕይወት ውኃ የሚነገርባት ቤተ ክርስቲያን አገልጋዮቿ  ያልታጠቡባት፣ ንስሐን ተሸክመው ንስሐ የሚቀበሉባት፣ በዓለም የሌለ ነውር በእርስዋ የሚሰማባት፣ ቅድስና የራቃት፣ ሁሉም በፊቱ ደስ ያለውን የሚያደርግባት፣ የደፈረ የሚኖርባት፣ እንኳን መንፈሳዊነት ሰብአዊነት የማይሰማቸው አገልጋዮች የተሰበሰቡባት፣ ትሩፋት የሚሠራ አይደለም የታዘዘውን የሚፈጽም የታጣባት፣ ለሚያያቸው ዕረፍት የማይሰጡ ያልተገሩ ሠራተኞች የሞሉባት፣ ለእግዚአብሔርና ለአገር ሕግ የማይገዙ የተከማቹባት፣ ሲያስቧቸው ብርድ ብርድ የሚሉ ሥርዓት አልበኞች የነገሡባት ስፍራ ሆናለች፡፡

መንፈሳዊት ተቋም የሆነችው ቤተ ክርስቲያን ከመንፈሳዊነት አቋም ወጥታ ድርጅታዊ ሥርዓትን እንኳ አለማግኘቷ ያሳዝናል፡፡ የሥርዓት መገኛ ሥርዓት ስታጣ፣ የፍርድ ሰባኪ ፍርድ የለሽ ስትሆን፣ የነፍሶች ሰብሳቢ በታኝ ስትሆን፣ የራእይ መውጫ ራእይ ሲጨልምባት፣ የነገሥታት መካሪ በነገሥታት ስትመከር፣ ለገዛ ሕገ መንግሥቷ ለመጽሐፍ ቅዱስ አልገዛ ስትል፣ የኃጥአን መጠጊያ ሳትሆን የኃጢአት መለማመጃ ስትሆን፣ መሪዋን ክርስቶስን ለመስማት እምቢ ስትል እያየን ነው፡፡ ቤተ ክርስቲያን በረት ሆነች ያሉት እኒያ አባት የታያቸው እውነት መሆኑን እያየን ነው፡፡

በጸጋ የተመሠረተች ቤተ ክርስቲያን በሕግ የምትከራከርና የምትካሰስ ስትሆን፣ ሁሉን ትተናል መስቀል ተሸክመናል የሚሉት አገልጋዮችዋ ሁሉን ይዘናል፣ መስቀል ጥለናል የሚሉ ቅምጥሎች ሲሆኑባት እያየን ነው፡፡ ዓለምን ሰልችተው የሚመጡ ምእመናን ዓለምን በቤተ ክርስቲያን ሲያገኙ፣ ቤተ ክርስቲያንም የዓለምን መመሪያ የምትፈልግ ስትሆን፣ እንደ ቃሉ ሳይሆን እንደ ዘመኑ ለመኖር ስታቅድ ማየት፣ የተጣሉትን የምታስታርቀው በገላጋይ ስትኖር፣ ዓለምን በቅድስና ውበቷ የምትማርከው በዓለም ስትማረክ ማየት ያሳዝናል፡፡ የትዕግሥት አምላክ በትዕግሥቱ ቤተ ክርስቲያንን እየጠበቃት ነው፡፡ ትዕግሥቱ ካልገባት በዓለም ፊት የምትቀጣበትና የውስጥ ልብስዋ ተገልጦ የምትገረፍበት ዘመን ቅርብ ነው፡፡ እግዚአብሔር ቤተ ክርስቲያንን በታላቅ ትዕግሥቱ እያያት ነው፡፡ እርሱ በፍርድ የተነሣ ቀን ግን በትሩ እስኪያልቅ ይቀጣታል፡፡

“የወፍ ዘፈን አውራጁ አይታወቅም” እንደሚባለው መደማመጥ የሌለባት፣ ሁሉም በየአቅጣጫው የሚዘፍንባት፣ ሕዝቡን እንደ ቅርጫ ከፋፍሎ የሚበላባት የጠላት ቤት ሆናለች፡፡ እኒያ ጭምት ልጆችዋ ከአደባባይዋ ርቀው፣ አመንዝሮችና ቀማኞች አለሁ አለሁ የሚሉባት፣ አንድ ሐሰተኛ ሲነቀል ሁለት የሚበቅልባት፣ በእውነት ቃል ሳይሆን በአፈ ጮሌነት የሚኖርባት … የእውነትን ሚዛን የጣለች ቤት ሆናለች፡፡ ለዚህ ሁሉ የሚቆጭ የለም፡፡ በክፋት ከመወዳደር በቀር የእግዚአብሔር ቤት ንጹሕ ይሁን ብሎ የሚቆረቆር ቢጠፋም ቤቱን የማይተው ጌታ ግን ይነሣል፡፡ ያልገመትነውንና ጆሮአችን ያልጠበቀውን ቍጣ እናያለን፣ እንሰማለን፡፡ ይህ ጊዜ የእግዚአብሔር የትዕግሥቱ ጥላ የተዘረጋበት ነው፡፡ የታጠፈ ቀን ግን የመዓቱን እሳት፣ የቍጣውን በረዶ አንችለውም፡፡ እግዚአብሔር መቀጣጫ እንድንሆን አድርጎ ይቀጣናል፡፡ እርሱ ከታሪካችን ርዝመት ጋር ጉዳይ የለውም፡፡ የዛሬን መታዘዛችንን ያያል፡፡ የማያምኑትን ከቀጣ አውቀው የሚያጠፉትንማ በደንብ ይቀጣል፡፡ ዛሬ የኮራንበት ካባ አልሠራንበትም ነገ እናፍርበታለን፡፡ እግዚአብሔር ከጣለን የሚያነሣን የለምና ዛሬ የምናከማቸው ሀብት አይረባንም፡፡ እግዚአብሔር ምንም ቢሆን ጥሎ አይጥለንም ብለን በባዶ የኮራንበት ቃልም አይጠልለንም፡፡ እርሱ እግዚአብሔር የሚያከብሩትን የሚያከብር፣ የናቁትን የሚንቅ ነው /1ሳሙ. 2፡30/፡፡ እንኳን እኛን እስራኤልን የጣላቸው ባለመታዘዝ ነው፡፡ ኃጢአት ትንቢት የተነገረለትን፣ ሱባዔ የተቆጠረለትን የሰሎሞንን መቅደስ አፍርሷል፡፡

ታዲያ ጥሎ አይጥለንም እንዴት ማለት እንችላለን?  የኮራንበት የጦር መሣሪያም አያድነንም፡፡ እንኳን የእኛ መሣሪያ ኒውክለር የታጠቁም ከቍጣ አያመልጡም፡፡ ታላቅ ሕዝብ ነህ እያልን አመንዝራውንና ነፍሰ ገዳዩን ተከታያችንን አድንቀናል፡፡ ያው ሕዝብ ግን ይበላናል፡፡ ያላስተማርነው ሕዝብ ጠላት መሆኑን የምናይበት ዘመን ቀርቦአል፡፡ የማይሞላው ከረጢታችን ዘላለማዊ እሳት ይበላዋል፡፡ የመበለቶችን ቤት የዘረፍንበት፣ ወጣቶችን ያስነወርንበት፣ የድሆች ልጆችን ጉሮሮ የዘጋንበት፣ በመማፀኛ ዘመን ወገናችንን አውጥተን የጣልንበት፣ በወገናችን ሞት የተሠረግንበት፣ በጭንቁ የሳቅንበት፣ ትዳርን ያፋታንበት፣ እስቲ ይህን ሕዝብ ልጩህበት ያልንበት፣ እንደ አማልክት ውዳሴና ስግደት የተቀበልንበት፣ እግዚአብሔር ካለ ይህን ያድርግ ያልንበት፣ ወገንና ወገን ሲተላለቅ እንደሌለ ሆነን የተቀመጥንበት፣ ንጹሐንን የገደልንበት፣ ወንጌልን የገፋንበት፣ እውነትን የቀበርንበት … ያ የእርም ጽዋችን ሞልቷልና እግዚአብሔር ይነቅለናል፡፡ ቍጥቋጦ ሳይቀረን ከሥራችን ይፈነቅለናል፡፡ ያን ቀን የቀድሞ ወዳጆቻችንን እንፈልጋለን፡፡ እነርሱ ግን ከጠላት ይልቅ ይከፉብናል፡፡ ያን ቀን ያጠራቀምነውን ገንዘብ እንፈልጋለን፡፡ ለአንድ ቀን መታከሚያም አይሆነንም፡፡ ያን ቀን ወንጌል የቱ ነው? አሁንም ሰብከን እንብላ እንላለን፣ ጆሮ ግን ይከዳናል፡፡ ያን ቀን መንግሥት እንኳ  ጥግ ይሁነን እንላለን፣ እንደ አጸያፊ ቆሻሻም እንጣላለን፡፡ ያን ቀን ሠርጋችንን አጅቡት እንላለን፣ የልቅሶ ያህል አይደምቅም፡፡ ያን ቀን ማዘዝ እንፈልጋለን ቃላችን ግን ይቀላል፡፡ ዛሬ ያለነው የመጨረሻው መጀመሪያ ላይ ነን፡፡ አስማት ጥንቆላችን፣ ብዙዎችን ያሳበድንበት መተታችን ያለ ያዢ አብደን በአደባባይ ያሽከረክረናል፡፡ የሚያዝንልን አጥተን ያለ ታዛቢ እንቀራለን፡፡ ይህ አገልጋዮች ነን ለሚሉ ሁሉ የተደገሰ ድግስ ነው፡፡ ንስሐ በማይገቡት ላይ እግዚአብሔር ይህን መዓት ያፈስሳል፡፡ ትዕግሥቱ ይህ ሁሉ እንዳይመጣ ነበር፡፡ የትዕግሥቱ ምሥጢር ካልገባን የመዓቱን ሰይፍ እንጎርሳለን፡፡ እፈራለሁ ከቀድሞ ይልቅ ዛሬ እፈራለሁ፡፡ እግዚአብሔር ትዕግሥቱን ሲያሰፋ ይበልጥ እፈራለሁ፡፡ ካልተመለስን ጥበብ፣ ጉልበትና ሀብት የማያልፋት ብርቱ ቀን መጥታብናለች፡፡

የጠፋው እረኛ ብቻ አይደለም በግም ጠፍቷል፡፡ የምንመራው በአብዛኛው በግ መሳይ ነው፡፡ ሲሰክር አድሮ ጠዋት ጠበል የሚጠጣ፣ ሲያመነዝር አንግቶ ማለዳ ቅዳሴ የሚገኝ፣ ለሃይማኖቴ እገድላለሁ የሚል ለሃይማኖቱ ግን የማይሞት፣ ለእምነቱ የማይኖርላት ግን ሲሳደብላት የሚወል፣ ቅበላና ፋሲካን   በኃጢአት የሚፈጽም ጾመኛ መሳይ፣ በመድረክ ሳይሆን በሕይወቱ ድራማ የሚሠራ፣ ከዘረፈው ላይ ዓሥራት የሚያወጣ፣ ቆርቦ የሚያብድ፣ አምኖ የማያምን፣ ሠራተኞቹን እያስጨነቀ ቀሳውስትን የሚቀልብ፣ ድንበር እየገፋ አቤት አቤት እያለ የሚጸልይ፣ ጋራ ጋራውን ጠንቋይ ፍለጋ ሲያስስ አድሮ ጠዋት ለኪዳን የሚደርስ፣ እጁ በደም ተጨማልቆ ቤተ ክርስቲያን የሚያንፅ፣ የንስሐ ስብከት የሚወድ ንስሐን ግን የማይወድ፣ ሰባኪ ቀላቢ ወንጌል ተቃዋሚ፣ ለስድብ አጨብጫቢ ለእውነት አጉረምራሚ፣ ሕይወት ሲነገር የሚያንቀላፋ የሰው ነውር ሲወራ የሚነቃ፣ በለው የሚል ድምፅ የሚፈልግ ጦረኛ፣ ማንበብ የማይወድ የነገሩትን ብቻ የሚሰማ፣ እስኪሞላለት የቤተ ክርስቲያን  ወዳጅ ከሞላለት በኋላ ኵሩ፣ ዛሬን ለመርካት ስበኩኝ የሚል ዘላቂ ሕይወትን የማይሻ፣ ከእግዚአብሔር ርቆ አገልጋይ በመወዳጀት እድናለሁ የሚል፣ የመንገዱን ካርታ ጥሎ የሚንከራተት፣ ተረኛ ብልጥ እንደ ዘረፈው የሚኖር፣ ታላቅ ሕዝብ እያሉ የሚያሳንሱትን አወዳሾች የሚሸልም፣ ተመለስ ያለውን የሚወግር፣ እውነተኞችን ጥላሸት የሚቀባ፣ የአሉ ተከታይ የወሬ አንጋሽ፣ ከነሕመሙ ቤተ ክርስቲያን መጥቶ ከነሕመሙ የሚመለስ፣ የዋህ ሳይሆን ሞኝ የሆነ አማኒ ይዘናል፡፡ ይህ በአንድ ቤተ ክርስቲያን ብቻ ሳይሆን በየአብያተ ክርስቲያናቱ እየፈላ ያለ ሞገደኛ ወገን ነው፡፡ ንስሐ ካልገባ ይህ ወገን ብርቱ ቅጣት ይጠብቀዋል፡፡ መከራን እንደተለማመደ የሚኖር፣ አሁን ያለው መከራ ሳይደንቀው የሚመጣውን መከራ የሚናፍቅ ደንዳና ሕዝብ ይዘናል፡፡ የትዕግሥት አምላክ ዝም ያለን ሥራችን ተስማምቶት አይደለም፡፡ ለንስሐ ጊዜ እየሰጠን ነው፡፡ ራሳችንን የምናይበት ቍርጥ ጊዜ ቢኖር አሁን ነው፡፡ ስለዚህ ንስሐ እንግባ፡፡

በዓመት ውስጥ ባሉት ሦስት መቶ ስድሳ አምስት ቀናት ጸሎት፣ አገልግሎት እንፈጽማለን፡፡ ይህ በሌላው ዓለም የሌለ የታደልነው ሀብት ነው፡፡ ነገር ግን ፍቅር የሌለው ጸሎት፣ ቅድስና የሌለበት ቅዳሴ፣ መታዘዝ የሌለበት አገልግሎት ስለሆነ ይሄው አልተባረክንም፡፡ ተገልጋዩ ግዳጅን ለመፈጸም ያህል ወደ ቤተ ክርስቲያን ይመጣል፡፡ ከእግዚአብሔር ጋር የናፍቆት ፍቅር የለውም፡፡ አገልጋዩ ለእንጀራ ይጮኻል፡፡ ከሚሰማው አምላክ ጋር አይነጋገርም፡፡ ልማድ እንዳይቀር ስለምናደርገው ጸልየን ለምን መልስ አጣን? ጾመን ለምን አልተባረክንም? ቀድሰን ለምን ጸጋ አልፈሰሰልንም?  አገልግለን ለምን አላፈራንም? ብለን ራሳችንን ለመጠየቅ ጊዜ የለንም፡፡ ግን የተለመደው እንዳይቋረጥ ሕይወት የሌለውን ሥነ ሥርዓት፣ ቅዱስ ፍርሃት የሌለበትን ጸሎት፣ ተመስጦ የሌለበትን ዜማ፣ መገዛት የሌለበትን ቅኔ እናቀርባለን፡፡ ከሚሰማን አምላክ ጋር እየተነጋገርን መልስ አጥተን ዘመናት አልፈዋል፡፡

