“የመለስን ሌጋሲ ማስቀጠል የማንችል ከሆነ ህዝቡ እሳት ሆኖ እንዳያቃጥለን እንሰጋለን” ሲሉ የኢህአዴግ አባላት ተናገሩ

ኢሳት ዜና:-በሚስጥር የደረሰን በአዲስ አበባ  የኢህአዴግ ድርጅት ጽህፈት ቤት ያዘጋጀው ሚስጢራዊ ሪፖርት እንደሚያመለክተው  የኢህአዴግ አባላት ከመለስ ሌጋሲ እና ከልማት ጋር የተያያዙ በርካታ ጥያቄዎችን ማንሳታቸው ተመልክቷል።ጥር ፬ (አራት) ቀን ፳፻፭ ዓ/ም

የኢህአዴግ አባላት  ካነሱዋቸው ሀሳቦች መካከል “  መስመሩን ያላወቁ አባላት ባለበት እንዴት ሌጋሲውን ማስቀጠል ይቻላል? አባሎች ራሳቸው ጀርባቸው መጠናት አለበት፣ ንፋስ ወደ ነፈሰበት የሚነፍሱ ቁጥራቸው እየበዛ ነው፣ የመለስ ሌጋሲ ሊኖር የሚችለው ስርአቱ እስካለ ድረስ ነው፣ የሚስጥር ጠባቂነት ችግር በአመራሩ ከላይ እስከታች አለ፣ አመራሩ ኪራይ ሰብሳቢነትን አምርሮ አይታገልም፣ህወሀት ሀይለማርያምን ማስቀጠል የለበትም ምክንያቱም ታግሎ የመጣ ሰው ነው መምራት ያለበት”   የሚሉት ይገኙበታል።

በጥሩ ጎን ተብለው ከተጠቀሱት ሀሳቦች መካከል ” የመለስን ሌጋሲ ለማስቀጠል የማይፈልግ የሰማዕታትን አደራ ለመቀበል ዝግጁ ያልሆነ ሰው ነው፤ የመለስን ሌጋሲ ለማስቀጠል አመራር መሆን አያስፈልግም ፣ መለስ ትክክለኛ ሃገር ወዳድ ነው፣ ደፋር መሪ ነው፡፡ በሌሎች መሪዎች ያልተደፈሩ ተግባራትን የደፈረ ነው፡፡”  የሚሉት ተዘርዝረዋል።

የኢህአዴግ የሰራተኛ አባል መድረክ የአቶ መለስን ሌጋሲ ከማስቀጠል አንጻር ካነሱዋቸው ጥያቄዎች መካከል ደግሞ የሚከተሉት ተጠቅሰዋል ”  ስለ መለስ ብቻ ይወራል መለስን የፈጠረው ኢህአዴግ ስለሆነ የኢህአዴግን ሙሉነት ብናወራ አይሻልም ወይ፣ ከመለስ ብዙ እንማራለን በርካታ ጠንካራ ጎኖች አሉት፣ እኛ የሱን ሌጋሲ ለማስቀጠል የህብረተሰቡን ችግር ለመቅረፍ ምን ያህል ዝግጁ ነን፣ስለሌጋሲ እያወያያችሁን ነው፣ እናንተ እራሳችሁ ቁርጠኝነታችሁ እስከምን ድረስ ነው፣ ራስን ከማብቃት አንጻር ከመለስ ሌጋሲ የምንማረው አለ ሆኖም አመራሩም ሆነ አባሉ ችግር አለበት ማስተካከል አለብን” የሚሉት ተጠቅሰዋል።

የኑሮ ውድነቱን በተመለከተ አባሎች ካነሱዋቸው ነጥቦች መካከል ደግሞ ” በኑሮ ውድነቱ የመንግስት ሰራተኛው እየተጎዳ በመሆኑ የህዳሴ ጉዞአችንን ከማሳካት አንጻር አንዱን ሀይል እንዳናጣው እንሰጋለን፣ ያለፈው አመት ችግር በታየበት የአሁኑ እቅድ ከስፋት አንጻር ለማሳካት ይከብዳል” የሚሉት ይገኙበታል።

የኢህአዴግ ሰራተኛ አባላት በመለስ ሌጋሲ ላይ ካነሱዋቸው ጥያቄዎች መካከል ደግሞ ” ስለመለስ ሌጋሲ እናውራ ስንል በሙት መንፈስ መመራት አያስምስልም ወይ? የመለስ ሌጋሲ እያልን የምናወራው ሁሌ ጠንካራ ጎኑን ነው፣ ደካማ ጎን የለውም ወይ? ጠናካራ የሆኑ የተቃዋሚ ፓርቲ ፓርላማ እንዲገቡ ልምን አላዳረገም።” የሚሉት ተነስተዋል።

የአባላት መድረክ ካነሱዋቸው ነጥቦች ውስጥ ደግሞ  ”

- የመለስ ሌጋሲ ማስቀጠል ማንችል ከሆነ ህዝቡ  እሳት ሆኖ እንዳያቃጥለን እንሰጋለን ስለዚህ ሌጋሲውን ከማስቀጠል ውጭ ሌላ አማራጭ ሊኖር አይችልም

- ሌጋሲውን ለማስቀጠል አቅም ክፍተት አለብን

- የመለስ ሌጋሲን መውረስ ሲባል እሱን መሆን ሳይሆን ባለንበትና በተሰማራንበት የህዝብ አገልጋይነት ስሜት መፍጠር መላበስ ነው፣ ከመለስ ሌጋሲ አባሉ ሲመዘን እና የሰአት መስዋት መክፈል አንፈልግም እሱ ግን የህይወት መስዋትነት ከፍሎ አሳይቶናል” የሚሉት ይገኙበታል።

ግንባሩን በተመለከተም ” የአባላት የተሳትፎ ችግር አለ፣ የውስጥ ድርጅት ስራችን በጣም ተዳክሞአል፣ ድጋፍና ክትትል አካባቢ ያለው ስራም አናሳ ነው፣ አመራሩ የሚፈልገን ለዘመቻ ስራ እንጅ በቋሚነት የመደገፍ ችግር አለበት ፡” የሚሉት ተጠቅሰዋል።

በህዝብ መድረክ ከተነሱት ጥያቄዎች መካከል ደግሞ “ተማሪዎች በአጥር እየዘለሉ ጫትና ሺሻ ቤት እየገቡ ተቸግረናል፣ ሺሻ ቤት ከቀን ወደ ቀን ሲበራከት ለምን እርምጃ አትወስዱም ፣ ሺሻ ቤቶች ላይ እርምጃ ለመውሰድ ሲታሰብ ሚስጢሮች ከፖሊስና ከአስፈጻሚ በኩል ይወጣሉ፣ ከፖሊስ ሲጠሩ በወቅቱ አይመጡም፣ የጸጥታ ኮሚቴ ተብለው የተመደቡት እራሳቸው ችግር አለባቸው፣   የሚሉት ይገኙበታል።

ይድረስ ለጠቅላይ ሚኒስትር ሃይለማርያም ደሳለኝ… ከዛም እኔም ደስ ይበለኝ

ወዳጄ እንዴት ሰነበቱልኝ፤ ዛሬ አስቸኳይ ጉዳይ ገጠመኝና የደቡብ ልጆች በኬኒያ የሚለውን ጨዋታ ሳልቀጥልልዎ ልቀር ነው። በምትኩ የቀድሞው የደቡብ ክልል ፕረዘዳንት የአሁኑ የኢትዮጵያ ጠቅላይ ሚኒስትር ለሆኑት አቶ ሃይለማሪያም አንድ ደብዳቤ አዘጋጅቻለሁ… እማኝ ይሆኑኛል አብረዋቸው ያንብቡልኝ!

ክቡር ጠቅላይ ሚኒስትር፤ ሃይለማሪያም ደሳለኝ፤

በመጀመሪያ ሰላም ልበልዎ መሰለኝ፤ እንዴት አሉልኝ! ቀጥሎም ልጠይቅዎ መሰለኝ፤ ያንን ሃይማኖተኝነትዎን ተዉት ወይስ እንዳለ ነው? ባለፈው ግዜ በፓርላማው “እግዜር ኢትዮጵያን ይባርክ” ሲባል ከፓርላማ አባላቱ ጋር ሆነው ከት ብለው ሲስቁ አይቼዎታለሁ…? ወይስ አላየዎትም? የሆነው ይሁንና፤ ቢያንስ ግን የፓርላማ አባላቱን በምግባራቸው ሲገስፁ ባለማየቴ ነው ሃይማኖተኝነቱን ትተውት ይሆን…? ብዬ መጠራጠሬ፤ ግድየለም አለተዉትም በሚለው ታሳቢ አድርጌ ልቀጥል፤

እንኳን ለጌታችን ኢየሱስ ክርስቶስ የልደት በዓል አደረስዎ! እንዲሁም በየሱስ ስም ቀልብዎን አሰባስበው ያንቡብልኝ፤

ያኔ የስልጣኑ በር ላይ ቆመው የሀገሪቱ ጠቅላይ የመሆን አለመሆንዎ ነገር እንደ አጓጊ ትያትር ልብ ሰቀላ ላይ ሳለ፤ ከተለያዩ ቦታዎች እርስዎ ቀጣዩ ጠቅላይ የመሆን እድል እንዳልዎት ፍንጭ በሰማን ቁጥር፤ ነግሰው በፍንጭትዎ ፈገግ ሲሉልን እየታየን “ወፌ ቆመች ባልወደቀች…” እያልን ደጋፊዎ ሆነን የቆየን እጅግ በርካቶች ነን።

ለዚህ በርካታ ምክንያቶች አሉን፤ ከምክንያቶቻችን ውስጥም፤ ታጋዮቹ ደማቸው ቶሎ ቶሎ ግንፍል እያለ ፓርላማ ውስጥ ቁጣቸው አሰልችቶን ነበርና ቢያንስ እኒህ የሀይማኖት ሰው ሰከን ብለው ሲናገሩ እንሰማቸው ይሆናል። የሚለው አንዱ ነበር። ሌለውስ…? ሌላው ደግሞ አሁንም ከዕምነትዎ አንፃር መዋሸት እንደነውር ይቆጠራልና እንደቀድሞዎቹ… የምናውቀውን ሀቅ ሲዋሹን አናይም ከሚል ተስፋም ነበር። ሌላስ…? ሌላማ እንግዲህ እርስዎም እንደቀድሞዎቹ “ፈሪሳውያን” በርባን ይፈታ ክርስቶስ ይሰቀል የሚሉ አይደሉምና ንፁሀንን ለሞትና ለእስር አይንዎ እያየ አሳልፈው አይሰጡም በሚል ተስፋም ነበር።

ከነበር በኋላ፤

በዛንም ቀን አነሆ እርስዎ የተከበሩት፤ አቶ ሃይለማሪያም ደሳለኝ በተቀበሩት አቶ መለስ ዜናዊ ምትክ ጠቅላይ ሚኒስትር ሆነው ተሾሙ። መጀመሪያ ደስ አለን ቀጥሎም ደስታችን ከምን የተነሳ ነበር…? ብለን ጠየቅን።

ቆይማ ደረቅ አደረኩብዎ መሰል… ትንሽ ዋዛ እንጨምርበት፤ ለመሳቅ ይዘጋጁ በእርስዎ ላይ የተቀለደች አንዲት ቀልድ ናት፤ አዲስ መስመር ይውረዱና ያገኟታል። (በቅንፍም አይዝዎት አዲስ መስመር ይውረዱ ነው ያልኩዎ ከስልጣንዎ ይውረዱ አላልኩም።)

በአንዱ ቀን አሉ ከሶስቱ ልጆችዎ አንዷ ኩርፍ ብላ ሳሎን ተቀምጣ አገኟት፤ ታድያ እርሶ ሆዬ በአባት አይንዎ እያዩ እና አናቷን ዳበስ ዳበስ እያደረጉ “ምን ሆነሻል ልጄ!?” ሲሉ ጠየቋት። እርሷም ለንቦጯን ጣል አድርጋ የፈተና ውጤቷ ጥሩ እንዳልሆነ ነገረችዎ፤ ይሄኔ እርስዎ ሆዬ “አይዞሽ ያገኘሽው የስራሽን ውጤት ስለሆነ አትከፊ” አሏት፤ እርሷ ግን “የሚያናድደውኮ እሱ ነው!” አለችዎ። ለካስ ልጅዎ ፈተናዋን የወደቀችው ከሰው ኮርጃ ሰርታ ኖሯል። ይሄኔ እርስዎ ሆዬ ሊመክሩ… መቼም ምክር ቀላል ነውና፤ “ልጄ የሰው ነገርማ መኮረጅ አይገባም…” ብለው ገና  ሲጀምሩላት ከኢትዮጵያ ቴሌቪዥን የእርስዎ ንግግር ሲጀምር እኩል ሆነ፤ “መረጃ አለን ማስረጃ ግን የለንም…” ብለው ልክ እንደ ሟቹ ሲናገሩ ተሰማ፤ ይቺን ንግግር አቶ መለስ ፈጠሯት፤ ከዛ ሰው ለሰው ድራማ ኮረጃት፤ ከዛ ደግሞ እርስዎ ኮረጇት… ልጅዎ ይሄንን ሁሉ አየች ሳቀችም። ከዛ ስለኩረጃ አስከፊነት እንዴት ይምከሯት…!