እግዚአብሔር ከመሥዋዕት በፊት መታዘዝን ይፈልጋል፡፡ የእኛ የሆነውን ከመስጠታችን በፊት ራሳችንን እንድንሰጠው፣ ከአገልግሎት በፊት እንድናውቀው ይሻል፡፡ እኛ ግን ኑሮአችን ይዞታ ማስከበር እንጂ የመንፈስ ቅዱስን ጸጋ መናኘት አይደለም፡፡ ሕዝቡን ባለማወቅ መጋረጃ ጋርደን መፍረድ የምንፈልግ ቃልቻዎች እንጂ ሰብከን የምንለውጥ አገልጋዮች አልሆንም፡፡ ሕዝቡም ጧፍና ዕጣኑን አምጥቷል እርሱ ግን አልመጣም፡፡ የቤተ ክርስቲያን ደጃፍም ያዘነውንና የተከፋውን ለመቀበል ሳይሆን ብርና ወርቅ ለመቀበል ተከፍተዋል፡፡ ጴጥሮስ ብርና ወርቅ የለኝም ያለኝን ግን እሰጥሃለሁ ብሎ ሽባውን ፈወሰ /የሐዋ. 3፡6/፡፡ ዛሬ ግን ቤተ ክርስቲያን ብርና ወርቅ የለኝም አትልም፡፡ ግን የሥጋና የነፍስ በሽተኞች አይፈወሱም፡፡

እየዘመርን እንሰዳደባለን፣ ተጣልተን እንቆርባለን፣ ለወንድማችን ጉድጓድ እየቆፈርን አቤት አቤት እንላለን፡፡ እግዚአብሔር አዝኖብናል፡፡ እርሱን የሰው ያህል እንኳ ስላላከበርነው፣ ቤቱንም የቤታችንን ያህል እንኳ ስላላከበርን እግዚአብሔር ተቀይሞናል፡፡ ዛሬ የመዓቱን ሰይፍ በቁጣው ሰገባ ስለተያዘልን እንዝናናለን፡፡ ሰይፉ የተመዘዘ ቀን ግን የደሙ ምልክት እንጂ ገንዘባችን አያድነንም፡፡ እያደረግን ያለነው እግዚአብሔር ከቻለ ይፍረድብን የሚል ድፍረት ነው፡፡ ግን መከራውን ባንጎትተውም ሊወርድ ነው፡፡

እምነታችንን የያዝነው ለፉክክር እንጂ ለሕይወት አይደለም፡፡ ሌሎች ሲሰብኩ እንሰብካለን፣ ካልነኩን በእንቅልፋችን ራሳችን እንሞታለን፡፡ ሲነኩን በወንድነት ሃይማኖትን ለማስከበር እንነሣለን፡፡ “የእንጦጦ መምህር ቢናገር ባመት፣ ያውም እሬት” እንዲሉ፡፡ በንጹሕ ልብ መጸለይ አልሆነልንም፡፡ አገር ለአገር በመዞር እግዚአብሔርን የምናገኘው ይመስለናል፡፡ እርሱ ግን በንጹሕ ልብ እንጂ በፈጣን እግሮች የሚገኝ አይደለም፡፡ ጸሎታችንም ጉባዔ ወይም ለታይታ እንጂ ከእግዚአብሔር ጋር ለመገናኘት አይደለም፡፡ ድንጋይ ውርወራ ስንጀምር፡- “ኃይል የእግዚአብሔር ነው” በሚል ዝማሬ በመሆኑ ምን ያህል እንደማናስተውል ይታያል፡፡ በእውነት የምናምነው ኃይል የእግዚአብሔር ነው ብለን ነው? ታዲያ ዓመፁ ከየት መጣ? “የአምልኮት መልክ አላቸው ኃይሉን ግን ክደዋል” /2ጢሞ. 3፡5/ የሚለው ቃል ደርሶብናል፡፡ ስብከቱ፣ ዝማሬው ቢበዛም የእኛ ደንዳናነት ግን አልተፈረካከሰም፡፡ እዩኝ እዩኝ የሚል ክርስትና እንጂ የሚታይ ክርስትና የለንም፡፡ በሕይወታችን ነውር የሸሹንን በስብከታችን ለመመለስ የምንጥር ሞኞች ነን፡፡ ስብከት ሲጠፋን እንሳደባለን፡፡ የተጨነቀውን ሕዝብ በማስፈራራት እንዘርፋለን፡፡  የጠላነውን ሰው ታርጋ ሰጥተን ቅንዓታችንን የሃይማኖት ካባ እናለብሰዋለን፡፡ ቁመናችንን እንጂ የክርስቶስን መልክ ልናሳይ አልቻልንም፡፡ የልብሳችን ሽቱ እንጂ የሕይወታችን መዓዛ ሊያውድ አልቻለም፡፡ አጥንተን እንጂ ኖረን መናገር አልሆነልንም፡፡ ለምንዝርናችን ድንበር ብናሳጣውም የእግዚአብሔር ቁጣ ግን ሊገድበው ነውና ፈጥነን ንስሐ እንግባ፡፡ በዘርፋፋው ቀሚሳችን ሳይሆን በተትረፈረፈው ክርስትናችን፣ በነጭ ነጠላችን ሳይሆን በነጭ ልባችን የትዕግሥትን አምላክ ደስ እናሰኘው፡፡ ቃሉ፡- “እግዚአብሔር የእውነት ዳኛ ነው  ኃይለኛም ታጋሽም ነው፤ ሁልጊዜም አይቆጣም፡፡ ባትመለሱ ግንሰይፉን ይስላል” /መዝ. 7፡11-12/ ይለናል፡፡ ትዕግሥቱ ለንስሐ ነው፡፡ ንስሐ መግባት እስከ ዛሬ ለታገሠው ትዕግሥቱ ክብር መስጠት ነው፡፡

እግዚአብሔር የንስሐና የፍቅርን መንፈስ ያድለን!

ወያኔ እያለ ሙሰኝነትን ማጥፋትም መዋጋትም አይቻልም!

ዘረኛዉ የወያኔ አገዛዝ ባለፉት ሃያ አንድ አመታት ማንነቱን ከገለጸበትና የዚህ ዘረኛ ስብስብ ተክለ ሰዉነት ቀዳሚ መገለጫ ከሆኑ ሁለት ትልልቅ ባህሪያት ዉስጥ አንዱ ሙሰኝነት ሲሆን ሌላዉ ዘረኝነት ነዉ። የወያኔ ስርአት የተገነባዉ በሙሰኝነት ላይ የቆመዉም ለሙሰኝነት ነዉ። ወያኔንና ዘረኝነትን ነጣጥሎ ማየት እንደማይቻል ሁሉ ወያኔንና ሙሰኝነትንም ነጣጥሎ መመልከት በፍጹም አይቻልም። ኢትዮጵያ ዉስጥ ወያኔና ስርአቱ በስልጣን ላይ እስካሉ ድረስ ሙሰኝነትም ይኖራል። ወያኔ ባለፉት ሦስት ወራት ይህንን የኢትዮጵያ ህዝብ ብቻ ሳይሆን የአለም ህዝብ ጭምር በግልጽ የሚያዉቀዉን አስቀያሚ ገጽታዉን ለመሸፈን “ሙሰኝነትን አጠፋለሁ” በሚል ሽፋን አንዳንድ የሽንገላ እርምጃዎችን መዉሰድ ጀምሯል: አህያውን ፈርቶ ዳውላውን እንዲሉ:: በዚህም እርምጃው የሙሰኝነትን ምንጭና ባላባቶች ሳይሆን ስርአቱ በሙሉ ድምጽ የይሁንታ ምልክት ሳይሰጣቸዉ ሙሰኘነት ዉስጥ የተዘፈቁ ትናንሽ ሙሰኞችን በማሰርና ፍርድ ቤት በማቅረብ አንዳንድ ለአገራቸዉ በጎና ቀና አስተሳሰብ ያላቻዉን ዜጎች ለማታለል ይሞክራሉ።

የወየኔን ዘረኛ አምባገነን ስርዐት ከቀደሙት ስርአቶች ለየት የሚያደርገዉ ነገር ቢኖር ስርዐቱ ከፍተኛ የሃላፊነት ቦታ፤ የትምህርት እድል እንዲሁም የስራና በኢኮኖሚ የመበልጸግ እድል የሚሰጠዉ “ወርቃማዉ ዘር” እያለ ለሚጠራዉ የራሱ ወገን መሆኑ ብቻ ሳይሆን የአገሪቱን ያለ የለለ ጥሪት ያለገደብ እንዲቦጠቡጡ የሙሰኝነቱን በር ወለል አድርጎ የከፈተዉም ለዚሁ “ወርቃማዉ ዘር” እያለ ለሚጠራዉ ወገን መሆኑም ጭምር ነዉ። ይህም ኢትዮጵያ ዉስጥ ሙሰኝነት የተፈቀደላቸዉና ያልተፈቀደላቸዉ ዜጎችና ተቋሞች እንዳሉ በግልጽ ያሳያል። በቅርቡ በዜና ማሰራጫዎች ሙሰኝነታቸዉ ተጋልጦ ታሰሩ እየተባለ የተነገረላቸዉ ግለሰቦች ወያኔ ከፈቀደላቸዉ በላይ በሙሰኝነት የከበሩ ወይም ከከፍተኛዎቹ የወያኔ ሹሞች ጋር የስልጣን ሽሚያ ዉስጥ የገቡ ግለሰቦች ዳውላዎች ናቸዉ።

ባለፈዉ ሳምንት ማብቃያ ላይ ጠ/ሚኒስተር ኃ/ማሪያም ደሳለኝ ለአገር ዉስጥ ጋዜጠኞች የሰጠዉ ጋዜጣዊ መግለጫ በግልጽ እንደሚያሳየዉ ኢትዮጵያ ዉስጥ በሙሰኝነት ላይ እንዲሰማራ ብቻ ሳይሆን የሙሰኝነቱን ዘርፍ እንዲመራ በህግ ያልተጻፈ ሀላፊነት ከተሰጠዉ ተቋም አንዱ የአገር መከላከያ ሚኒስቴር ነዉ። ባለፈዉ ሚያዚያ ወር የፌዴራሉ ዋና ኢዲተር መስሪያ ቤት ለፓርላማዉ ባቀረበዉ ሪፖርት ባልተሟላ ሰነድ ወጪ ሆኗል ብሎ በሪፖርቱ ካሰፈረዉ አምስት ቢሊዮን ብር ዉስጥ ሦስት ነጥብ ሁለት ቢሊዮኑ የመከላከያ ሚኒስትር መሆኑ የሚታወስ ነዉ። እዚህ ላይ አንድ የሚገርመን ነገር ቢኖር በቅርቡ ጠ/ሚኒስተር ኃ/ማሪያም ደሳለኝና የመከላከያ ሚኒስትሩ ሲራጅ ፈርጌሳ አንደተናገሩት ከሆነ የኢትዮጵያ ፓርላማ “ሚስጥር ለመጠበቅ” በሚል ሽፋን በሙሰኝነት እንዳይጠየቅ ህግዊ ሽፋን የሚሰጥ አዋጅ በማርቀቅ ላይ የሚገኘዉ ይህንኑ በሙሰኝነት የተዘፈቀዉን የመከላከያ ሚኒስትርን ሆድ ለመደበቅ ነዉ።

ለመሆኑ ሀላፊነቱና የስራ ድርሻዉ አገርን ከዉጭ ጠላት መጠበቅ የሆነዉ የወያኔ መከላከያ ተቋም በንግድ፤ በእርሻ፤ በኮንስትራክሺንና በከባድ እንዱስትሪ ግንባታ የስራ መስኮች ዉስጥ ያለቦታዉ ተዘፍቆ እየታየ ለምን ይሆን የዚህ ተቋም የሂሳብ መዝገብ በኦዲትሮች እንዳይታይ የሚደነግግ አዋጅ እንዲወጣ ያስፈለገዉ? ለምንድነዉ ጠ/ሚኒስትር ተብዬዉ ኃ/ማሪያም ደሳለኝ የመከላከያና የደህንነት ተቋማት በኦዲተር አይመረመሩም ያሉት?

መልሱ ቀላልና ግልጽ ነዉ። ወያኔ የኢትዮጵያን ህዝብ ለማዘናጋት ሙስናን አጠፋለሁ ብሎ የጀመረዉ የዉሸት ዘመቻ ያነጣጠረዉ የአገሪቱን የመከላከያ ተቋም ሙሉ በሙሉ በሚቆጣጠሩት የወያኔ ጄኔራሎች ላይ በመሆኑ ነዉ። ወያኔ የሾማቸዉ የራሱ ኦዲተሮች አመታዊ የሂሳብ ቁጥጥር ሪፖርት በግልጽ እንደሚያመለክተዉ ከፍተኛ የሂሳብ ጉድለትና የመዝገብ አያያዝ ዝርክርከነት የታየባቸዉ ወያኔያዊ ተቋሞች የመከላከያ ሚኒስቴር፤ ብሔራዊ መረጃና ደህንነት አገልግሎትና የአገር ዉስጥ ደሀንነት ጥበቃ ዋና መምሪያ ናቸዉ። ኃ/ማሪያም ደሳለኝ ከህወሃት አለቆቹ በተሰጠዉ ቀጭን ትዕዛዝ መሠረት ወንጀላቸዉን ለመደበቅ ህጋዊ ድጋፋ እንዲያገኙ የሚጣጣረዉም ለእነዚሁ ሦስት ተቋሞች ነዉ። እነዚህ ህዝብን ሰላም የነሱ፤ የአገሪቱን ሀብት ሙልጭ አድርገዉ የዘረፉና ተጠያቂነት የሚባል ነገር የማያዉቁ ስግብግበች የሞሉበትን ተቋም ጭራሽ ህግ ሽፋን ከተጠያቂነት ዉጭ ማድረግ የበለጠ እንዲዘርፉና በህዝብ ደም እንዲነግዱ ህገ መሰነግስታዊ እዉቅና መስጥት ነዉ።

ወያኔ ያሻዉን ያክል አስቀያሚ ገጽታዉን ሸፍኖ ለህዝብና ለአገር የሚያስብ መስሎ ለመታየት ቢሞክርም የኢትዮጵያ ህዝብ ግን እንኳን ሙሰኝነትን የመሰለ በአይን የሚታይ ጉልህ የወያኔ መታወቂያ ቀርቶ ወያኔ ለወደፊት ለማድረግ በዕቅድ የያዘዉን ሁሉ ከወዲሁ የሚያዉቅ ህዝብ ስለሆነ ሙሰኝነትንና በስልጣን መባለግን ለማጥፋት የመጀመሪያዉ ትግል ከወያኔ ዘረኞች ጋር መሆኑን ተረድቶ ትግሉን ቀጥሏል። ይህ የተጀመረ ህዝባዊ ትግል ወያኔንና ሁለቱን መንታ ልጆቹን ማለትም ሙሰኝነትና ዘረኝነት ከአገራችን ምድር እስኪነቀሉ ድረስ ይቀጥላል።

ድል ለኢትዮጵያ ህዝብ!!

'I've got a surprise for you': Husband blindfolds his wife.... and then chops off her fingers to stop her studying for a degree

A jealous husband is facing life in prison after chopping off his wife's fingers because she began studying for a degree without his permission.

Rafiqul Islam, 30, blindfolded his wife Hawa Akhter, 21, and taped her mouth, telling her he was going to give her a surprise present.

Instead he made her hold out her hand and cut off all five fingers. One of his relatives then threw Ms Akhter's fingers in the dustbin to ensure doctors could not reattach them.

Mr Islam, who is a migrant worker in the United Arab Emirates, had warned his wife there would 'severe consequences' if she did not give up her studies.

'After he came back to Bangladesh, he wanted to have a discussion with me,' Ms Akhter told The Times.

'Suddenly, he blindfolded me and tied my hand. He also taped my mouth saying that he would give me some surprise gifts. But, instead he cut off my fingers.'

Mohammed Saluddin, the Bangladesh police chief said that Mr Islam had confessed after he was arrested in the capital, Dhaka, and will face charges of permanent disfiguration.

Human rights groups are demanding life imprisonment.

'He was enraged. He was jealous because while he only had a grade eight standard education, she was off to college to pursue higher studies,' said Mr Saluddin.

Ms Akhter says she is learning to write with her left hand and is determined to resume her studies. She is now back at her parent's house.