ቀልዷ አላሳቀችዎትም መሰል። አዎ ዋናው ቁምነገሯ ማሳቁ ላይ ሳይሆን በኩረጃዎ ቤተሰብዎም መሳቀቁን ለመጠቆም ነው።

እናልዎ ስንት ተስፋ ያደረግንብዎ ሰውዬ ከውሃ አጠጣጥዎ ጀምሮ እስከ ኩስትሪያዎ እና ቁጣዎ ድረስ ቁርጥ ያለፉትን ሆነው ቁጭ! እኛም፤ ለመሆኑ ቪዲዮውን ስንት ግዜ ቢያዩት ነው!? ብለን ተደነቅን፤ ተደንቀንም ፃፍን፤

በነገራችን ላይ በዚህ የፓርላማ ውሎዎ ላይ ከብቸኛው ተቃዋሚ ክቡር አቶ ግርማ ሰይፉ ስለ ማተሚያ ቤት ተጠይቀው የመለሱት መልስ አስደምሞኛል። እዝችው ላይ ነገርን ነገር ያንሳውና “በሀገሪቱ ውስጥ ያሉት ማተሚያ ቤቶች 34 ይመስሉኝ ነበር ለካስ ከሁለት መቶ በላይ ማተሚያ ቤቶች አሉ…” ብለው ገና መልስዎ ሲጀምሩ ድሮውንም ስለሚመሯት ሀገር ያልዎት ዕውቀት አናሳ መሆኑን “አስፎገሩ” ለዚህም ነው ይህንን ንግግርዎን ኢቲቪ ማታ ድጋሚ ሲያቀርበው በሳንሱር መቀሱ ቆርጦ ያወጣው።

ለነገሩ እርስዎ ስለሀገርዎ ጉዳይ ባዳ እንደሆኑ ካወቅን ቆየን፤ ምነው እንኳ ባለፈው ጊዜ ከአልጀዚራ ቴሌቪዥን ጋር ቃለ ምልልስ ሲያደርጉ “ኤርትራ የሚወስደኝ ባገኝ ሄጄ ከአቶ ኢሳያስ ጋር እታረቅ ነበር” ብለው ሲሉ፣ ጋዜጠኛይቱ፤ “ታድያ የዚህ የዚህ እግር ኳስ ቡድናችሁ ሰሞኑን ኤርትራ ሄዶ እንዳይጫወት ለምን ከለከላችሁ?” ብላ ብትጠይቅዎ “ይሄንን ገና ካንቺ ሰማሁ” ብለው ብንሰማ እኛ ለርስዎ ተሸማቀን፣ ተሸማቀን ሸማቂ መሆን አልነበር እንዴ የተመኘነው…!?

የኔ ነገር፤ የጀመርኩትን ወሬ ሳልቋጭ ሌላ ጨዋታ ውስጥ ዶልኩዎ አይደል፤ ይቅርታ ያድርጉልኝ፤ እኔስ ከአንዱ ጨዋታ ወደሌላ ጨዋታ ነው የዶልኩዎ አንዳንዶች አሉ ከችግር ወደ ችግር የሚዶሉ፤ እነርሱን ነው መገሰፅ! ታድያ ስም አልጠቀስኩም…

እናልዎ ታድያ “ማተሚያ ቤቶችን የኢህአዴግ ካድሬ ደውሎ በፍፁም አያስፈራራም” ብለው አፍዎን ሞልተው ሲናገሩ ብሰማ እኔ አፍሬ አፌን ያዝኩልዎ…

ይሄ መልስዎ ከምን ጋር ይመሳሰላል መሰልዎ አንዳንድ እናቶች አሉ ልጆቻቸውን የተንከባከቡ መስሏቸው ለባሰ ጥፋት የሚያጋልጧቸው። እንዲህ አይነት እናቶች ስለ ልጃቸው ጥፋት ስሞታ ቢመጣላቸውም “የኔ ልጅ በፍፁም እንዲህ አያደርግም” ይላሉ። ይሄ አይነቱ ምላሽ ልጆቹን የባሰ አጥፊ እነዲሆኑ ነው የሚያደርጋቸው። እንዲህ አይነት እናትና ልጆች በየሰፈሩ አሉ፤ እርስዎም ሰፈር አይጠፉም። (የድሮ ሰፈርዎ ማለቴ ነው)

ታድያ እርስዎም እዲህ እንዳሉት እናቶች “የኔ ካድሬ በፍፁም እንዲህ አያደርግም ይሉልኛል” እኔ አለሁ አይደል እንዴ ያልሞትኩ እማኝ፤

በአንድ ወቅት አንድ መፅሀፍ ላሳትም ፈልጌ ላንቻ አካባቢ ያለ አንድ ማተሚያ ቤት ሄጄ ነበር። ቀብድ ከከፈልኩት በኋላ መፅሐፌን ማተም ሊጀምር ሲል ሽፋኑን ተመለከተው። በሽፋኑ ላይ የአራት ሰዎች ፎቶግራፍ ይታያል። የዳኛ ብርቱካን ሚዴቅሳ፣ የዶክተር ብርሃኑ ነጋ፣ የጠቅላይ ሚኒስትር መለስ ዜናዊ እና የምንም አቶ ልደቱ አያሌው ፎቶግራፍ ነበረበት።

እና አታሚዬ እነዚህን ፎቶግራፎች ብቻ ተመልክቶ የሰጠሁትን አስራ ምናምን ሺህ ብር ቀብድ መለሰልኝ፤ ከዛም፤ “እኔ በእሳት አልጫወትም ሰዎቹ አስጠንቅቀውኛል ውሰድልኝ” አለኝ። “በእሳት አልጫወትም” ያለው እናንተን መሆኑ ነው። በወቅቱ መንግስታችን ፀሐይ እንጂ እሳት እንዴት ይባላል ብዬ ቅር ብሎኝ ነበር። አሁን ግን እርስዎም ደጋግመው ሲናገሩ እንደሰማሁት፤ ማንኛውም ሰዉ መንግስትን አንድ ጥያቄ ሲጠይቅ “ይሄ በእሳት መጫወት ነው” ሲሉ ብሰማ እውነትም መንግስቴ እሳት ነውና እውነትም ይፋጃልና! ስል ዕውቀቴን አዳብሬያለሁ።

የሆነው ሆኖ አቶ ሃይለማሪያም ተስፋ የጣልንብዎትን ያህል ተስፋ እያስቆረጡን ነው።

ዛሬ ይሄንን ደብዳቤ እንድፅፍልዎ ያስገደደኝ ዋናው ምክንያት፤ ሰሞኑን በፌስ ቡክ ላይ አጭር መልዕክት ሰድጄልዎ ምንም ምላሽ በማጣቴ እስቲ ደግሞ ዘርዘር አድርጌ ልንገራቸው ብዬ ነው።

ክቡር ጠቅላይ ሚኒስቴር፤

አሁን በቅርቡ ሁለት ህፃናት ልጆች በታጠቁ የፖሊስ ሀይሎች ተገድለዋል። ይሄ የምነግርዎት ታሪክ ጋዛ ውስጥ በሮኬት ጥቃት የሆነውን አይደለም። እኛው ሀገር ኢትዮጵያችን ውስጥ ነው። ሮኬት በሆኑ ፖሊሶችዎ የተደረገ እንጂ፤

አንዷ ጡት ጠብታ ያልጨተረሰች ህፃን በእናቷ ጀርባ እንደታዘለች አዲሳባ ውስጥ “ቤታችን ፈረሰ” ብለው ለመንግስት አቤት ሲሉ በፖሊስ ዱላ ተመታ መገደሏን ሰምተን ሀዘኑ ከልባችን ሳይወጣ፤ ሌላው የሰባት አመት ህፃን ደግሞ በሀረር ከተማ ያለምንም ሰሚ አንድ አመቱን የደፈነው የሙስሊም ኢትዮጵያውያን ተቃውሞ ላይ በአጋጣሚ በመገኘቱ ተገደለ። ምናልባት ይህንን አልሰሙ ይሆናል።

በሀገሪቱ ውስጥ ስንት ማተሚያ ቤት እንዳለ የማያውቁ ሰውዬ፣ የሀገርዎ ብሄራዊ ቡድን ኤርትራ ሄዶ እንዳይጫወት መከልከሉን ከውጪ ጋዜጠኛ የሚሰሙ ሰውዬ፣ ይሄንን ጉዳይ እስካሁን አልሰማሁም ነበር፤ ቢሉኝ አይገርመኝም። አሁን ግን ይስሙኝ…

ባለፈው ግዜ በፌስ ቡክ ገፄ ላይ እንዳልኩዎ ይህ አይነቱ ጭካኔ የሄሮዶስ ወታደሮች ብቻ ናቸው ያደረጉት።

ወቅቱ ኢየሱስ ክርስቶስ ይወለዳል እርሱም የአለም ሁሉ ንጉስ ይሆናል ተብሎ ትንቢት የተነገረበት ወቅት ነበር። ታድያ ሄሮዶስ በዚች ምድር ላይማ እኔ እያለሁ ማንም አይነግሳትም ብሎ በዛን ወቅት የተወለዱ ህፃናትን በሙሉ አስጨፈጨፈ። ቁጥራቸውም ሶስት ሺህ ይደርስ ነበር።

በነገራችን ላይ በሀረር ከተማ ለተገደለው ህፃን አስከሬን ለመውሰድ እናቲቱ ሶስት ሺህ ብር ክፈይ ተብላለች አሉ።

እናም ራሄል ስለ ልጆቿ አለቀሰች ልቅሶዋም በሰማይ ተሰማ!

ይላል እያነበቡ ያደጉት መፅሐፍ።

ክቡር ጠቅላይ ሚኒስትር ሆይ በየሱስ ስም፤ ዛሬ ነገ ሳይሉ ይህ አይነቱን ጥቃት ያስቁሙ። እንዲሁም ይህንን የፈፀሙ ሰዎች ቅጣታቸው ሲፈፀም ያሳዩን ይህንን ማስፈፀም ከተሳንዎ ፍፃሜዎ ቢሆን ይሻልዎታል።

አክባሪዎ!

ቻይና በኢትዮጵያዊያን ላይ የምታደርሰው ሰቆቃ

ከ33 ተቃዋሚ ፓርቲዎች የተሰጠ መግለጫ

የኢትዮጵያ ብሔራዊ ምርጫ ቦርድ የምርጫውን ሂደት እየገፋ ያለው ለገዢው ፓርቲ ብቻ በተመቻቸ ሜዳ ነው!

ከ33ቱ የአዳማ ፔቴሽን ፈራሚ ፓርቲዎች የተሰጠ መግለጫ

በምርጫ አስፈፃሚው፣ ከምርጫ አስተዳደርና በምርጫው ሂደት ላይ የሚታዩ መሠረታዊ ችግሮችን በማንሣት ችግሮቹ ስለሚፈቱበት መንገድ የውይይት /ምክክር/ መድረክ እንዲመቻች ለኢትዮጵያ ብሔራዊ ምርጫ ቦርድና ለመንግሥት አካላት ጥያቄአችንን ማቅረባችን ይታወቃል፡፡ ይሁን እንጂ የኢትዮጵያ ብሔራዊ ምርጫ ቦርድ የማያሣምኑ ምክንያቶች በመስጠት ጥያቄዎቻችንን ሙሉ በሙሉ ውድቅ ማድረጉን በቃል የገለፀልን ሲሆን ለመንግሥት ላቀረብነው ጥያቄ ምላሹን እየተጠባበቅን ነው፡፡

የኢትዮጵያ ብሔራዊ የምርጫ ቦርድ የተጣለበትን የአገርና የሕዝብ ኃላፊነት ወደጐን በመግፋት ምርጫውን ሠላማዊ፣ ዲሞክራሲያዊ፣ ነፃና ፍትሐዊ ምርጫ ለማድረግ የመወዳደሪያ ሜዳውን ከማስተካከል ይልቅ የገዢው ፓርቲ ወገንተኝነቱንና ጉዳይ ፈፃሚነቱን ባረጋገጠበት አቋሙ በመግፋት ወደ ምርጫ እንቅስቃሴ መግባቱን በይፋ አውጇል፡፡