The attack is the latest in a series of acts targeting educated women in the Muslim-majority company.

In June, an unemployed man gouged out the eyes of his wife, an assistant professor at Dhaka University, apparently because he could not stand her pursuing higher studies at a Canadian University.

ምክር ቤቱ በግራ አጥቅቶ ግብ አስቆጠረ

ግርማ ሠይፉ ማሩ
ይህን ፅሁፍ ሇመፃፍ ስነሳ የምክር ቤት ጉዲይ ሪፖርተር የሆንኩ መሰሇኝ፡፡ ምክር ቤቱ ዛሬ
የዋሇበትን ሪፖርት አሇማዴረግ ዯግሞ ትክክሌ አሌመሰሇኝም፡፡ ሰሇዚህ የምክር ቤቱን ውል
ሳይሆን የመጨረሻውን አጀንዲ ውጤት ሊጋራችሁ፡፡ ምክር ቤቱ ዛሬ በመጨሻው ሰዓት ሊይ
በግራ በኩሌ ሲያጠቃ ነበር፡፡ ማጥቃት ብቻ አይዯሇም ግብ አግብቶዋሌ፡፡ በምክር ቤቱ ታሪክ
ዴምፅ ተዓቅቦ ተዯረገ ብሇን ጎሽ ስንሌ ነበር፡፡ ጠንክር ያሇ ጥያቄም ቀረበ ብሌን ወፌ ቆመች
ብሇናሌ፡፡ እኔ በእውነቱ እናበረታታቸው ብዬ ነበር፡፡ ዛሬ ፍሬ ያፈራ ይመስሊሌ፡፡ ዘሊቂነቱን
ወዯፊት የምናየው ቢሆንም ግብ አስቆጥሮዋሌ፡፡
ጉዲዩ እንዱህ ነው፡፡ የምክር ቤቱ የህግ፣ ፍትህና አስተዲዯር ጉዯዩች ቋሚ ኮሚቴ በአንዴ
የምክር ቤት አባሌ ሊይ ያቀረበውን ያሇመከሰስ መብት ማንሳትን በተመሇከተ ነው፡፡ የምክር ቤት
አባሊት ያሇመከሰስ መብት ሇማንሳት ጥያቄው መቅረብ ያሇበት በፈረዳራሌ ዯረጃ ሲሆን የፍትህ
ሚኒስትር ሚኒስቴር፤ በክሌሌ ዯረጃ ሇተፈፀ ወንጀሌ የክሌለ ፕሬዝዲንት እንዱሁም በከተማ
አሰተዲዯር (አዱሰ አበባና ዴሬዲዋ) ከሆነ በከንቲባ መሆን አሇበት የሚሌ ነው፡፡ አሁን ግን
ያሇመከሰስ መብት ይነሳሌኝ ጥያቄ የቀረበው በፌዳራሌ ፀረ ሙስና እና ሰነ ምግባር ኮሚሽን
ነው የሚሇው አንደ ሲሆን ሁሇተኛው ግሇሰቡ ንፁህ ናቸው የሚሌም ይገኝበታሌ፡፡ በተጨማሪ
ግሇሰቡ በፀረ ሙስና ትግለ ንቁ ተሳታፊ እና ሙስናን በመዋጋት ያሊቸውን ንቁ ተሳትፎ
ሇማዯነቀፍ ነው የሚሌ እንዯምታም ነበረው፡፡
የሙስናው ጉዲይ የሚያጠነጥነው በቦላ ክፍሇ ከተማ አምሰት መቶ ካሬ ሜትር ቦታ ከአንደ
አሌሚ ወዯ ላሊ አሌሚ ሆን ብሇው መረጃ አሳስተው ሇቦርዴ በማቅረብ እንዱተሊሇፍ አዴረገዋሌ
የሚሌ ነው፡፡ በጭብጡ ዝርዝር ሊይ ላሊ ጊዜ እመሇስበታሇሁ፡፡ እንዯ አምሊክ ፈቃዴ ማሇቴ
ነው፡፡
ከክሱ ጋር ተያይዞ ባሇ ጉዲዩ ግሇሰብ ያቀረቡት ማብራሪያ ምክር ቤቱን ያስዯመመ ነበር፡፡
ሙስናን ሇማጥፋት የሚረዲ ከሆነ ሕይወታቸውን ሇመስጠትና ቢሰቀለም ግዴ እንዯላሊቸው
ገሌጸዋሌ፡፡ በአስረጂዎች በኩሌ ሇማንኛውም ያሇመከሰስ መብታቸው ተነስቶ ሇጉዲዩ መሌስ
ይስጡ የሚሌ ማስተባበያ፤ ዘሇግ ሲሌም የፀረ ሙስና ትግለን አሇመዯገፍ ብልም ማዯናቀፍ
ነው የሚሌ ማስፈራሪያ አዘሌ አስተያየት ቢቀርብም በግራ ክንፍ የነበረው ማጥቃት ሉበገር
አሌቻሇም፡፡ ማጥቃቱ በኦህዱዴ ተወካዩ የመንግሰት ተጠሪ ረዲት ሚኒስትር አቶ ጌታቸው
አንዳ ተሳስተናሌ ብሇን ዴጋሚ መሳሳት ተገቢ አይዯሇም በሚሌ እና ላልች ጉዲዮችም ማጤን
ተገቢ ነው በሚሌ ቡራኪ አግኝቶዋሌ፡፡ በመጨረሻ ሊይ ዴምፅ ከመስጠት ቢታቀቡም፡፡
በአጠቃሊይ ሲታይ ዴምፅ አሰጣጡም ይህን ይመስሊሌ፤ ኦህዱዴ እና አጋር የቀረበውን ሃሳብ
በመቃወም ዴምፅ ሲሰጡ ሕውሃት እና ጥቂት የብአዱን ወኪልች ዯግፈውታሌ፡፡ ዯቡብ
በአብዛኛው እና ከፊሌ የብአዳን አባሊት ዴምፀ ተአቅቦ አዴርገዋሌ፡፡ በአብሊጫ ዴምፅ የቀረበው
የውሳኔ ሃሳብ ውዴቅ ተዯርጎዋሌ፡፡ በእውነቱ እኔ እና ድክትር አሸብር ከኦህዱዴ ጋር ዴምፅ
ሰጥተናሌ፡፡ በግራ ክንፍ፡፡
ከዚህ ውሳኔ ውዴቅ መዯረግ ጥሩ ነገር ብዬ የምወስዯው ምክር ቤት በህገ መንግሰት በተሰጠው
ስሌጣን መሰረት አባሊቱ ሇህሉናቸው ተገዥ ሆነው ውሳኔ መስጠት መቻሊቸው አንደ ሲሆን፤
በቀጣይም ሇምክር ቤቱ የሚቀርቡ የውሳኔ ሃሳቦችም ሆኖ አዋጆች ተመሳሳይ ዕጣ
ይገጥማቸዋሌ ብል መገመት ይቻሊሌ፡፡ አስፈሊጊ ሲሆን ማሇት ነው፡፡ ኢህአዳግ ይህንን በጎ
ጅምር (የምክር ቤቱ ውሳኔ ስህተት አሇበት ብዬ ባሇምንም ስህተት ቢኖረው እንኳን) ሇማዯነቀፍ
እና በዴርጅታዊ ግምገማ ጭጭ አዴርጎ ወዯ ቀዴሞ ቦታው ሇመመሇስ ባይጥር ሇራሱ
ሇፓርቲው ክብር ነው ብዬ አምናሇሁ፡፡ የምክር ቤት አባሊትም ይህንን በጎ ጅምር ከምር
ወስዯው በዕውቀት ሊይ የተመሰረት ዴምፅ መስጠት መቀጠሌ ይኖርባቸዋሌ፡፡ ኢቲቪ ይህን
የመስሇ ሰበር ዜና ማቅረብ ሳይችሌ ቀረ ሌማታዊ ስሌአሌሆነ፡፡ ዱሞክራሲያዊ ግን ነ

ወደ አረብ አገራት የሚሄዱ ሰራተኞችን የሚያሰለጥኑ ተቋማት ስራ ፈተዋል Training facilities targeting Ethiopian maids sit idle, wait for students assigned by city adminstraton

አዲስ አበባ፣ ሰኔ 26 ፣ 2005 (ኤፍ ቢ ሲ) ወደ አረብ አገራት በቤት ሰራተኝነት ለሚሄዱ ዜጎች ስልጠና ለመስጠት አስፈላጊው ዝግጅት ቢደረግም ሰልጣኞችን ማግኘት አልቻልንም አሉ የተለያዩ የቴክኒክና ሞያ ትምህርት ተቋማት።

ተቋማቱ ለስልጠናው ግብዓት የሆኑ መሳሪያዎችንና አሰልጣኞችን በበቂ ሁኔታ አዘጋጅተው ቢጠብቁም ሰልጣኞች ማጣታቸውንም ነው የሚናገሩት።
ወደ መካከለኛው ምስራቅ በቤት ሰራተኛነት ለመቀጠር የሚያመሩ ዜጎች ከሚደርስባቸው አደጋ እና እንገልት ለመታደግ የስልጠና ስርዓተ-ትምህርት ቀረፃ ተደርጎ ወደስራ መገባቱ ይታወሳል።
ሆኖም ቅሬታቸውን ለፋና ብሮድካስቲንግ ኮርፖሬት የተናገሩት እነዚህ ተቋማት ለስልጠናው ግብዓት የሆኑ መሳሪያዎችንና አሰልጣኞችን በበቂ ሁኔታ አዘጋጅተው ሰልጣኞች ማጣታቸው ግራ አጋብቷቸዋል።
የከተማዋ ቴክኒክና ሙያ ኤጀንሲ በበኩሉ ወደ መካከለኛው ምስራቅ አገራት የሚሄዱ ሰልጣኞችን መልምሎ ወደ ተቋማቱ መላክ ያለበት የአዲስ አበባ ከተማ አስተዳደር ሰራተኛና ማህበራዊ ጉዳይ ቢሮ ነው ይላል።
ኤጀንሲው እንደሚለው ቅድሚያ ወደ መካከለኛው ምስራቅ አገራት ለመሄድ የተዘጋጁ ዜጎችን መልምሎ እንዲያቀርብ ሃላፊነት የተሰጠው የሰራተኛና ማህበራዊ ጉዳይ ቢሮ ፤ በሁለት ተቋማት እንዲሰለጥኑ የላካቸው ሰልጣኞች ሁሉም ማለት ይቻላል ወደ አረብ አገር የመሄድ ሃሳብ የሌላቸውና ከ90 በመቶ በላይ ወንዶች መሆናቸው ዕቅዱ ግቡን የሳተ እንዲሆን አድርጎታል ።
ከዚህም ሌላ ለሰልጣኞች የተዘጋጀው የስልጠና ስርዓት ትምህርት ፤ከቤት አያያዝ እንስሳት ክብካቤና ምግብ ዝግጅት ጋር የተያያዘ ሆኖ ሳለ ፤የመጡት ሰልጣኞች በጥበቃና በአትክልተኛነት ሞያ ለመሰልጠን ፍላጎት ያላቸው በመሆኑ ከዝግጅቴ ጋር በፍፁም የማይሄድ ነው ሲልም ኤጀንሲው ቅሬታውን ያሰማል።
የአዲስ አበባ ከተማ አስተዳደር የሰራተኛና ማህበራዊ ጉዳይ ቢሮ በበኩሉ ፥በእርግጥም የቴክኒክና ሙያ ትምህርት ተቋማትና ኤጀንሲው ያነሱት ቅሬታ ትክክል ነው ይላል ፥ ነገር ግን ይህ ችግር የተፈጠረው በቢሮው ቸልተኛነት አይደለም ይላል ።
በዋናነት ቢሮው በተለይም ከአዲስ አበባ ወደ መካከለኛው ምስራቅ ለመሄድ የተነሳሱ ዜጎችን የመከታተል ሃላፊነት አለበት የሚሉት በቢሮው የስራ ስምሪትና የአሰሪና ሰራተኛ ጉዳይ አስተዳደር ዋና የስራ ሂደት መሪ አቶ ካሳ ስዩም ናቸው ።
ነገር ግን ስልጠናውን መስጠት የሚያስችል ስርዓተ ትምህርት ከተዘጋጀ በኋላ ወደ ምልመላው ከመግባታችን በፊት በከተማዋ የሚገኙ የስራና ሰራተኛ አገናኝ ኤጀንሲዎች ጋር ውይይት ተደርጎ ኤጀንሲዎቹ ወደ እነዚህ አገራት ሰራተኞችን ለመላክ በነሱ ስር የመዘገቧቸውን ዜጎች ለስልጠና እንዲልኩ ጥሪ ቀርቦላቸው፤አንዳቸውም በነሱ በኩል ለቤት ሰራተኝነት የሚሄዱ ዜጎችን አላኩም ፡፡
በዚህም የተነሳ እንደአማራጭ በየክፍለ ከተማው በተለጠፈ ማስታወቂያ መሰረት ለስልጠና የመጡትን ዜጎች ወደ ስልጠና ጣቢያዎቹ ለመላክ ተገደናል ነው ያሉት ሃላፊው።
በዚህ የምዝገባ ሂደት 693 ሰልጣኞች ተመዝግበዋል ከነዚህ ወስጥም ከ90 በመቶ የሚልቁት ወንዶች ናቸው ፤ይህም ሁኔታ በቀጣይ ኤጀንሲው አካሄዱን ቆም ብሎ እንዲመለከት እንዳደረገውም አቶ ካሳ ለፋና ብሮድ ካስቲንግ ተናግረዋል ፡፡

በመሰረት ገዛሀኝ

ETHIOPIAN Woman leaves Amharic note before committing suicide

AN ETHIOPIAN housemaid left a handwritten note
claiming she was sick and dying before hanging
herself from a palm tree in Hamad Town.
Buzunesh Zarihun Tadesse was discovered by her
sponsor at around 10pm on Monday.
Police later found the note in the 26-year-old’s room
written in Amharic (an Ethiopian dialect).
“The maid hanged herself on a palm tree using a
piece of cloth,” said Ethiopian community member G W Demmelash, who translated the note for the
police.
“The incident took place at 10pm but her sponsor
claims they tried to save her when they heard her
screams.
“She came to Bahrain only two months ago to work as
a housemaid for a Bahraini employer.”
Mr Demmelash said the note was addressed to Natu Zarihun Tadesse and said
he could take whatever she had.
“We don’t know who this person is or why she wrote the name in the note,” he
said.
“She is unmarried and we don’t know what her relation with the person is, but
we have provided all the information to police.
“We checked her phone and she called her family a day before she killed
herself.
“The reason is still unknown.”
Mr Demmelash said the maid’s family were in deep shock at her suicide and
were not aware of any sickness she had before she travelled to Bahrain.
“It’s shocking to know she took an extreme step and killed herself,” he said.
“We don’t know what her problem was, but she could have spoken about it.
“Her employer is also surprised, as he didn’t expect this from her.
“He told us that she was a good worker and everyone in the family liked her.
“She was accepted in the family and used to mingle with the other maid.”
Interior Ministry officials could not be reached for comment but sources
confirmed Ms Tadesse’s body had been taken to the Salmaniya Medical
Complex mortuary.
Ms Tadessse is the 15th person to have committed suicide in Bahrain this
year. The others include eight Indians, three Pakistanis, a Filipina, an
Ethiopian and a Chinese woman.
A total of 51 people committed suicide last year.

አሰቸኳይ ወገናዊ ጥሪ!

ጎጠኛው የወያኔ ገዢ ቡድን በኢትዮጵያ ታሪክ ከነበሩት አገዛዝ ሁሉ እጅግ በከፋና በባሰ መልኩ የአገሪቱን ሉዓላዊነት አደጋ ላይ የጣለ፤ ሕዝብን ከቦታውና ከቀየው እያፈናቀለ ለከፍተኛ ሥቃይና መከራ በመዳረግ ለይ ይገኛል።

እንዲሁም በኃይማኖት እምነት ጣልቃ እየገባ፤ የአገሪቷን ድንግል መሬት ለባዕዳን በመሸጥ ወገኖቻችንን በማንነታቸው እንዲያፍሩና አገር አልባ እንዲሆኑ በማድረግ፤ ለእርስ በርስ ግጭትና ለከፋ ችግር ዳርጓቸዋል።

ከዚህም ባሻገር ይህ ጠባብ አረመኔ ቡድንና ጭፍሮቹ በሙስና የአገሪቱን አንጡራ ሀብት እየዘረፉ በማራቆትና ይባስ ብሎም በዓለም ዙሪያ በሚገኙ ከተሞች ለሆዳቸው ባደሩ ካድሬዎች አማካኝነት ስደተኛውን በመደለል ለማስበዝበዝ ከሚሞክሯቸው ስልቶች መሃከል ጥቂቶቹ፦

1. ለአባይ ግድብ ገንዘብ አዋጡ፤ ቦንድ ግዙ እያሉ ሕዝቡን ቁም ስቅሉን ማሳየት

2. ለአገር ውስጥ ፍጆታ ሊውሉ የሚችሉ ምርቶችን በጭፍሮቻቸው አማካይነት ወደ ውጭ አገር በመላክ ከፍተኛ መጠን ያለው ገንዘብ ለግል ኪሳቸው ከማጋበስ አልፈው ልጆቻቸውንም በዓለም ዙሪያ በታወቁ ታላላቅ የትምህርት ተቋማት ሲያስተምሩ በተቃራኒው ደግሞ የአገሪቱን ሕፃናት ትምህርት እንዳያገኙ ሥርዓተ ትምህርቱን ከማዳከም አልፈው የዕለት ጉርሳቸውን በመንፈግ ትውልድን ማጠፋት መቀጠሉ እንደምሳሌ የሚጠቀሱ ናቸው።

3. አሁን በቅርቡ ደግሞ አርባ ለስልሳ (40/60) በሚል መርሃ ግብር መሬት እንሰጣለን መሬት በምደባ ወይም በማህበር እንድትሰሩ እናደርጋለን እያሉ የውጪ ምንዛሬ እጥረታቸውን ለማሟላትና የጭካኔ አገዛዝ ዘመናቸውን ለማራዘም በመላው ዓለም እየተዘዋወሩ ለሌላ ዝርፊያ እየተዘጋጁ ነው።

ስለዚህ ከዚህ ከደሃ ህዝብ እየተነጠቀ የሚሰጣችሁ ወይም የደሃ ቤት እየፈረሰ የምትገዙት መሬት ለሚፈናቀለው ወገን ሥቃይና መከራ ከህሌና ወቀሳና ከታሪክ ተጠያቂነት አትድኑም።
በመሆኑም ማንኛውም ለአገርና ለወገን ተቆርቋሪ ነኝ የሚል ኢትዮጵያዊ ሁሉ ወያኔ/ኢሕአዴግ አገራችንን ከነአካቴው ለማጥፋት የጠነሰሰውን ሴራ ለማከሸፍ ይረዳ ዘንድ፤

1. ወያኔ/ኢሕአዴግ በተለየ መልኩ በሙዚቃና በመዝናኛ ምሽት ሰበብ በሚያደረገው የገንዘብ ማሰባሰቢያ (ፈንድሬይዚንግ) ዝግቶች አለመሳተፍ፣

2. ከኢትዮጵያ ህዝብ ጎሮሮ እየተነጠቀ ውጭ አገር እየተላከ የሚሸጠውን እንጀራና ሌሎችንም ቁሳቁሶች አለመግዛት፤
ማሳሰቢያ

ሀ. የወያኔ/ኢሕአዴግ አገዛዝ እያሳደደን ነው ብላችሁ ጥገኝነት ከጠየቃችሁና ከተፈቀደላችሁ በኋላ ከዚህ አምባገነንና ጎጠኛ አገዛዝ ጋር በመመሳጠር ህዝብን ከሚጎዳ ተግባር ካልተቆጠባችሁ ለሚመለከተው ህጋዊ አካል በማሳወቅ እርምጃ የምናስወስድ መሆኑን አሰቀደመን እናሳውቃለን።

ለ. ነጋዴዎችም ሆናችሁ ወይም ግለሰቦች ለውጭ ምንዛሬ ፍጆታ ይሆን ዘንድ የወያኔ/ኢሕአዴግን ጠባብና ጎጠኛ አገዛዝ የሥልጣን እድሜውን ለማራዘም ህጋዊም ሆነ ህገ ውጥ በሆኑ አጀንዳዎቻቸውና መልካቸውን እየተቀያየሩ ከሚመጡ ከወያኔ የእርዳታ ተቋማትም ሆነ ከሥርዓቱ አቀንቃኝ ሆዳም ግለሰቦች ጋር እንዳትተባበሩ፤ ለኢትዮጵያዊያን ወገኖቻችሁ የሥቃይና የመከራ ዘመን ማራዘሚያ አትሁኑ፤ ለዚህ ከልጅ ልጅ ከሚተላለፍ አሰነዋሪ ተግባር በመቆጠብ ከህሌና እዳ ነፃ በመሆን ወገናዊ ግዴታችሁን ተወጡ።

ኢትዮጵያ ለዘላለም ትኑር

በቶሮንቶና አካባቢው የተቆርቋሪ ኢትዮጵያውያን
አሰተባባሪ ከሚቴ

ዶ/ር መረራ ከአባይ ግድብ ይልቅ ለምግብ ዋስትና ቅድሚያ እንደሚሰጡ አስታወቁ

 የመድረክ ከፍተኛ አመራር አባል ዶ/ር መረራ ጉዲና ከመንግስታዊው አዲስ ዘመን ጋዜጣ ጋር ባደረጉት ቃለ ምልልስ
እርሳቸውና ድርጅታቸው ስልጣን ላይ ቢወጡ በቅድሚያ ለዜጎች የምግብ ዋስትና እንደሚሰጡ አስታወቁ። የፖለቲካ ሳይንስ
ምሁሩ ዶ/ር መረራ በአባይ ጉዳይ ከአዲስ ዘመን ጋዜጣ በሰጡት በዚሁ ቃለ ምልልሳቸው “በእኔ እይታ ጉዳዩን ስመለከተው
ግብጾች ጦርነት ውስጥ ይገባሉ የሚል እምነት የለኝም፡፡ ሌሎች ብዙ አማራጮች አሏቸው፡፡ ግድቡ ተሰርቶ እንዳያልቅ ሊያደርጉ
የሚያስችሉ የተሻሉ መንገዶች አሏቸው፡፡” ብለዋል። ቃለ ምልልሱ ለግንዛቤዎ ይጠቅማል ብለን ስላሰብን እንደወረደ
አስተናግደነዋል።
አዲስ ዘመን፡- እንደ ተቃዋሚ ፖለቲካ ፓርቲም ሊሆን ይችላል እንደ ተራ
ኢትዮጵያዊ ወይንም ዜጋ ከግብጽ የምንማረው ነገር አለ፡፡ ግብጾች የቱንም
ያህል መንግሥታቸውን አምርረው ቢጠሉ በሀገር ጉዳይ ግን ምንጊዜም
አንድ ናቸው፡፡ በተለይ ደግሞ በዓባይ ላይ ያላቸው አቋም የተለየ ነው፡፡
ይሄንንም በቀጥታ ከተላለፈው የቴሌቪዥናቸው ስርጭት መረዳት
እንችላለን፡፡ ወዲህ ወደ እኛ ሀገር ስንመለስ ግን በአባይ ላይ እንኳን አንድ
መሆን አልቻልንም፡፡ በእዚህ ዙሪያ ምን አስተያየት አለዎት?
ዶክተር መረራ፡- እኔ ከምንም በላይ የምለው ኳሱ ያለው በኢህአዴግ ሜዳ
ላይ ነው፡፡ በኢጣሊያ ዘመን ያየነው ነገር ነው፡፡ በእዚያ ዘመን የኢጣሊያን
ባንዳ ሆነው ፔሮል ላይ ሳይቀር የሰፈሩና ያገለገሉ ኢትዮጵያውያን ነበሩ፡፡
በተቃራኒው ደግሞ ኃይለሥላሴ ሌላ ኢትዮጵያ ሌላ ብለው ከእሥር ቤት
ወጥተው የተዋጉ እንደ ባልቻ አባነፍሶ ያሉ ኢትዮጵያውያን ነበሩ፡፡ ከእዚህ
የምንማረው ምንድን ነው፣ መንግሥት ስትሆን ቀዳዳ እንዳይከፈት
ማድረግ አለብህ፡፡ በሀገር ፖለቲካ ላይ ብሔራዊ መግባባት ካልፈጠርክ ግብጾች ነገም ሆነ ከነገ ወዲያ የውጭን ኃይል ሊጠቀሙ
ይችላሉ፡፡
ላለፉት 150 ዓመታት ያለውን የኢትዮጵያን ታሪክ ስናየው ደግሞ የኢትዮጵያ ፖለቲካ ከውጭ እጅ ነፃ የሆነ አይደለም፡፡ ከአጼ
ቴዎድሮስ ጀምሮ አሁን እስካለው የኢህአዴግ መንግሥት ድረስ ያለው እውነታ የሚያስረዳው ይሄንን ነው፡፡
መንግሥት በሀገር ጉዳይ ላይ ተቃዋሚዎችን በሙሉ ልብ እንዲሳተፉ ካላደረገ ከእኔ ጋር አልተሳተፉም ብሎ ጧትና ማታ መጮሁ
ዋጋ አይኖረውም፡፡ ተቃዋሚውም በማይሆን መንገድ በሀገር ጉዳይ ላይ መደራደር የለበትም፤ ይሄ ምንም ጥያቄ የለውም፡፡
መንግሥትም ቢሆን ሥልጣን ላይ ለመቆየት ሲል ብሔራዊ ጥቅም የሚጎዳ ነገር መፈጸም የለበትም፡፡ ስለዚህ በሁለቱም ወገን ጉዳዩ
መታያት አለበት፡፡ ኢህአዴግ በሀገር ጉዳይ ላይ ከተቃዋሚዎች ጋር ብሔራዊ መግባባት መፍጠርና ወደ ውጪ እንዳያዩ ማድረግ
ካልቻለ ዋናው ጥፋተኛ መንግሥት ነው የሚሆነው፡፡ ከዚያ ውጭ ያለው ክርክር የሚያስኬድ አይደለም፡፡
አዲስ ዘመን፡- በእዚህ ወሳኝ ወቅት ላይ መንግሥት በአባይ ዙሪያ ምን ማድረግ አለበት ነው የሚሉት?
ዶክተር መረራ፡- እኔ አሁን ኢህአዴግ በገባበት ደረጃ የተሻለውን የሚያውቀው እራሱ ኢህአዴግ ብቻ ነው።
አዲስ ዘመን፡- በዲፕሎማሲው ይቀጥል ማለትዎ ነው?
ዶክተር መረራ፡- ይሄ ምንም ጥርጥር የለውም፡፡ ቅድሚያ የሚሰጠው ለዲፕሎማሲ ነው፡፡ በእኔ እይታ ጉዳዩን ስመለከተው
ግብጾች ጦርነት ውስጥ ይገባሉ የሚል እምነት የለኝም፡፡ ሌሎች ብዙ አማራጮች አሏቸው፡፡ ግድቡ ተሰርቶ እንዳያልቅ ሊያደርጉ
የሚያስችሉ የተሻሉ መንገዶች አሏቸው፡፡
አዲስ ዘመን፡- ለምሳሌ እንዴት ዓይነት?
ዶክተር መረራ፡- ቀዳዳዎችን በመጠቀም ሊሆን ይችላል፡፡ ሶማሊያ አለች፤ ለአልሸባብ የፈለጉትን ማቀበልም አለ፤ ጂቡቲንም
ማባበል ይኖራል፤ እኔ እዚህ ጨዋታ ውስጥ አትገባም ብዬ የማስበው ኬንያን ብቻ ነው፡፡ እርሷም ብትሆን አንዳንድ ጊዜ አይታ
እንዳላየች የምትሆነው ነገር አላት፡፡
ስለዚህ የዲፕሎማሲው መንገድ ካልሰራላት ግብፅ የምትከተለው መንገድ ይሄ ነው የሚሆነው፡፡ ግድቡ እዚያ አይደርስም እንጂ
ተሰርቶ ካለቀ ግን የግድቡን ደህንነት የምትጠብቀው እራሷ ግብፅ ነው የምትሆነው፡፡ ምክንያቱም ግድቡ አንድ ነገር ከሆነ ውሃው
ጠራርጎ ይዞ የሚሄደው ግብፅን እንጂ ኢትዮጵያን አይሆንም፡፡ ኢትዮጵያም በዲፕሎ ማሲው መግፋት እንዳለ ሆኖ እስከዚያው
ራሷን ማደራጀት አለባት፡፡
ግብፅ ሠራዊቷን ልካ ኢትዮጵያን ትወራለች የሚል እምነት የለኝም፡፡ ከእዚያ ይልቅ መንግሥትን ሊያዳክሙ ይችላሉ፡፡ ስለዚህ
የኢትዮጵያ መንግሥት የውጭንም ብቻ ሳይሆን የውስጡንም የቤት ሥራ መስራት አለበት፡፡ የኢትዮጵያ ሕዝብ እየተራበ ግብፅ
የተሻለ እየተመገበች መቀጠል አይኖርብንም፡፡ በመሆኑም የራስህን ጥቅም አሳልፈህ በማይሰጥ መልኩ መደራደር ያስፈልጋል፡፡
አዲስ ዘመን፡- ለመጨረሻ ጊዜ ልጠይቅዎት፡፡ በእርስዎ ግምት የግድቡ ግንባታ ይሳካል ብለው ያምናሉ? እርስዎስ እንደ አንድ
ኢትዮጵያዊም ሆነ የመንግሥት ሠራተኛ ለግደቡ ቦንድ ገዝተዋል?
ዶክተር መረራ፡- ግድቡ ያልቃል የሚለው ላይ ጥርጣሬ አለኝ፡፡ ምክንያቱም በዜሮ ባጀት እየተሠራ ያለ ፕሮጀከት ነውና፡፡
እስካሁን የተሰበሰበው ብርም ከ10 በመቶ በላይ ሊሆን አልቻለም፡፡ ስለዚህ የሀገሪቷን ሀብትና ባጀት ሁሉ ወደ ፕሮጀከቱ ማዞር
ነው ያለው አማራጭ፡፡ ይሄ ደግሞ የራሱ ችግር አለው፡፡ ስለዚህ በቀላሉ ያልቃል ብዬ አላምንም፡፡ የውጭ ጣጣ ሲጨመርበት
ደግሞ ችግሩ በዚያው ልክ ይጨምራል፡፡ የቦንድ ግዥን በተመለከተ ወደድንም ጠላንም ዩኒቨርሲቲው የአንድ ወር ደመወዛችንን
በዓመት ተከፍሎ የሚያልቅ ብሎ ወስዷል፡፡
አዲስ ዘመን፡- እርስዎ ተስማምተዋል?
ዶክተር መረራ፡- እኔ በእውነቱ አልተጠየኩም፤ በግድ ነው የተወሰደብኝ፡፡ ዩኒቨርሲቲው ሦስት አራት ሰው አነጋግሮ ሠራተኛው
ወስኗል ማለቱ አግባብ አይደለም፡፡ ይሄንንም በግልጽ በደብዳቤ ጋዜጣ ላይ የጻፉ አሉ፡፡
አዲስ ዘመን፡- ወደ እርስዎ ልመለስና፣ እርስዎ ቢሮዎ ለግድቡ አስተዋፅኦ ያድርጉ የሚል ደብዳቤ ወይንም ቅጽ ቢመጣልዎት
ይፈርማሉ?
ዶክተር መረራ፡- እርሱን እንኳ ያን ጊዜ ምን እንደማደርግ እርግጠኛ አይደለሁም፡፡ ነገር ግን በፈቃደኝነት ፈርሙ ቢባል ብዙ ሰው
አይፈርምም የሚል እምነት አለኝ፡፡
አዲስ ዘመን፡- ጥሩ መንግሥት ተከዜን በአራት ቢሊዮን ብር፣ ጣና በለስን በሰባት ቢሊዮን ብር በራሱ ወጪ ሰርቶ አሳይቷል፡፡
አሁንም ጊቤ ሦስተኛን በራሱ ወጪ እያሠራ ነው፡፡ እንደው እነዚህን ነገሮች ሲመለከቱ የታላቁን የኢትዮጵያ ህዳሴ ግድብ ሰርቶ
ይጨርሰዋል የሚል ጥርጣሬ አያጭርብዎትም?
ዶክተር መረራ፡- ሁለቱ ግድቦች የነበረባቸው ችግር የገንዘብ ብቻ ነው፡፡ ይሄ ግድብ ግን ችግሩ የገንዘብ ብቻ አይደለም፡፡ የውጭ
አይኖች ሁሉ ኢትዮጵያ ላይ እንዲሆን ያደረገ ፕሮጀክት ነው፡፡ የአረቡ ዓለምንም በኢትዮጵያ ላይ ሊያስነሳ ይችላል፡፡ ከውስጥም
ከውጭም በቂ ድጋፍ ሳይኖርህ ጠንከር ያለ የውጭ ዓለምም ተቃውሞ እየገጠመህ በቀላሉ የምታሳካው ፕሮጀክት አይደለም፡፡
ግድቡ እስኪያልቅ ድረስ ሌሎች ፕሮጀክቶችን ሁሉ ልታጥፍ፣ ግሽበት ውስጥ ሁሉ ልትገባ ትችላለህ፡፡
አዲስ ዘመን፡- እስኪ ወደ ሌላ ሃሳብ ልውሰድዎት፡፡ ግብጾች በተደጋጋሚ የሚያነሷ ቸው የ1929 እና የ1959 ስምምነቶችን
ነው፡፡ አሁን ደግሞ የተፋሰሱ የላይኛው አገሮች የተፈራረሙት የኢንቴቤው ስምምነት አለ፡፡ እነዚህን ስምምነቶች እንዴት
ያዩዋቸዋል?
ዶክተር መረራ፡- ይሄ ምንም የሚያነጋግር ነገር አይደለም፡፡ ኢትዮጵያ ላልፈረመችበት ሕግ የምትገደድበት ምክንያት የለም፡፡ ያ
የቅኝ ግዛት ሕግ መቀየር አለበት፡፡ 86 በመቶ የሚያመነጭ አገር እንዴት አንድ ሊትር ውሃ እንኳን አይሰጠውም፡፡
አዲስ ዘመን፡- እርስዎ እንደ ግለሰብ ወይንም በፓርቲዎ ደረጃ መንግሥት ቢሆኑ ቅድሚያ የሚሰጧቸው ፕሮጀክቶች ምን ምን
ይሆናሉ?
ዶክተር መረራ፡- እኔ ለምግብ ዋስትና ቅድሚያ እሰጣለሁ፡፡ በእዚህ ላይ መረባረብ ያስፈልጋል፡፡
አዲስ ዘመን፡- ይሄስ ቀላል የሚሆን ይመስልዎታል፣ ግብጾችስ ዝም የሚሉ ይመስልዎታል?
ዶክተር መረራ፡- አልኩህ እኮ ግብጾች ሊቃወሙ ይችላሉ፡፡ ትንንሽ ፕሮጀክቶችን እየተጠቀምክ ግን አቅምህን ታዳብራለህ፡፡
በመጨረሻ ይጠቅማል ከተባለ ከ30 ወይንም ከ40 ዓመት በኋላ ወደ አባይ ልትሄድ ትችላለህ፡፡ ያን ጊዜ ግብጾችም ሊያግዙህ
ይችላሉ፡፡ ግብጾችም ብዙ ውሃ እንዲመነጭ የኢትዮጵያን ደን በማልማት በኩል እንዲገቡ አደርጋለሁ፡፡ እነርሱ ዛሬ የሚያስቡት
ኢትዮጵያን ማልማት ሳይሆን ውሃውን ወደ ሲና በረሃ አሻግረው ለእስራኤል መስጠትን ነው፡፡
ሌላው ኢህአዴግ ለሚለው የገጠር ልማትና ኢንዱስትሪ ቅድሚያ እሰጣለሁ፡፡ ኢህአዴግ እኮ ዝም ብሎ ይጮሃል እንጂ በገጠር
ልማት ላይ አልሠራም፡፡ ገና ብዙ ሥራዎች ገበሬው ላይ አልተሰሩም፡፡ አሁንም ድረስ ገበሬው የሚጠቀመው የ13ኛው ክፍለ
ዘመን አስተራረስን ነው፡፡ ይሄንን ካልቀየርክ ለውጥ አታመጣም፡፡
አዲስ ዘመን፡- ግን እኮ ዶክተር ምርታማነት ጨምሯል?
ዶክተር መረራ፡- ይሄንን እኮ ኢህአዴግ በባህርዳሩ ጉባኤው አምኗል፡፡ ካድሬው ለምቷል፡፡ ገበሬው ግን ገና ነው፡፡ በሚፈለገው
መጠን አልለማም፡፡ ስለዚህ ለመስኖ ትኩረት መስጠትና የግብርና አብዮት ማምጣት ያስፈልጋል፡፡ ከዚያ በኋላ ነው የኢንዱስትሪ
ጥያቄ መምጣት ያለበት፡፡ የኢንዱስትሪ አብዮት ካላመጣህ ደግሞ ኢትዮጵያን የትም ማድረስ አትችልም፡፡
አዲስ ዘመን፡- ዶክተር ለሰጡኝ ማብራሪያ በጣም አመሰግናለሁ፡፡ ምናልባት የግድቡ ግንባታ ሲጠናቀቅ ደግሞ መጥቼ
አስተያየትዎን እወስድ ይሆናል…
ዶክተር መረራ፡- (ከረጅም ሳቅ በኋላ) ምንም ችግር የለውም፡፡ ለእዚያ ያብቃን፡፡ ያን ጊዜ መወቃቀስም መሞጋገስም ይቻላል፡፡