እኛ በያዝነው ሠላማዊ የትግል መሥመር በምርጫ የመሣተፍ /አለመሳተፍ ጉዳይ ጥያቄ ውስጥ የሚገባ ያለመሆኑንና የሕዝብ ዘርፈ ብዙ ውስብስብ ጥያቄዎች ምላሽ የምንሰጥበት ብቸኛው የመንግሥት ሥልጣን መያዣ መሣሪያችን መሆኑን በተደጋጋሚ በግልጽ አስቀምጠናል፡፡ የአካባቢ ምርጫ ወደ ሕዝቡ ዘልቆ ለመድረስ የሚያስችል እንደመሆኑ ከአገር አቀፍ ምርጫ ያነሰ ትኩረትና ቦታ የምንሰጠው አይደለም፡፡ ይልቁንም ለምንፈልገው የሥርዓት ለውጥና የዲሞክራሲ ሥርዓት ግንባታ መሠረቱ የሚጣለው በሕዝቡ ውስጥ ስለሆነ ለዚህ ምርጫ ተገቢውን ትኩረት ሰጥተን ጠንክረን ለመንቀሳቀስ ዝግጅታችንን በተባበረና በተቀናጀ መንገድ ለማድረግ እየተንቀሳቀስን ባለንበት ነው የጋራ ጥያቄዎቻችንን ያቀረብነው፡፡ ይሁን እንጂ ምርጫ ቦርድ በኢህአዴግ እየተመራና እየታገዘ ከጊዜ ሰሌዳ በፊት በመሠረታዊ ጉዳዮች ላይ መወያየት ይቅደም በማለት 41 የፖለቲካ ፓርቲዎች በአዳማው ስብሰባ ላይ ላቀረብነው የቦርዱ ሰብሣቢ “የውይይት መድረክ ይዘጋጃል” በማለት የመለሱትን፣ እንዲሁም 33 በሕጋዊና ሠላማዊ መንገድ የምንታገል የፖለቲካ ፓርቲዎች ፔቲሽን ፈርመን ላቀረብነው የቦርዱ ጽ/ቤት ኃላፊ “ባትጠይቁንም ማድረግ ያለብን ነው” “. . . ጉዳዩን ሣታጮሁት በትዕግሥት ጠብቁ” ማለታቸውን ክደው ከአዳማ በተመለሱ በ4ኛው ቀን አፀደቅን ባሉት የጊዜ ሰሌዳ ገፍተውበታል፡፡ በዚህ መሠረት ቦርዱ መዝግቤ የምሥክር ወረቀት ሰጠሁ ብሎ ከሚዘረዝራቸው 75 የፖለቲካ ፓርቲዎች ውስጥ 28ቱ ብቻ የምርጫ ምልክት በወሰዱት፣ የምልክት መምረጫ ጊዜ አልፏል /ተጠናቃል/፣ ከማለት አልፎ የሕዝብ ታዛቢዎ አስመርጬ የመራጮች ምዝገባ ጀምሬአለሁ፣ በቀጣይም በጊዜ ሰሌዳዬ መሠረት እቀጥላለሁ የሚል ዘመቻውን ተያይዞታል፡፡ በምርጫ ህጉ መሠረት በምርጫ ዘመን በፓርቲዎች የሚደረገው ቅስቀሳና በፓርቲዎች መካከል በመገናኛ ብዙኃን የሚካሄደውን የፖሊሲዎች አማራጭ አቀራረብ ቦርዱ በፍትሃዊነት የአየር ጊዜ ደልድሎ መምራት ሲገባው ራሱ አፀደቅሁ ካለው የጊዜ ሰሌዳ ውጪ በኢህአዴግና መንግሥት መገናኛ ብዙኃን የምርጫ ውድድር እንቅስቃሴ /ክርክር/ ሲያደርጉ ማስቆም አልፈለገም፣ አልቻለም፡፡

በዚህ ተጨባጭ እውነታ ውስጥ ነው ጥያቄዎቻችሁ የተመለሱ ናቸው . . .በማለት ወደ ምርጫ ማስፈጸም የገባው፡፡ ይህ ማለት ደግሞ የምርጫ መወዳደሪያው ሜዳ ተስተካክሏልና ያለአንዳች ጥያቄ በምርጫው ተሣትፋ ካልፈለጋችሁ ተውት የሚል የማንአለብኝነት ግልጽ መልዕክት ነው፡፡ ስለሆነም ለጉዳዩ ዋነኛና ቀዳሚ ባለቤት ለሆነው የኢትዮጵያ ሕዝብ እና ምርጫውን ለምትደግፉና ለምትከታተሉ የዓለም ማኅበረሰብ አባላት በድጋሚ የምናስተላልፈው ጥሪ ምርጫ ቦርድ በኢህአዴግ አይዞህ ባይነት በያዘው “ካፈርኩ አይመልሰኝ” አቋም መግፋቱ በጥያቄአችን መሠረት የምርጫ መወዳደሪያ ሜዳውን የሚያስተካክል ስላልሆነ በቀጣይ ተወያይተን የምናሳውቃችሁን የጋራ አቋም በንቃት እንድትጠብቁና ሂደቱን በትኩረት እንድትከታተሉ ነው፡፡

ቦርዱ 28 ፓርቲዎች ብቻ በተመዘገቡበትና ለጥያቄዎቻችን (ጥያቄዎቹ የ41 ፓርቲዎች መሆናቸውን በማጤን) መልስ ባልተሰጠበት ይልቁንም ችግሮቹ እየተባባሱ በመጡበት በምርጫው እቀጥልበታለሁ የሚለው አቋም ምርጫውን ተአማኒ አሣታፊ እና ተቀባይነት ያለው አያደርገውምና ውሣኔውን እንደገና በመመርመር ለአገራችን የዲሞክራሲ ሥርዓት ግንባታ አስተዋጽኦ ለማድረግ አሁንም ጊዜው ያልመሸበት መሆኑን እንገልፃለን፡፡ ሌሎች አሁን በተያዘው የምርጫ ሂደት ውስጥ የገባችሁ የፖለቲካ ፓርቲዎች ያቀረብናቸው ጥያቄዎችና ችግሮቹ የሃገርና የጋራ መሆናቸውን ተረድታችሁ ለዲሞክራሲ ሥርዓት ግንባታ የበኩላችሁን አስተዋጽኦ እንድታደርጉ ዳግም አገራዊ ጥሪያችንን እናቀርብላችኋለን፡፡

በተባበረ ትግላችን ዲሞክራሲያዊት ኢትዮጵያን እንገነባለን!

ታህሳስ 25/2005፣ አዲስ አበባ

በአንድነት ፓርቲ የህዝብ ግንኙነት የተሰራጨ

ጉዕሽ አበራ ማነዉ?

ጉዕሽ ኣበራ ቆላ ተንቤን በሚባለዉ በተንቤን ኣዉራጃ ተወልዶ ያደገ እና ለሆዳቸዉ ከሚያድሩ አደርባዮች እና ህዝባቸዉ ከሚያስጨፍጭፉ አንዱ ሲሆን በት/ቱ ሰነፍ እና ኣቃጣሪ የሆነ ግለ ሰብ ነዉ፡፡

ጉዕሽ በቅርቡ በተንቤን በኣሉላ ኣባ ነጋ ስም ሲጠራ የነበረዉ ት/ቤት በመለሰ በመቀየሩ ከተደሰቱት ሰዎች አንዱ ሲሆን ተንቤን ምን ታመጣላቹ? ተንቤኖች ስታለቅሱ ትኖራላቹ እያለ በተንቤን ተወላዶች ሽብር ሲፈጥር የነበረ እና ኣሁንም በተንቤን ተወላጆች ክፍፍል ለመፍጠር የቤት ስራ ተሰጥቶት እየሰራ ያለ ሰዉ ነዉ፡፡ጉዕሽ አበራ የኣሉላ ት/ቤት ተቀይሮ መለስ ተብሎ እንዲጠራ ካደረጉት ካድሬዎች አንዱ ሲሆን የከተማዉ ስም ተንቤን ቀርቶ መለስ ዜናዊ ተብሎ ከተማዉ ራሱ እንዲጠራ እናደርጋለን እያለም ሲናገር የሚደመጥ ሰብእናዉ ሽጦ ለሆዱ ያደረ የሰዎች መጠቀሚያ የሆነ አሳፋሪ ሰዉ ነዉ፡፡

ጉዕሽ በብዛት ዓጋመ፣ ተምቤን፡ እንደርታ እና ራያ የሚያንቆሸሹ ፅሕፎች በፌስ ቡክ እና በሌሎች የህዝብ መገናኛ ብዙሃን የሚለጥፍ ሰዉ ሲሆን በአሁኑ ሰአት በተንቤን ተወላጆች እንደ ወንጀለኛ እና ከዳተኛ የሚቆጠር ሰዉ ነዉ፡፡ ጉዕሽ ንፁሃን የትግራይ ልጆች ለማስወንጀል እና ለማሸበር ስም የሚቀያይርና ለትግራይ ተወላጆችም አገራቹ አትገቡም፡ ፎታቹ ኤርፖርት ገብቶዋል እያለ በህዝብና መንግስት ክፍተት እየፈጠረ የሚገኝ በተፈጥሮ የዋህ ግን ለሰዎች መጠቀሚያ በጣም ምቹ የሆነ ሰዉ ነዉ፡፡

ከዚህ በተጨማሪ ጉዕሽ የትግራይ በተለይም የተንቤን ተወላጆች እንዲገደሉ እና እንድታሰሩ ስም ዝርዝር ኣሳልፎ የሚሰጥ ሲሆን ለዚህም በ የተንቤን እና በሌሎች የትግራይ ተወላጆች ጥርስ የገባ ሰዉ ነዉ፡፡ ጉዕሽ ኣበራ ወደ ኣሜሪካ ከመጣ 3ት ዓመት ያደረገ ሲሆን በኣሜሪካ ቤት ተሰጥቶት የሚኖር እና በተንቤንም በነፃ መሬት ተሰጥቶት በህዝብ ገንዘብ ቤት የገነባ ሰዉ ነዉ፡፡ ጉዕሽ በተደጋጋሚ ኣሉላ ኣባነጋ ፡ ሃፄ ዮሃንስ ፡ ሓየሎም ኣረአያን እና ሌሎች ጀግኖች የሚያጥላሉ ፅሕፎች የሚለጥፍ እና በቅርቡም እኔ እኮ የተንቤን ልጅ ኣይደለሁም ስለሆነም የተንቤን ጉዳይ ዠብ ይብላዉ ብሎ ይናገር እንደነበር አሱ በቅርበት የሚያዉቁ ይናገራሉ፡፡ ጉዕሽ በአሁኑ ሰኣት ዉጪ በሚኖሩ የተንቤን ተወላጆች ሙሉ በሙሉ የተገለለ እና በየማንነት የቀዉስ ዉስጥ የሚገኝ ሰዉ ነዉ፡፡
እ/ሔር አገራችን ይጠብቅልን

ኢትዮቴሌኮም የወያኔ ዘረኝነት ፖሊሰ መንጸባረቂያ መሆኑን የግንቦት ሰባት የአገር ዉስጥ ኢንተሊጀንስ አጋለጠ

የመረጃ ቴክኖሎጂ መሠረት የሆነዉ የቴሌኮሚኒኬሺን ዘርፍ አፍሪካ፤ ላቲን አሜሪካና ኢሲያ ዉስጥ የሚገኙ በእደገት ወደ ኋላ የቀሩ አገሮችን ለዘመናት ከተዘፈቁበት የኋለ ቀርነት ማጥ ዉስጥ ጎትቶ አዉጥቶ ወደ ፈጣን የእድገት ጎዳና ይወስዳቸዋል ተበሎ የታመነበትና በአንዳንድ አገሮች ዉስጥ ይህ ለእድገት አመቺነቱ በተግባር የተመሰከረለት ዘርፍ ነዉ። ይህ ዘርፍ ገበሬዉ፤ ሰራተኛዉ፤ ተማሪዉ፤ ወታደሩና ለሌላም በማንኛዉም የስራ ዘርፍ ለተሰማራ የህብረተሰብ ክፍል የእዉቀት ምንጭ በመሆን የስራ ምርታማነቱን እንዲያሳድግ የሚረደና በህብረተሰብ መካከል ፈጣን የሆነ የመረጃ ልዉዉጥ አንዲኖር የሚያደርግ ዘርፍ ነዉ። በእድገት ወደ ኋላ ለቀረችዉ አገራችን ኢትዮጵያም ይሀ ዘርፍ እጅግ በጣም አስፈላጊ የሆነ ዘርፍ ነዉ። ነገር ግን በአፍሪካ ዉስጥ አገራችን ኢትዮጵያ እጅግ በጣም ወደኋላ ከቀርችባቸዉና ኢትዮጵያ ዉስጥ ያለዉ ዘረኛና አምባገነን አገዛዝ ሆን ብሎ እድገታቸዉ እንዲገታ ካደረጋቸዉ ኋላ ቀር ዘርፎች ዉስጥ አንዱና ዋነኛዉ ይሄዉ የቴሌኮሚኒኬሺን ዘርፍ ነዉ።

እራሱን “ልማታዊ መንግስት” ብሎ የሚጠራዉ የወያኔ አገዛዝ ስልጣን ከያዘባቸዉ የመጀመሪያዎቹ አመታት ጀምሮ አስከ ቅርብ ግዜ ድረስ እንደ ቤት ዉስጥ ዕቃዉ ከተቆጣጠራቸዉና የኢትዮጵያን ህዝብ በሚጠቅም መልኩ እንዳያድጉ ካደረጋቸዉ ቁልፍ መስሪያ ቤቶች ዉስጥ አንዱ ኢትዮቴሌኮም ነዉ። ወያኔ ኢትዮቴሌኮምን ያላደረገዉ ነገር የለም። ዘረኝነትን በሚጠቅም መልኩ አደራጅቶታል፤ የራሱን ሰዎች ጠቅጥቆበታል፤ ቻይናዎችን አምጥቶ የስለላ ተቋም አድርጎታል፤ የሚገርመዉ ዛሬ ኢትዮቴሌኮም የተራቀቀዉ በስልክ፤ በኢንተርኔትና በሌሎችም የመገናና አገልግሎቶች ሳይሆን ዜጎችን በመሰለልና የመረጃ ጨለማ በመፍጠር ርካሽና ጎታች ስራዎች ነዉ። ይህንን ርካሽ ስራ ደግሞ በቅርቡ የአገዛዙ የኢንፎርሜሺን ደህንነት ኤጀንሲ ሹም ብ/ጄኔራል ተክለብርሃን ወልደአረጋይ “የኢትዮጽያ ቴሌኮምኒኬሽን” የኀብረተሰቡን ሰላም የሚያጠፉ ዌብሳይቶችን የመቆጣጠርና የኢንተርኔት ድረገጾችና ብሎጎችን የማገድ አቅም ሊኖረው ይገባል፡፡መርሁም ይህ ነዉ በማለት በአዳባባይ አረጋግጧል።

የግንቦት ሰባት የፍትህ፤ የነፃነትና የዲሞክራሲ ንቅናቄ የአገር ዉስጥ ኢንተሊጀንስ ዘርፍ በላፉት አስራ ሁለት ወራት ይህንኑ ኢትዮቴሌኮም በሚል መጠሪያ የሚተወቀዉንና በስለላ ስራ ላይ የተሰማራዉን የሲቪል መስሪያ ቤት አደረጃጀት፤ አወቃቀርና የሰዉ ኃይል አመዳደብ በቅርብ ተከታትሎ ከዚህ ቀትሎ የሚታየዉን መረጃ አጠናቅሯል።

ሁሉም ኢትዮጵያዊ በሚገባ እንደሚያዉቀዉ ዘረኛዉ የወያኔ አገዛዝ የኢትዮጵያን ቴሌኮሚኒኬሺን ተቋም ከኋላ ቅርነት ለማላቀቅ በሚል ሰበብ የኮርፖሬሺኑን የማኔጅመንት ዘርፍ ለፈረንሳይ ኩባኒያ መስጠቱ የሚታወስ ነዉ። ወያኔ እንደሚለዉ የኢትዮቴሌኮም ማነጅመንት ለፈረንሳዩ ኩባኒያ የተሰጠዉ የኮርፖሬ ኑን አቅም ለማሳደግ ቢሆን ኖሮ መልካም ነበር፤ ነገር ግን ወያኔ የሚናገረዉና የሚሰራዉ ስራ የተለያየ በመሆኑ ዛሬ ወያኔ ኢትዮቴሌኮም በየዘርፉ የረጂም ግዜ ልምድ ያላቸዉን ባለሙያዎች አባርሮ ታማኝ የህወሀት ታጋዮችን በመተካት ኮርፖሬሺኑን የለየለት የስለላ ተቋም አድርጎታል። ስለሆነም ዛሬ ብዙ የአፍርካ አገሮች ትልቅ ግስጋሴ ያደረጉበትና የዜጎቻቸዉን ህይወት የለወጡበት ዘርፍ ኢትዮጵያ ዉስጥ ዜጎችን እየሰለለ አገረን የመረጃ ጨለማ ዉስጥ የከተተ ተቋም ሆኗል።

ባላፉት ሁለት አመታት የኢትዮቴሌኮም ማነጅመንት ኤን አንድና ኤን ሁለት በሚባሉ ሁለት ከፍተኛ የአስተዳደር እርከኖች ተከፍሎ በሁለቱም ከፍተኛ የአመራር እርከኖች ዉስጥ የሰዉ ኃይል ተመድቧል። ይህ በከፍተኛ ማነጅመንት ደረጃ የተመደበዉ የሰዉ ኃይል ኢትዮጵያዉያንንና የፈረንሳይ ዜጎችን የሚያጠቃልል ነዉ። በኤን አንድና በኤን ሁለት የማነጅመንት ደረጃ የስራ ድርሻ የተሰጣቸዉ ኢትዮኦጵያዉያን በቁጥር 54 ሲሆኑ ከዚህ ዉስጥ 46.3 በመቶ ወይም ሃያ አምስቱ የትግራይ ተወላጆች ናቸዉ። በዚህ ከፍተኛ የማነጅመንት እርከን ዉስጥ የኦሮሞ፤ የአማራና የተቀሩት ስድሰት ክልሎች ድርሻ በቅደም ተከተል 18. 5 በመቶ፤ 29.6 በመቶና 5.6 በመቶ ብቻ ነዉ። ከሁለቱ የማነጅመንት እርከኖች ዉስጥ ኤን አንድ የሚባለዉ ከፍተኛዉ ሲሆን በዚህ እርክን ዉስጥ ሰምንት የትግራይ ተወላጆች ሲኖሩ የአማራና የኦሮሞ ተወላጆች እያንዳንዳቸዉ ሁለት ቦታ የያዙ ሲሆን በዚህ ከፍተኛ የአመራር እርከን ዉስጥ ከተቀሩት ስድስት ክልሎች የተመደበ አንድም ሰዉ የለም።

ጠቅለል ባለ መልኩ ሲታይ ከእያንዳንዱ 3.3 ሚሊዮን የኦሮሞ ተወላጅ ዉስጥ በኢትዮ ቴሌኮም ከፍተኛ አመራር ቦታ የተሰጠዉ አንድ የኦሮሞ ተወላጅ ብቻ ሲሆን ትግራይን ስንመለከት ግን ከእያንዳንዱ 194 ሺ የትግራይ ተወላጅ ዉስጥ ቢያንስ አንድ ሰዉ በኢትዮ ቴሌኮም ከፍተኛ አመራር ቦታ ላይ ተቀምጧል። ይህ የስራ አመዳደብ የትምህርት ችሎታንና ልምድን ተከትሎ የተሰራ ነዉ ቢባል እንኳን የላቀ የትምህርት ደረጃና የስራ ልምድ ያለቸዉ የኦሮሞ ተወላጆች ቁጥር ተመሳሳይ የትምህርት ደረጃና የስራ ልምድ ካላቸዉ የትግራይ ተወላጆች ቁጥር በአስር እጥፍ መብለጡ ምንም ጥርጥር የለዉም። ሌላም መራራ ሀቅ አለ። 66 ነጥብ 2 በመቶ የሚሆነዉን የኢትዮጵያ ህዝብ ከሚያቅፉት ከኦሮሚያና ከአማራ ክልል N1 በሚባለዉ ከፍተኛ የአመራር አርከን ዉስጥ በአመራር ቦታ የተቀመጡ ዜጎች ብዛት አራት ብቻ ነዉ (ሁለት ከኦሮሚያ ሁለት ከአማራ)። ከጠቅላላዉ የኢትዮጵያ ህዝብ ዉስጥ 5.4 በመቶዉ ብቻ ከሚኖርበት ከትግራይ ክልል ግን ስምንት ሰዎች ኤን አንድ በሚባለዉ ከፍተኛ የአመራር ቦታ ላይ ተቀምጠዋል።

በኢትዮ ቴሌኮም ከፍተኛ አመራር ቦታ ላይ ከተቀሩት ስድስት የአገሪቱ ክልሎች የመጡትን ሰዎቸ ስንመለከት የሚታየዉ ስዕል እጅግ በጣም የሚያሳዝንና ወያኔ የብሔር ብሔረሰቦች እኩልነት እያለ ከሚሰብከዉ ስብከት ጋረ የሚጋጭ ነዉ። በ2012 ከኦሮሚያ፤ ከአማራና ከትግራይ ክልል ዉጭ በተቀሩት ስድስት ክልሎች ዉስጥ የሚኖረዉ ህዝብ 25,627,349 እንደሚሆን ይገመታል። ከዚህ ህዝብ ዉስጥ በኢትዮ ቴሌኮም ከፍተኛ አመራር ቦታ ላይ የመቀመጥ እድል ያገኙት 0.000012 በመቶ ብቻ ወይም ከእያንዳንዱ 8.5 ሚሊዮን ህዝብ አንዱ ብቻ ነዉ። እንግዲህ ይህንን ነዉ ወያኔ የኢትዮጵያ ብሔር ብሔረሰቦች እኩልነታቸዉን ተጎናጽፈዋል እያለ የሚናገረዉ።

የግንቦት ሰባት የፍትህ፤ የነፃነትና የዲሞክራሲ ንቅናቄ ከዚህ ቀደም ወያኔ “የኢትዮጵያ መከላከያ” ጦር እያለ የሚጠራዉን ሠራዊት ምን ያክል የኔ በሚላቸዉ የህወሀት ሰዎች ብቻ እንደሚቀጣጠር የሚያሳይ መግለጫ በመረጃ አስደግፎ ለህዝብ ማቅረቡ የሚታወስ ነዉ። አሁንም ወያኔ ኢትዮቴሌኮምን ምን ያክል የራሱ የቤት ዉስጥ እቃዉ እንዳደረገዉ የሚያሳየዉን በጽሁፍና በአኀዝ የተፈገፈ መረጃ በዛሬዉ እለት ለህዝብ ይፋ የሚያደርግ መሆኑን እየገለጸ ከአሁን በኋላም የወያኔን ዘረኝነትና ህግወጥነት የሚያጋልጡ ስራዎችን በተከታታይ እየሰራ ለህዝብ የሚያቀርብ መሆኑን ይገልጻል።

የጥናቱ እጠቃላይ ውጤት

ማስታወሻ: ከላይ በስዕሉ የሚታየው እንደተጠበቀ ሆኖ በኢትዮ-ቴሌኮም ቁልፍ የሃላፊነት ቦታወች ውስጥ ቢያንስ ቢያንስ ወደ 50% የሚሆነው ቦታ የተያዘው በትግራይ ተወላጆች ነው።
ይንንም ለማብራራት ያህል በአሁኑ ሰአት ካለው ጠቅላላ የሃፊነት ቀልፍ ቦታወች 14ቱ በፈረንሳውያን የተያዙ ቢሆንም ከ14 የፈረንሳይ ባለሙያወች ከያዟቸው ቀልፍ ቦታወች ውስጥ 7ቱ በትግራ ተወላጆች እንደሚያዙ ይጠበቃል። ይህም ማለት በትግራይ ተወላጆች የተያዙትን እና የሚያዙትን ቁልፍ የኢትዮ-ቴሌኮም ቦታወች ከተጠቅላለው 64ቱ የሃላፊነት ቦታቸው ውስጥ 32ቱ በትግራይ ተወላጆች የተያዙ ይሆናሉ። ይህም ማለት ከጠቅላላወ የኢትዮ-ቴሌኮም ቁልፍ የሃልፊነት ቦታቸው ውስጥ ግማሹ ማለትም 47% የሚሆኑትን በትግራይ ተወላጆች የተያዙ መሆናቸው ያሳያል።

የጥናቱ ዝርዘር ማብራያ

በዚህ ሰነድ ላይ የተጠቃለሉት ስሞች በኢትዮ ቴሌኮም ዋና መስሪያ ቤት ዉስጥ በሁለት ከፍተኛ (N1 & N2) የአመራር እርከኖች ዉሰጥ የተመደቡ ሰዎች ስምና የመጡበት ብሔር ስብጥር ነዉ። ባጠቃላይ በሁለቱ የአመራር እርከኖች ዉስጥ 68 ሰዎች የሚገኙ ሲሆን ከዚህ ዉስጥ አስራ ሰባቱ (N1 ዉስጥ 8 N2 ዉስጥ 9) የፈረንሳይ ተወላጆች ነበሩ። ሆኖም ቀስ በቀስ በተደረገዉ መሸጋሸግ የፈረንሳይ ዜጎች የለቀቁት ቦታ እየተመረጠ ለትግራይ ተወላጆች ብቻ በመሰጠቱ አሁን በN1 ዉስጥ 5 N2 ዉስጥ 9 ባጠቃላይ 14 የፈረንሳይ ዜጎች አሉ ፤ በቅርቡ አንድ ሌላ የፈረንሳይ ዜጋ በኢትዮጵያዊ የተተካ ቢሆንም ይህ ሠኢድ አራጋዉ የተባለ ግልሰብ አማራ ይሁን ትግሬ ለግዜዉ በዉል ለይቶ ማወቅ አልተቻለም። በእርከን አንድ ዉስጥ ስምንት የትግራይ፤ ሁለት የአማራና ሁለት የኦሮሞ ተወላጆች ሲኖሩበት ከሌሎቹ ሰባት ክልሎች የመጣ አንድም ሰዉ በዚህ N1 በሚባለዉ የአመራር አርከን ላይ አልተመደበም። በአጠቃላይ በ N1 የአመራር አርከን ዉስጥ 17 ሰዎች ሲኖሩ አስራ ሁለቱ ኢትዮጵያዉያን አምስቱ ደግሞ የፈረንሳይ ተወላጆች ናቸዉ። ከአስራ ሁለቱ ኢትዮጵያዉያን ዉስጥ ሰባቱ የትግራይ ተወላጆች ናቸዉ። N2 በሚባለዉ የአመራር አርከን ዉስጥ ደግሞ 51 ግለሰባኦች በአመራር ቦታ ላይ የተመደቡ ሲሆን 42 ኢትዮጵያዉያን 9ኙ ፈረንሳዉያን ናቸዉ። ከአርባ ሁለቱ ኢትዮጵያዉያን ዉስጥ አስራ ሰባቱ የትግራይ ተወላጆች ናቸዉ።

ይህ በከዚህ ቀጠሎ የተቀመጠዉ ግራፍ እና ሰነተረዥ የሚያሳየዉ በኢትዮ ቴሌኮም ከፍተኛ አመራር ቦታ ላይ የተቀመጡትን ሰዎች የብሔር ስብጥር ነዉ። ግራፉ የሚያሳየዉ ሦስቱን ማለትም ከኦሮሚያ፤ ከአማራና ከትግራይ ክልል የተመረጡ ሰዎችን ለየብቻቸዉ ሲሆን ከተቀሩት ሰባቱ ክልሎች የመጡት ሰዎች ግን ተጨፍለቀዉ አንድ ላይ ነዉ የቀረቡት።

ማስታወሻ: ከላይ በሰንጠረዡ የጠቀሰው የህዝብ ብዛት እኤአ በ2007 CSO ያወጣዉን የህዝብ ብዛት መግለጫ ተንተርስሶ በ2012 የኢትዪጵያ ህዝብ ብዛት 90,076, 661 ይሆናል በሚል ግምት የተቀመረ ነዉ።