ለጅምላ ጭፍጨፋ ህጋዊ ሽፋን?

ሰሞኑን በጣም እጅግ በጣም አስደናቂ፣ አስገራሚና ዘግናኝ ዜናዎች እየተሰማ ነው።በእስከ ነጻነት

• በርግጥ ለትግሬ ነጻ አውጭ ግንባር አዲስ ነገር አደለም ሊሆንም አይችልም።

የህወሃትን ባህርይ ለምናውቅና የነጻውን አለም ህይወትና ሰብአዊ መብት አክብሮት ለቀመስነው ግን በጣም እጅግ በጣም የሚያስገርም፤ የሚያስደነግጥ: ከዚያም አልፎ  ይህን መቀበልና መዚህ መቀጠል አንችልም  ወያኔ ካልጠፋ ስራም: ኑሮም፤ ትምህርትም እምነትም የለም ክተት የሚያሰኝ ነው:

ዜናው እ አ አቆጣጠር ሰኔ 26 2013 በኢትዮጵያ ሳተላይት ቴሌቪዠን  (እኔ  የኢትዮጵያ ሳተላይት መገናኛ፣ Ethiopian Satellite media) ብዬ ብጠራው ደስ ይለኛል) ባስተላለፈው ዜና፡ የወያኔው የደህንነት አባላት ለሚፈጽሙት ማንኛውም ጥፋት በወንጀልም ሆነ በፍታብሄር አይጠየቁም የሚል የህግ ረቂቅ ለምክር ቤት መቅረቡን አርድቶን ነበር። ይሁን እንጂ ይህ እንዴት ሊሆን ይችላል? እንዴት ጅምላ ጭፍጨፋ የህግ ሽፋን ሊሰጠው ይችላል በሚል ጥርጣሬ ተወጥረን እያለ፡  ነገሩ እኛ ያሰብነው ሳይሆን ወያኔ ያቀደው ሆነና በዛሬው እለት የትግሬ ነጻ አውጭ ግንባር ታጣቂዎች ለሚፈጽሙት ጅምላ ጭፍጨፋ ወይም ንብረት ላይ ለሚያደርሱት ጉዳት በወንጀልም ሆነ በፍታብሄር አይጠየቁም የሚል ህግ ባሻንጉሊት ስብስቦች አስጸድቋል፡ ነፃ  እርምጃ ባገሪቱ ታውጇል፡ ለትግሬ ነጻ አውጭ ግንባር ጸጥ ለጥ ብለህ ካልተገዛህ ባደባባይ ትረሸናለህ፤ ለሞትህም ሆነ ለመቁሰልህ ማንም አይጠየቅም፡የሚል ቀጭን ትዛዝ እና አዋጅ በኢትዮጵያ ህዝብ ላይ ተጭኗል።

ይህ ማለት ምን ማለት ነው? አብረው እየተከናወኑ ያሉት አባሪ ተግባራትስ ምንድናቸው?

በዝርዝር ሳይሆን ጠቅለልና አጠር ያለ የወያኔ ተግባራትን  ወደሗላ መለስ ብሎ መቃኘት አስፈላጊ ይሆናል፡

ህውሃት ገና የዕኩይ ጥንስሱ ሳይፈላ በስብሃት ነጋ አጋፋሪነት የመጀመሪያ አገራዊ አንድነትን ለመናድ ቅድመ ሁኔታዎችን ሲያመቻች የበረሃ ሲኖዶስ ማቋቋምና፤ የኦርቶዶክስ ሃይማኖትን በእምነቱ በጎለበቱና በጸኑ አባቶች ሳይሆን በህውሃት ካድሬዎች እንዲያዝ በረሃ ስልጠና መሰጠቱንና ካድሬዎች የመነኩሴ ልብስ ለብሰው በየገዳማቱ ያሉትን መናኝ ባሃታዊያን፤ መነኩሳትን፤ አረጋውያን ካህናትን አፍነው፤ ገድለው መጨረሳቸውንና አዲስ አበባም ሲደርሱ ዋናውን ፓትርያርክ ከነባር ካደሬዎች አንዱን አባ ገ/ማርያምን ማስቀመጣቸውን ቤተ ማህቶት እ. አ. አቆጣጠር ጥር 23 2013 ምስጢራዊው የበረሃው ሲኖዶስና የማህ በረ ቅዱሳን ፓትርያርክ፣ ከአብየ አዲ እስከ አዲስ አበባ በሚል ርዕስ ባሰፈሩት ጽሁፍ በሚገባ ዘርዝረው፤ ዋቤ አጣቅሰው አሰቀምጠውታል:   

በዛ ወቅት እነስበሃት ነጋ  ለእስልምና እምነት ተከታዮች የተሳሳተ ግንዛቤ ነበራቸው ብዬ እገምታለሁ፡  በነስ ቁንጽልና በጥላቻ የተቃኘ ህሊና ኢትዮጵያ የአማራና የኦርቶዶክስ እምነት ተከታዮች ብቻ፤ ስለኢትዮጵያ የሚጨነቁ አማሮችና የኦርቶዶክስ እምነት ተከታዮች ናቸው ብለው ራሳቸው የፈጠሩትን ውሽት አምነው፤ የእስልምና ተከታይ ወገኖቻችንን በቀላሉ መቀየር፤ እንችላለን ከሚል ግምት በመነሳት በረሃ እያሉ ያላሰቡበትን አሁን ግን በቀላሉ ልንተገብረው እንችላለን ከሚል ንቀት ተነሳስተው የሃባሽን እምነት ተከተሉ የሚል በየትም አለም ታይቶና ተሰምቶ የማይታውቅ እኔ የሰጠሗችሁን እመኑ የሚል ትእዛዝ ሊጭንባቸው ሞክረዋል። የእስልምና እምነት ተከታይ ኢትዮጵያውያን ናቸውና፤ እንደነ ስብሃት፤ መለስና  መሰሎች የባንዳ ቅርንጫፍ አደሉምና፤ ሃገር የመናድ ፍላጎትም ሆነ ተንዳ የማየት ፍላጎት የላቸውምና ዞር በል አሏቸው፡ ተቃውሟቸውንም በሰላማዊ ድምጻችን ይሰማ ሲሉ አቤት ሲሉ ሁለት አመት ሊሞላቸው ጥቂት ወራት ብቻ ቀራቸው።

በእበሪት የተወጠረው ወያኔ ይህን ሁለተኛ አመቱን የያዘውን  እምነቴን አንተ አትመርጥልኝም የሚለውን ሰላማዊ ተቃውሞ በሰላማዊ መንገድ እልባት እንደመሰጠት መፍትሄ አፈላላጊ ኮሚቴ አባላትን በሃሰት ወንጅሎ እንደለመደው በሃይል ለመጨፍለቅ  የእስልምና እምነት ተከታዮች ያልሆኑ ግን ልክ በረሃ ካድሬ መነኩሳትን እንዳስተማረና የኦርቶዶክስ ቤት ክርስቲያንን እንደተቆጣጠረ ሁሉ አሁንም በስለላ የሰለጠኑ አረብኛ ቋንቋን የተማሩና ቁርአንን የቀሩ 987 በእስራኤል የሰለጠኑ የደህንነት አባላት በየመስጊዶቹ ማሰማራቱን እየሰማን ነው። እነዚህ የደህንነት ሰላዮች በየመስጊዱ  የሚሰማሩት መስጊድ ሊያረክሱ፤ ብጥብጥ ሊያስነሱ፤ ከዛም የሚፈልጉትን ለማጥፋት፤ ለመግደል የተዘጋጁ መሆናቸውን የሚጠራጠር ያለ አይመስለኝም፡

ሼሆችን፤ ይማሞችን ቢገሉ፤ መስጊድ ቢያቃጥሉ በወንጀልም ሆነ በፍታብሄር እንደማይጠየቁ በህግ ተረጋግጦላቸዋል፡

የሚገርው ደግሞ  እስራኤል ከሰለጠኑት 987 ሰላዮች መካከል የእሰልምና ተከታዮች 11 ብቻ መሆናቸው ነው፡ (11 ግን ምትሃታዊ ቁጥር ነች እንዴ? የኢኮኖሚ እድገት 11% ሌላም፡ ይቺ  እንኳ ለፈገግታ ነች እልፏት) ከነዚህ ስልጣኞች ውስጥ 613ቱ ደግሞ የትገራይ ተወላጆች ናቸው፡ ራሳቸው ባስቀመጡት ስሌት፤ ብሄር ብሄረ ስቦች ቀመር ቢተነተን  ለአንድ ሚሊየን 11 ሰላይ ሂሳብ ማለት ነው፡ በዚህ ሂሳብ ሲሰላ ትግራይ የሚደርሳት የሰልጣኝ ሰላይ ብዛት 55 ገደማ መሆን ነበረበት፤ አሁን ግን ትግራይ 1115% አንድ ሽህ አንድ መቶ አስራ አምስት በመቶ ድርሻ ወስዳለች ማለት ነው። ከ22 አመት አገዛዝ በሗላ 1115% የደህንነት አባላት ከትግራይ ተመልምለውና ስልጥነው፡ መስጊድ ለመበጥበጥና ስልክ ለመጥለፍ ሲዘጋጁ በምንም መስፈርት አገሪቱን እየገዛ ያለው ኢትዮጵያዊ አገዛዝ ነው የሚል ብዥታ ሊኖር እንዳይችል አድርጎታል፡ የገሃዱ አለም ቁልጭ አርጎ እንዲሚያስረዳው ኢትዮጵያ በትግራይ ነጻ አውጭ ግንባር የቅኝ አገዛዝ ለመውደቋ ከዚህ በላይ  ማረጋገጫ የሚያስፈልግ አይመስለኝም።

ዋናው ቁጥሩ አደለም፡ የህውሃት ደህንነቶች በጅምላ ለሚፈጁት (በርግጥ ከዚህ ቀደምም ተጠያቂ ሆኖ የሚያውቅ የለም) ለወንጀላቸው ተጠያቂ እንደማይሆኑ መስጊድ፤ ቤተክርስቲያን ቢያቃጥሉ እንደማይጠየቁ፤ የህግ ሽፋን መሰጠቱ የህውሃትን አገር የማፍረስ፤ ዘር የማጥፋት፤ እና ለምንም ተጠያቂነት ሊወስድ አለመፈለጉንና አለመዘጋጀቱን ቁልጭ አርጎ የሚያሳይ ነው፡