በኢትዮ ቴሌኮም ከፍተኛ አመራር ቦታ ላይ የተቀመጡት ሰዎች የብሔር ስብጥር

ከላይ በተቀመጠዉ የህዝብ ብዛት መሠረት በ N-1 እና በ N-2 የአመራር እርከን ኢትዮ ቴኦኮም ከተመደቡ ሰራተኞች ዉስጥ የሚከተለዉን ገሀድ እዉነት መመልከት ይቻላል።
ከእያንዳንዱ 3.3 ሚሊዮን የኦሮሞ ተወላጅ ዉስጥ በኢትዮ ቴሌኮም ከፍተኛ አመራር ቦታ የተሰጠዉ አንድ የኦሮሞ ተወላጅ ብቻ ሲሆን ትግራይን ስንመለከት ግን ከእያንዳንዱ 193.9 ሺ የትግራይ ተወላጅ ዉስጥ ቢያንስ አንድ ሰዉ በኢትዮ ቴሌኮም ከፍተኛ አመራር ቦታ ላይ ተቀምጧል። ይህ የስራ አመዳደብ የትምህርት ችሎታንና ልምድን ተከትሎ የተሰራ ነዉ ቢባል እንኳን የላቀ የትምህርት ደረጃና የስራ ልምድ ያለቸዉ የኦሮሞ ተወላጆች ቁጥር ተመሳሳይ የትምህርት ደረጃና የስራ ልምድ ካላቸዉ የትግራይ ተወላጆች ቁጥር በአስር እጥፍ መብለጡ ምንም ጥርጥር የለዉም። ሌላም መራራ ሀቅ አለ። 66.2 በመቶ የሚሆነዉን የኢትዮጵያ ህዝብ ከሚያቅፉት ከኦሮሚያና ከአማራ ክልል N1 በሚባለዉ ከፍተኛ የአመራር አርከን ዉስጥ በአመራር ቦታ የተቀመጡ ዜጎች ብዛት 4 ብቻ ነዉ (2 ከኦሮሚያ 2 ከአማራ)። ከጠቅላላዉ የኢትዮጵያ ህዝብ ዉስጥ 5.4 በመቶዉ ብቻ ከሚኖርበት ከትግራይ ክልል ግን 7 ሰዎች N1 በሚባለዉ ከፍተኛ የአመራር ቦታ ላይ ተቀምጠዋል።

ከዚህ በታች ያለው ሠንጠረዥ የሚያሳየዉ ኢትዮ-ቴሌኮም ዉስጥ N-1 በመባል በሚታወቀዉ ከፍተኛ የአመራር እርከን ላይ የተቀመጡትን ባለሙያዎች የብሔር ስብጥር ነዉ፤ በዚህ ስብጥር ዉስጥ የፈረንሳይ ዜጎችም አሉበት። በ N-1 አመራር እርከን ዉስጥ ከትግራይ፤ ከኦሮሚያና ከአማራ ብሔረሰቦች ዉጭ ከሌሎቹ የተካተተ ማንም የለም።

ኢትዮ-ቴሌኮም ዉስጥ N-1 በመባል በሚታወቀዉ ከፍተኛ የአመራር እርከን ላይ የተቀመጡትን ባለሙያዎች የብሔር ስብጥር

ከላይ ካለው ሰንጠረዥ ላይ እንደምንመለከተዉ በ N-1 የአመራር እርከን ደረጃ ላይ የተቀመጡ ኢትዮጵያዉያን ብዛት አስራ አንድ ሲሆን ሰባቱ የትግራይ ተወላጆች ናቸዉ። የእነዚህን 7 ሰዎች የስልጣን ቦታ ስንመለከት ደግሞ ሁሉም የያዙት ቦታ ቁልፍ ቁልፋዩን ቦታ ነዉ። ለምሳሌ የፕሮግራም ማነጀር፤ ፕሮግራም ዳይረክተርና የቺፍ ፋይናንሻል ኦፊሰርነቱን ቦታ የያዙት የትግራይ ተወላጆች ሲሆኑ የኦሮሞዉና የአማራዉ ተወላጆች በቅደም ተከተል የህግ አማካሪነቱንና የኢዲተርነቱን ቦታ ነዉ የያዙት።

ከዚህ በታች ያለው ሠንጠረዥ የሚያሳየዉ ኢትዮ-ቴሌኮም ዉስጥ N-2 በመባል በሚታወቀዉ ከፍተኛ የአመራር እርከን ላይ የተቀመጡትን ባለሙያዎች የብሔር ስብጥር ነዉ። በ N-2 ከፍተኛ የአመራር እርክን ዉስጥ ዘጠኝ የፈረንሳይ ዜጎች የሚገኙ ቢሆንም በሰንጠረዡ ዉስጥ የፈረንሳይ ዜጎች ቁጥር አልተካተተም (N-2 ከ N-1 ያነሰ ደረጃ ነዉ)።

ኢትዮ-ቴሌኮም ዉስጥ N-2 በመባል በሚታወቀዉ ከፍተኛ የአመራር እርከን ላይ የተቀመጡትን ባለሙያዎች የብሔር ስብጥር

ኢትዮጵያ ዉስጥ በህዝብ ብዛትም ሆነ በተማረ ሰዉ ሀይል ብዛት ከፍተኛዉን ቦታ የያዘዉ የኦሮሚያ ክልል ነዉ። በህዝብ ተወካዮች ምክር ቤትም ከፍተኛዉን የመቀመጫ ቁጥር የያዙት የኦሮሚያ ክልል ተወካዮች ናቸዉ። ሆኖም በሰንጠረዡ ላይ እንደምንመለከተዉ ኢትዮቴሌኮም ዉስጥ በN-1ም ሆነ በN-2 ደረጃ በአመራር ላይ ከተቀመጡት መሪዎች ዉስጥ የኦሮሚያ ድርሻ ከክልሉ ትልቅነት ጋር ሲነፃፀር አነስተኛ ነዉ ወይም ከትንሿ ትግራይ ጋር ሲወዳደር ቁጥሩ እጅግ በጣም አነስተኛ ነዉ።
በፖለቲካ ሀይል መስክም ቢሆን እንደዚሁ ነዉ። ህወሀት በህዝብ ተወካዮች ምክር ቤት ዉስጥ ያለዉ መቀመጫ ብዛት 8 ብቻ ነዉ። ሆኖም የፖለቲካዉ ጡንቻዉ 178 መቀመጫ ካለዉ ኦህዴድ ጋር ሲወዳደር ሰማይና ምድር ነዉ። ህወሀት የአገሪቱን ጦር ሀይል፤ ፖሊሰ ሰራዊት፤ የደህንነት ተቋምና የኤኮኖሚ መዋቅሮች ይቆጣጠራል። ኦህዴድ ግን ከሰሞኑ እንደማስተዛዘኛ ከተወረወረለት የይስሙላ ምክትል ጠ/ሚኒስትርነት ዉጭ ይህ ነዉ የሚባል የፖለቲካ ጡንቻ የለዉም ከሦስቱ ክልሎች ማለትም ከአማራ፤ ከኦረሚያና ከትግራይ ክልሎች ዉጭ በሌሎቹ ስድስት ክልሎች ዉስጥ 25,627,349 ያክል ህዝብ እንደሚኖር ይታመናል። ኢትዮቴሌኮም ዉስጥ በ N- 1 ከፍተኛ የአመራር ቦታ ላይ የእነዚህ ሰባት ክልሎች ድርሻ ሦስት ብቻ ነዉ። እንግዲህ ዜጎች በሞያቸዉ በሚሰሩት ስራ፤ በፖለቲካ ህይል አሰላለፍና በኤኮኖሚዉ ዘርፍ ዉስጥ በሚጫወቱት ሚና እንዲዚህ አይነት አይን ያወጣ አድሎ የሚደረግባቸዉ ከሆነ ወያኔ ኢትዮጵያ ዉስጥ ፈጠርኩት የሚለዉ እኩልነት ምኑ ላይ ነዉ? የባህል ዘፈን መዝፈን ከሆነ እንደዛሬዉ በቴሉቪዥን አይታይም እንጂ ድሮም እንዘፍናለን።

Ethiopia, the same regime another Genocide?

G7 Press Release – January 10, 2013

On December 13, 2003, members of the special unit of the Ethiopian military entered the town of Gambella in south western Ethiopia, and over the course of the next three days, the special force unit tortured and killed 424 ethnic Anuaks and burned their houses to ashes. The Ethiopian Human Rights Council and Dr. Gregory H. Stanton, founder and President of Genocide Watch, alerted the international community about the Gambella genocide. The world gave a deaf ear to the horror in Gambella, and as a result, the Ethiopian military continued its crime against humanity killing more than 2000 ethnic Anuaks and causing over 50,000 to flee their ancestral home land.

On December 10, 2013, exactly 10 years after the Gambella genocide, the Ethiopian military strikes again, this time in Southern Ethiopia killing more than 150 men, women, and children. According to an eye witness account, the Ethiopian army surrounded the village of ethnic Suris in South Ethiopia, tied the villagers into a group of two, and massacred them execution style. Ginbot 7, Movement for Justice, Freedom and Democracy strongly condemns the barbaric action of the TPLF security forces against the Suri community and calls on all civilized nations of the world to hold the Ethiopian regime accountable for its actions and bring the perpetrators of this heinous crime to justice.

The continued silence of the international community, especially donor nations such as the U.S, U.K., and members of the European Union has emboldened the Ethiopian regime to continue committing crimes against defenseless people in different parts of the country.

Ginbot 7 is deeply disturbed by the acquiescence of the international community and the quiet support provided to a rogue regime that repeatedly commits crimes against humanity.

Ginbot 7 urges the international community to reconsider its hypocritical policy and use its leverage to rein the TPLF regime to stop the mass killing in Ethiopia.

Ginbot 7 and the Ethiopian people understand the importance of the global war on terror. However, membership in the international military campaign against terror must not allow the criminal regime in Ethiopia to terrorize its own people. The US, the UK and the EU cannot fight terrorism in Somalia while enabling a terrorist regime to commit genocide in Ethiopia. This misguided foreign policy is morally reprehensible and a danger to the long term stability of Ethiopia.