በዚህ አጋጣሚ ግን እስራኤል ለአረብ ሃገራት ያላትን ጥላቻ በኢትዮጵያ የአስልምና እምነት  ተከታዮች ላይ ለመወጣት ስላዮችን ማሰልጠኗ ታሪካዊ ስህተት መፈጸሟን ሳልጠቅስ ማለፍ አልፈልግም። ወያኔን ስልጣን ላይ ለማውጣትና ስልጣኑ ላይም ለማቆየት እንግሊዝና አሜሪካ የተጫወቱትን ሚና፤ ሰላዮችንና ያፈና ሰራተኞችን በማስልጠንና ማፈኛ መሳሪያ በመሸጥ ህንድ፤ ቻይና እና እስራኤል ተጠያቂ መሆናቸውን ኢትዮጵያውያን ሁሉ ሊገነዘቡት ይገባል።፡አሁን አቅሙ ላይኖረን ይችላል ግን የቴክኖሎጂ እድገት ሌላውን ለማጥፋት ያመረቱት መሳሪያ በራሳቸው ላይ ሊውል የሚችልበት ጊዜ ሩቅ አይሆንም፤ እነዚህ ሃገራት አቶ ገ/መድህን አርአያ እንደጠቀሱት ለ8 ሚሊየን ኢትዮጵያውያን እልቂት ተባባሪ መሆናቸውን መረዳትና መዝግቦ ለትውልድ ማስተላለፍ የያንዳንዱ ዜጋ ግዴታ ነው።

ስለዚህ በትግሬ ነጻ አውጭ ግንባር ታጣቂዎች ለግንባሩ የማያጎበድዱትን፡ እንቢ አልገዛም ያሉትን ኢትዮጵያውያን፤ በጅምላ እንዲፈጁ፤ ንብረታቸውን እንዲያቃጥሉ፤ እንዲዘርፉ እና ዘር እንዲያጠፉ ትዕዛዝና የህግ ሽፋን ተሰጥቷቸዋል። ዘር በማጥፋታቸው፤ ህዝብን በመጨረሳቸው፤ ንብረት በማውደማቸው ይሸለሙ እንደሆነ እንጂ በወንጀልም በፍታብሄርም እንደማይጠየቁ ግልጽ ሆኗል፡

የትግሬ ነጻ አውጭ ግንባር ተግባራዊ ተሞክሮ የሚያስረዳን ደግሞ በጣም ግልጽ ነው፡ በደኖ፤ ወተር፤ አርባ ጉጉ፤ ጋምቤላ፤ አዲስ አበባ፤ አረካ፤ አዋሳ፤ ሸካ ማጂ፤ አሶሳ፤ ጉሙዝ፡ ወልቃይት ጠገዴ ስንቱ ተዘርዝሮ ይዘለቃል፡በነዚህ ቦታዎች ሁሉ ሁሉ ወያኔ የዘር ማጥፋት ወንጀል ነው የፈጸመው። አሁን ይህ በአዋጅ ደረጃ ተጠናክሮ እንዲቀጥል መሆኑ ግልጽ ነው፡

የትግሬ ነጻ አውጭ ግንባር በየንዳንዳንዱ ኢትዮጵያዊ ላይ የሞት ፈርድ አውጆበታል የሚቀረው ተግባራዊ የሚሆንበት ቀን ብቻ ነው።

ስለዚህ የትግሬ ነጻ አውጭ ታጣቂዎች በጅምላ ሲፈጁን ቆመን ሞታችንን እንጠብቅ? እንደ ጅግራ አንገታችንን ሰጥተን እንታረድ ወይስ ይህ ሁሉ ከመድረሱ በፊት እንደ ግብጾች ወያኔ አሁኑኑ ስልጣን እንዲለቅ ህዝባዊ አመጽ እንጀምር፡ አሁን፤ ዛሬ፡ ወያኔ ስልጣን አሁኑኑ ካልለቀቅህ ስራም፤ ትምህርትም፤ ኑሮም፤ እምነትም፤ ሃገርም የለም ብለን እየመከትንና፤ እየተከላከልን እንሙት? ወያኔ ግድያውን ነገ ይጀምራል፡ ጊዜ የለም፡ ያለችው ጊዜ አሁን ይች ቅጽበት ነች።

መልሱን ለያንዳንዳችሁ እተዋለሁ።

እግዚአብሄር ኢትዮጵያን ይጠብቅ

እስከ ነጻነት

“አፍሪኮም ወደ አገርህ ተመለስ” አፍሪኮም ከጀርመን ውጣ - ዛሬውኑ! አፍሪኮም ከአፍሪካ ውጣ- ቶሎ ብለህ!

“አፍሪኮም ወደ አገርህ ተመለስ”

አፍሪኮም ከጀርመን ውጣ - ዛሬውኑ! አፍሪኮም ከአፍሪካ ውጣ- ቶሎ ብለህ!

የአፍሪካ አንድነትን 50ኛ ዐመት የመመስረቻ በዓል ቀን ምክንያት በማድረግ   የወጣ መግለጫ!

“እኛ እዚህ በአዲስ አበባ፤ ኢትዮጵያ ዋና ከተማ የተሰበሰብነው የአፍሪካ መሪዎችና መንግስታት፣ ማንኛውም አገርና ህዝብ የራሱን ዕድል ወሳኝ መሆኑን እናምናለን፤ በዚህም ምክንያት ነፃነት፣ እኩልነት፣ ትክክለኛ ፍርድና ክብር የአፍሪካ ህዝብ መሰረታዊ የመብት ጥያቄዎችና የሚገባውም መሆኑን ጠንቅቀን እናውቃለን፤ በመሆኑም የተፈጥሮ ሀብታችን የመጠበቅና፣ ህዝቦቻችንም የተፈጥሮ ሀብታቸውን የመጠቀምና፣ ለሚገባቸው የህብረተሰብና የኢኮኖሚ ዕድገት የማዋል መብታቸው እንደሆነ እናምናለን፤ ለዚህም እንታገላለን።”

እ.አ.አ. በግንቦት 25 1963 ዓ.ም በሞዲቦ ኪዬታና ሲልቫኖስ ኦሊምፒዮ የረቀቀውና፣ በጊዜው ነፃነታቸውን የተቀዳጁት 33 የእፍሪካ መንግስታት ያፀደቁት ስምምነት መልዕክቱና ዋናው መሰረተ-ሃሳቡ ምንድነው? አንድ ነገር ማለት የሚቻለው በተለይም በቻርተሩ ላይ የሰፈረው ቁም ነገር ተግባራዊ አልሆነም፤ በዚህም ምክንያት የአፍሪካ አንድነት ሊረጋገጥ አልቻለም። ከ50 ዐመት በኋላ የአፍሪካ አንድነት የአፍሪካን አንድነት ድርጅትን ቢተካውም አሁንም ቢሆን ሁሉም የአፍሪካ አገሮች ተፈጥሮ የለገሳቸውን የተትረፈረፈ የጥሬ ሀብት ለመጠቅምና መብታቸውን ለማረጋገጥ በመታገል ላይ ናቸው። በአሁኑ ወቅት በዓለም አቀፍ ላይ በተስፋፋው የስራ ክፍፍል አህጉሪቱ በመበደልና ቁራኛ በመሆን ሙሉ መብቷን እንዳታረጋግጥ የኢምፔሪያሊስት ኃይሎች ከፍተኛ እንቅፋት ሆነዋል። እንዲያውም አልፎ ተርፎ በቅርቡ በፈረንሳይ የመከላከያ ሚኒስተር የወጣው መግላጫ እንደሚያረጋግጠው ፓን አፍርካኒዝም የሚለው አስተሳሰብ ትልቅ እንቅፋት ፈጥሯል በማለት ካለማፈር ይናገራል።

ዛሬ ከሃምሳ ዓመት በኋላ የአፍሪካ አንድነት የተቋቋመበትን በዓል ስናከብር፣ እኛ በጀርመንም ሆነ በአፍሪካ፣ እንዲሁም በዓለም አቀፍ ደረጃ የምንገኝና የዓለምአቀፋዊነት ሃሳብ ይዘን የምንታገልና የሚያገናኘን፣ እንደገና የቅኝ አገዛዝን መድህር እንድናገላብጥ ተገደናል። እንደሚታወቀው በ19ኛውና እስከ 20ኛው ክፍለ-ዘመን ድረስ የቅኝ አገዛዝ በአፍሪካ ውስጥ ተስፋፍቶና ተንሰራፍቶ እንደነበር ግልጽ ነው። በ1885 በበርሊን ኮንፈረንስ ላይ በተለይም ኮንጎን ዋና የቅኝ ገዢዎች የነፃ ንግድ መድረክ ለማድረግ ስምምነት ሲደረስና ከዚያ በመነሳት ጠቅላላውን አፍሪካ ለመቆጣጠር ጣልቃ መግባት እንደሚያስፈልግ ሲታመን የቅኝ ገዢዎች ወንጀለኛነታቸውን በገሃድ አረጋግጠዋል።

በ2013 ዓ.ም ደግሞ አፍሪኮም አፍሪካን ለመቆጣጠርና ሀብቷን ለመዝረፍ በጀርመን ከተማ ሽቱትጋርት ሲቋቋም የቱን ያህል ትልቅ ወንጀልና፣ አህጉሪቱን በዘለዓለም ውዝግብ ውስጥ ለመክተት እንደታቀደ ማሰብ ይቻላል። በተለም አሁን ባለው ዓለም አቀፋዊ የኃይል አሰላለፍና የጂኦ ፖለቲካ እሽቅድምድሞሽ የአህጉሪቱ ነፃነትና ህዝቦቿም ዕወነተኛ መብታቸውን ለማረጋገጥ በከፍተኛ ችግር ውስጥ እንደወደቁ ከአሁኑ መናገር ይቻላል። በተለይም በተደጋጋሚ ጦርነትን በቀሰቀሰና በዚህም አማካይነት ብዙ ጉዳት በደረሰበት በጀርመን አገር ይህ ዐይነቱ የዘረፋ ጦር ሰፈር መቋቋሙ ብዙዎችን ከአፍሪካ ህዝብ ጋር የቆሙትንና የሚተባበሩትን አስቆጥቷቸዋል።

የአፍሪካ የአህጉሩ ኮማንዶ (AFRICOM) በመባል የሚታወቀው የተመሰረተው በቀድሞው የአሜሪካ ፕሬዚደንት ጆርጅ ቡሽ ሲሆን፣ ዋናው ዓላማውም የምዕራቡን ዓለም የወራሪነት ፖለቲካ ለማረጋገጥና የአፍሪካን ሀብት ለመቆጣጠርና ለመዝረፍ ነው። ለዚህ ሸፋን የሆነው አሜሪካ ብሄራዊ ጥቅሟን ማስጠበቅ የሚል ሲሆን፣ የአፍሪካ መንግስታትን “የመከላከል ኃይል” በማሳደግ ከውጭ የሚመጣውን አደጋ ለመከላከልና ወደ ውስጥ ደግሞ “ሚዛናዊ ዕድገት” ለማምጣት በሚል ሽፋን ነው።

በአሜሪካ መንግስት ቁጥጥር ስር ያለው አፍሪኮም ወይም የአህጉሪቱ ጦር እ.አ ከ2008 ዓ.ም ጀምሮ በሽቱትጋርት የተቋቋመና እዚያው የሚገኝ ነው። የቀድሞው የጀርመኑ የውጭ ጉዳይ ሚኒስተር (2005-2009) የነበሩትና የሶሻል ዲሞክራት አባሉ ቫልተር ሽታይንማየርና  የቀድሞው የባደን ቩትንበርጉ የክፍለ-ሀገር አስተዳዳሪ (2005-2010) ሁኔታውንና ጉዳዩን ጠጋ ብለው ሳይመረምሩ ይህ የወራሪ ጦር ሰፈር እንዲቋቋም በፊርማቸው ፤ ተስማምተዋልም። በተጨማሪም በሽቱትጋርት ከተማ በአፍሪካ ውስጥ የጦር ልምምድ ለማድረግ የተዘጋጀ የአሜሪካ የባህር ጦር በተጨማሪ ይገኛል።

በጀርመን ህገ-መንግስት በአንቀጽ 26 መሰረት ማንኛውም በጀርመን ምድር አንድን አገር ለመውረር የሚደረግ የጦርነት ዝግጅትን አጥብቆ ይከለክላል። በተለይም በዚህ አንቀጽ መሰረት በዓለም ህዝቦች መሀከል ሊኖር የሚገባውን ሰላማዊና ተከባብሮ መኖርን የሚያደፈርስ ጦርነት ከጀርመን ምድር መቋቋምና መነሳትም እንደሌለበት ቁልጭ አድርጎ አስፍሯል። በተጨማሪም በህገ-መንግስቱ በአንቀጽ 25 መሰረት  ማንኛውም የዓለምን ሰላምና በህዝቦች መሀከል የሚኖረውን ተከባብሮ መኖር የሚያደፈርስ ሁሉ የጀርመንንም ህግ የሚጥስ ነው ብሎ ያረጋግጣል። እ.አ ከ2002 ዓ.ም ጀምሮ ጀርመን የዓለም አቀፍ ህዝብን የሚመለከት የመቀጫ ህግ የያዘች ሲሆን፣ በዚህም መሰረት በዓለም አቀፍ ደረጃ በህዝቦች ላይ የሚደርሰውን ማንኛውንም ግፍና ግድያ፣ እንዲሁም ፀረ-ህዝብ ድርጊት የምትቃወምና ይህም ከራሷ ህግ ጋር የሚጣጣም መሆኑን ተቀብላለች። የመቀጫው ህግ እንደሚያረጋግጠው ማንኛውንም ፀረ-ህዝብ ድርጊትና ግድያ በየትኛውም ዓለም የሚካሄደውን የሚመለከትና በጀርመን አገር ብቻ ያልተገደበ መሆኑን ያስታውቃል። አንድን የውጭ ጦር በጀርመን ምድር ለማቋቋም እ.አ በጥቅምት 23፣ በ1954 ዓ.ም ስምምነት የተደረሰበት ከ2+4 ውል ነው። ውሉ ግን ሌላን አገር ለመውረሪያ የሚያገለግል አይደለም።

አፍሪኮም(AFRICOM) በተቻለው መጠን ዋናውን መቀመጫውን በአንድ የአፍሪካ አገር ማድረግ ይፈልጋል። አፍሪኮሞን ወደ አፍሪካ ለማዘዋወር ሙከራ ቢደረግም አብዛኛዎቹ የአፍሪካ አገሮች ሲቃወሙት፣ ጥቂት የአፍሪካ አገሮች እያሰቡበት ነው። ሊታለሉም እንደሚችሉ ፍንጮች ያመለክታሉ። በተለይም አሁን ባለው የማታለልና የማሳመን ስትራቴጂ፣ በተጨማሪም የአፍሪካ አገሮችን ልትወረሩና ልትከበቡም ትችላላችሁ በሚል ግፊትና ስሜትን መሰባያ ዘዴ አንዳንድ የአፍሪካ አገሮች ሊያምኑና በራቸውንም ክፍት ሊያደርጉና መስፈሪያም ቦታ ሊሰጡ ይችላሉ። እንደሚታወቀው እንደዚህ ዐይነቱ ወራሪ ጦር የሰሜን አትላንቲክ ጦር አባል አገሮችን፣ በተለይም አሜሪካንና አንዳንድ ጠንካራ አገሮችን ሲጠቅም፣ ፈረንሳይም የዚሁ ስምምነት ተጋሪናን አንዳንድ የአፍሪካ ዘራፊ መንግስታትም ተጠቃሚ እንደሚሆኑ ግልጽ ነው። የአፍሪኮም ዋናው መቋቋም ዓላማው የአፍሪካን የጥሬ ሀብት ለመቆጣጠርና ለመዝረፍ ሲሆን፣ በተጨማሪም ብሪክ (BRIC) መንግስታት የሚባሉትን እንደ ራሺያ፣ ህንድ፣ ብራዚልና ቻይናን የመሳሰሉትን ለመግታትና ከነሱ ጋር ለመፋለም የተዘጋጀ ነው። ከዚህም በተጨማሪም በአፍሪካ ውስጥ ራስን ለመቻል የሚደረገውንም ትግልና ጥረት በእንጭቹ ለመቅጨትና ለመዋጋት የሚያመች ነው።

ማንኛውም የሰሜን አትላንቲክ የጦር ስምምነት አገሮች እንደዚህ ዐይነቱ የራሴን ጥቅም ማስጠብቂያ የሚል ድርጅትና በአፍሪካ ላይ የተቃጣ የጦር ኃይል በፍጹም አያስፈልገውም። መብቱም አይደለም። ያም ሆኖ አንዳንዶች የሰሜን አትላንቲክ የጦር ስምምነት አገሮች ከአንዳንድ የአፍሪካ መንግስታት ጋር የሁለት አገሮች ስምምነት በማድረግና እንደልባቸው በመፈንጠዝ በአህጉሪቱ ውስጥ የፈለጉትን ነገር ያደርጋሉ። አብዛኛዎቹ የአፍሪካ መንግስታት የጦር ኃይሎች ከሰሜን አትላንቲኩ የጦር ስምምነት ጋር በመስራትና በመተባበር የአፍሪካን ነፃነት እያዳከሙ ነው። በተጨማሪም የግል ጦሮች በመቋቋም በአፍሪካ ውስጥ እንደልባቸው በመንቀሳቀስ ስራቸውን እየሰሩ ነው። ይህ ሁሉ እያለ አፍሪኮም ለምን አስፈለገ?  በተጨማሪም ሽበረተኝነትን ለመዋጋት በሚል እንደልባቸው እየተንቀሳቀሱና አፍሪካን እያመሱ ነው። ከዚህ ባሻገር የሰሜን አትላንቲኩ የጦር ስምምነት ከሁለት ዐመት በፊት በሰሜን አፍሪካ የቀሰቀሰውን አብዮትና የህዝቦች የነፃነት ጥማት በእንጭጩ እንዲወድም የማይሰሩት ተንኮል ይህ ነው አይባልም። ይህንንም ለማድረግ በሩቅ ምስራቅና በአካባቢው ያሉትን ፀረ-ዕድገትና ፀረ-ተራማጅ የሆኑ ኃይሎችን በሙሉ እንደሚረዱና እንደሚያስታጥቁ የታወቀ ነው።

የአፍሪካን ህዝቦች ነፃነት የማወደሙና የአፍሪካን ህዝብ ጩኸት ጭጭ የማድረጉ ሁኔታ ስር ሰዷል። ከሰላሳ ዐመት ጀምሮ በአህጉሪቱ የሚካሄደው የመዋቅር መስተካከያ የኢኮኖሚ ፖሊሲ የሚባለውና በቴክኖክራቶች የሚመራውና ተግባራዊ የሆነው የአፍሪካን ህዝብ ክፉኛ ማዳከሙ ብቻ ሳይሆን፣ ለፖለቲካ ነፃነት የሚያደርገውንም ትግል ደብሳውን አጥፎበታል። አብዛኛውም ህዝብ ለፖለቲካ ያለው ግንዛቤ ጠፍቷል ማለት ይቻላል። አብዛኛዎቹ የአፍሪካ መንግስታት  መሰረታዊ በሆኑ ጥያቄዎች ላይ ሁሉ በመሀከላቸው  ምንም ስምምነት የላቸውም። በተለይም በጦር በኩል የተዳከሙና  በኮንጎ፣ በአይቮሪ ኮስት፣ በሊብያና በማሊ ላይ የሚደረገውን የውጭ ኃይሎች ወረራና ጣልቃ ገብነት ዝም ብለው እንዲያዩ ተገደዋል። በተጨማሪም እንደ ሱዳን፣ ግብጽ፣ ናይጀሪያ፣ ቱኔዚያ፣ የማዕከለኛው የአፍሪካ ሪፑብሊክና አልጄሪያ ግፊት እየተደረገባቸውና ወደጦርነትም እየተገፉ እንደሆኑ ሁኔታው ያረጋግጣል። ከዚህም በተጨማሪ የተባበሩት መንግስታት ለሰሜን አትላንቲክ ጦር መውረሪያ መሳሪያ በመሆን ብዙ አገሮች እንዲወረሩ ሁኔታውን አመቻችቷል፤ እያመቻቸውም ነው። ምናልባትም የአፍሪካ አገሮች በተባበሩት መንግስታት ስር በሚደራጀው ጦርና በኔቶ ውስጥ መሳተፍ እንደሚተባበሩ የሚያሳይ ቢመስልም፣ ይህ ሁኔታ ግን ከዕውነቱ የራቀ ነው። የአፍሪካ መንግስታት ጦሮች በዚህ ዐይነቱ መሳተፍ የግዴታ የኢምፔሪያሊስት አገሮች መሳሪያ እንደሚያደርጋቸው የተረጋገጠ ነው። በሚያዚያ ወር 2013 ዓ.ም 36 የአፍሪካ አገሮች የመጭውን ዘመን አመራር ለማስለጠን በሚል ከእነዚህ አገሮች የተውጣጡ የመኮንን ወጣቶች ወደ ዋሺንግተን ተልከዋል። ይህም ኮርስ በአፍሪካ የማዕከለኛው ስትራቴጅክ ጥናት(African Center for Strategic Studies)(ACSS) የተዘጋጀ ነው። እነዚህ ወጣት መኮንኖች ሰልጥነው ከተመለሱ በኋላ  ቲያትራዊ የመተጋገዝ ተግባራዊ የልምምድ ዕቅድ(Theater Security Cooperation Programs) በሚባለው የአፍሪኮም አንደኛው አካል ውስጥ እንዲካተቱ ይደረጋል። የአፍሪካ ተጨማሪ ተግባራዊ የልምምድና የደጋፊ ተቋም(African Contingency Operations Training and Assistance)  እንደዚህ ዐይነቱን የአፍሪካን ምርጥ መኮንኖች የማስለጠኑን ተግባር ያሟላል። በዚህም መሰረት እነዚህ ኃይሎች በተባበሩት መንግስታት የጦር ስልት ውስጥ ይካተታሉ።

በአለፉት አስር ዐመታት ብዙ የአፍሪካ መንግስታት ወታደሮች በእንደዚህ ዐይነቱ የወረራ ስትራቴጂ ውስጥ በመካተት ተለማምደዋል። በሰሜንና በምዕራብ አፍሪካ በስመ ሽብርተኝነት ፍሊንትሎክ እየተባለ የሚጠራውና የሚካሄደው የጦር ልምምድ፣ ከሩቅ ሆኖ  ሁኔታዎችን ለማጣራት የሚካሄደና የአፍሪካ ኢንዴቨር እየተባለ የሚጠራው የጦር ልምምድ፣ ከትላስ ፈጥኖ ደራሽ የሚባለውን በህንድ ውቅያኖስ አካባቢና በምስራቅ አፍሪካ ቀንድ የሚካሄደውና በዚህ አካባቢ የሚተላለፈውን የንግድ መርከብ ለመቆጣጠር በሚል ሰበብ ብዙ የአፍሪካ ወታደሮች በልምምዱ ውስጥ ተካተዋል።

ከዚህ ስንነሳ የአፍሪካ የሰላምና የደህንነት ሁኔታ በከፍተኛ አደጋ ላይ ይገኛል። የአፍሪካ መንግስታትና ህዝቦች ያሉበት የተዳከመ ሁኔታ በዚህ ዐይነቱ የማጭበርበር ዘዴ ወደ አለመረጋጋትና ብጥብጥ እንዲያመራ እየተደረገ ነው። በዚያውም አህጉሪቱን ለመውረርና እንደገና ቅኝ ግዛት ለማድረግ ያመቻል። በተለያዩ አገሮች የአሽባሪዎች የህቡዕ ቦታዎች በመቋቋምና በሰሜን አትላንቲኩ የጦር ስምምነት በመደገፍ እንደመግቢያ ቀዳዳነት አመቺ ሁኔታ ፈጥረዋል። ይኸኛው በመጠኑ የሚታወቅ ሲሆን፣ ብዙ የማይታወቅ ምስጢር ወደፊት በጉልህ የሚወጣበት ቀን ይመጣል። የኢምፔሪያሊስት አገሮች በየቦታው የሚደፈርሰውን ግጭት ልንቆጣጠር እንችላለን በማለት ጣልቃ በመግባት ለሰላም ዕጦት ዐይነተኛ ምክንያት ሆነዋል። የጠቡም መነሾና የሰላም መደፍረስ ምንጮች የእነሱ የማያቋርጥ የመስፋፋትና የመስገብገብ ፖለቲካ ነው። በየቦታው የተስፋፋው ድህነት፣ እስካሁን ድረስ በዕድገት ስም የተካሄደው የኢኮኖሚ ፖሊሲና ውጤተ-አልባ መሆን፣ የተደራጀ ወንጀለኝነት፣ እነዚህ ሁሉ ከኢምፔሪያሊስት አገሮች የተሳሳተ ፖሊሲና ህዝቦችን ከማስገደድ ጋር የተያያዙ ናቸው። እንደዚህ ዐይነቱ ድህነት የግዴታ ለሰላም ዕጦትና ለአሸባሪዎች መፈልፈያ ምንጭ ሊሆን ይችላል። በተለይ በብዙ የአፍሪካ አገሮች የጥሬ ሀብትን የሚያወጡት የምዕራብ አገሮች ኩባንያዎች ተባባሪ በመሆን ሁኔታውን በማባባስ ላይ ይገኛሉ። እነዚህ ኩባንያዎች አሸባሪዎች በሚንቀሳቀሱበት ቦታ ከእነሱ ጋር እየተጋፉ የሀብት ዘረፋ ያካሄዳሉ። ስለሆነም ይህ ዐይነቱ የተወሳሰበና ለብዙዎቹ ግልጽ ያልሆነ ጉዳይ ለሰላም ዕጦትና በተለይም ደግሞ ጣልቃ ለመግባት ተስማሚ ሁኔታን ፈጥሯል። ብዙዎች የአፍሪካ መንግስታት ይህንን ዐይነቱን ተንኮልና ዘረፋ ባለመረዳት ተባባሪ በመሆን ሁኔታው እንዲባባስ እያደረጉ ናቸው። በነፃ ንግድና በሊበራሊዝም ስም የሚካሄደው ዐይን ያወጣ ዘረፋ የአፍሪካ መንግስታትን ዐናቸውን ሰውሮታል። በቀጥታ በሰሜን አትላንቲኩ የጦር ስምምነት ስትራቴጂ ቁጥጥር ስር እንዲወድቁ ተደርገዋል።

ይህ ዐይነቱ የአፍሪካን ጦር በአፍሪኮም ስትራቴጂና በሰሜን አትላንቲኩ የጦር ስምምነት ውስጥ ማካተቱና፣ የአፍሪኮምንም ማዕከል ወደ አፍሪካ ለማዛወር መሞከር የአፍሪካን ነፃነትና የአፍሪካን ህዝቦች መተባበርና ለጋራ ዕድገት መነሳት የሚያደርጉትን ጥረት የሚያጨናግፍ ነው። አፍሪኮምና ኔቶ ከመተሳሰራቸው የተነሳ መጀመሪያውንና መጨረሻውን ለማወቅ ያዳግታል። ለምሳሌ በግንቦት ወር የኔቶ ዋና ጸሀፊ የሆኑት ሚስተር ራስሙሰን ዋሽንግተን ላይ ምርጡ መሪ በመባል ሽልማት ተሰጥቷቸዋል። ስለሆነም ኔቶና አፍሪኮም በአፍሪካ ውስጥ ስር ለመሰደድና ሀብቷን ለመዝረፍ ሲሉ አንድ ላይ ተሳስረዋል። አንዱን ከሌላው የማይለይበት ሁኔታ ተፈጥሯል።

የአፍሪካ አንድነት ከተቋቋመ ከ50 ዐመታት ጀምሮ ብዙ እንቅፋቶች ገጥመውታል። በተለይም ነፃነታቸውን ተቀዳጀትዋል በሚባሉት የአፍሪካ አገሮች ላይ በስንት ትግል የተቀዳጁትን ድል ሙሉ በሙሉ ተግባራዊ እንዳያደርጉ ቁጥጥር ተደርጎባቸዋል። ከ60ኛው ዓ.ም ጀምሮ ተራማጅ በነበሩ የአፍሪካ ፕሬዚደንቶች ላይ የተካሄደው የመንግስት ግልበጣና፣ ከስልጣናቸውም እንዲባረሩ ማድረግ ወይም ማስገደል፣ ከአፓርታይድ ለመላቀቅ ይደረግ የነበረውን ትግል ለማክሸፍ መሞከር፣ የአሜሪካ ጦር በሶማሌ ላይ ያደረገው ወረራና፣ በሱዳን ላይም የፈጸመው ተንኮል፣ ከአልካይዳ ጋር የሚያደረገው የውስጥ ለውስጥ ንግግር፣ የመስከረም 11 የአሸባሪዎች ድርጊት ከመፈጸሙ በፊት በጂሃዲስቶች የተፈጸመው ድርጊትና ከዚህ ጋር ተያይዞ አሸባሪዎችን መምታት አለብን ተብሎ የረቀቀው ፖሊሲ ሁሉ፣ እነዚህ ሁሉ በአፍሪካ ህዝብ ነፃነትና፣ በአፍሪካ አንድነት የስራ አፈጻጸም ላይ የራሳቸውን አሉታዊ አሻራ ጥለዋል። እ.አ በ2002 ዓ.ም የፓን ሳህል አገሮች የፀረ-አሸባሪ ስምምነት፣ ከሶስት ዐመታት በኋላ ደግሞ የትራንስ ሳሀራ የፀረ-አሸባሪዎች ስምምነት፣ እንዲሁም ሌሎች አምስት አገሮችን በማካተት የየመንግስታቱን አትኩሮ በዚህ ዐይነቱ ለዕድገት በማያመች ተግባር ላይ እንዲሰማሩ አስገድዷቸዋል።
በኋላ ደግሞ የምስራቅ አፍሪካው የፀረ-ሽብር ዝግጀት ወደ ሌሎች የምስራቅ አፍሪካ አገሮች በመስፋፋት ስድስት የሚጠጉ አገሮችን አካትቷል። በዚሁ ዐመት እ.አ በ2005 ዓ.ም የአፍሪካ አገሮች ያደረጉትን ጥሪ ኒቶ በመቀበል በዳፉር ውስጥ ጣልቃ መግባት ተቻለ። ከዚህ አልፎ በብርጌድ ደረጃ የሚቋቋም ጦር ከሁለት ዐመት በኋላ እንዲቋቋም የመጀመሪያው ዝግጅት ሲጀመር፣ ስራው በ2015 በመጠናቀቅ የሰላም ጥበቃ በሚለው ስም አፍሪካ ሙሉ በሙሉ ነፃቷን እንድታጣ ትደረጋለች ማለት ነው።