የጀርመን አጥቢያ አብያተ ክርስቲያናት አስተዳዳሪዎች ካህናት፣ ዲያቆናትና ምእመናን የተማኅጽኖ ደብዳቤ አቀረቡ

በኢትዮጵያ ኦርቶዶክስ ተዋሕዶ ቤተ ክርስቲያን የጀርመን አጥቢያ አብያተ
ክርስቲያናት አስተዳዳሪዎች ካህናት፣ ዲያቆናትና ምእመናን የተማኅጽኖ
ደብዳቤ
ሐዋርያው ቅዱስ ጳውሎስ እንዳለዉ «ከሁሉም ግን ፍቅር ይበልጣል።»
የኢትዮጵያ ኦርቶዶክስ ተዋሕዶ ቤተክርስቲያን በውስጧ ብቻ ሳይሆን ከሌሎች ቤተ
እምነቶች ጋር እንኳ ፍቅርን በማስቀደም በመፈቃቀርና በመከባበር በክርስቶስ ራስነት፣
በሐዋርያት አስተምህሮና እምነት መሠረት ላይ ሐዋርያዊ ተልእኮዋን ስታፋጥን
ዘመናትን አስቆጥራ በመንፈስ ቅዱስ መሪነት እኛ ካለንበት ዘመን ደርሳለች። የቤተ
ክርስቲያኗ ሐዋርያዊ ጉዞ በርግጥ ጥንትም ቀላል አልነበረም። ሆኖም በተለያዩ ጊዜያት
የገጠሟት ፈተናዎች በአመዛኙ ከዉጭ የመጡ እንደመሆናቸው የቤተ ክርስቲያኒቱ
የእምነት አባቶች በጽናትና በሃይማኖት ተጋድሎ አልፈውት ዛሬ ታሪክ ሆኗል። የዛሬዋ
ቤተ ክርስቲያናችንም ከመንጋዉ እረኛ ስያሜ ጋር በተገናኘ በተለይም ላለፉት ሃያ አንድ
ዓመታት እጅግ አሳዛኝ ሂደትን አሳልፋለች። ዛሬም የሚሰማዉ ሁሉ ፆሩ እንዳልበረደ
ያመለክታል። ይህ የዉጭ ተፅዕኖ ብቻ ነዉ ለማለት እንዲከብድ የሚያደርገዉ ደግሞ
አሁንም ከዚሁ የፈተና አዙሪት መዉጣት እንዳትችል የተደነቀረው ውስጣዊ መሰናክል
መኖሩ ነዉ።
በፓትርያርክ ስያሜ መግባባት ጠፍቶ የሀገር ውስጥና ስደተኛ ሲኖዶስ በሚል
አባቶቻችን መለያየታቸዉና ይልቁንም እስከመወጋገዝ መድረሳቸው ኅሊናችንን
ሲፈታተነው ቆይቷል። ይህን የመለያየት መንፈስ ይሰብራል የተባለ የእርቅ ሰላሙ
ውይይት በዳላስ መጀመሩን ሰምተን መንፈሳችን ነቅቶ ፈጣሪያችን ፍሬዉን እንዲያሳየን
ስንማፀንም ሰነበትን። የእርቀ ሰላሙ ዉይይት በይደር ተቀጥሮ ሳለ ውጤቱ ሳይታይ
በሀገር ቤት ለፓትርያርክ ስያሜ እጩ መረጣ ብሎም ዝግጅት መኖሩን መስማት፤
የዚህች ቤተ ክርስቲያን ልጅ ነኝ ብሎ በጽናት ለሚቆም ኦርቶዶክሳዊ ሁሉ ምን ያህል
አስደንጋጭና አንገት አስደፊ እንደሆነ ማብራሪያ የሚያስፈልገው አይደለም።
ምክንያቱም በአሁኑ ሰዓት ካህናትም ሆኑ ምእመናን የቤተ ክርስቲያናችን አንድነት
ተጠብቆ ማየት ዋና ምኞታቸው ብሎም እፎይታ ስለሆነ ነው። ይህ ሳይሆን ቢቀር ግን
በቀጣይም አዳዲስ ገለልተኞች አብያተ ክርስቲያናትና መንፈሳዉያን ማኅበራት
እንዳይፈጠሩም ስጋት አሳድሯል።
ዘንድሮ ሰላሳኛ ዓመቷን የምታከብረዉ፤ በዘመነ ስደት (ደርግ) በዓለም ዙሪያ
ለተቋቋሙት አብያተ ክርስቲያናት ሁሉ ቀዳማዊት ፋናወጊ የሆነችው በጀርመን
የኢትዮጵያ ኦርቶዶክስ ተዋሕዶ ቤተ ክስቲያን ባለፉት ሃያ አንድ ዓመታት ትኩረቷን
በኦርቶዶክሳውያን አንድነት ላይ ብቻ በማድረግ በዚህ ሀገር የሚኖሩ ምእመናንን
አሰባስባ ቆይታለች፤ አሁንም በእምነት ጽናት ስለ አባቶች ኅብረትና ስለ ቤተ ክርስቲያን
አንድነት ትሰብካለች። ለዚህም ነው ከስድስተኛዉ ፓትርያርክ ምርጫ አስቀድሞ
ሊታሰብበት የሚገባው በአባቶች መካከል የዶግማ ልዩነት ስለሌለ እርቀ ሰላም
ይዉረድ፧ አንድነት ይቅደም የሚል ጥሪዋን ደግማ ደጋግማ የምታስተላልፈው።
«እርስ በእርሱ የሚቃወም መንግሥት አይጸናም» እንዳለ ጌታችን ኢየሱስ ክርስቶስ፤
ፍቅርና ትኅትናን ብሎም አንድነትን ለእኛ ለልጆቻቸዉ የሚሰብኩ አባቶቻችን
እንደመሪያቸዉና እነሱም በሐዋርያነት እንደሚከተሉት ፈጣሪያቸዉ ቃልን በተግባር
የሚገልጹ መምህራን እንዲሆኑላትም ትሻለች። ከፍቅር የሚበልጥ አንዳች ነገር የለምና፤
ሥልጣንም ሆነ ፓርትርያርክነት። እኛ እንደ ቤተ ክርስቲያን ልጅነታችን በሙሉ ልብ
አባት የምንለው፤ እርሱም በእኩል ዓይን ልጆቼ የሚለን የመንጋ መሪ እንፈልጋለን።
በየብዙኃን መገናኛውና ማኅበራዊ መድረኮች የሚጥላላ፤ በየሄደበት በዚህችዉ ቤተ ክርስቲያን ምእመናን ዓይንህ ላፈር እየተባለ የሚዘበትበት፣ የዓለም መሳቂያና መሳለቂያ የሆነ አባት
እንዲኖረንም አንመኝም። ለዚህም ነዉ በአባቶች መካከል እርቅ ወርዶ እኔ የአጵሎስ፣ እኔ የጳውሎስ፤ እኔ የኬፋ በሚል የተበታተኑት የአንዲት እናት ቤተ ክርስቲያን ምእመናንን ጌታችን
«እረኛውም አንድ መንጋውም አንድ» እንዳለ በአንድ ጥላ ሥር አሰባስቡ የሚል ጥሪያችንን የምናስተላልፈው።
ብፁዓን አባቶቻችን፤ ዛሬ የቤተ ክርስቲያኒቱ የወደፊት እጣ ፈንታ ውሳኔ በእናንተ እጅ ላይ ይገኛል። በኢጣልያ ወረራ ጊዜ በጀኔቫው ዓለም አቀፍ ጉባኤ ቀዳማዊ ዐፄ ኃይለ ሥላሴ የተናገሩትን
እኛም እንድገመውና ስለ እውነት ፍርድ ካልተሰጠ « እግዚአብሔር እና ታሪክ ይፈርዳሉ። » ለውድቀቷም ሆነ ለልማቷ ከእናንተ በፊት የሚወቀስም ሆነ የሚወደስ አይኖርም። በቤተ
ክርስቲያኒቱ አንድነት ብሎም በምእመናን ኅብረት ከእናንተ በላይ የሚጠቀምና የሚከበር አይገኝም። ስለዚህም አሁንም ጥሪያችን ከእናንተ ላይ አትኩሯል። የተሸከማችሁት ኃላፊነት
የምትገኙበትንም መስቀለኛ መንገድ ከእኛ ከትናንሾቹ ልጆቻችሁ በተሻለ መንፈሳዊ ዓይን እናንተ ታዩታላችሁ ብለንም እናምናለን። ቀደምት የሃይማኖት አባቶቻችሁ አባቶቻችን እንኳን
የፓትርያርክነት ሥልጣን ቀርቶ የአንድ ገዳም አለያም ማኅበረ መነኮሳት አበምኔትነት ላለመቀበል ያደርጉት የነበርነዉን ሽሽት ከእኛ በላይ እናንተ ታዉቁታላችሁ። ስለ ትኅትናም ይሁን
ኃላፊነቱን በመፍራት እምቢታቸዉ ጠንቶ ሲያስቸግሩም በግንድ እስከመታሰር እንደሚደርሱም ይዘነጋል ብለን አናስብም።
በጥቅምቱ የቅዱስ ሲኖዶስ ጉባኤ ውሳኔ መሠረት የተጀመረዉ የሕገ ቤተ ክርስቲያን ዝግጅት ከፍጻሜ ሳይደርስ፤ ባለፉት ፓትርያርክ ዘመነ ፕትርክና ተጀምሮ የነበረውና አሁንም በሂደት ላይ
ያለው የእርቀሰላም ጉዳይ እልባት ሳያገኝ የሚደረገውስ የፓርትርያርክ ምርጫ ጥቅሙ ለማን ነዉ? ተሰያሚዉ ፓትርያርክ እኮ በሙሉ ልቡ የሚቀበሉት ምእመናን ያስፈልጉታል። ለዚህም ነዉ
ለአባቶቻችን ስጋታችንን እንድናሰማ የተገደድነዉ፤
ዘወትር የምናከብራችሁ ብፁዓን አባቶቻችን፣
ጭንቀታችን ሁሉ የቤተ ክርስቲያናችን አንድነት ጸንቶ እንዲኖር ነውና ይህንኑ ጭንቀታችንን በሚከተሉት ነጥቦች ስናጠቃልል ብፁዓን አባቶቻችንም ለዚህ ጭንቀታችን ከፍተኛ ትኩረት
እንደምትሰጡት ሙሉ ተስፋ በማድረግ ነው።
ነ ጥ ቦ ቹ ም፦
1ኛ፤ ላለፉት ሃያ አንድ ዓመታት በመከፋፈል ምክንያት በቤተ ክርስቲያናችን ላይ የደረሰዉ የጉዳት ጠባሳ እንዲሽር አባታዊ ብሎም መንፈሳዊ ኃላፊነታችሁን ለመወጣት ከሁሉም በላይ የቤተ
ክርስቲያናችንን አንድነት እንድታስጠብቁልን እንጠይቃለን፤
2ኛ፤ ከምንም በላይ የተሰጣችሁን ሃይማኖታዊ ግዴታ በማስተዋል እርቀሰላሙ ሳይቋጭና የቤተ ክርስቲያን አንድነት ሳይመለስ ወደ ፓትርያርክ ምርጫ የሚደረገዉን ዝግጅት እንድትገቱ
በትኅትና እንጠይቃለን፤
3ኛ፤ የመንፈሳዊ መሪ አባት ምርጫ ጉዳይ በመንፈስ ቅዱስ መሪነት የሃይማኖት አባቶችና እንዲሁም የምእመናን ጉዳይ መሆኑን ከእኛ በላይ እናንተ ታዉቁታላችሁ። ስለሆነም ከቤተ
ክርስቲያኒቱ ቀኖና ውጭ የሚደረግ ጫና ካለ ይህን የመቋቋም መንፈሳዊ ጽናት እንድታሳዩ እንጠይቃለን፤
4ኛ፤ ከዓለም ዙሪያ የሚቀርበው የካህናትና የምእመናን ተማኅፅኖ ሰሚ አጥቶ ሢመተ ፓትርያርክ የሚፈጸም ከሆነ እንደ ደንቀዙ፣ እንደ ደብረ ታቦሩና እንደ ቦሩ ሜዳ በጉባኤ ለሊቃውንቱ
የመከራከሪያ ዕድል ተሰጥቶ የመጨረሻ ውሣኔ ያገኝ ዘንድ እናሳስባለን።
5ኛ፤ ለእኛ ለልጆቻችሁ ያልታየ፥ ለእናንተ ለአባቶቻችን ብቻ የታዬ ካለ፥ ከሢመተ ፓትርያርክ አስቀድሞ በዓለም ዙሪያ ተበትና ለምትገኘው ቤተ ክርስቲያን ሁኔታውን የሚያስረዳ ግብረ ኃይል
ከመንበረ ፓትርያርክ ቢልካልን።

የጀርመን አጥቢያ አብያተ ክርስቲያናት አስተዳዳሪዎች ካህናት፣ ዲያቆናትና ምእመናን የተማኅጽኖ ደብዳቤ አቀረቡ |
6ኛ፤ በተራ ቁጥር አምስት የተጠቀሰውን ለማድረግ ከወጭ አንጻር የማይቻል ሆኖ ከተገኘ በውጭ የምንገኝ ሊቃውንት፣ካህናትና ዲያቆናት በያለንበት ሀገረ ስብከት ባሉት ብፁዓን አባቶቻችን
መሪነት ጉባኤ እንድናካሂድ ዕድሉ ቢሰጠን።
አንዲት ሐዋርያዊት ቅድስት ቤተ ክርስቲያናችን በተመሠረተችበት የክርስቶስ ደም ጸንታ እንደምንትኖር እናምናለን።
ልዑል እግዚአብሔር አባቶችን ከፈተና፣ ቤተ ክርስቲያንን ከመከፋፈልና ምእመናንንም ከመበታተን ይሰውርልን።
«እረኛውም አንድ መንጋውም አንድ» ይሁንበኢትዮጵያ ኦርቶዶክስ ተዋሕዶ ቤተክርስቲያን
የጀርመን ሀገረ ስብከት ካህናት እና ምእመናን

በአላማጣ ወረዳ የተነሳውን ተቃውሞ ተከትሎ በርካታ ሰዎች ታሰሩ

ኢሳት ዜና:- ነዋሪዎቹ ለኢሳት እንደገለጹት ከተማዋን የወረሩዋት የፌደራል ፖሊሶች ተቃውሞውን አስነስተዋል በማለት የጠረጠሩዋቸውን ሰዎች ይዘው በማሰር ላይ ናቸው። ወጣቶችን ጨምሮ በከተማዋ እና በዙሪያ ባሉ የገጠር ቀበሌዎች የሚታወቁ የአገር ሽማግሌዎች ታስረዋል።ጥር ፪ (ሁለት) ቀን ፳፻፭ ዓ/ም

ወረዳው ባለስልጣናትን ህዝቡን ለማነጋገር ስብሰባ መጥራታቸውም ታውቋል። ነዋሪዎቹ እንደሚሉት በነገው እለት መንግስት የሚያቀርበውን አማራጭ በመስማት ምናልባትም ተመሳሳይ ተቃውሞ ሊካሄድ ይችላል።

ተማሪዎች ዛሬ ትምህርት አለመጀመራቸውን ለማወቅ ተችሎአል።

ልጃቸው በፖሊስ ኮማንደር የተገደለባቸው አባት ከሆስፒታል ወጥተው በወቅቱ ስለተፈጠረው ድረጊት ተናገሩ

ጥር ፪ (ሁለት) ቀን ፳፻፭ ዓ/ም

ኢሳት ዜና:- ታህሳስ  ፳፮(ሃያ ስድስት) ቀን ፳፻፭ ዓ/ም ልጃቸው  በፖሊስ ኮማንደር የተገደለባቸው አባት ከሆስፒታል ወጥተው በወቅቱ ስለተፈጠረው ድረጊት ተናገሩ

በጌዲዮ ዞን በዲላ ከተማ ኮማንደር ግርማ በየነ የተባለ የዞኑ የፖሊስ የሰው ሀብት ማደራጃ መምሪያ ሃላፊ ከ10 ቀናት በፊት አንድ የ14 አመት ታዳጊን ወጣት በሽጉጥ ገድሎ አባቱን  ደግሞ ማቁሰሉን መዘገባችን ይታወሳል።

የማቹ አባት አንገታቸው አካባቢ በመመታታቸው ወደ አዋሳ ሪቨራል ሆስፒታል ተወስደው የነበረ ሲሆን፣ ምንም እንኳ ጥይቱ ባይወጣላቸውም መጠነኛ መሻሻል አድርገው ወደ ቤታቸው ተመልሰዋል።

አቶ ሚፍታህ ሙሀመድ ለኢሳት እንደገለጹት ኮማንደሩ ልጃቸውን የገደለባቸው ያለምንም ምክንያት ሲሆን፣ ልጃቸው መሞቱን እንዳዩ ኮማንደሩን “ልጄን ገድለህ አትሄድም ” በማለታቸው እሳቸውንም እንደመታቸው፣ እንዳጋጣሚ ሆኖ ጥይቱ አንገታቸውን ሸርፎ በመሄዱ መትረፋቸውን ተናግረዋል፡፡ ደማቸው እየፈሰሰ ከኮማንደሩ ጋር ግብግብ ተያይዘው አብረው መውደቃቸውን፣ ጩሀት በማሰማታቸው አንድ የፖሊስ አዛዥ መድረሱንና ግለሰቡ መያዙን እርሳቸውም ብዙ ደም ፈሷቸው ስለነበር መዘረራቸውን ተናግረዋል::

ከባለስልጣኑ ጋር ምንም አይነት ግንኙነት እንዳልነበራቸው የተናገሩት አቶ ሚፍታህ ባለስልጣኑ በማን አለብኝነት ተነሳስቶ ያደረገው ሊሆን ይችላል ብለዋል።

ጉዳዩ በፖሊስ ቁጥጥር ስር ውሎ ምርመራ እየተካሄደበት መሆኑን የተናገሩት አቶ ሚፍታህ ፣ መጨረሻውን ፈጣሪ ብቻ ነው የሚያውቀው ብለዋል።

የዲላ ነዋሪዎች ወታቱ በተገደለ ማግስት ከፍተኛ ተቃውሞ በመሰማት ገዳዩ ለፍርድ እንዲቀርብ ጠይቀው እንደነበር መዘገባችን ይታወሳል። አንዳንድ ስማቸው እንዳይገለጥ የፈለጉ ሰዎች እንደሚሉት በአካባቢው ተወላጅ በሆኑትና ባልሆኑት ላይ ከፍተኛ አድልዎ ይታያል።

በጋዜጠኛ አበበ ገላው ላይ ታቅዶ የነበረውን የግድያ ሴራ በኖርዌይ የሚኖሩ ኢትዮጵያውያን አወገዙ

ኢሳት ዜና:- በጋዜጠኛና አክቲቪስት አበበ ገላው ላይ ሊቃጣ የነበረውን የግድያ ወንጀል ተከትሎ  በኖርዌይ የሚኖሩ ኢትዮጵያውያን በኖርዌይ ጥገኝነት ጠይቀው  የሚኖሩ የመንግስት ሰላዮችን ለማጋለጥ ከመቼውም ጊዜ በላይ  ቆርጠው መነሳታቸውን ለኢሳት በላኩት መግለጫ አስታውቃል።ጥር ፪ (ሁለት) ቀን ፳፻፭ ዓ/ም

“በአበበ ገላው ላይ ሊሰነዘር የነበረው የግድያ ወንጀል በኤፍቢአይ መርማሪዎች መክሸፉ ቢያስደስተንም፣ በስደት፣ ዲሞክራሲና ነፃነት በሰፈነበት አገር ወያኔዎች እንዲህ አይነት አስከፊ ወንጀል ለመፈፀም ማሰባቸው እጅግ አስቆጥቶናል፤በጣምም አበሳጭቶናል” በማለት ኢትዮጵያኑ ስሜታቸውን ገልጸዋል።

በኖርዌይ በተለያዩ አጋጣሚዎች የመንግስት ሰዎች  ለነፃነት፣ለዲሞክራሲና ለፍትህ በሚታገሉና በኖርዌይ በሚገኙ ወገኖች ላይ በአካል፣ በስልክ፣በኢ-ሜይልና በሌሎች መንገዶች ዛቻና ማስፈራሪያ ማድረጋቸውን ያስታወሱት ኢትዮጵያኑ፣  ለወደፊቱ እንዲህ አይነት ሁኔታ እንዳይከሰት  ፀረ ዲሞክራሲና ኢሰብአዊ ድርጊት ፈፃሚዎችን አጋልጠው በማውጣት ህጋዊ ምርመራ እንዲደረግባቸው እንደሚያደርጉ ገልጸዋል።

ከዚህ በፊት በተለያዩ የዜና አውታሮች እንደተዘገበው ወደ ኢትዮጵያ መመለስ የማይችሉና የጥገኝነት ጥያቄያቸው ውድቅ ተደርጎባቸው  በከፍተኛ ችግር ውስጥ የሚገኙ ኢትዮጵያውያን በኖርዌይ መኖራቸው ይታወቃል፡፡

የኑ እና እዩኝ” ኑዛዚያዊ የወያኔ ጥሪ

የህዝብ ድጋፍ የሌለው  የመከላከያ ሠራዊት በየትኛውም አለም ቢሆን ለድል የበቃበት ጊዜ አናሳ ነው። ወያኔዎች ሰሞኑን ከእየአቅጣጫው የተፈጠረባቸውን ውጥረት ለማላላትና ለማስተንፈስ ይረዱኛል ያሏቸውን የህብረተሰብ ክፍሎች “የኑ እና እዩኝ ኑዛዚያዊ ጥሪ” እያቀረቡ ነው።

እርግጥ ነው ሰራዊቱ በቡሬ ግንባር በመሪዎቹ አድሎአዊ ዘረኛ አስተዳደር ተማሮ እርስ በእርሱ በመታኮስ፤ የበርካታ የሰራዊት አባላት ሂዎት ሲቀጠፍ አይተናል፣ ሰምተናልም፤ ምንአልባት የእነ በረከት የቴሌቪዝን ካሜራ ይኼኛውን አላየው ይሆናል።

ሰራዊቱ ዛሬ በዘር መድሎ እየታሸ፣ ዘረኝነት ለስራ እድገትና ሹመት መመዘኛ በሆነበት፣ ስብእናው፣ ማንነቱ በህወሃት ካድሬዎች ተደፍሮ፣ ሙያው ተዋርዶ እና እርስበርስ ተከፋፍሎ ቀንን እየቆጠረ ባለበት ጊዜ፤ ይህንን ሰራዊት ኢትዮጵያዊ ውክልና ያለው አስመስለው፤ በክፉ ቀን ደራሽ አድረገው መቁጠራቸው ሞኝነት ነው።

ወያኔዎች መራራውን እውነት መራራም ቢሆን፤ በግልጽ የሚታይን፣  ያለውን እውነትና ነባራዊ ሁኔታ እስከመቼ በመካድ ራሳቸውን ሲያታልሉ ይኖራሉ? ሰራዊቱ በአሁኑ ሰአት በየግንባሩ እየከዳ ወደጎረቤት ሀገሮች በመሰደድ የተቃዋሚ ሃይሎችን እየተቀላቀለ ነው። ይህን የመከፋፈልና የመፍረስ ሃቅ ለመደበቅ የተቀነባበረ ትርኢት እናሳያችሁ ሲሉ ራሳቸውን ያታልላሉ።

በመከላከያ ሰራዊቱ ውስጥ ለዘረኛ መሪዎች የሀብት ማካበቻና የስልጣን እድሜ ማራዘሚያ ውድ ህይወቱን እንደ አልባሌ ነገር በሶማሊያ አደባባዮች እንደተፈጸመበት ሴራ ህይወቱን የሚገብርበት ቅንጣት ያህል ስሜት፣ ሁኔታ አሁን አይኖርም። በተለይም አበው የሰጡንን የታሪክ ማንነታችንንና ሃውልቶቻችንን በማፍረስ፣ አንድነታችንን በማናጋት ለበታተነን እና የአንድን ዘር የበላይነት መሰረት ላደረገ ስርአት፤ ሰራዊቱ ከቶ ክቡር  የሆነ ህይወቱን  አይለግስም።

ሰራዊቱ ከህዝብ አብራክ የወጣ ለህዝብ  በህዝብ የሆነ እንጅ በአሁኑ  ዘመን በገዛ ወገኑ ላይ ጥይት የሚያርከፈክፍበት ጊዜ ያለፈበት ለመሆኑ ከአረቡ አለም የጸደይ አቢዮት በተለይም ከግብጹ ህዝባዊ አቢዮት የህዝብ አሸናፊነት፣ ከመከላከያው ጠባቂነት ብዙ ትምህርት የቀሰመ ሠራዊት ነዉ።

እንግዲህ ይህን በዘርና በማንነቱ ከፋፍለው የያዙትን ሰራዊት፣ የእነሱን የከፋፍለህ ግዛ ጥቅም ያስከብርላቸው ዘንድ እየተመኙ ነገርግን ለፍርሃታቸው መደበቂያ አርቲስት ተብዪዎቹን በመጥራት “ኑ ጉልበታችንን እዩና ለህዝብ ንገሩ እኛ ብንናገር የሚሰማን የለም” ሲሉ መማጸናቸውን በቲቪ መስኮታቸው አይተናል። በርግጥ ነው አርቲስቶች የተከበረ ሙያቸውን ለዘር የፖለቲካ ስርአት፣ ህዝባዊ ውክልና ለሌለው አምባገነናዊ አገዛዝ መጠቀሚያ ማድረጋቸው በታሪክ ተጠያቂ ያስደርጋቸዋል።

ሰራዊቱ ሁሉም ዜጎች በእኩልነት የሚኖሩባት፣ አንድነቷ የተከበረባት፣ እውነተኛ ዲሞክራሲያዊት ኢትዮጵያን ለመመስረት በሚደረገው ማናቸውም የህዝብ ትግል ከህዝብ ጎን በመቆም የአበውን የጀግንነት አርአያ በመከተል ለአምባገነኖች የስልጣን እድሜ ማራዘሚያና በደሙ ውስኪ ከሚራጩበት ለወያኔ አዛዦች መጠቀሚያ ከመሆን እምቢ ሊል የግድ ይላል። ከህዝብ አብራክ የወጣ የሀገር ልጅ ለሀገር አንድነት ህልውና፣ ለነጻነት ጮራ ትግል እንቅፋት መሆን የለበትም።

ሁሌም ህዝብ አሸናፊ ነው፤ ሙባረክ በአለም አለ የሚባል የጦር ሰራዊትና የቴክኖሎጅ ብዛት የነበረው አምባገነን መሪ ነበር፤ ጋዳፊ የመከላከያ ጡንቻቸውን በቴሌቪዥን መስኮቱ ደጋግመው ለአለም ሲያሳዩ ሲኮፈሱ ነበር፤ ከቶ የአንዱም የሰራዊት ሃይል የህዝብ ቁጣ ማእበልን ሊገታው፣ ሊያቆመው አልተቻላቸውም። ታዲያ የኛዎቹ ትንሽዪ አምባገነን ዘረኛ መሪዎች ምን ሸቷቸው ይሆን የሰራዊት ህብረ-ትርኢት ማሳየት የጀመሩት?

ህወሃት ሁሉን እንደሚያውቅ እና ጥንካሬውን በአዋጅ እንዲናገሩለት በመረጣቸው እንደራሴዎች ሲያስነግር፣ ነገርግን በአንጻሩ ባዶነቱንና የድንጋጤው መጠኑ ማየሉን ለህዝብ እያሳየ መሆኑን ልብ ያለው አልመሰለንም፤ ታዲያ የኢትዮጵያ ህዝብ ከፍርሃት አረንቋ በመውጣት የአየሩ ትርኢት ሳያስደነግጠው ትንሽም ትልቅም ቢሆን በራስ አነሳሽነት በየአካባቢው ተደራጅቶ ትግሉን በማገዝ ወያኔን በማስገደድ ወይም የማስወገድና የማፋፋም ሚና መጫዎት ይኖርብናል።

ሰራዊቱ የህዝብ ነጻነትና መብት ሲጠበቅ፤ የእርሱም የነጻነትና ዲሞክራሲያዊ እኩልነቱ እንደሚጠበቅ ተረድቶ ህዝባዊ የነጻነት ትግል ጎራን መቀላቀል ብልህነት ነው።

Civil Society Crackdown in Ethiopia – Human Right Watch

By:Laetitia Bader, January 4, 2013,

On 1 January 2013, Ethiopia took up its seat on the United Nations Human rights Council. The uncontested election – Africa put forward five countries for five seats – has raised some eyebrows, given the country’s own poor rights record. Elected member countries are obliged to ‘uphold the highest standards in the promotion and protection of human rights’. Yet, in Ethiopia, hundreds of political prisoners languish in jails where torture is common and a crackdown on the media and civil society is in full swing.

The blogger Eskinder Nega exemplifies the fate of those who dare to speak out. Eskinder was arbitrarily arrested and jailed following the controversial 2005 elections. After his release from prison two years later, he was placed under ongoing surveillance and banned from publishing. Then, in 2011, he was rearrested, convicted in an unfair trial under Ethiopia’s broad terrorism law, and sentenced to 18 years in prison.

Since the 2005 elections, the human rights situation in Ethiopia has progressively deteriorated: the government has shut down legitimate political avenues for peaceful protest; and opposition leaders, civil society activists and independent journalists have been jailed or forced to flee. Furthermore, state-driven development policies, including large-scale agricultural development and ‘villagization’ programmes, have seen communities forcibly relocated from their traditional lands, without adequate consultation or compensation, to villages that lack basic services

The ruling party has passed a host of laws attacking the media and civil society, including the Charities and Societies Proclamation that has made independent human rights work in the country almost impossible. The state has frozen the assets of the last two remaining groups – the leading women’s rights organization, the Ethiopian Women Lawyers Association EWLA) – which has provided free legal aid to over 17,000 women – and the Human Rights Council (HRCO).

Ethiopia’s security forces have in recent years been implicated in crimes against humanity and war crimes in the Somali and Gambella regions. But Ethiopia has not only succeeded in stemming criticism at the national level but also internationally. And the worsening human rights situation has not dampened donors’ enthusiasm, even when their assistance has harmed democratic institutions or minority populations. Ethiopia’s friends and partners in the region should use its three-year term on the Council to put its rights abuses under the international spotlight. They should use debates to urge the Ethiopian government to release all political prisoners, lift unlawful restrictions on civil society and the media, and stop blocking visit requests byUNhuman rights experts.

Can Ethiopia became an African Economic Miracle?

Posted by dula | | 

Eric Schmidt, Google Chairman’s travel to North Korea to prod the regime about the importance of Internet access and technology is commendable; however Ethiopia, a U.S. ally has avoided such criticism and scrutiny despite subjecting its citizens to similar situation.

Ethiopia’s Internet access like North Korea’s is limited, strictly regulated, and allowed only with government approval. The Ethiopian government controls major resources, including land, banking, telecommunication, and keeps a record number of journalist, human rights activists, and opposition leaders in prison.