ይህ ማለት ምን ማለት ነው?  የራሳችንን ዕድል በራሳችን የመወሰኑ ጉዳይ እንዳለ ይነጠቃል። የአፍሪካ ህዝቦች ከእንግዲህ ወዲያ የነፃነታቸውን፣ የመብታቸውንና የዕድገታቸውን ዕድል ወሳኝ አይሆኑም ማለት ነው። ኔቶና አፍሪኮም በአንድ የአፍሪካ አገር ውስጥ ጣልቃ ለመግባት በሚፈልጉበት ጊዜ ከነሱ በላይ የተቀመጡትን የሲኒየር ሊይዞን ከመጠየቅ በስተቀር ማንንም መጠየቅ አያስፈልጋቸውም። ይህ ዐይነቱ የሚሊተሪ ሊይዞን የአፍሪካን አንድነት የሚቆጣጠርና የሚከታተል ስልሆነ እንደ አፍሪካ አንድነት ተወካይ ሆኖ የሚሰራ ነው ማለት ይቻላል ። የአፍሪካ መንግስታት ምንም ዐይነት የቁጥጥር መብት የላቸውም ማለት ነው። እኛ የፓን አፍሪካንን አርማ አንግበን የምንታገል ይህንን ወረራ ዝም ብሎ መመልከት ሳይሆን አደገኛነቱን ለዓለም ሰላም ወዳድ ህዝብ በማስታወቅና፣ ለአፍሪካ ህዝብና ለምሁሩም ግልጽ በማድረግ ይህንን ህልምና ዕቅድ እንዲከሸፍ ማድረገ ታሪካዊ ግዴታቸን ነው። አፍሪካን ሚሊታራይዝ ማድረጉ ወደ ጥፋት እንጂ ወደ ሰላም እንደማያመጣን መረዳትና ማስታወቅ ይኖርብናል። አለመረጋጋትን፣ ፀብ መጫርንና ማቀጣጠልንና የባሰውኑ ወደ ከፍተኛ የርስበርስ ዕልቂት ከማምራት በስተቀር ለአፍሪካ አህጉርና ለህዝቦቿ የሚበጅ መንገድ አይደለም። ዘለዓለሙኑ የአፍሪካ ህዝብ በትርምስ ዓለም ውስጥ እንዲኖርና ታሪካዊና የሰለጠነ ስራ እንዳይሰራ የሚያደርግ እጅግ አደገኛ ዕቅድ ነው። ስለሆነም የአፍሪካ ህዝብ ብሄራዊ ነፃነቱ እንዲገፈፍ የሚያደርግ ነው። የአፍሪካ ዕውነተኛ ነፃነት የሚጠበቀው በአህጉሪቱ የተቋቋሙት የውጭ ኃይሎች የጦር ካምፖች ሲፈራርሱና ከእነሱ ጋር የተቆላለፉ የሚሊታሪ ኢንስቲቱሽኖች ሲወድሙ ብቻ ነው። ማንኛውም የአፍሪካ መንግስታት የሚሊታሪና የስለላ ድርጅቶች ከውጭ ኃይሎች ትስስርና ምክር፣ እንዲሁም ስልጠና የፀዱ መሆን አለባቸው። ለአንዴም ለመጨረሻም ጊዜ የኢምፔሪያሊስቶች የብጥበጣ ዕቅድና የዘረፋ ስልት መበጠስና መውደም አለበት። ዕምነታችን መሆን ያለበት ዕውነተኛ፣ ከውጭ ኃይሎች ተፅዕኖና የስትራቴጂ ተልዕኮ የተላቀቀ የመላው አፍሪካ የወታደር ተቋም ሲቋቋም ብቻ ነው። ለዚህ ተግቶ መስራት ያስፈልጋል።

የኛው የፓን አፍሪካኒዝም ህልምና ምኞት ጠቅላላው የአፍሪካ ህዝብ ወደ አንድነት እንዲመጣ የሚያደርግና ወደ ጋራ ብልጽግና የሚያመራ መሆን አለበት። የኛ መሰረታዊ ዓላማ የውጭ ኃይሎችን ፍላጎት የሚጻረርና በፍጹም በሰላምንና ዕድገትን ፈላጊነት ላይ የተመሰረተ ነው። የኛው የአፍሪካ ጦር ወራሪ ሳይሆን የአፍሪካን ብሄራዊ ነፃነት የሚያስጠብቅ ነው። ሀብቷንና የህዝቦቿን መብት የሚጠባበቅና የሚከላከል ነው። ስለዚህም በኔቶና በአፍሪኮም የተቋቋመው የወረራ ስምምነት ተፈጥሮአዊውን የሰው ልጅ መብት የሚቃወምና የአፍሪካ ህዝቦች ብቻ ሳይሆኑ የዓለምም ህዝብ በስምምነትና በወንድማማችነት እንዳይኖር የሚያደርግ ነው።

የራሳችንን መብትና ጥቅም ለማስጠበቅ በራስችን አዕምሮ መመራት ያስፈልገናል። ስለዚህም ኔቶና አፍሪኮም ሳይሆኑ የኛን ስራ የሚሰሩልን ራሳችን ለመስራት ከምንግዜውም ታጥቀን መነሳት አለብን። ይህ ብቻ ነው ዕውነተኛውን መንገድ የሚያሳየንና የአፍሪካን አንድነት በማጠናከር ወደ ሰላምና ወደ ተፈለገው ብልጽግና የሚያመራን።

አንድ ላይ በመሆን የአፍሪካን ወጣት በፖለቲካ ረገድ ለማንቃትና ነገሮችን እንዲረዳ ታግተን መስራት አለብን። አፍሪኮም ወደ ቤትህ ተመለስ!! አፍሪካ የአፍሪካውያኖች ብቻ ነው!! ውጭ ሆነ አገር ቤት ውስጥ ያለው ሁሉ መተባበር አለበት። የውጭ አገር ጦር ስፈር መቆም የለበትም፤ አሜሪካ ከጀርመንም ሆነ ከአፍሪካ መውጣት አለበት።

አሸባሪዎችን ማስታጠቁ አሁኑኑ መቆም አለበት። ከጂቡቲ፣ ከትሪፖሊ፣ ከሊብረቪሌ፣ ከሳዖ ቶሜና ከጃሜና መውጣት አለበት።
የዓለም አቀፍ ኩባንያዎች የአፍሪካን የተፈጥሮ ሀብት መዝረፋቸውን ማቆም አለባቸው። የእርሻ መሬታቸውን መንጠቁ መቆም አለበት። የአፍሪካን የጥሬ ሀብት የሚሸጥና ከኢምፔሪያሊስቶች ጋር ስምምነት የሚያደርግ ማንኛውም የአፍርካ መንግስት በስልጣን ላይ መቆየት የለበትም።

ዲሞክራሲና ህዝባዊ ተሳትፎ ብለን በመነሳት የአፍሪካን አንድነት ድርጊት መቆጣጠርና እንዲሻሻል ማድረግ አለብን።
አፍሪካ እንደገና ነፃ መውጣት አለባት!! ስለዚህም ሴትም ሆነ ወንድ፣ ሸማግሌም ሆነ ወጣት፣ ሁሉም በአንድነት በመነሳት አፍሪካን ከውጭ ወረራና ካማተለል ዘረፋ ማዳን አለብን!!

ስለሆነም ይህንን መግለጫ ከዚህ በታች ስማቸው የሰፈረው ድርጅቶች በሙሉ ይተባበራሉ።
የሶስተኛ ዓለም ፎረም (Samir Amin; Bernard Founou)
ፋውንዴሽን ፍራንዝ ፋኖን (Mireille Fanon-Mendes-France)
ሃንኪሊሶ አፍሪካ (Koulsy Lamko)
አፍሪክ እቬኒር ኢንተርናሽናል
የፓን አፍሪካኒስም የስራ ጠረጴዛ ሚዩኒክ (Dipama Hamado)
ሪቫይቫል ፓን እፍሪካኒዝም ፎረም (Gnaka Lagoke)
የቱኔዚያ የውጭ ግኑኝነት ኢንስቲቱት(Ahmad Manai)
የድሮው የደቡብ ማዕከል ዳይሬክተር(Yash Tandon)
የዲያስፖራ ሙዚካ የሁሩ ራዲዮ
የፓን አፍርካ ኔት ወርክ ትብብር- Ajamu Nangwaya, University oft Toronto
ኤሚራ ውድስ-IPS
የአፍሪካ ፎረም ትብብር
አገራዊ የአፍሪካ የምርምርና የዕድገት ትብብር(ARCADE)
የአፍሪካ የባህል ፕሮጀክት በህግ የተመዘገበ
Dr. Horace Campbell-Syracuse Univeristy
Dr. Saer Maty Ba
Dr. Sanou Mbaye
Dr. Boniface Mabanza(Kirchliche Arbeitsstelle Südliches Afrika KASA)
Dr. Werner Ruf(AG Friedensforschung)
Berliner Postkolonial e.V.(Mnyaka Suru mboro und Christian Kopp)
Dipl.Afrikanistin(Ginga Eichler)
Dr. Lutz Holzinger(Journalist an writer in Vienna)
Ababacar Fall, Dakar Senegal
Dr. Henning Melber, Theo Dag Hammarskjöld Foundation, Uppala/Sweden
የሰው መብትና ደሞክራቲ ኮሚቴ- Wolf-Dieter Narr
Jonanes Louis (Univerite Populaire Kwame Nkrumah)
Werner Kersting, Vorsitzender

ማሳሰቢያ፣

ይህ ጥሪ ካናዳ ውስጥ በሚኖሩና በሚንቀሳቀሱ የፖለቲካ ሳይንስ ምሁር በሆኑት በሚስተር አዚዝ ሳልሞን ፋል የሚመራ የፖለቲካ እንቅስቃሴ የተዘጋጀ ጽሁፍ ነው። እንደ አጋጣሚ ሆኖ ሚስተር አዚዝ በምኖርበት ከተማ እኔና የአፍሪካ ሀውስ በመተባበር የአፍሪካ አንድነትን ጉዞ፣ ውጤትና ችግር እንዲሁም የወደፊቱ ሁኔታ ላይ በሴሚናራችን ላይ ተገኝተው ከተሳተፉና፣ እሳቸውም በአፍሪካ ላይ የተጣለውን አደጋ በሰፊውና በሚያመረቃ መንገድ ካቀረቡ በኋላ፣ የሃሳብ ልውውጥ ካደረግን በኋላ በቅርቡ ወደ አዲስ አበባ ስለሚሄዱ ይህንን ጽሁፋቸውን እንድተረጉም ስለጠየቁኝ በዚህ መልክ አቅርቤዋለሁ። አቶ አዚዝ ጽሁፉን ይዘው በመሄድ ኢትዮጵያ ውስጥም ለሚመለከቷቸው ባለስልጣናት እንደሚሰጡ አውስተውኛል። ይህም ማለት ይህ ጽሁፍ በሳቸው ፈቃድ የተተረጎመ ነው ማለት ነው። ይህንን ዕድል ስለሰጡኝ በጣም አመሰግናለሁ።

ተርጓሚ፤ ፈቃዱ በቀለ (ዶ/ር)

ግብጦች ምን ነካቸው…!?abetokichaw

ግብጦች ምን ነካቸው…!?

እስቲ ጠይቁልኝ ግብጦች ምን ነካቸው…

ኡኡታ ሚያሰሙት ካደባባይ ወጥተው…

ከፍቷቸው ነው አሉ ከመንግስት ተኳርፈው…

ታድያ ለምንድን ነው… ካገር የማይወጡ…

“ከነገሩ ጦም ይደሩ” ብለው የማያመልጡ…

ምን አሟገታቸው

ምን አስጨነቃቸው

ምንስ አስጮሃቸው

ዝም ብለው አይሄዱም ሀገሪቱን ጥለው…

እሺ እርሱም ይቅር ሀገር ጥሎ መሄድ እንደ አፍ አይቀልም፡፡

ለምን ዝ…….ም አይሉም ለበጎ ነው ብለው… ለምን ፀጥ አይሉም

“…ካለፈው ይሻላል የባሰ አታምጣ

አምላኬ ተመስገን አናበዛም ጣጣ…”

       ብለው  …ጫ! አይሉም ምን አስጨነቃቸው….

                                                                                                                    አደባባይ ወጥተው እንዲህ መጮሃቸው

                                                                                                                    እስቲ ጠይቁልኝ ግብጾች ምን ነካቸው…!

በሰዉ ድርቅ የተመታዉ የቦንድ ምንተፋ በተቃዋሚዎች የድምጽ ማእበል እየታመሰ ነበር

ሳዲቅ አህመድ

አትላንታ ጆርጂያ፥አረንጓዴ ቢጫ ቀይ ባንዲራን የሚያዉለበልቡ ብቻ ሳይሆንየለበሱም ነበሩ።የኢትዮጽያ መንግስት አባይን ለመገደብ በሚልስም ቦንድን ለመመንተፍ የሚያደርገዉን ሴራ እንቃወማለን አባይከመገደቡ በፊት ነጻነት፣ዲሞክራሲ፣ፍትህ ለመላዉ ኢትዮጵያንያሻል በማለት በዘር በሃይማኖት ሳይለያዩም ድምጻቸዉንያሰማሉ።ቁጥራቸዉ የተመናመነ ግለሰቦች ሃፍረት በተሞላበት መልኩ ወደአዳራሹ ቢያመሩም ከመካከላቸዉ አንዳንዶቹ በአልሞት ባይ ተጋዳይነት የሟቹን መለስ ዜናዊ ቲሸርት በመልበስ ቢንጎማለሉምበፍርሃት እየነፈሩ መሆናቸዉ ግን ያስታዉቅ ነበር። “ተከብረሽ የኖርሽዉ ባባቶቻን ደም እናት ኢትዮጵያ የደፈረሽ ይዉደም”በማለት ኅብረ-ዜማን የሚያሰሙት ኢትዮጵያዉያን “ተመልከቱ ኢትዮጵያን አስመልክቶ ዝግጅት ቢያዘጋጁም የኢትዮጵያንባንዲራን ለማዉለብለብ ግን ፍላጎቱ የላቸዉም! እኛ ግን በአባይ ስም አትነግዱ ስንላችዉ የኢትዮጵያን ባንዲራ እያዉለበለብንነዉ” ይላሉ።“እኛ ኢትዮጵያዉያን ነን ወደ አዳራሹ ለመግባት የዘር መለዮ ሳይሆን ኢትዮጵያዊ ማንነት ነዉ የሚያሻን” ብሉዉ ለመደራደርቢሞክሩም አዘጋጆቹ የአባይ ጉዳይ በዘር የተደለደለ እንዲመስል አድርገዉታል። ያም ሆኖ ቁጥራቸው ከሰላሳ የሚያንሱ የቦንድተመንታፊዎች በሰአት 400 ዶላር በሚከፈልበት አዳራሽ ዉስጥ ሲገቡ ተስተዉሏል። በአዳራሹ ዉስጥም መዝጋቢ ሰዉ እንደሌለ፣እንኳን ደህና መጣቹ ባይ እንዳልነበረ አንድ በተክለ-ሰዉነቱ የስብሰባዉን አዘጋጆች የዘር መስፍርት የሚያሟላ ልቦናዉ ግንለኢትዮጵያዊነቱ የጸና ግለሰብ ዉስጥ ገብቶ የታዘበዉን ገልጿል።በተገቢዉ መልኩ ጥናት ያልተደረገበት አባይን የመገደቡ ሙከራ የዲፕሎማሲና የደህንነንት አደጋ አለዉ፤ ስልጣንን ለማራዘምናአቅጣጫን ለማስቀየር በሚደረግ ደፋ ቀና ነዉ አባይን መገደብ በሚል ስም የኢትዮጵያ መንግስት የሚንቀሳቀሰዉ የሚሉ ተቺዎችብዙ ናቸዉ። ባንጻሩ አባይ አሁን አይገደብ የሚሉት ፖለቲካውዊ ክፋት የተጠናወታችዉ ናቸዉ በማለት የኢትዮጵያ መንግስትለማጣጣል ይሞክራል። አንድ የጋራ እዉነታ ግን አለ፤ በአባይ የመገደብ ጉዳይ ኢትዮጵያዉያን የተለያየ ሃሳብ የላችዉም! ህዝባዊዉክልና የሌዉ ህወሃት መራሹ የኢትዮጵያ መንግስት “ያላዋቂ ሳሚ ምን ይለቀልቃል” ግድቡን አያርገዉ ባዮች ቢኖሩ እንጂ…ጁን 30 በሰዉ ድርቅ የተመታዉ የአትላንታ ጆርጂያ የቦንድ ምንተፋ ሂደት ክዉ ድንግጥም ያለ ነበር።