Both Ethiopia and North Korea suffer perennial famine and remain one of the poorest nations in their respective continents. Ethiopia’s per capita according to 2011 World Bank data is $374, while North Korea is $1200. Recently, the blocking of Skype by the Ethiopian government created uproar by the International community, but fizzled out without causing any major changes in government policy. Blocking access to technology puts Nations like Ethiopia and North Korea at Risk.

In 1996 at the dawn of the Internet, the U.S. government gave a grant through the Mickey Leland Foundation to wire all Ethiopian universities and high schools with broadband Internet services. The grant was in an effort to leapfrog Ethiopia’s access to technology in order to bring about economic growth at rates enjoyed by East Asian countries and help end its food dependency and perennial famine. The late congressman Mickey Leland died in Ethiopia in 1989 as he was trying to stave off hunger and famine in western Ethiopia. This grant was seen as the best chance to end Ethiopia’s perennial famine and backwardness and to transform it into an economically viable nation similar to other countries that improved their economy by leveraging technology

Prime Minister Meles Zenawi blocked the grant because it stipulated open access and competitive bidding for the installation of the network. The regime was afraid that the citizens of Ethiopia would use the power of the Internet to organize against the status quo that has been highly detested by the majority of Ethiopians primarily for the lack of democracy and government control on land and other resources.

During the 1996 project, Mr. David Shinn, the former U.S. Ambassador to Ethiopia, did everything he could to convince Meles to accept the grant and allow broadband access in order to end Ethiopia’s economic backwardness and perennial famine. Similar efforts by many other groups were aborted because of the regime’s fear of technology as well as lack of interest in leveraging technology for development in most parts of Ethiopia except in the province of Tigre, where Meles was from. In Tigre, the establishment of the Mekele Institute of Technology (MIT) was a break through. Unfortunately, the graduates from MIT are primarily deployed in cyber spying, blocking websites, and filtering email and phone conversations against the opposition.

According to the International Telecommunication Union (ITU), Ethiopia ranks at the bottom of nations in accessing and leveraging technology (see graph below). Even war torn Somalia has better Internet and mobile services than Ethiopia.

Many countries have been able to propel their economy and living standards by leveraging technology. Five years ago, an initiative to upgrade information technology was undertaken in the southwestern Shoa province in Ethiopia. This initiative was led by Ethiopian expatriates, David Levine and Phillip LeBel, two former Peace Corps volunteer teachers who had taught in Ethiopia in the 1960s, and Appropriate Technology Group where I served as director. The project focused on creating a technology corridor to make Ethiopia the outsourcing center of Africa in 10-20 years and to give alternative development to this highly densely populated and poor region stretching from Gibe River to Awassa.

The plan was to start by equipping 15 high schools in the area with computers and Internet access as part of a technology corridor with the elite of the students going to planned post-secondary institutions to form a core of technological innovation center that could help transform the region into a high-technology hub. The initial shipment was sent on July, 2009 to Djibouti with brand new servers, hubs, and various educational software on a container ship. However, when it reached Djibouti, the Ethiopian government refused to grant a permit to move the equipment into Ethiopia. They demanded an exorbitant tariff, though the organization had an approval from the Ethiopian Embassy and other concerned agencies in Ethiopia to donate the equipment to the schools through a nonprofit agency in Ethiopia. . The group was forced to abandon the project after several months of delays and failed negotiations inspite of U.
S. support for the initiative. .

Technology has become an important tool in increasing GDP and standard of living for many nations including China, India, and others. In Ethiopia, out of 85 million people, less than 700,000 or less than 1% of the population have limited Internet access. Besides deliberately limiting access, the cost to use the Internet is exorbitant. Most Internet access is extremely slow. Instead of broadband access, the country uses primarily dialup internet connection that costs more than high speed service. In addition, to establish a traditional dialup service often takes over six months. Part of the delay is due to a rigorous application process and in an effort to use censorship that is supervised by the national security agency. The agency keep records, blocks websites, radios, TVs, and maintains a total monopoly on all forms of information technology in use in the country.

Denial of access to technology to people and economy can cause incalculable harm. Meles took over Ethiopia in 1991 and a year later the Internet was born. Marc Andreesen from the University of Illinois, my alma Mater, unveiled the Internet browser- Mosaic in 1992 and Netscape in 1994. Since then companies like Amazon, Yahoo, AOL, eBay, Google, Facebook and more, were created and their total revenue alone is over a trillion dollars compared to Ethiopia’s $5.7 billion annual budget for 2011. Out of Ethiopia’s $5.7 billion, 42% or $2.4 billion comes from foreign aids and loans. Incidentally, the city of Houston, with a population 2.2 million has a budget of approximately $4.3 billion vs. $3.3 billion for Ethiopia with 85 million people.

Again according to the Word Bank, Ethiopians survive on a dollar a day as measured by their per capita income of $374 compared to $48,000 per capita income for the U.S.A. Ethiopia is also miserably poor compared with other African countries.
Despite these shocking poverty statistics, the Ethiopian regime like North Korea denies private ownership of Land, Telephone, Internet and other major industries, as well as makes it difficult to obtain education or government jobs unless one is a card carrying members of the ruling party.

One might ask why focus on access to technology or information technology. The answer is that many countries have been able to improve their economy and living standard by leveraging technology as witnessed by many successful economies such as those in East Asia. Overall, Information technology reduces transactions costs and it brings major increase in productivity and enables countries leveraging technology to better compete in the global economy. Despite these factual evidences, Ethiopians have been denied the opportunity to take advantages of this important tool for their economic development.

Many economists believe that there are two main factors that enable a country to enjoy rapid economic growth: discovery of natural resources  or leveraging technology or both. Ethiopia, despite its prime location, so far has not discovered any gas or oil, but it failed to take advantage of one factor that was readily available, leveraging technology, despite many opportunities to do so.

In its continuing effort to impose censorship by limiting access to Internet and technology, the regime is condemning entire generations of Ethiopians to ongoing poverty that could have been redressed by more open and forward-looking choices.

Like North Korea, Ethiopia has a new ruler, Hailemariam Desalegn. Can Eric Schmidt or President Obama pay a visit to Ethiopia to prod this Luddite regime to finally grant unfettered Internet and technology access to create a sustained and rapid economic growth in Ethiopia similar to the Asian Miracle.

Dula Abdu, is a former banker and professor of economics and has been promoting Internet access in the USA and in Africa. He can be reached at dula06@gmail.com.

ታማኝ በየነ

                      ታማኝ በየነ
                      ባመነበት የወሰነ
                      ወስኖ የሚሰራ
                      ለሚሰራው የማይፈራ
ዘልቆ ገደብ ለቋል የፍቅር ጥልቀቱ
ከኖረበት ምድር ደምና እትብቱ
አገር ቤትም ሆነ ከባህር ባሻገር
የትም የትም ቢሆን የትም ሀገር ቢኖር
የኢትዮጵያን ችግር ሲሰማ ሲናገር
የነጻነት ፍትህ ምሰሶና ማገር

ምሳሌ አታገኙም መሬትን ብትዞሩ
እንደታማኝ ያለ ለህዝብ ለአገሩ
አይፈራም ማንንም ይመስክር ስሙ
ታማኝ በየነ ነው ፀንቶ በአቋሙ
                               ሌላውማ ሌላውማ
                                       እማማ
እኔ ምን አገባኝ የሚሏትን ወግ
እሱ ነው ያረዳት ኢትዮጵያን እንደ በግ
አዳሪ ለሆዱ ክብሩን አስነጣቂ
ሲጣልበት ውሻ የእጅ እባሽ ናፋቂ
የሚታመን ጠፋ ለእውነት ያደረ
ውሽት ገኖ ናኝ በቀይሽ ከበረ
ሊወርድ ዘብጥያ እውነትም ታሰረ
ታሪክ ተረት ተረት ብስራት ተበሰረ
                                ሆኖም ግን ሆኖም ግን
                                        እማማ

ከአቅም በላይ ሆኖ ህዝብ ቢቸገርም
ታማኝ ደርሶልሻል አይዞሽ በዛው አይቀርም
እስከ ግዜው ድረስ ያቆየው በጤና
ለአገሩ ያብቃው ጥሩ ሰው ነውና
                                                                                             
                                                                                        ያሬድ ኤልያስ        ኖርዌይ ቴሌማርክ

የጋዜጠኛ ርእዮት አለሙ ይግባኝ ውድቅ ተደረገ

ኢሳት ዜና:-ርእዮት ዛሬ ሰበር ሰሚ ችሎት ባትቀርብም ጠበቃዋ፣ አባቷ እና ሌሎች የስራ ባልደረቦቿና ጓደኞቿ በችሎቱ ተገኝተው ውሳኔውን ሰምተዋል።ታህሳስ  ፴(ሰላሳ ቀን ፳፻፭ ዓ/ም

ሰበር ሰሚ ችሎቱ በርእዮት የቀረበው አቤቱታ የህግ ክፍተት የለበትም ሲል ውሳኔ አሳልፎአል።

ጋዜጠኛና መምህርት ርእዮት ጥር 17 ቀን 2004 ዓም በፌደራሉ ከፍተኛው ፍርድ ቤት 3ኛ ወንጀል ችሎት የ14 አመት ጽኑ እስራትና የ33 ሺ ብር ቅጣት እንደተወሰነባት ይታወሳል።

የርእዮት ጠበቃ ከፍተኛው ፍርድ ቤት ያስተላለፈውን ውሳኔ በመቃወም ይግባኝ ያሉ ሲሆን፣ የፌደራሉ ጠቅላይ ፍርድ ቤትም ውሳኔውን ከ15 አመት ወደ 5 አመት ዝቅ አድርጎት እንደነበር ይታወሳል።

በሰበር ሰሚ ችሎቱ ዛሬ የሰጠው ብይን ትክክል አለመሆኑን የህግ ባለሙያ የሆኑት ርእዮት አባት አቶ አለሙ ደምቦባ ገልጸዋል

‹‹ከእስረኞች ሁሉ ህገ-መንግስታዊ መብቴ ተጥሶ ዘመድ አዝማድ እና ጓደኛ እንዳይጠይቀኝ የተደረኩት እኔ ብቻ ነኝ››ሲል የአንድነት ፓርቲ አመራሩ አንዷለም አራጌ ገለጸ

ታህሳስ  ፴(ሰላሳ ቀን ፳፻፭ ዓ/ም

ኢሳት ዜና:-አንዷለም ይህን ያለው፤የገናን በዓል ምክንያት በማድረግ እንዲጠይቁት የተፈቀደላቸው የ አንድነት አመራሮች በቃሊቲ ተገኝተው በጎበኙት ጊዜ ነው።

ወጣቱ ፖለቲከኛ በዚሁ ጊዜ ቃሊቲ ለተገኙት  የአንድነት አመራሮች ፦”በፍቅርና በመተሳሰብ የምንኖርባት ኢትዮጵያ ትናፍቀኛለች”በማለት ህያው ራዕዩንና ውስጣዊ ምኞቱን ገልጾላቸዋል።

ከአንድነት ፓርቲ ከፍተኛ አመራሮች መካከል ዶ/ር ነጋሶ ጊዳዳ፣ የተከበሩ አቶ ግርማ ሰይፉ፣ አቶ ተመስጌን ዘውዴ፣ አቶ ዘካርያስ የማነብርሃን፣ አቶ ዳንኤል ተፈራ እና አቶ  ሙላት ጣሰው እና ከአስር በላይ የሚሆኑ አባላትም በመገኘት የአንዷለም የጤና ሁኔታና የእስር አያያዝ ምን እንደሚመስል ጠይቀዋል፡፡

አቶ አንዷለም በበኩሉ ከራሱ ይልቅ የገዥው ፓርቲ አፈናና ጭቆና እንዲሁም በዚህ ሁኔታ እየታገሉ ያሉ ባልደረቦቹ ጉዳይ እንደሚያሳስበው ገልጦ፤ በእሱ በኩል እንደቀረበበት ክስ በማንም ላይ በክፋት ባለመነሳቱ የህሊና ሰላም እንደሚሰማው ተናግሯል፡፡

አሁንም ኢትዮጵያና ፖለቲከኞቿ ስለፍቅርና መተሳሰብ ሊገባቸው አለመቻሉና በፍቅር ተሳስቦ መኖር የሚባለውን  መፍራታቸው ክፉኛ እንደሚያሳስበው ተናግሯል፡፡

በተያያዘም በቃሊቲ ከሚገኙ እስረኞች በተለየ ሁኔታ   በጠባብ ክፍል የታሰረና እንደማንኛውም እስረኛ ዘመድ አዝማድና ጓደኛ እንዳይጠይቀው የተደረገ ብቸኛ ታሳሪ መሆኑን በማረሚያ ቤቱ ኃላፊ ፊት ለፊት ተናግሯል፡፡

<<ለእኛ ቀርቶብን ለልጆቻችን እንኳን የተሻለ ማረሚያ ቤት ማስተላለፍ አለብን>> ያለው አንዷለም፤በተለየ መልኩ  እሱ ላይ ብቻ ያነጣጠረው የመብት ገፈፋ ተገቢ እንዳልሆነ  ፊት ለፊት ገልጧል፡፡

በዚህ ሃቅ የተበሳጩት ማረሚያ ቤቱ ኃላፊ፦ ‹‹ተነስ ግባ!› የሚል ዘለፋ የአንድነት አመራር አባላት በተገኙበት ፊት በብስጭት ተናግረዋል፡፡

የአንድነት አመራርና አባላትም የተጀመረው ትግል ግቡን እስኪመታና በፍቅርና መተሳሰብ የምንኖርባት ኢትዮጵያ እስከምትፈጠር ከትግሉ ሜዳ እንደማያፈገፍጉ  ለአንዷለም አረጋግጠውለታል፡፡